Colossians 3:11 in Limbu 11 आल्ल थिम्मे़न्दङ् सुवाङ् नु यहुदि, हर्दो के़हे़क्पा नु हर्दो मे़न्हे़क्मनाबा, खासिङ् के़निःप्पा नु खासिङ् मे़न्निःप्मनाबा, योःक् नु चोःक्युम्भोबाहाॽ से़न्छिङ्मा होःप्लो, कर ख्रिस्ते़नलक् के़ये़क्पा चोःक्, हे़क्क्याङ् खुने़ॽ काक् पाःन्हाॽओए वाॽरो॥
Other Translations King James Version (KJV) Where there is neither Greek nor Jew, circumcision nor uncircumcision, Barbarian, Scythian, bond nor free: but Christ is all, and in all.
American Standard Version (ASV) where there cannot be Greek and Jew, circumcision and uncircumcision, barbarian, Scythian, bondman, freeman; but Christ is all, and in all.
Bible in Basic English (BBE) Where there is no Greek or Jew, no one with circumcision or without circumcision, no division between nations, no servant or free man: but Christ is all and in all.
Darby English Bible (DBY) wherein there is not Greek and Jew, circumcision and uncircumcision, barbarian, Scythian, bondman, freeman; but Christ [is] everything, and in all.
World English Bible (WEB) where there can't be Greek and Jew, circumcision and uncircumcision, barbarian, Scythian, bondservant, freeman; but Christ is all, and in all.
Young's Literal Translation (YLT) where there is not Greek and Jew, circumcision and uncircumcision, foreigner, Scythian, servant, freeman -- but the all and in all -- Christ.
Cross Reference Matthew 12:18 in Limbu 18 “इङ्गाॽ सेगुङ्बा नु लुङ्माॽ तुक्तुङ्बा आसेवारोबान् कप्मो वाॽरो॥ खुने़ॽनु इङ्गाॽ सःत्ताङ्ङाङ् वाॽआरो॥ कुसम्दाङ् आसेसेमाङ्ङिन् ने़स्सुङ्पिरुङ् हे़क्क्याङ् थिम्मे़न्दङ्सुवाङ्हाॽ खासे़न्रे़न्इङ्भन् चोगुसिॽरो॥
John 6:56 in Limbu 56 इङ्गाॽ आधक्किन् के़जाबान्नु आमाक्खिॽ के़धुङ्बान् इङ्गाॽओ वाॽ हे़क्क्याङ् इङ्गाॽ खुने़ॽओ वाॽआरो॥
John 14:23 in Limbu 23 ये़सुरे़ नोगप् पिरु, “हाःत्ले़ इङ्गाॽ मिःम्जि मे़त्ता, खे़ल्ले़ग इङ्गाॽ आनिसाम्मिन् इःत्तु नाःत्तुॽरो॥ पानुदिङ् आम्बारे़ खे़न् मिःम्जि मे़त्तुॽ हे़क्क्याङ् आन्छिगे़ ताःसिगे़आङ् खे़न्नु वाॽसिगे़रो॥
John 15:5 in Limbu 5 इङ्गाॽग चे़ल्ले़क्सेॽइल्ले़ कुबुङ्आरो हे़क्क्याङ् खिनिॽग आबोराःक्निङ्लो॥ खिनिॽ इङ्गाॽओ के़वयिॽआङ् इङ्गाॽ खिनिॽओ वाॽआने़ फाॽग्र आल्लसाङ् यरिक् कुजाॽ फम्मा के़सुक्तुम्लो, कर इङ्गाॽओ मे़न्वाॽए थेआङ् चोःक्मा के़न्छुक्तुम्मिल्लो॥
