Jeremiah 31:9 in Sunwar 9 मेकोपुकी ङाक्ना ङाक्न जाक्नीम। गो मेको आन कली शिशी पा लेश्शा चाक्नुङमी। गो मेको आन कली खोला आ नेक्था गाक्पाइक्नुङमी। दाइल मपांइसीचा ङा पित्थ लांम खुल्नुङमी। मारदे हना गो इस्राएल आ आफ दुम्शो बाक्नुङ। मिनु एफ्राइम आं ङोंइती जरमेशो तौ बाक्ब।
Other Translations King James Version (KJV) They shall come with weeping, and with supplications will I lead them: I will cause them to walk by the rivers of waters in a straight way, wherein they shall not stumble: for I am a father to Israel, and Ephraim is my firstborn.
American Standard Version (ASV) They shall come with weeping; and with supplications will I lead them: I will cause them to walk by rivers of waters, in a straight way wherein they shall not stumble; for I am a father to Israel, and Ephraim is my first-born.
Bible in Basic English (BBE) They will come with weeping, and going before them I will be their guide: guiding them by streams of water in a straight way where there is no falling: for I am a father to Israel, and Ephraim is the first of my sons.
Darby English Bible (DBY) They shall come with weeping, and with supplications will I lead them; I will cause them to walk by water-brooks, in a straight way, wherein they shall not stumble; for I will be a father to Israel, and Ephraim is my firstborn.
World English Bible (WEB) They shall come with weeping; and with petitions will I lead them: I will cause them to walk by rivers of waters, in a straight way in which they shall not stumble; for I am a father to Israel, and Ephraim is my firstborn.
Young's Literal Translation (YLT) With weeping they come in, And with supplications I bring them, I cause them to go unto streams of waters, In a right way -- they stumble not in it, For I have been to Israel for a father, And Ephraim -- My first-born `is' he.
Cross Reference Exodus 4:22 in Sunwar 22 मिनु गे मेको कली ‘परमप्रभु यावेमी इन कली मार लोव़ पाप्तु देंशा हना, इस्राएल आं ङोंइती जरमेशो तौ बाक्ब। ब्यवस्था ३२:६
Deuteronomy 32:6 in Sunwar 6 मूर्ख नु निप्स मपाइश्शो मुरपुकी, मार, गे परमप्रभु यावे कली क्येक्क लेत्नीनी? मार, इन कली सेल्ब इन आफ मेको ममाइ ङा? मेको इन कली सेल्ब नु वोइक्ब बाक्ब।
1 Chronicles 29:10 in Sunwar 10 मिनु दाऊदमी मुर नेल्ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्नीनी।
Psalm 23:2 in Sunwar 2 आं कली रिम्शो घांस बाक्तीकेम इप्पाइक्ब। ब्रोव़शो ब्वाक्कु आ नेक्था चाक्दीप्ब। इजीकीएल ३४:१३-१४; प्रकाश ७:१७
Psalm 126:5 in Sunwar 5 मिनु ङाक्ना ङाक्न शोक्बपुकीमी ग्येरसीशा खुप्नीम। मत्ती ५:४
Isaiah 35:6 in Sunwar 6 खोइल मदुक्ब मुर किश्श खोदेंशो पा प्रेक्नीम। मब्वाक्बपुकीम ग्येरसीशा कुम्सो पाइनीम। मारदे हना मुर मबाक्तीकेम ब्वाक्कु बुक्नीम। गोरशो रागीमी खोला यीनीम।
