Jeremiah 30:19 in Yalunka 19 Bɛti xuiin nun sɛwa xuiin minima nɛn e tagi. N na e rawuyama ayi nɛn, e mi fa xurunɲɛ ayi mumɛ! N binyen fima nɛn e ma, e mi fa rayelefuɛ sɔnɔn.
Other Translations King James Version (KJV) And out of them shall proceed thanksgiving and the voice of them that make merry: and I will multiply them, and they shall not be few; I will also glorify them, and they shall not be small.
American Standard Version (ASV) And out of them shall proceed thanksgiving and the voice of them that make merry: and I will multiply them, and they shall not be few; I will also glorify them, and they shall not be small.
Bible in Basic English (BBE) And from them will go out praise and the sound of laughing: and I will make them great in number, and they will not become less; and I will give them glory, and they will not be small.
Darby English Bible (DBY) And out of them shall proceed thanksgiving, and the voice of them that make merry: and I will multiply them, and they shall not be diminished; and I will honour them, and they shall not be small.
World English Bible (WEB) Out of them shall proceed thanksgiving and the voice of those who make merry: and I will multiply them, and they shall not be few; I will also glorify them, and they shall not be small.
Young's Literal Translation (YLT) And gone forth from them hath thanksgiving, And the voice of playful ones, And I have multiplied them and they are not few, And made them honourable, and they are not small.
Cross Reference Ezra 3:10 in Yalunka 10 Walikɛne to Alatala Batu Banxin bɛtɛn sa, e yi saraxaraline lu e danna, e maxidixi saraxaraliya dugine yi, xɔtane suxi e yii. E nun Lewine nan yi tixi na naxanye yi Asafi xabilani, kariɲanne suxi naxanye yii alogo e xa Alatala tantun alo Isirayila manga Dawuda a yita kii naxan yi.
Ezra 6:22 in Yalunka 22 E Buru Tetaren Sanla raba sɛwani xi solofere, bayo Alatala bata Manga Asiriya bɔɲɛn masara a yi e mali Ala Batu Banxin wanli, Isirayilaa Ala.
Nehemiah 8:12 in Yalunka 12 Yamaan birin yi siga e dɛgeden nun e mindeni. Se mi yi naxanye yii, e yi ndee so ne yii. E lu sɛwa gbeeni, bayo e bata yi falane famu naxanye yɛba e xa.
Nehemiah 8:17 in Yalunka 17 Muxun naxanye birin yi malanxi na, naxanye yi faxi sa keli konyiyani, ne birin yi bubune ti, e dɔxɔ e bubune yi. Keli Nunu a dii xɛmɛn Yosuwe a waxatin ma han na waxatini, Isirayila kaane munma yi na fe sifan liga singen, sɛwa gbeen yi lu e tagi.
Nehemiah 12:43 in Yalunka 43 Muxune yi saraxa wuyaxi ba na lɔxɔni, e sɛwa, bayo Ala bata yi sɛwa fe gbeen nagidi e ma. Ɲaxanle nun diidine fan yi sɛwa, Yerusalɛn sɛwa xuiin yi mɛma yire makuyeni.
Psalm 53:6 in Yalunka 6 Awa nayi, gaxun ne suxuma nɛn e tan naxanye mi yi gaxuma. Ala e kalama nɛn, a e rayarabi bayo e raɲaxu a ma.
Psalm 126:1 in Yalunka 1 Ala Batu Banxi yisiga bɛtina. Alatala mɔn faxina en tan muxu suxine ra Siyon taani, a liga nɛn en yɛɛ ra yi alo xiyen na a ra!
Isaiah 12:1 in Yalunka 1 I a falama nɛn na lɔxɔni, i naxa, “Alatala, n ni i tantunma. I yi xɔlɔxi n ma, koni i ya xɔlɔn bata xɛtɛ n fɔxɔ ra, i yi n madɛndɛn.
Isaiah 27:6 in Yalunka 6 Waxati famatɔne yi, Yaxubaa yamana a salenne raminima nɛn, Isirayila bɔnsɔnna yi a sonle nun a fugene ramini. A dunuɲa rafe a bogine ra.
Isaiah 35:10 in Yalunka 10 Alatala na naxanye xɔrɔya, ne fama mɛnna nin. E fama nɛn gbelegbelɛ ɲaxaɲaxani Siyon taani, habadan sɛwan yi e yɛtagini yalan. Ɲaxaɲaxan nun sɛwan luma nɛn e yi, sunun nun kutunna yi ɲan fefe!
