1 Corinthians 13:2 in Sunwar 2 गो नु परमप्रभु यावे आ लोव़ पतीक सक्ति, ख्रुइश्शो लोव़ नेल्ल रुप्तीक सक्ति, नेल्ल जोक्तीक तुइक्तीक सक्ति नु डांडा याक्पाइक्तीक थमा सुइक्तीके बाक्त हना, तन्न गो नु दाक्तीक मबाक्त हना, गो मारेइ मनङ। मत्ती ७:२२; मत्ती १७:२०
Other Translations King James Version (KJV) And though I have the gift of prophecy, and understand all mysteries, and all knowledge; and though I have all faith, so that I could remove mountains, and have not charity, I am nothing.
American Standard Version (ASV) And if I have `the gift of' prophecy, and know all mysteries and all knowledge; and if I have all faith, so as to remove mountains, but have not love, I am nothing.
Bible in Basic English (BBE) And if I have a prophet's power, and have knowledge of all secret things; and if I have all faith, by which mountains may be moved from their place, but have not love, I am nothing.
Darby English Bible (DBY) And if I have prophecy, and know all mysteries and all knowledge, and if I have all faith, so as to remove mountains, but have not love, I am nothing.
World English Bible (WEB) If I have the gift of prophecy, and know all mysteries and all knowledge; and if I have all faith, so as to remove mountains, but don't have love, I am nothing.
Young's Literal Translation (YLT) and if I have prophecy, and know all the secrets, and all the knowledge, and if I have all the faith, so as to remove mountains, and have not love, I am nothing;
Cross Reference Numbers 24:15 in Sunwar 15 मिनु बालाममी परमप्रभु आ पपाइश्शो लोव़ पा “गो बेओर आ तौ बालाम, मिक्च ताइब नङ, आ देंशो लोव़ मार बाक्त देंशा हना,
Matthew 7:22 in Sunwar 22 मेको नाक्त शुशेमी आं कली ‘हे प्रभु, हे प्रभु, गोपुकीमी इन नेंमी नोले दुम्ब लोव़ मपका ङा? इन नेंमी वोल आन कली मखेरका ङा? चिन्ड नु छक लाक्चा ङा गेय मपका ङा?’ देंनीम। लूका १३:२५-२७; येरमीया २७:१५
Matthew 13:11 in Sunwar 11 मिनु येसुमी “इन कली स्वर्ग ङा राज्य आ पर्बम ख्रुइश्शो लोव़ रुप्तीक थुं गेशो बाक्त। तन्न मेको आन कली मगेमी बाक्त। १कोरिन्थी २:१०
Matthew 17:20 in Sunwar 20 येसुमी “थमा पा थमा सुइक्ने मचाप्बपुकी, नोफा दाइश्शा नेनीने, रायो गेडा खोइ ला थमा सुइक्तीनी हना, इन पने मचाप्चा ङा मारेइ मलीब। एको डांडा याक्सो देंनीनु, एको डांडा यो याक्सीशा लाइब। मत्ती २१:२१; लूका १७:६; १कोरिन्थी १३:२
Matthew 21:19 in Sunwar 19 मिनु लां नेक्थामी फोव़शी रवा का तशा, फोव़शी सिश्शो बाक्म कों, दे कोव़ङानु, सफा ला ताप्तु। सफा ला तशा “मुल ङा मेरे गेनायो मसिप्ब रवा दुमो” दे माइक्तु। मिनु रवा साव सोव़त। लूका १३:६
