1 Peter 5:8 in Sunwar

8 गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

Other Translations

King James Version (KJV)

Be sober, be vigilant; because your adversary the devil, as a roaring lion, walketh about, seeking whom he may devour:

American Standard Version (ASV)

Be sober, be watchful: your adversary the devil, as a roaring lion, walketh about, seeking whom he may devour,

Bible in Basic English (BBE)

Be serious and keep watch; the Evil One, who is against you, goes about like a lion with open mouth in search of food;

Darby English Bible (DBY)

Be vigilant, watch. Your adversary [the] devil as a roaring lion walks about seeking whom he may devour.

World English Bible (WEB)

Be sober and self-controlled. Be watchful. Your adversary the devil, walks around like a roaring lion, seeking whom he may devour.

Young's Literal Translation (YLT)

Be sober, vigilant, because your opponent the devil, as a roaring lion, doth walk about, seeking whom he may swallow up,

Cross Reference

Judges 14:5 in Sunwar

5 मिनु नोले सिम्‍सोन आ आम आफ नु तिम्‍नाहमी ब्रुम्‍माक्‍त। मिनु मेकेर ङा अङगुर रूमी जाक्‍दीम्‍माक्‍त। मिनु मेकेर ठिटा गुप्‍स का ग्रूशा, मेको कली ग्राम्‍दा बाक्‍त।

Esther 7:6 in Sunwar

6 मिनु एस्‍तरमी “मेको श्‍येत गेब, मरिम्‍शो मुर एको हामान बाक्‍ब” देंत। मिनु हामान पिप नु पिपीम आ ङोंइती हिंशा, सेंदा का यो ग्रुंइने मचब।

Job 1:6 in Sunwar

6 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। अय्‍युब २:१; उत्‍पत्ती ६:२; १इतिहास २१:१

Job 2:2 in Sunwar

2 मिनु परमप्रभु यावेम सैतान कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।

Psalm 104:21 in Sunwar

21 मिनु गुप्‍स आ चाइक्‍बपुकीमी सिखार माल्‍शा, ग्रीशा आन जचा थोव़क परमप्रभु आ गुइ रे पुंइनीम।

Psalm 109:6 in Sunwar

6 मेकोपुकीमी मेको कली दोस गेचा कली परमप्रभु आ अरेशो मटीब का वोतीन। मेको कली दोस गेचा कली मेको आ ग्‍युरा गे राप्‍चा माल्‍ब। मत्ती ५:४३,४४; लूका २३:३४

Proverbs 19:12 in Sunwar

12 पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

Proverbs 20:2 in Sunwar

2 पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४

Isaiah 5:29 in Sunwar

29 मेको आन रेयके गुप्‍स आन ग्रीशो खोदेंशो बाक्‍ब। मेको गुप्‍स आ चाइक्‍ब खोदेंशो पा ङरर ङरर पाइनीम। मेको आन सिखार कली सुइम प्रोंइने मचाप्‍नीम।

Isaiah 14:12 in Sunwar

12 गे सुनी आ तौ, सुकुर सोरुल, दोपा सरीङ रे दोक्‍ङे? रागी रागी ङा मुर आन कली ग्राब, दोपा क्‍योरचा पुंइसीशा दोक्‍ङे?” देंनीम।

Isaiah 50:8 in Sunwar

8 “गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३

Jeremiah 2:15 in Sunwar

15 गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

Jeremiah 51:38 in Sunwar

38 मेकेर ङा मुर नेल्‍ल गुप्‍स खोदेंशो पा ग्रीनीम। मेकोपुकी गुप्‍स आन चाइक्‍ब खोदेंशो पा ङरर ङरर पाइनीम।

Ezekiel 19:7 in Sunwar

7 मेकोम मुर आन बोल्‍यो दरवार प्रेत्‍तु। मिनु मेको आन सहर खतम सेल्‍तु। मेको आ ङोरशो नेंशा, रागी नु मेकेर बाक्‍ब नेल्‍ल हिंतेक्‍म।