Isaiah 51:3 in Yalunka 3 Alatala Siyon taan masabarima na kii nin, a yi kininkinin a yire kalaxine birin ma. A yi a tonbonna lu alo Eden nakɔna. A bɔxɔ xarene yi lu alo Alatalaa nakɔna. Sɛwan nun ɲaxanna luma nɛn a yi, bɛti xuine nun sigi xuine yi mɛ a yi.
Isaiah 51:11 in Yalunka 11 Alatala na naxanye xɔrɔya, ne xɛtɛma nɛn. E fama nɛn gbelegbelɛ ɲaxaɲaxani Siyon taani, habadan sɛwan yi e yɛtagini yalan. Ɲaxaɲaxan nun sɛwan luma nɛn e yi, sunun nun kutunna yi ɲan fefe!
Isaiah 52:9 in Yalunka 9 Ɛ xuini te, ɛ gbelegbele sɛwani ɛ bode xɔn ma, Yerusalɛn taa kalaxin muxune! Bayo Alatala a yamaan masabarima, a Yerusalɛn taan xunbama nɛn.
Isaiah 60:9 in Yalunka 9 Ige tagi bɔxɔne yigi saxi n tan nin, Tarasisi kunkine sigama kunkin bonne yɛɛ ra, sa fa ɛ diine ra sa keli yire makuyeni e nun e gbeti fixɛn nun e xɛmana Alatalaa xinla fe ra, ɛ Ala, Isirayilaa Ala Sariɲanxina, naxan nɔrɔn fixi ɛ ma.
Isaiah 60:19 in Yalunka 19 Sogen xa mi fa findima kɛnɛnna ra ɛ xa yanyin na, hanma kike dɛgɛna kɔɛɛn na, koni Alatala nan fa findima kɛnɛnna ra ɛ xa habadan, ɛ Ala yi findi ɛ binyen na.
Isaiah 60:22 in Yalunka 22 Naxan xurun ɛ tagi, na muxu wuli keden naminima nɛn, muxudina ɛ tagi, na bɔnsɔnna yi findi siya sɛnbɛmaan na. N tan Alatala, n na feene rabama nɛn mafurɛn, e waxatin na a li.
Isaiah 62:2 in Yalunka 2 Nayi, siyane ɛ tinxinna toma nɛn mangane birin yi ɛ binyen to, ɛ yi xili nɛnɛn sɔtɔ, Alatala na naxan fala a dɛɛn na.
Jeremiah 31:4 in Yalunka 4 Isirayila yama faɲina, n mɔn ɛ rasabatima nɛn, ɛ yamanan mɔn tima nɛn. Ɛ mɔn ɛ tanbanne maxama nɛn ɛ yi siga bodonlane fɔxɔ ra ɲaxaɲaxani.
Jeremiah 31:12 in Yalunka 12 E fama nɛn, e xuini te ɲaxaɲaxani Siyon geyaan xuntagi. E sɛwama nɛn Alatalaa nɛmaan birin na, murutun nun manpa nɛnɛn nun turen nun yɛxɛɛne nun siine nun ɲingene. E nii yifanma e ma nɛn alo igen saxi nakɔɔn naxan ma, e mi fa yigitɛgɛ mumɛ!
Jeremiah 31:27 in Yalunka 27 Alatalaa falan ni ito ra, a naxa, “Lɔxɔne fama, n mɔn muxune nun xuruseene rasabatima nɛn Isirayila nun Yuda yamanane yi, e wuya ayi alo muxun na sansiin xuya xɛɛn ma.
Jeremiah 33:9 in Yalunka 9 Nayi, taani ito findima nɛn sɛwan na n xa, e nun tantunna nun binyena bɔxɔ xɔnna siyane birin tagi, e na fe faɲine birin mɛ waxatin naxan yi n naxanye ligama e xa. E kuisanma nɛn e gaxu lan na fe faɲine nun bɔɲɛ xunbenla birin ma n naxanye fima e ma.’”
Jeremiah 33:22 in Yalunka 22 N na n ma walikɛɛn Dawuda yixɛtɛne rawuyama ayi nɛn, e nun Lewi bɔnsɔnna muxun naxanye n ma wanla ra alo kore xɔnna saren naxanye mi nɔɛ yatɛ, alo baan ɲɛmɛnsinna naxan yatɛn mi kolonɲɛ.’”
