Psalm 67 in Yalunka

1 Tantun bɛtina, bɛti baane kuntigin xa. A xa ba kondenne ra. Sigi sariɲanxina.

2 Ala xa kininkinin en ma, Ala xa en baraka. Ala nɔrɔn xa godo en ma.

3 Nanara, dunuɲa birin i ya kiraan kolonɲɛ, siyane birin yi i ya marakisin kolon.

4 Siyane xa i tantun Ala, siyane birin xa i tantun!

5 Muxune xa ɲaxan, e bɛtin ba sɛwani, amasɔtɔ i siyane makitima tinxinna nin. I tixi dunuɲa muxune birin yɛɛ ra.

6 Siyane xa i tantun Ala, siyane birin xa i tantun!

7 Nayi, bɔxɔn donse gbegbe fima. Ala, en ma Ala en barakama nɛn.

8 Ala en barakama nɛn, bɔxɔn danna muxun birin yi gaxu a yɛɛ ra.