Ezekiel 22:25 in Sunwar

25 मेकेर बाक्‍ब पिप आ तौ आन सिखार ग्‍याइश्‍शो ङरर ङरर पाइब गुप्‍स खोदेंशो बाक्‍नीम। मेकोपुकीम मुर आन कली नेक्‍तेक्‍म। शोंप नु शुश क्‍येट लाइब, मार मार रोइक्‍ताक्‍म। मिनु मेको आन दाते ङा शुश मीश मुर आन कली वोंइश बेक्‍शो मीश मुर सेल्‍तेक्‍म। इजीकीएल ३४:३,८; सेफन्‍याह ३:३; भजन संग्रह १४:४

Daniel 6:24 in Sunwar

24 मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।

Hosea 11:10 in Sunwar

10 मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

Hosea 13:8 in Sunwar

8 चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।

Joel 3:16 in Sunwar

16 परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

Amos 1:2 in Sunwar

2 मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६

Amos 3:4 in Sunwar

4 मार, सिखार मथित्‍तु हना, ब्‍वाकीम गुप्‍स ग्रीबा ङा? मार, गुप्‍स आ चाइक्‍बम मारेइ मथित्‍थु मेको आ पुक्‍खीमी ङरर ङरर पाइबा ङा?

Amos 3:8 in Sunwar

8 गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?

Zechariah 3:1 in Sunwar

1 मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०

Zechariah 11:3 in Sunwar

3 गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।

Matthew 4:1 in Sunwar

1 मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;

Matthew 4:11 in Sunwar

11 मिनु सैतानमी येसु कली प्रोंइशा लमाक्‍त। मिनु मार दुम्‍माक्‍त देंशा हना, परमप्रभु यावे आ स्‍वर्ग ङा गेय पाइबपुकी जाक्‍शा, येसु कली गेय पामे बाक्‍त। यूहन्‍ना १:५१; हिब्रू १:६,१४

Matthew 13:39 in Sunwar

39 सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।

Matthew 24:42 in Sunwar

42 इन प्रभु गेना जाक्‍बा, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २५:१३

Matthew 24:48 in Sunwar

48 मरिम्‍शो थुं पाइश्‍शो गेय पाइबमी चहिं आ होव़प लम नोले ‘इच्‍ची ना मजाक्‍ब’ दे मिम्‍शा, २पत्रुस ३:४

Matthew 25:41 in Sunwar

41 मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

Luke 12:45 in Sunwar

45 तन्‍न मेको गेय पाइबमी ‘आं होव़प इच्‍का नोले जाक्‍ब’ दे मिम्‍शा, मेकोमी गेय पाइब वोंइश मुर, मीश मुर आन कली तुप्‍शा श्‍येत गेशा, जशा तूशा, दुक्‍शा पाप्‍तु हना,

Luke 21:34 in Sunwar

34 आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

Luke 21:36 in Sunwar

36 मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

Luke 22:31 in Sunwar

31 मिनु प्रभुमी सिमोन पत्रुस कली “ए सिमोन, नेनो। सैतानमी गे इ कली चेरब खोदेंशो पा क्राप्‍चा गेयीनी, दे पुंइशो बाक्‍ब। २कोरिन्‍थी २:११

John 8:44 in Sunwar

44 इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

Romans 13:11 in Sunwar

11 आं देंशो टिशा रिम्‍शो पने। सेंसीशा बोक्‍शो खोदेंशो दुम्‍य। मारदे हना साइ थमा सुइक्‍ब दुम्‍शो नाक्‍त क्‍येङा मुल परमप्रभु यावे नु बाक्‍ची नाक्‍ती इ नेक्‍था जाक्‍त, दे तुइक्‍तय। १थिस्‍सलोनिकी ५:६-८; एफिसी ५:१४