Ezekiel 36:10 in Yalunka 10 N muxune rawuyama ayi nɛn ɛ fari, Isirayila yamaan birin. Muxune dɔxɔma nɛn taane yi, e mɔn yi yire kalaxine ti.
Ezekiel 36:37 in Yalunka 37 “Marigina Alatala ito nan falaxi, a naxa: N mɔn tinma nɛn Isirayila yamaan xa n fen, n yi e mali. N muxune rawuyama ayi nɛn alo xuruseene.
Ezekiel 37:26 in Yalunka 26 N bɔɲɛ xunbeli layirin xidima nɛn nxu nun ne tagi, a findi habadan layirin na. N na e rasabatima nɛn, n yi e rawuya ayi, n yi n ma yire sariɲanxin lu e tagi habadan!
Zephaniah 3:14 in Yalunka 14 Siyon kaane, ɛ ɲaxan! Isirayila kaane, ɛ gbelegbele sɛwani! Yerusalɛn kaane, ɛ sɛwa ɛ bɔɲɛn ma feu!
Zechariah 2:4 in Yalunka 4 N yi maxɔdinna ti, n naxa, “Itoe faxi nanse ligadeyi be?” A yi n yabi, a naxa, “Fenni itoe nan Yuda raxuyaxi ayi fefe, han muxu yo mi fa nɔɛ a xunni tɛ. Koni xabuni itoe tan faxi e magaxudeni, e yi siya gbɛtɛne sɛnbɛne rabira, naxanye kelixi Yuda bɔxɔn xili ma alogo e xa Yuda kaane raxuya ayi.”
Zechariah 8:4 in Yalunka 4 Alatala Sɛnbɛn Birin Kanna ito nan falaxi, a naxa, “Xɛmɛ fonne nun ɲaxalan fonne mɔn dɔxɔma nɛn Yerusalɛn taan malandene yi, dunganna suxi e birin yii e siimaya xunkuyena fe ra.
Zechariah 8:19 in Yalunka 19 “Alatala Sɛnbɛn Birin Kanna ito nan falaxi, a naxa: Kike naaninden sunna, kike suulunden sunna, kike solofereden sunna e nun kike fuden sunna, ne findima nɛn Yuda bɔnsɔnna sɛwa lɔxɔne nun ɲaxaɲaxa lɔxɔne ra, e nun sali lɔxɔne. Koni ɲɔndin nun bɔɲɛ xunbenla xa rafan ɛ ma de!”
Zechariah 9:13 in Yalunka 13 Amasɔtɔ n bata Yuda yitɔn alo xanla, Efirami yi lu alo n ma xalimakunla. Siyon, n ni i ya dii xɛmɛne rakelima nɛn Girɛki kaane xili ma. N yi ɛ lu alo sofana silanfanna.
Zechariah 10:8 in Yalunka 8 N nan n ma yamaan xilima nɛn, n yi e malan. N na e xunbama nɛn, e mɔn yi wuya alo a fɔlɔni.
Zechariah 12:8 in Yalunka 8 Na lɔxɔni, Alatala Yerusalɛn kaane ratangama nɛn. Hali naxan bata tagan e yɛ, a yɛngɛn soma nɛn na lɔxɔni alo Dawuda. Dawuda yixɛtɛne fan luma nɛn alo Ala yɛtɛna, alo Alatalaa malekana e yɛɛ ra.
John 17:22 in Yalunka 22 I binyen naxan soxi n yii, n fan bata na so e yii, alogo e fan xa findi kedenna ra alo n tan nun i tan kedenna ra kii naxan yi,
1 Peter 1:7 in Yalunka 7 alogo ɛ dɛnkɛlɛyaan xa rasɛnsɛn. Hali xɛmaan naxan nɔɛ kalɛ, na raxulunma tɛɛn nan na, a rasɛnsɛn. Nayi, ɛ dɛnkɛlɛyaan naxan tɔnɔn gbo xɛmaan xa, na fan lan a rasɛnsɛn bunbaan xɔn, ɛ yi tantunna nun binyen nun xunna kenla sɔtɔ Yesu Alaa Muxu Sugandixin mini waxatini kɛnɛnni.