John 17:23 in Limbu 23 इङ्गाॽ खे़ङ्हाॽनु थिक्हुप् वाॽआबा कुइसिःक् हे़क्क्याङ् खे़ने़ॽ इङ्गाॽनु थिक्हुप् के़वाॽबा कुइसिःक् खे़ङ्हाॽ कुजे़क् थिक्हुप्पो मे़दाररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा नु लुङ्माॽ के़दुक्ताङ्बा कुइसिःक्के खे़ङ्हाॽ लुङ्माॽ के़दुक्तुसिबान् कुसिङ् मे़निःत्तुररो॥
Acts 10:34 in Limbu 34 कन् खे़प्सुआङ् पत्रुसरे़ पाःप्मा हेःक्तु, “से़क्खाए निङ्वाॽफुमाङ्ङिल्ले़ मनाहाॽ मे़से़न्दुन्छिन्के़लॽबा पाःन्निन् आल्ल इङ्गाॽ नुःरिक्काङ् कुसिङ् निःत्तुङ्लो॥
Acts 13:46 in Limbu 46 कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोःङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोःमा सुम्बोधासाबा मे़म्बोःङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़ चोगुल्ले़ आल्ल आनिगे़ खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
Acts 15:17 in Limbu 17 हे़क्केलॽरिक् वेॽ मनाहाॽरे़आङ् इङ्गाॽ दाङ्बान् कोःप्मा मे़सुक्कार॥ आमिङ् के़दाःक्पा काक् थिम्मे़न्दङ् सुवाङ्हाॽ इङ्गाॽ आबाङे आसुवाङ् फाॽआङ् उःत्तुङ्सिङ्लो॥ कन् पाःन्हाॽ के़जोःक्पा इङ्गाॽ दाङ्बाल्ले़ अक्खे पाःत्तुङ्बा पाःन्निन् यरिक् तङ्बे तगिए पाःत्ते़ चुरे़आङ् वाॽरो॥’”
Acts 26:17 in Limbu 17 इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’
Acts 28:2 in Limbu 2 खे़प्मो के़युङ्बा पाङ्तिबा यक्युङ्बाहाॽरे़ आनिगे़ साॽरिक् लुङ्माॽ मे़दुक्तिगे़आङ् मिमे़दुप्तुआङ् लाङ्दाःक्मा मे़बिरिगे़रो, थेआङ्भे़ल्ले़ वाहित्मान् थ्ये़र पत्छे़आङ् चुङ्जिःक्ते़रो॥
Acts 28:4 in Limbu 4 पाङ्तिबा यक्युङ्बाहाॽरे़ पावलरे़ कुहुक्को असेःक्पे़न्कित्छिङ्बा मे़निःसुआङ् अक्खे मे़मे़त्छिङ्, “कङ्ग से़क्खासाङ् मना के़से़प्पाएरो॥ कन् वाहङ्ङोलाम् हिङे़साङ् कन् खासे़न् के़लोःम्बा माङ्ङिल्ले़ कुघुम्दिङ्लाम् पिम्मा मे़सुक्ते़न्लो॥”
Romans 1:14 in Limbu 14 थेआङ्भे़ल्ले़ इङ्गाॽग खासाम्बाहाॽ नु खासाम् मे़ःम्बाहाॽ, हे़क्क्याङ् सिक्कुम्साबाहाॽ नु सधःक्पाहाॽ, के़रे़क्ले़ लागि सुनाइङ् इङ्भोःमाए पोःङ्लो॥
Romans 3:29 in Limbu 29 से़क्खाःल्ले़ निङ्वाॽफुमाङ्ङिन् यहुदिहाॽरे़न्लक् खुनिॽ निङ्वाॽफुमाङ्बि? थिम्मे़न्दङ् सुवाङ्हाॽरे़ खुनिॽ निङ्वाॽफुमाङ् मे़ःम्बि? से़क्खासाङ् खे़ङ्हाॽरे़न्नाङ्लो,
Romans 4:10 in Limbu 10 कर आप्फाल्ले़ खुने़ॽ साम्योनिबा लॽरिक् लेःत्ते़बे? कन् पाःन्निन् खुने़ॽ हर्दो हे़क्मानुःल्ले़ तगिबि इ याङ्सि पोःक्खे़बाबि? से़क्खाए साम्योनिबा लेःत्ते़बाग तगिएरो॥
Romans 8:10 in Limbu 10 कर ख्रिस्ते़न्खिनिॽओ वाॽने़ फाॽग्र खिनिॽ नासिङ्गे़न् थक्किन् लायोःल्ले़ चोगुल्ले़ सिःसाङ् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा के़बोःक्खिबाल्ले़ चोगुल्ले़ खिनिॽ याम्साम्मिन् हिङ्लो॥