Isaiah 40:3 in Sunwar 3 मिनु ब्रेप्ब मुर आ सेंदा कामी “मुर मबाक्तीकेमी परमप्रभु यावे आ लां सेलीन। गोरशो रागीमी इं परमप्रभु कली लां रिम्शो पा फुल्लु ग्रोक्शा थेलीने। लूका ३:४-६; यूहन्ना १:२३
Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Isaiah 43:16 in Sunwar 16 मिनु परमप्रभु यावेमी “सुमी समुन्द्रमी लां का सेल्बा? सुमी ठेयब ब्वाक्कुमी गाक्तीक लां सेल्बा ङा? प्रस्थान १४:२२; यहोसु ३:१६
Isaiah 49:9 in Sunwar 9 गो जेल्खानम बाक्ब आन कली ‘ग्रूङीन’, छिङछिङम बाक्ब आन कली ‘छेङछेङम ग्रूङीन’ देंचा कली ब्रेत्ताक्न। मेकोपुकी आं भेडा बाक्नीम। लांमी जोचा ताइनीम। गोरशो डांडा मेको आन रिम्शो पा जोतीके बाक्तीके दुम्ब।
Isaiah 57:14 in Sunwar 14 मिनु परमप्रभुमी “सेलीन, सेलीन। रिम्शो लां सेलीने। आं मुर आन गाक्तीक लां ङा दाइल पाइब फुल्लु याक्तीन” देंत। यसैया ४०:३; यसैया ६२:१०
Isaiah 63:13 in Sunwar 13 सुम मेको आन कली समुन्द्र आगा ङा लां रे पा खुला? मेकोमी गोरशो रागीम शारा आन कली गाक्पाइश्शो खोदेंशो पा दाइल मपपाइक्थु, गाक्पाइक्तु।
Isaiah 63:16 in Sunwar 16 गे आंइ आफ बाक्नीनी। मिनु अब्राहाममी आंइ कली मतुइश्शो बाक्त। इस्राएलम आंइ कली मतव। गे, परमप्रभु यावे, आंइ आफ, आंइ श्येत रे प्रोंइब बाक्नीनी। मेको साइ रे इन नें बाक्ब। ब्यवस्था ३२:६
Isaiah 64:8 in Sunwar 8 मो हना यो परमप्रभु यावे, गे आंइ आफ बाक्नीनी। गो खप नकी, गे खप के ग्योंब सेल्ब बाक्नीनी। गो नेल्ले इन सेल्शो नकी।
Jeremiah 3:4 in Sunwar 4 मार, गे मुल नक आं कली ‘आं आफ, आं ठिटी रे ङा वारच, देंते।
Jeremiah 3:19 in Sunwar 19 मिनु गो इन कली आंम आल आन दातेमी बाक्चा गेनुङ। गो इन कली रिम्शो रागी का गेनुङ। मेको रागी नेल्ल आन दाते ङा नेल्ल क्येङा दारशो रिम्शो रागी बाक्ब। मिनु गे आं कली ‘आं आफ’ देंनीनी। गे नोले मशोइक्ब दुम्नीनी, दे मिम्ताक्ङ। ब्यवस्था ७:६; ब्यवस्था ३२:६; ब्यवस्था ८:७; येरमीया ३:४
Jeremiah 31:20 in Sunwar 20 मिनु “मार, एफ्राइम आं दाक्शो तौ ममाइ ङा? मेको आ पर्बम गो मग्येरनुङा? गो मेको कली हुइक्ताक्ङ हना यो, मेको कली मिम्ना मिम्न बाक्ती। मोपतीके गो मेको कली मुल सम्म दाक्नुङ। गो मेको कली थमा पा शिशी पाइक्नुङ” दे परमप्रभु यावेम देंत। यसैया ४९:१५; होसे ११:८
Jeremiah 50:4 in Sunwar 4 मेको नाक्ती इस्राएल ङा मुरपुकी नु यहूदा ङा मुरपुकी काथा ङाक्ना ङाक्न परमप्रभु यावे, आन परमप्रभु कली माल्थ गाक्नीम। येरमीया ३१:९
Ezekiel 34:12 in Sunwar 12 दोपा गोठलापुकीमी एर ओंथ ब्रशो क्यारश भेडा आन दातेमी आंम क्यारश भेडा माल्दीनीमी, मोपान गो आं भेडा आन कली माल्थ लाइनुङ। क्येर गोस्सुम सुम्शो नाक्त ते ते ब्रशो आं भेडा आन कली श्येत रे प्रोंइनुङमी। लूका १५:४
Daniel 9:17 in Sunwar 17 मोपतीके आंइ परमप्रभु, इन गेय पाइब, आं देंशो नु पुंइशो लोव़ नेनीने। मिनु इन नें आ पर्बम इन ब्रेश्शो बाक्तीके कली लेंशा शिशी पा कोव़ङीन।
Hosea 12:4 in Sunwar 4 मेको परमप्रभु आ स्वर्ग ङा गेय पाइब नु राम्शी पा ग्रात। मेकोमी ङाक्शा “शिशी पाइय्यी” दे पुंइतु। मेकोमी परमप्रभु कली बेथेल सहरमी ग्रुमानु, परमप्रभुमी मेको नु लोव़ पाप्तु। उत्पत्ती ३५:१५