Matthew 21:21 in Sunwar 21 मिनु येसुमी “नोफा दाइश्शा नेनीने, दल्गीर मपथु थमा सुइक्तीनी हना, फोव़शी रवा कली पशो खोदेंशो पचा ला ममाइ, डांडा कली एकेर रे समुन्द्रमी याक्सो देंतीनी हना, मेको डांडा यो याक्सीशा लाइब। मत्ती १७:२०
Mark 11:22 in Sunwar 22 मिनु येसुमी मेको आन कली “परमप्रभु यावे कली थमा सुतीने।
Luke 17:5 in Sunwar 5 मिनु शेंसीबपुकीमी येसु कली “प्रभु, आंइ थमा सुइक्तीक थुं बारपा गेकी” दे पुन्मे बाक्त।
Romans 11:25 in Sunwar 25 आं लोक्बपुकी, आं शेंशो ख्रुइश्शो लोव़ रिम्शो पा रुप्तीनी हना, गे ठेयब मलेत्नीनी। योव़सीचा पुंइसीशो अर्को रागी ङा मुर आन कली आ मुर सेल्ने मथुमा सम्म परमप्रभु यावेमी इस्राएली आन कली येसु ख्रीस्त आ पर्बम मरुप्ब सेल्तीमी। यूहन्ना १०:१६
Romans 16:25 in Sunwar 25 परमप्रभु यावेमी इन कली आ ग्येरपाइक्तीक लोव़ नु येसु ख्रीस्त आ पर्बम शेंतीक नेंशा, बोल्यो पा थमा सुइक्ब सेल्ने चाप्ब, दे तुइक्ताक्ङ। मोपा साइ ङा ख्रुइश्शो लोव़ नेल्ल तुइक्पाइश्शो बाक्ब। १कोरिन्थी २:७; एफिसी १:९; एफिसी ३:४-९
1 Corinthians 4:1 in Sunwar 1 मिनु मुरपुकीमी गो शेंब, आंइ पर्बम मार मिम्चा माल्नीम देंशा हना, गो ख्रीस्त आ गेय पाइब नु परमप्रभु यावे आ ख्रुइश्शो लोव़ तुइक्पाइक्चा कली शेंब नकी। तीतस १:७
1 Corinthians 7:19 in Sunwar 19 मारदे हना ख्रोइक्तीक चिनु ख्रोइश्शो नु मख्रोइश्शो आन पर्बम मारेइ ममिम्सीब। तन्न परमप्रभु यावे आ अरेशो टिचा, ठेयब बाक्ब। गलाती ५:६; गलाती ६:१५
1 Corinthians 8:4 in Sunwar 4 मूर्ति कली चढ़ेशो श्ये ब्वचा आ पर्बम मार देंनुङ देंशा हना, मूर्तिपुकी सोक्त पाइश्शो मनम। मेकोपुकी नु मारेइ मबाक्ब। परमप्रभु यावे ङा लाक्शा सुइ मबाक्ब दे तुइक्ताक्य। ब्यवस्था ६:४
1 Corinthians 12:8 in Sunwar 8 परमप्रभु यावे आ सोक्तीमी का कली जोक्तीक तुइक्तीक लोव़ पपाइक्ब। अर्को कली मेकोन सोक्तीमी शेंतीक सक्ति गेब।
1 Corinthians 12:28 in Sunwar 28 परमप्रभु यावेमी थमा सुइक्ब आन ग्रुम्तीकेमी ङोंइती ख्रीस्त आ सोइश्शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्चा ङा गेय पाइबपुकी, मेको आन नोले सापाइक्बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्त आ लोव़ पाइबपुकी वोइक्तीमी। एफिसी ४:११-१२
1 Corinthians 13:1 in Sunwar 1 गो मुर आन लोव़ पाता हना नु परमप्रभु यावे आ स्वर्ग ङा गेय पाइब आन लोव़ यो पाता हना, तन्न मुर आन कली मदाक्ताक्ङ हना, गो हेंथे पा ताप्शो किङगो नु रेयके पाइब बुप्केल खोदेंशो दुम्नुङ।
1 Corinthians 13:3 in Sunwar 3 आं के बाक्शो थोव़क नेल्ल योक्शा गेशा, आंम आं रां ग्रोइश्शा बेक्चा कली गेता हना यो, दाक्ब मुर चहिं मदुम्ती हना, मार रिम्शो दुम्नुङा ङा? गो शोर गाक्शो मदुम्नुङा ङा? मत्ती ६:२
