Colossians 3:12 in Limbu 12 हे़क्केःल्ले़ निङ्वाॽफुमाङ्ङिल्ले़ सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽरे़, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिगे़न् नःम्नःम् लॽमान्नु नासि थःप्मान् चाङ् कुइसिःक् चाक्सिङ्मा पोःङ्लो॥
Other Translations King James Version (KJV) Put on therefore, as the elect of God, holy and beloved, bowels of mercies, kindness, humbleness of mind, meekness, longsuffering;
American Standard Version (ASV) Put on therefore, as God's elect, holy and beloved, a heart of compassion, kindness, lowliness, meekness, longsuffering;
Bible in Basic English (BBE) As saints of God, then, holy and dearly loved, let your behaviour be marked by pity and mercy, kind feeling, a low opinion of yourselves, gentle ways, and a power of undergoing all things;
Darby English Bible (DBY) Put on therefore, as [the] elect of God, holy and beloved, bowels of compassion, kindness, lowliness, meekness, longsuffering;
World English Bible (WEB) Put on therefore, as God's chosen ones, holy and beloved, a heart of compassion, kindness, lowliness, humility, and perseverance;
Young's Literal Translation (YLT) Put on, therefore, as choice ones of God, holy and beloved, bowels of mercies, kindness, humble-mindedness, meekness, long-suffering,
Cross Reference Matthew 24:22 in Limbu 22 निङ्वाॽफुमाङ्ङिल्ले़ खे़न् ये़न्हाॽ ताङ्सा मे़जोगुन्निल्ले़ग आत्तिन् मनाहाॽआङ् हिङ्मा मे़न्छुक्ते़न्बारो॥ कर खुने़ॽ सेगुसिबाहाॽ मे़हिङ्ल फाॽआङ् खे़न् ये़न्हाॽ ताङ्सा पोःक्खे़बारो॥
Matthew 24:24 in Limbu 24 थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् पयम् यम्बा मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥
Matthew 24:31 in Limbu 31 हे़क्क्याङ् खुने़ॽ सेगुसिबा मनाहाॽ सुम्से़ के़रे़क् पिसाङ्लाम् ताङ्साक्पाल्ले़ खोःप्तुबा नु इक्सादिङ् खाम्बेःक्माल्ले़ ताःक्तुबाओ थुत्तुरिःप्पाल्ले़न् पयम् इक्लानु कुमाङ्लाइङ्बाहाॽ इक्सादिङ् खाम्बेःक्मो पाङ्घु युःसुसिॽरो॥”
Mark 13:20 in Limbu 20 हे़क्क्याङ् दाङ्बाल्ले़ कन् ये़न्हाॽ ताङ्सा मे़जोगुन्निल्ले़ग आत्तिन्नाङ् हिङ्मा मे़सुक्ने़न्, कर खुने़ॽ सेगुसिबाहाॽ मे़हिङ्ल फाॽआङ् कन् ये़न्हाॽ ताङ्सा चोगुआङ् वाॽरो॥
Mark 13:22 in Limbu 22 थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥
Mark 13:27 in Limbu 27 हे़क्क्याङ् खुने़ॽ सेगुसिबा मनाहाॽ सुम्से़ काक् पिसाङ्लाम् ताङ्साक्पाल्ले़ खोःप्तुबा नु इक्सादिङ् खाम्बेःक्माल्ले़ ताःक्तुबाओ कुमाङ्लाइङ्बाहाॽ इक्सादिङ् खाम्बेःक्मो पाङ्घु युःसुसिॽरो॥”
Luke 1:78 in Limbu 78 हे़क्क्याङ् निङ्वाॽफुमाङ्ङिल्ले़ चुङ्जिगे़न् कुलुङ्गुम्मिल्ले़ चोगुल्ले़ साङ्ग्राम्पेदाङ्लाम् नाम्साङ्ङिन् आनिॽओ चुक्मा इःत्ते़रो॥
Luke 18:7 in Limbu 7 निङ्वाॽफुमाङ्ङिल्ले़ सेगुसिबा कुमनाहाॽ से़न्दिक् ले़न्दिक् मे़हाःप्ल तुवा चोःक्कि पेलि मे़भाक्किल्ले़, खुने़ॽ से़क्खासाङ् कुमनाहाॽ खासे़न् मे़लोःन्दुन् मे़बिरुन्सिन्नाङ्खुने़ॽ खे़ङ्हाॽ खे़म्घे़म्लक् लाप्तुसिॽबि?