Ephesians 4:27 in Sunwar

27 मोपा सैतान कली गेय पचा मगेने।

Ephesians 6:11 in Sunwar

11 मिनु परमप्रभु यावे आ गेशो या नेल्‍ल लतीन। सैतानमी आ मरिम्‍शो थुंमी इन कली खतम सेल्‍चा माल्‍तु हना, गेपुकी परमप्रभु यावे आ गेशो यामी ग्रानीनी।

1 Thessalonians 5:6 in Sunwar

6 मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। १पत्रुस ५:८

1 Timothy 2:9 in Sunwar

9 मीश मुरपुकी यो ठीक पा फेक्‍शा, गेय पचा ङोंइती मिम्‍शा, रिम्‍शो बाक्‍चा माल्‍नीम। मोपा चांमी मार मार वोइश्‍शा लामा प्रोव़शा, सुन मोती नु शुश क्‍येट लाइब वामी मग्‍योम्‍समल। १पत्रुस ३:३-५

1 Timothy 2:15 in Sunwar

15 मो हना यो मीश मुरपुकी रागीम आल जरमेसे ङा मेरे ब्रोंइचा ताइनीम। तन्‍न मेकोपुकी थमा सुइक्‍ब दुम्‍शा, दाक्‍मुशा, परमप्रभु यावे आ मुर दुम्‍शा नु ठेयब मलेत्‍थु बाक्‍चा माल्‍नीम। १तिमोथी ५:१४; तीतस २:४-५

1 Timothy 3:2 in Sunwar

2 थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।

1 Timothy 3:11 in Sunwar

11 आ मीश यो रिम्‍शो बाक्‍शा, डुलेथ मगाक्‍थु, गेय पचा ङोंइती मिम्‍ब बाक्‍चा माल्‍ब। मेको आ गेय नेल्‍ले रिम्‍शो पा पचा माल्‍ब। तीतस २:३

2 Timothy 4:17 in Sunwar

17 तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

Titus 1:8 in Sunwar

8 थमा सुइक्‍ब आन कली कोव़ब चहिं बास गेब, रिम्‍शो गेय दाक्‍ब, रिम्‍शो नु मरिम्‍शो तुइक्‍ब, ठीक गेय पाइब, थमा पा परमप्रभु आ गेय पाइब नु आंम रां चलेस जोक्‍ब मुर बाक्‍चा माल्‍नीम।

Titus 2:2 in Sunwar

2 गे खाल्‍पा आन कली मार शेंचा माल्‍नेवे देंशा हना, रिम्‍शो मिम्‍ने चाप्‍ब, मान पाइक्‍चा शिरशो मुर, गेय पचा क्‍येङा ङोंइती मिम्‍ब, आन थमा सुइक्‍चा, आन दाक्‍चा नु आन फाल्‍चा ङा सक्ति ठीक दुम्‍शा बाक्‍चा माल्‍नीम, दे शेंचा माल्‍नेवे। १तिमोथी ५:१

Titus 2:4 in Sunwar

4 मोदेंशो पा खाल्‍पीपुकीमी आन क्‍येङा आल मीश मुर आन कली आन वोंइश नु आन आल आन कली दाक्‍चा माल्‍ब, दे शेंचा माल्‍नीम।

Titus 2:6 in Sunwar

6 मोदेंशो पा गे इ क्‍येङा आल वोंइश मुर आन कली “गेय पचा क्‍येङा ङोंइती मिम्‍चा माल्‍ब” दे शेंचा माल्‍नेवे।

Titus 2:12 in Sunwar

12 मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

James 4:7 in Sunwar

7 गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९

1 Peter 1:13 in Sunwar

13 मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

1 Peter 4:7 in Sunwar

7 रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

1 John 3:8 in Sunwar

8 सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

Revelation 12:9 in Sunwar

9 मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

Revelation 12:12 in Sunwar

12 मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।

Revelation 20:2 in Sunwar

2 मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब।प्रकाश १२:९

Revelation 20:10 in Sunwar

10 मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०