1 Peter 5:10 in Sunwar 10 मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
Other Translations King James Version (KJV) But the God of all grace, who hath called us unto his eternal glory by Christ Jesus, after that ye have suffered a while, make you perfect, stablish, strengthen, settle you.
American Standard Version (ASV) And the God of all grace, who called you unto his eternal glory in Christ, after that ye have suffered a little while, shall himself perfect, establish, strengthen you.
Bible in Basic English (BBE) And after you have undergone pain for a little time, the God of all grace who has given you a part in his eternal glory through Christ Jesus, will himself give you strength and support, and make you complete in every good thing;
Darby English Bible (DBY) But the God of all grace who has called you to his eternal glory in Christ Jesus, when ye have suffered for a little while, himself shall make perfect, stablish, strengthen, ground:
World English Bible (WEB) But may the God of all grace, who called you to his eternal glory by Christ Jesus, after you have suffered a little while, perfect, establish, strengthen, and settle you.
Young's Literal Translation (YLT) And the God of all grace, who did call you to His age-during glory in Christ Jesus, having suffered a little, Himself make you perfect, establish, strengthen, settle `you';
Cross Reference Exodus 34:6 in Sunwar 6 मिनु परमप्रभु यावे मोसा आ नेक्था गाक्ना गाक्न “यावे, यावे, शिशी पाइब नु दाक्ब परमप्रभु बाक्ब। रीब पा मगाइक्ब। गेना हना यो शिशी पाइब नु आ दाक्चा मप्रोंइब बाक्ब। प्रस्थान ३३:१८-२६; गन्ती १४:१८; भजन संग्रह १०३:८; नहुम १:३; १यूहन्ना ४:१६
Psalm 86:5 in Sunwar 5 परमप्रभु, गे रिम्शो पाइब नु माफ गेब बाक्नीनी। इन कली पुंइब नेल्ल आन कली गेना हना यो दाक्नीनी।
Psalm 86:15 in Sunwar 15 तन्न परमप्रभु, गे दाक्ब नु शिशी पाइब परमप्रभु बाक्नीनी। रीब पा मगाइक्ब, गेना हना यो दाक्शा मप्रोंइब बाक्नीनी। भजन संग्रह १०३:८; प्रस्थान ३४:६
Psalm 138:7 in Sunwar 7 मिनु गो शुश श्येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्शो रे प्रोंइनीनी। गे इन सक्तिमी आं कली प्रोंइनीनी।
Micah 7:18 in Sunwar 18 इन खोदेंशो परमप्रभु अर्को सु बाक्बा ङा? गे ठीक मपशो क्याम्ब बाक्नीनी। इन लीशो मुर आन मरिम्शो पतीके माफ गेनीनी। गे गेना हना यो गाइक्स ङा गाइक्स मबाक्नीनी। तन्न शिशी पचा कली ग्येरशा बाक्नीनी। भजन संग्रह १०३:३,८-१३
Zechariah 10:6 in Sunwar 6 गो यहूदा आ खिं ङा मुर आन कली बोल्यो सेल्नुङ। योसेफ आ खिं ङा मुर आन कली श्येत रे प्रोंइनुङ। मेको आन कली ङोंइती ङा खोदेंशो सेल्नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्शो खोदेंशो दुम्नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्नुङमी।
Zechariah 10:12 in Sunwar 12 गो मेको आन कली परमप्रभु यावे कली थमा सुइक्तीकेम बोल्यो सेल्नुङ। मिनु मेकोपुकी मेको आं नेंम गाक्नीम” दे परमप्रभु यावेमी देंत।