1 Corinthians 14:1 in Sunwar 1 दाक्तीक पाइश्शो मुर दुमीने। परमप्रभु यावे आ सोक्तीम पपाइश्शो गेय शुश मालीन। परमप्रभु यावे आ लोव़ पतीक शुश मालीन।
1 Corinthians 14:6 in Sunwar 6 आं लोक्बपुकी, गो परमप्रभु यावे आ सोक्त आ लोव़ पा, इन ग्रुम्तीकेमी जाक्ती हना, इन कली मरुप्चा ङा बाक्त। गो इन कली नोले दुम्तीक लोव़, जोक्तीक तुइक्तीक लोव़, परमप्रभु यावे आ लोव़ नु आ शेंतीक लोव़ पाता हना चहिं इन कली रिम्शो दुम्ब। १कोरिन्थी १२:८
1 Corinthians 14:39 in Sunwar 39 मोपतीके आं लोक्बपुकी, परमप्रभु यावे आ लोव़ पचा कली शुश बोल पने। मिनु परमप्रभु यावे आ सोक्त आ लोव़ पाइब आन कली मतेक्कीन।
1 Corinthians 16:22 in Sunwar 22 प्रभु कली मदाक्बपुकी सराप रमल। इं प्रभु जाक्कीन। प्रकाश २२:२०
2 Corinthians 12:11 in Sunwar 11 गो निप्स ग्राइश्शो लोव़ पाइब खोदेंशो दुम्ती, दे तुइक्ताक्ङ। गेपुकीमी मोदेंशो पाइब सेल्तीनी। मारदे हना गेपुकीमी आं कली ठेयब सेल्चा माल्शो, दे तुइक्चा माल्शो ननी। गो मेको शुश जोक्ब तुइक्ब देखु पशो सोइश्शो आन क्येङा आइक्च मनङ। मो हना यो गो आइक्च दुम्ती। २कोरिन्थी ११:५
Galatians 5:16 in Sunwar 16 लोव़ थोक्शा, का निक्शी नु तेम्शा शेंनन्नी, परमप्रभु यावे आ सोक्त रे पा ब्रोंइशा गेय पने। मो पाइतीनी हना ला, इन दला दाक्स मपाइनीनी, इन थुंमी मिम्शा मरिम्शो मपाइनीनी।
Galatians 5:22 in Sunwar 22 परमप्रभु यावे आ सोक्तीमी ब्रीशो थुं पाइश्शोपुकीमी परमप्रभु यावे आ सोक्त रे पा दोदेंशो पाइनीम देंशा हना, दाक्मुइनीमी, ग्येरनीमी, थुं नाइक्नीमी, शुश फाल्नीमी, रिम्शो पाइनीमी, शिशी पाइनीमी, कबल खाप्नीमी,
Galatians 6:3 in Sunwar 3 सुइ ठेयब मसुंइसेक्ल। मजोक्थु यो जोक्ब तुइक्ब नङ, दे ठेयब लेप्बमी आंम कली जोल पांइसीब।
Ephesians 3:4 in Sunwar 4 मिनु गेपुकीमी मेको पढेनीनु, ख्रीस्त आ पर्बम ख्रुइश्शो लोव़ ङा गेय दोपा पवा, दे आं तुइश्शो लोव़ रुप्ने चाप्नीनी।
Ephesians 6:19 in Sunwar 19 आं पर्बम यो पुनीन। आं कली मिम्शा, मार पुनीन देंशा हना, येसु ख्रीस्त आ पर्बम ङोंइती ख्रुइश्शो ग्येरपाइक्ब लोव़ मुल गो महिंथु, शेंने चबुल, दे पुनीन। कलस्सी ४:३; २थिस्सलोनिकी ३:१; प्रेरित ४:२९
Colossians 1:26 in Sunwar 26 साइ ङोंइती रे परमप्रभु यावे आ मिम्शो ख्रुइश्शो बाक्त। मुल चहिं मेको आ मुर आन कली कोंइशो बाक्त। रोमी १६:२५; एफिसी ३:३-६
1 Timothy 3:16 in Sunwar 16 इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
1 John 4:8 in Sunwar 8 सुम चहिं मदाक्बा, मेकोमी परमप्रभु यावे कली मतुइक्ब। मारदे हना परमप्रभु यावे दाक्ब बाक्ब।
1 John 4:20 in Sunwar 20 सुमी चहिं “गो परमप्रभु यावे कली दाक्नुङ” देंबा, मिनु थमा सुइक्ब लोक्ब आन कली काइ मदाक्बा, मेको मुर आ देंशो लोव़ यो जोल बाक्ब। मारदे हना सुमी आ नु बाक्शो लोक्ब आन कली मदाक्बा, मेकोमी मुर आन मतशो परमप्रभु यावे कली दोपा दाक्ने चाप्बा ङा? मचाप्ब। १यूहन्ना ३:१७