Romans 9:24 in Limbu 24 हे़क्केलॽरिक्के आनिॽ यहुदिसाङ्, थिम्मे़न्दङ् सुवाङ्साङ्, खे़न् सेगुसिबाहाॽग आनिॽएरो॥
Romans 9:30 in Limbu 30 हे़क्केःल्ले़ आल्ल आनिॽ थे पाःप्माबे? थिम्मे़न्दङ् सुवाङ्हाॽरे़ग साम्योनिबा पोःङ्मा मे़ङ्गोःत्तुन्छाङ् नसाःन् मे़जोगुबालाम्बा साम्योनिबा मे़बोःक्खे़॥
Romans 10:12 in Limbu 12 यहुदि नु थिम्मे़न्दङ् सुवाङ् लुम्मो थेआङ् ये़मे़न्दङ् पाःन् होःप्लो–लत्छा दाङ्बान्ने के़रे़क्ले़ खुनिॽ दाङ्बारो, हे़क्क्याङ् खुने़ॽ कुमिङ् के़लोःङ्बा के़रे़क् यरिक् मुॽइसाम् पिरुसिॽरो॥
Romans 15:9 in Limbu 9 हे़क्क्याङ् निङ्वाॽफुमाङ्ङिल्ले़ थिम्मे़न्दङ् सुवाङ्हाॽ लुङ्माॽ तुक्तुसिबाल्ले़ चोगुल्ले़ खे़ङ्हाॽरे़ खुने़ॽ कुमिमिदिङ् मे़जोगुर फाॽआङ् खुने़ॽ त्ये़बारो॥ अक्खेलॽरिक् निङ्वाॽफुसाम्लो सुम् के़साप्पाल्ले़ साप्तुआङ् पत्, “खे़ल्ले़ चोगुल्ले़ थिम्मे़न्दङ् सुवाङ्हाॽरे़ खुनिॽ लुम्मो इङ्गाॽ ने़म्भोगे़न् के़नारा फोःसुङ्लो, हे़क्क्याङ् के़मिङ्सो इङ्धाःङ् के़जोःक्पा सेवा साम्लोःन् साम्मे़त्तुङ्लो॥”
1 Corinthians 1:29 in Limbu 29 खे़ल्ले़ चोगुल्ले़ निङ्वाॽफुमाङ्ङिल्ले़ कुनिःमाओ आत्तिन्नाङ् आङ्दिङ् मे़लॽने़न्लरो॥
1 Corinthians 3:21 in Limbu 21 खे़ल्ले़ चोगुल्ले़ मनाहाॽरे़ खुनिॽ याःम्बेओ आत्तिन्हाॽआङ्आङ्दिङ् मे़न्लॽने़न्लरो॥ थेआङ्भे़ल्ले़ के़रे़क् पाःन्हाॽग खिनिॽइन्ने़रो॥
1 Corinthians 7:19 in Limbu 19 हर्दो हे़क्मान् नु मे़न्हे़क्माङ्ग यम्बा पाःन् मे़ःन्लो, कर निङ्वाॽफुमाङ्ङिल्ले़ कुसाम्यो इङ्जाःङ् के़इःप्पा के़नाःप्पा पोःङ्माए के़ये़क्पा पाःन्लो॥
1 Corinthians 7:21 in Limbu 21 दाङ्बाल्ले़ खे़ने़ॽ के़उःत्ते़ल्ले़ योःक् के़वये़बि? हे़क्केने़ फाॽग्र निङ्साम्मो मे़ध्ये़न्ने़ॽओ, कर के़सुक्तुने़ फाॽग्र चोःक्युम्भोबा पोःङ्मा तम्सिन् चोगे़ॽओ॥
1 Corinthians 12:13 in Limbu 13 बा हे़क्केलॽरिक् आनिॽ यहुदि, थिम्मे़न्दङ् सुवाङ्बा, योःक् इग्र चोःक्युम्भोबा आत्तिन्छाङ् थिक् सेसेमाङ्ङिल्ले़ थिक् थक्को बप्तिस्मा आजोगे़आङ् वाॽ॥ हे़क्क्याङ् आनिॽ के़रे़क्ले़ लत्छा सेसेमाङ् आघोःसुम्माङ् आवाॽरो॥
1 Corinthians 14:11 in Limbu 11 पाःप्मनाबा पाःन्निल्ले़ कुबेःन् इङ्गाॽ कुसिङ् मे़निःत्तुङ्ङिन्ने़ फाॽग्र के़बाःप्पाल्ले़ लागि इङ्गाॽग पाःन्मे़न्दङ् पोःङ्ङारो, हे़क्क्याङ् के़बाःप्पे़न्आलागि पाःन्मे़न्दङ् पोःङ्लो॥
Galatians 2:20 in Limbu 20 इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न्इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाःओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