Luke 22:32 in Sunwar 32 गो चहिं इ पर्बम परमप्रभु यावे कली ‘पत्रुस कली थमा सुइक्चा प्रोंइपाइक्चा मगेने’ दे पुंइता। गे नोले थमा पा इ थुं परमप्रभु यावे गे लेश्शा थमा सुइक्नेवे। मिनु थमा सुइक्ब आन कली ‘थमा सुइक्चा मप्रोनीन’ दे आन थुं बारपतो” दे अर्ती गेवा बाक्त। यूहन्ना १७:११,१५
Romans 5:20 in Sunwar 20 परमप्रभु यावेमी आ अरेशो लोव़ ब्रेक्पदा रे पाप तुइक्ना तुइक्न लाम्तेक्म। मिनु पाप ठेयब दुम्मेनु, परमप्रभु यावे आ शिशी मेको क्येङा ठेयब दुम्त। रोमी ७:८,१३; गलाती ३:१९
Romans 8:28 in Sunwar 28 गो परमप्रभु यावे आ योव़शो, मेको कली दाक्बपुकीमी दोदेंशो श्येत जाम्तेक्म हना यो, दोदेंशो ग्येरसाक्म हना यो, मार दुम्त हना यो, इं कली रिम्शो दुम्ब, दे तुइश्शो बाक्नय। एफिसी १:११
Romans 9:11 in Sunwar 11 मेको आल निम्फामी रिम्शो मरिम्शो मारेइ मतुइक्थु, आस जरमेचा ङोंइती परमप्रभु यावेमी का कली योव़ङा बाक्त। आल आ पशो तशा, योव़शो ममाइ। परमप्रभु यावे आ दाक्शो पा ब्रेश्शो बाक्त।
Romans 9:24 in Sunwar 24 इं यहूदी कली ला ब्रेश्शो योव़शो ममाइ। अर्को रागी ङा मुर आन कली यो ब्रेश्शा, आ मुर सेल्शा, आ नु बाक्चा ताइब सेल्तीमी।
Romans 15:5 in Sunwar 5 फाल्तीक सक्ति गेब नु थुं बारपाइक्ब परमप्रभु यावेमी इन कली थुं का दुम्शा, दुशा गारशा बाक्चा गेवल। दुशा गारशा बाक्तीनी हना, ख्रीस्त येसु आ गेय पाइब दुम्नीनी। फिलिप्पी २:२
Romans 15:13 in Sunwar 13 आस गेब परमप्रभु यावे आ सोक्तीमी इन कली शुश ग्येरपा, थुं नाइक्पा बाक्चा गेवल। मोपा इन थमा सुइक्तीकेमी ठेयब आस पा बाक्कीन।
Romans 16:25 in Sunwar 25 परमप्रभु यावेमी इन कली आ ग्येरपाइक्तीक लोव़ नु येसु ख्रीस्त आ पर्बम शेंतीक नेंशा, बोल्यो पा थमा सुइक्ब सेल्ने चाप्ब, दे तुइक्ताक्ङ। मोपा साइ ङा ख्रुइश्शो लोव़ नेल्ल तुइक्पाइश्शो बाक्ब। १कोरिन्थी २:७; एफिसी १:९; एफिसी ३:४-९
1 Corinthians 1:9 in Sunwar 9 परमप्रभु यावेमी इन कली आ तौ इं प्रभु येसु ख्रीस्त नु गेना हना यो काथा बाक्चा कली योव़तु। मिनु आ देंशो लोव़ नेल्ल खाप्ब। १थिस्सलोनिकी ५:२४
2 Corinthians 4:17 in Sunwar 17 मारदे हना मुल जशो श्येत इच्का ला बाक्ब। नोले मेकोमी इं कली मरुप्चा ङा ठेयब छेङछेङमी बाक्चा गेब। रोमी ८:१७-१८; १पत्रुस १:६
2 Corinthians 13:11 in Sunwar 11 आं लोक्बपुकी, मुल रिम्शो बाक्कीन। रिम्शो पने। आं लोव़ नेंशा टीब दुमीने। इन दातेमी गारमुने। थुं नाइश्शा बाक्कीने। दाक्तीक नु थुं नाइक्तीक गेब परमप्रभु यावे गेपुकी नु बाक्ल। फिलिप्पी ४:४; रोमी १५:३३
Philippians 4:13 in Sunwar 13 आं कली सक्ति गेब आ नेंमी गो नेल्ल पने चाप्नुङ। २कोरिन्थी १२:१०
Colossians 1:22 in Sunwar 22 मुल येसु ख्रीस्तमी आ रां साइक्चा गेशा, इन कली परमप्रभु यावे आ मुर दुम्पाइक्तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्शा, आ ङोंइती राप्पाइक्तु। एफिसी ५:२७
Colossians 2:7 in Sunwar 7 खप आगामी शाक्श थोक्शो रवा खोदेंशो पा, ख्रीस्त आगा ङा बोल्यो मुर दुम्शा बाक्कीन। दोपा शेंसीनी, मोपा बोल्यो पा थमा सुइश्शा, परमप्रभु यावे कली “गे रिम्शो पाइतीनी” दे शुश देंना देंन बाक्कीन। एफिसी ३:१७