Romans 1:7 in Limbu 7 निङ्वाॽफुमाङ्ङिल्ले़ साॽरिक् मिःम्जि के़मे़त्तिॽआङ् आबाङे कुसेसे मना पोःङ्से़ के़उःत्तिबा रोम ये़क्यक्कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ हाराॽ लुङ्गुम् नु सनारुङ् के़बिरिररो॥
Romans 8:29 in Limbu 29 निङ्वाॽफुमाङ्ङिल्ले़ कुमनाहाॽ उन्छेःन्छा कुसिङ्निःत्तुसिआङ् आबुगे़न् कुस्साःन् कुइसिःक्के पोःङ्से़ सेगुसिरो॥ हे़क्केलॽरिक्के यरिक् फुॽनुसाॽ नु ने़ॽनुसाॽहाॽओ खुने़ॽ तुम्बा पोःक्खे़रो॥
Romans 9:11 in Limbu 11 कर खे़न् काप्साबासाःहाॽ सावाःन्छिङ्मानुःल्ले़ तगिए, खे़ङ्हाॽरे़ नुःबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्काःन् अक्खे मे़त्तुआङ् वये़रो, “तुम्बाल्ले़ फोॽबान् सेवा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिःक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मे़ःन्, कर खुने़ॽ आबाङे कुनिङ्वाॽसोःक् कुइसिःक् सेगुॽ के़लॽबा पाःन्निन् निःन्धो चोगुरो॥
Romans 11:5 in Limbu 5 हे़क्केलॽरिक्के, कन् ये़म्मोआङ् निङ्वाॽफुमाङ्ङिल्ले़ कुलुङ्माॽ तुक्माल्ले़ सेगुसिबा कुलक्थिक् के़दाङ्बा के़याःक्पाहाॽ मे़वाॽरो॥
Romans 12:9 in Limbu 9 कुजे़क्काङ् लुङ्माॽ तुक्कासिम्मे़ॽ, ताप्फे़ःम्बा पाःन्हाॽ नाॽरे़म्मे़ॽ, आत्तिन् पाःन्निन् नुःबा चोःक्, बा खे़न् पाःन्नो पत्छे़म्मे़ॽओ॥
2 Corinthians 6:6 in Limbu 6 आनिगे़ सेसे हिङ्मन्लाम्, खासिङ् निःप्मालाम्, नासि थःप्मालाम्, नुःरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसेवारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे़ फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे़ साम्योनिबा हिङ्मन्नेरो॥
Galatians 5:6 in Limbu 6 थेआङ्भे़ल्ले़ ख्रिस्त ये़सुरे़ कुलागिग हर्दो हे़क्मा नु मे़न्हे़क्मा पाःन्निन् थेआङ् मे़ःन्लो॥ कर के़रे़क्नुःल्ले़ यम्बा पाःन्निङ्ग आनिॽ नसाःन्निल्ले़ चोगुल्ले़ वेॽहाॽ लुङ्माॽ आदुक्तुम्सिम्लो॥
Galatians 5:22 in Limbu 22 कर सेसेमाङ्ङिल्ले़ लाम्लोसुसिबा मनाहाॽरे़ वेॽहाॽ लुङ्माॽ मे़दुक्तुसिॽ, खे़ङ्हाॽ मे़सःत्, सनारुङ्ङो मे़वाॽ, नासि मे़धःत्, खे़ङ्हाॽरे़ वेॽहाॽ नुःरिक् मे़मे़त्तुसिॽ, खे़ङ्हाॽ नुःबा याःम्बक् मे़जोःक्, निङ्वाॽइरे़ खोःप्तुसिबा मे़जोःक्,
Ephesians 1:4 in Limbu 4 खुने़ॽ कुनिःमाओ सेसे नु आप्तिक् मे़ःन्नेबा आबोःङ्ल फाॽआङ् ख्रिस्ते़ल्ले़ चोगुल्ले़ इक्सा खाम्बेःक् पोःङ्मानुःल्ले़ तगिसा आसेगे़आङ् वये़॥ खुने़ॽ लुङ्माॽ आदुक्ते़बाल्ले़ चोगुल्ले़
