Psalm 120 in Yalunka
1 Ala Batu Banxi yisiga bɛtina. N yi tɔrɔni waxatin naxan yi, n yi n xui ramini Alatala ma, a yi n yabi.
2 Alatala n nakisi wuledene nun yanfantenne ma.
3 Ɛ tan wuledene, Ala nanse ligama ɛ ra, a ɛ saranma nanse ra?
4 A lan a xa ɛ tɔrɔ sofane xalimakunle nun tɛɛ wolonne nan na.
5 Tɔrɔn na a ra n tan xa, n lu ɛ tagi, ɛ tan Mesɛki kaane, n dɔxɔ ɛ yɛ alo Kedari bɔnsɔnna muxune wulaan kui.
6 N bata bu muxune tagi bɔɲɛ xunbenla mi rafan naxanye ma!
7 N na bɔɲɛ xunbenla fe fala, e tan yi yɛngɛn so.