Zechariah 12:10 in Sunwar 10 मिनु परमप्रभुमी “गो दाऊद आ खिं ङा मुर नु यरूसलेममी बाक्ब मुर आन तारी शिशी पतीक नु पुंइतीक लोव़ पतीके सोक्त मोइक्नुङ। मो दुम्मेनु, आ साइश्शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्नीम। योएल ३:१; यूहन्ना १९:३७; प्रकाश १:७
Matthew 3:3 in Sunwar 3 साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा कामी ओदेंशो नेंसीब ‘प्रभु आ लां सेलीने। आ गाक्तीके फुल्लु ग्रोक्शा थेलीने’ देंशो नेंसीब” देंशो बाक्माक्त। मेको लोव़ पाइब यूहन्ना बाक्माक्त। यसैया ४०:३; यूहन्ना १:२३
Matthew 5:4 in Sunwar 4 आन थुं खाइश्शोपुकी आसीक राइनीम। मारदे हना आन थुं नाइक्चा ताइनीम। भजन संग्रह १२६:५; प्रकाश ७:१७
Matthew 6:9 in Sunwar 9 ओदें प्रार्थना पने ‘स्वर्गम बाक्ब आंइ आफ, इन नें ठेयब बाक्ल। लूका ११:२-४; इजीकीएल ३६:२३
Luke 3:4 in Sunwar 4 साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा का नेंसीब। मेकोमी मार देंब देंशा हना, प्रभु आ लां सेलीने। आ गाक्तीकेम फुल्लु ग्रोक्शा थेलीने। यसैया ४०:३-५
Luke 6:21 in Sunwar 21 मुल जचा मतथु बाक्बपुकी, ग्येरसीने, मारदे हना परमप्रभु यावेमी इन कली रूथ्री जचा गेब। मुल श्येत जशा, ङाक्न ङाक्न बाक्शोपुकी, ग्येरसीने। मारदे हना नोले ग्येरसीशा बाक्चा ताइनीनी। प्रकाश ७:१६-१७
Romans 8:26 in Sunwar 26 गोपुकीमी परमप्रभु यावे कली आस पा बाक्यानु, परमप्रभु यावे आ सोक्तीमी इं मतुइश्शो तुइक्ब। मिनु गो मार पुंइचा, दे मतुइक्ताक्क हना यो, इं पर्बम हिंमा क्येम्स पा पुंइब।
2 Corinthians 6:18 in Sunwar 18 मिनु गो इन आफ दुम्नुङ। मिनु गेपुकी आं तमी तौ दुम्नीनी” दे नेल्ल सक्ति पाइश्शो परमप्रभु यावेमी देंत, दे ब्रेक्शो बाक्ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१
2 Corinthians 7:9 in Sunwar 9 इन थुं खाइश्शो तुइश्शा, गो मग्येरसीङ। आं ब्रेक्शो टिशा, इन थुं लेत्ताक्नी। गेपुकीम “परमप्रभु यावेमी इं कली लां कोंइचा नु रिम्शो सेल्चा कली थुं खाइक्पाइक्की बाक्त” दे रुप्तीनी। मोपतीके गो इन थुं लेश्शो तशा ग्येरसाक्यी।
Hebrews 5:7 in Sunwar 7 येसु मुर दुम्शा, रागीम बाक्मेनु, प्रेक्कु तोक्शा गोंगों पा ङाक्शा आ कली बेक्शो रे सेंब कली पुना बाक्त। परमप्रभु यावे कली मान पा हिंशा, मुर आन पर्बम पुना बाक्त। मिनु आ पुंइशो तवा बाक्त। मत्ती २६:३९-४६
Hebrews 12:13 in Sunwar 13 लां ब्रेम्शो सेल्शा, रिम्शो पा थेक्शा गाक्कीन। सुइ दशा, खोइली खाइश्शा, आन पोक्च मबुइक्ल। रिम्शो पा गाक्शा, आन दशो सामल। हितोपदेस ४:२६-२७
Hebrews 12:23 in Sunwar 23 आन नें स्वर्गम ब्रेक्चा पुंइसीशा, इन क्येङा ङोंइती जाक्दीश्शा, पाप रे ब्रोंइशा ग्येरशा बाक्चा ताइबपुकी बाक्नीम। परमप्रभु यावेमी मुर नेल्ल आन कली निसाफ पाइब आ नेक्था बाक्नीम। लूका १०:२०
Revelation 7:17 in Sunwar 17 मारदे हना मेको ठेयब नित्तीके आ दातेमी बाक्शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्वाक्कु बुक्तीके कोंइब। मोपा परमप्रभु यावेमी मेको आन प्रेक्कु फिक्ब” देंत। भजन संग्रह २३:२; प्रकाश २१:४; यसैया २५:८