Ephesians 2:4 in Limbu 4 कर साॽरिक् लुङ्गुम्दाङ्बा निङ्वाॽफुमाङ्ङिल्ले़ साॽरिक् लुङ्माॽ आदुक्ते़रो॥
Ephesians 4:2 in Limbu 2 काक् चुङ्जिगे़न् नःम्नःम् नु सुम्सुम्माङ्वये़म्मे़ॽ॥ हे़क्क्याङ् निङ्वाॽ यो धो मे़ल्लॽए लुङ्माॽ तुक्कासिम्मे़ॽर नासि थःत्ते़म्मे़ॽओ॥
Ephesians 4:24 in Limbu 24 हे़क्क्याङ् निङ्वाॽफुमाङ् कुइसिःक् से़क्खा, साम्योनिबा नु सेसे चोगे़बा कुसङ् ये़प्ले़क्किन् कुसङ् चाङ् कुइसिःक् चाक्खे़म्मे़ॽओ॥
Ephesians 4:32 in Limbu 32 कर निङ्वाॽफुमाङ्ङिल्ले़ ख्रिस्तलाम् खिनिॽ लायोःन् ले़प्मि के़बिरिबा हे़क्केए, खिनिॽआङ् ले़प्मि पिआसिम्मे़ॽर लुङ्माॽ तुक्कासिम्मे़ॽआङ् लुङ्माॽ स्याःत् मे़त्तासिम्मे़ॽओ॥
Philippians 1:8 in Limbu 8 ख्रिस्त ये़सुरे़ हे़क्केए लुङ्माॽ तुक्निङ्बाल्ले़ चोगुल्ले़ खिनिॽ तुम्मा साॽरिक् निङ्वाॽ चोगुङ् के़लॽबान् निङ्वाॽफुमाङ्ङिल्ले़ निःसुॽरो॥
Philippians 2:1 in Limbu 1 ख्रिस्ते़न्नु थिक्हुप् के़बोःक्खिबालाम् हाङ्हाङ् के़लॽरिॽ, खुने़ॽ कुमिःम्जिलाम् सक्मा के़त्, सेसेमाङ्ङिन्नु तङ्जुम्मो के़वयिॽ, खिनिॽ सिक्लुङ्मोलाम् लुङ्माॽ के़दुक्कासिबाल्ले़ चोगुल्ले़
Colossians 3:10 in Limbu 10 हे़क्क्याङ् खिनिॽग कुसङ् सुत्नाःन् तेःत् हे़क्के के़जाक्खुम्माङ् के़वयिॽरो॥ खिनिॽग नावागे़न् चइःत्दाङ्बा निङ्वाॽफुमाङ्ङिन् कुसिङ् के़निःत्तुम्माङ् खुने़ॽ कुइःत् हे़क्के के़बोःक्खिर के़बत्छिरो॥
1 Thessalonians 1:3 in Limbu 3 आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ्स्याङ्मे़न्दाङ्के़जोगुम्बान्हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युःमा निङ्साङ्लाम् के़दाःबा निङ्वाॽ हाङ्गे़म्सिङ्मान् आनिगे़ चक्मे़ल्लॽए निङ्वाॽ इःत्तुम्बे़रो॥
1 Thessalonians 5:15 in Limbu 15 खिनिॽ आत्तिल्ले़आङ् ताप्फे़ःम्बाल्ले़ कुले़क्वा ताप्फे़ःम्बा मे़जोगे़म्मिन्ने़ॽ, कर खिनिॽ लुम्मो हे़क्क्याङ् वेॽहाॽनुआङ् नुःबा मे़त्छिङ्मा सदादिङ् तम्सिन् चोगे़म्मे़ॽओ॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
2 Timothy 2:10 in Limbu 10 खे़ल्ले़ चोगुल्ले़ए निङ्वाॽफुमाङ्ङिल्ले़ सेगुसिबा कुमनाहाॽ ख्रिस्त ये़सुओ से़न्लप् नु मे़न्नुप्मनाबा मिमिदिङ् मे़घोःसुर फाॽआङ् काक् तुक्खेहाॽ इङ्गाॽ थम्मा सुक्तुङ्लो॥
Titus 1:1 in Limbu 1 निङ्वाॽफुमाङ्ङिल्ले़ कुसेवारोबा नु ये़सु ख्रिस्तरे़ कुसेःक्युक्मिबा इङ्गाॽ पावललाम्बा कन् सक्इङ्घङ्ङिन् हाक्ने़ॽरो॥ निङ्वाॽफुमाङ्ङिल्ले़ सेगुसिबा कुमनाहाॽ खुनिॽ नसाःन्नो कुभाॽ पिमासि हे़क्क्याङ् आनिॽ साम्योरे़ आहुॽरे़बा से़क्खाओ लाम्लोःमासि फाॽआङ् निङ्वाॽफुमाङ्ङिल्ले़ इङ्गाॽ सेगाङ्लो॥