Galatians 3:28 in Limbu 28 आल्ल यहुदि, थिम्मे़न्दङ् सुवाङ्, योःक् नु चोःक्युम्भोबा, ये़म्बित्छाॽ नु मे़न्छुमाॽ कुदङ्बारो, थेआङ्भे़ल्ले़ खिनिॽग ख्रिस्त ये़सुओ लत्छा के़बोःक्खिआङ् के़वयिॽरो॥
Galatians 5:6 in Limbu 6 थेआङ्भे़ल्ले़ ख्रिस्त ये़सुरे़ कुलागिग हर्दो हे़क्मा नु मे़न्हे़क्मा पाःन्निन् थेआङ् मे़ःन्लो॥ कर के़रे़क्नुःल्ले़ यम्बा पाःन्निङ्ग आनिॽ नसाःन्निल्ले़ चोगुल्ले़ वेॽहाॽ लुङ्माॽ आदुक्तुम्सिम्लो॥
Galatians 6:14 in Limbu 14 कर इङ्गाॽग आनिॽ दाङ्बा ये़सु ख्रिस्तरे़ सिलाम्साक्मा कुसिङ्ङिन्नुःल्ले़ वेॽ थे़माओआङ् आङ्दिङ् मे़लॽआन्लो॥ ख्रिस्ते़न्सिलाम्साक्मा सिङ्ङो स्ये़बाल्ले़ चोगुल्ले़ मनाहाॽरे़ मे़इःत्तु मे़नाःत्तुबा पाःन्हाॽ आलागि थेआङ् मे़ःन्लो, हे़क्क्याङ् खे़ङ्हाॽरे़ खुनिॽ लागिआङ् इङ्गाॽ थेआङ् मे़ःन्नारो॥
Ephesians 1:23 in Limbu 23 आल्ल कन् सेसेहुप्लक्किङ्ग ख्रिस्तरे़ नासिङ्गे़न् कुधक् नु कुलिङ्धो के़गे़प्पा पाःन्लो॥ हे़क्क्याङ् खुने़ॽए के़रे़क् कुलिङ्धो के़त्तुॽरो॥
Ephesians 3:6 in Limbu 6 खे़न् सिबिॽबा पाःन्निन् बा कन्लो–सुनाइङ्लाम्बाए थिम्मे़न्दङ् सुवाङ्हाॽ यहुदिहाॽनु सोरिक् युक्साबासि, सोरिक् थिक्हुप् के़बोःङ्बासि हे़क्क्याङ् ख्रिस्त ये़सुलाम् के़दाःबा निङ्वाॽफुमाङ्ङिल्ले़ कुमाङ्हे़क्किल्ले़न्सोरिक् लक् के़घोःबासिरो॥
Ephesians 3:17 in Limbu 17 हे़क्केलॽरिक् नसाःन्लाम् ख्रिस्ते़न्खिनिॽ सिक्लुङ्मो वाॽर॥ निङ्वाॽफुमाङ्ङिल्ले़ कुमिःम्जिओ खिनिॽ साःप् लेःत्छिङ्ङाङ् के़धुम्बा के़बोःक्खिर,
Ephesians 6:8 in Limbu 8 योःक्पासाङ् योःक्पा मे़ःम्बासाङ्, आत्तिल्ले़ नुःबा याःम्बक् चोगुॽ, खे़ल्ले़ चोगुबा हे़क्केए दाङ्बालाम् हाङ्से़म् खोःसुॽ फाॽआङ् खिनिॽ कुसिङ्के़निःत्तुम्लो॥
Philippians 3:7 in Limbu 7 कर आत्तिन् पाःन्हाॽ आलागि इङ्धाःङ्बा चोगे़, खे़ङ्हाॽ के़रे़क् ख्रिस्तरे़ चोगुल्ले़ कुमे़ल्लुङ् मे़ःन्नेबा इःत्तुङ्लो॥
Colossians 2:10 in Limbu 10 हे़क्क्याङ् खुने़ॽओए खिनिॽ कुलिङ्धो के़प्मान् के़घोःसुम्माङ् वाॽरो॥ खुने़ॽग काक् मुक्साम् नु युक् सम्दाङ् युक्साबारो॥
1 John 5:11 in Limbu 11 तोःन्दिःङ्ग आम्भा कन्लो–निङ्वाॽफुमाङ्ङिल्ले़ आनिॽ मे़न्नुप्मनाबा हिङ्मन् आबिरे़आङ् आवाॽ, हे़क्क्याङ् कन् हिङ्मन्निङ्ग आबुगे़न् कुस्साःलाम् ताःरो॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥
2 John 1:9 in Limbu 9 ख्रिस्तरे़ कुनिसाम्बुङ्ङोलाम् माःङ्घा के़वाॽबा मनाःन्नु निङ्वाॽफुमाङ्ङिन् मे़वाॽने़न्लो॥ कर खुने़ॽ कुनिसाम्बुङ्ङिन्नु मे़ल्ले़त्ते के़वाॽबान्नु पानुदिङ् पाः निङ्वाॽफुमाङ्ङिन् हे़क्क्याङ् आबुदिङ् कुस्साःन् ने़प्माङ् वाॽसिरो॥