1 Thessalonians 2:12 in Sunwar 12 “परमप्रभु यावे आ मुर दुम्शा, मेको आ ङोंइती शिरशो दुम्शा बाक्कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्य नु आ छेङछेङमी बाक्चा गेचा कली ब्रेप्ब। एफिसी ४:१-२; फिलिप्पी १:२७
2 Thessalonians 2:14 in Sunwar 14 गोपुकीमी इन कली ग्येरपाइक्ब लोव़ पकानु, मेकोमी इं प्रभु येसु ख्रीस्त आ छेङछेङ पाइश्शो मुर दुम्मल, दे इन कली ब्रेत्ताक्व।
2 Thessalonians 2:17 in Sunwar 17 इन थुं बारपाइश्शा, इन कली रिम्शो गेय नु रिम्शो लोव़ पचा गेम्सेक्ल।
2 Thessalonians 3:3 in Sunwar 3 प्रभुमी चहिं इन कली दाक्शा मप्रोंइब। इन थुं बारपाइक्ब। मरिम्शो रे ङोन वोइश्शा, इन कली कोव़ब। १थिस्सलोनिकी ५:२४; यूहन्ना १५:१७
1 Timothy 6:12 in Sunwar 12 थमा सुइश्शा ग्राङो। “गेना हना यो परमप्रभु यावे नु बाक्ब दुम्ती” दे मिम्तो। गे शुश मुर आन ङोंइती इ थमा सुइश्शो आ पर्बम रिम्शो लोव़ पाप्तीवी। मेना गे गेना हना यो ब्रोंइशा बाक्चा ताइब, दे ब्रेत्चा पुंइसीशो बाक्ते। १तिमोथी १:१८; १कोरिन्थी ९:२५-२६; २तिमोथी ४:७; १तिमोथी ४:१४; हिब्रू ३:१
2 Timothy 1:9 in Sunwar 9 परमप्रभु यावेमी सैतान रे प्रोंइशा “आं मुर नम” दे ब्रेत्ताक्व। इं रिम्शो पतीके कोव़शा ममाइ, आ माल्शो नु शुश ङोंइती रे ख्रीस्त येसुमी इं कली गेशो दाक्तीके आ पर्बम ब्रेत्ताक्व। तीतस ३:५
2 Timothy 2:10 in Sunwar 10 मोपतीके गो योव़शो मुर आन कली मिम्शा, श्येत नेल्ल फाल्नुङ। मोपा मेकोपुकीमी ख्रीस्त येसुमी पाप रे प्रोंइशो दुम्शा, गेना हना यो परमप्रभु यावे आ छेङछेङमी ब्रोंइशा बाक्चा तामेक्ल। कलस्सी १:२४
Hebrews 9:15 in Sunwar 15 मोपतीके मेको नक कबल ङा गारपाइक्ब बाक्ब। मोपा ब्रेश्शोपुकी आन गेना हना यो लीब शोंप तामेक्ल। मारदे हना ख्रीस्त बेक्त। मिनु मेको आन ङोंइती ङा कबलम पशो पाप यो क्याम्साक्व। हिब्रू १२:२४; १तिमोथी २:५
Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
1 Peter 1:6 in Sunwar 6 गे मेको तुइश्शा, ग्येरनीनी। मुल इच्का नाक्त सम्म थुं थाम्चा कली मार मार श्येत जाइनीनी। १पत्रुस ५:१०; २कोरिन्थी ४:१७
1 Peter 1:15 in Sunwar 15 इन कली ब्रेप्ब, येसु ख्रीस्त दोदेंशो बाक्मे, गे यो मोदेंशो दुम्शा बाक्कीन।
1 Peter 4:11 in Sunwar 11 सुमी लोव़ पाइबा, मेकोमी परमप्रभु यावे आ ख्रुइश्शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्लेमी येसु ख्रीस्त आ नेंमी परमप्रभु यावे कली ठेयब सेल्मेक्ल। मेको छेङछेङमी बाक्शा, गेना हना यो सक्ति पाइश्शो बाक्ब। आमेन। रोमी १२:७
2 Peter 1:3 in Sunwar 3 परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्चा कली मार मार माल्या, मेको नेल्ल इं कली मो गेप्तु। दोपा गेप्तु देंशा हना, मेको कली तुइक्तीके गेप्तु। आ छेङछेङमी बाक्चा नु आ पतीके नेल्ल पचा कली योव़तु। १पत्रुस २:४
1 John 2:25 in Sunwar 25 परमप्रभु यावेमी “गो इन कली गेना हना यो ब्रोंइशा बाक्चा गेनुङ” देंशो बाक्ब।
Jude 1:24 in Sunwar 24 येसु ख्रीस्तमी इन कली पाप मपाइब सेल्ने चाप्ब। इन कली दोस मताइब सेल्शा, ग्येरसीशा, परमप्रभु यावे आ छेङछेङ आ ङोंइती राप्पाइक्ने चाप्ब। १थिस्सलोनिकी ५:२३