Titus 3:4 in Limbu 4 कर आनिॽ से़न्लप्दाङ्बा निङ्वाॽफुमाङ्ङिल्ले़ कुनुॽमान् नु मनाहाॽ लुङ्माॽ तुक्तुसिबे़न्थाःम्सिङ्ङिल्ले़
James 3:17 in Limbu 17 कर थाःङ् साङ्ग्राम्पेदाङ्लाम् के़युःबा सिक्कुम्दिङ् निङ्वाॽइन्काक्नुःल्ले़ तगिग सेसेबा चोःक्, हे़क्क्याङ् सनारुङ्बा, लुम्लुम्बा, वेॽहाॽनु के़दङ्बा, लुङ्दुक्कुधिम्, नुःबा याःम्बक्हाॽरे़ कुधिम्, मना मे़न्छे़म्मनाबा नु नसाःन्साबा चोःक्लो॥
1 Peter 1:2 in Limbu 2 निङ्वाॽफुपाःल्ले़ तगिसा कुसिङ्के़निःत्तिबा कुइसिःक् कुमना पोःङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाःङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
1 Peter 3:8 in Limbu 8 कुनुप्मो, खिनिॽ निङ्वाॽओ काक् थिक्हुप् पोःक्खे़म्मे़ॽ, लुङ्माॽ तुक्कासिम्मे़ॽ, मिःम्जि मे़त्तासिम्मे़ॽ, हाङ्हाङ्वा ओसेःन्धाक्कासिम्मे़ॽ हे़क्क्याङ् चुङ्जिगे़न् नःम्नःम् पोःक्खे़म्मे़ॽओ॥
2 Peter 1:5 in Limbu 5 खे़ल्ले़ चोगुल्ले़ खिनिॽ नसाःन्नो कुनो-कुदा योॽमा खिनिॽ सुक्सुक् तम्सिन् चोगे़म्मे़ॽ, हे़क्क्याङ् कुनो-कुदाओ साम्जिक्किन् योॽरे़म्मे़ॽ,
2 Peter 1:10 in Limbu 10 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ खिनिॽ के़उःत्तिबान् नु के़सेगिबान् नुःरिक्काङ् निःन्धो चोःक्मा तम्सिन् चोगे़म्मे़ॽओ, थेआङ्भे़ल्ले़ खिनिॽ हे़क्के के़जोगुम्ने़ फाॽग्र आप्फाल्ले़आङ् के़न्जोःन्दिन्लो॥
1 John 3:14 in Limbu 14 आनिॽ नसानिबा फुॽनुसाॽ नु ने़ॽनुसाॽहाॽ लुङ्माॽ आदुक्सिङ्बाल्ले़ चोगुल्ले़ आनिॽग सिःमे़न्लाम् मे़न्नुप्मनाबा हिङ्मन्नो आजत्छिङ्ङाङ् आवाॽ फाॽआङ् आनिःसुम्लो॥ कर आत्तिल्ले़ वेॽहाॽ लुङ्माॽ मे़दुक्तुसिन्, खे़ङ्ग आल्लोसाङ् सिःमे़न्नोए वाॽरो॥
1 John 4:19 in Limbu 19 निङ्वाॽफुमाङ्ङिल्ले़ए तगि लुङ्माॽ आदुक्ते़बाल्ले़ चोगुल्ले़ आनिॽआङ् वेॽहाॽ लुङ्माॽ आदुक्तुम्सिम्लो॥
2 John 1:13 in Limbu 13 निङ्वाॽफुमाङ्ङिल्ले़ सेगुमा के़न्साॽरे़ कुस्साःहाॽरे़ खे़ने़ॽ सेवा के़म्हाक्ते़आङ् वाॽरो॥
Revelation 17:14 in Limbu 14 हे़क्क्याङ् खे़ङ्हाॽरे़ मे़ल्लुक्साःल्ले़ कुदक्ले़ङ्वाओ थङ् मे़जोगुॽ, कर मे़ल्लुक्साःल्ले़, खुने़ॽ उःत्तुसिबा सेगुसिबा नसाःन्साबाहाॽनु सोरिक्, खे़ङ्हाॽ नाःन्दुसिॽरो, थेआङ्भे़ल्ले़ मे़ल्लुक्साःङ्ग दाङ्बाहाॽरे़ खुनिॽ दाङ्बा नु हाङ्हाॽरे़ खुनिॽ हाङ्लो॥”