2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
Other Translations King James Version (KJV) Henceforth there is laid up for me a crown of righteousness, which the Lord, the righteous judge, shall give me at that day: and not to me only, but unto all them also that love his appearing.
American Standard Version (ASV) henceforth there is laid up for me the crown of righteousness, which the Lord, the righteous judge, shall give to me at that day; and not to me only, but also to all them that have loved his appearing.
Bible in Basic English (BBE) From now on, the crown of righteousness is made ready for me, which the Lord, the upright judge, Will give to me at that day: and not only to me, but to all those who have had love for his revelation.
Darby English Bible (DBY) Henceforth the crown of righteousness is laid up for me, which the Lord, the righteous Judge, will render to me in that day; but not only to me, but also to all who love his appearing.
World English Bible (WEB) From now on, there is stored up for me the crown of righteousness, which the Lord, the righteous judge, will give to me on that day; and not to me only, but also to all those who have loved his appearing.
Young's Literal Translation (YLT) henceforth there is laid up for me the crown of the righteousness that the Lord -- the Righteous Judge -- shall give to me in that day, and not only to me, but also to all those loving his manifestation.
Cross Reference Matthew 6:19 in Limbu 19 “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥
Matthew 7:22 in Limbu 22 खासे़न् ये़न्नो यरिक् मनाहाॽ मे़दाआङ् अक्खे मे़मे़त्तारो, ‘आदाङ्बे, आदाङ्बे, खे़ने़ॽ के़मिङ्ङो माङ्निङ्वाॽपाःन् पारिगे़रो, हे़क्क्याङ् खे़ने़ॽ के़मिङ्ङो फे़न्साम्हाॽ नाःत्तुम् लःत्तुम्सिम्बे़आङ् निङ्वाॽ के़माबा याःम्बक्हाॽ चोगुम्बे़रो॥’
Matthew 24:36 in Limbu 36 “आल्ल खे़न् ये़म् नु ये़न्हाॽ आप्फाल्ले़ पोःङ् फाॽआङ् आत्तिल्ले़आङ् मे़निःसुन्॥ साङ्ग्राम्पेदाङ्बा माङ्लाइङ्बा नु निङ्वाॽफुसाःल्ले़आङ् मे़निःसुन्लो, कर पानुदिङ् पाः निङ्वाॽफुमाङ्ङिल्ले़रक् निःसुॽरो॥
Luke 10:12 in Limbu 12 खासे़न् ये़न्नो खे़न् पाङ्जुम्मिल्ले़ कुदुक्खेःङ्ग सादोमरे़ कुदुक्खेःन्नुःल्ले़आङ् के़साक्पा पोःङ् फाॽआङ् मे़त्निङ्लो॥’”
Romans 2:5 in Limbu 5 कर खिनिॽ हादिङ् के़धक्पा नु लायोलाम् मे़न्नुःङ्मनाबा निङ्वाॽबाल्ले़ चोगुल्ले़, कुदोःप्मा खासे़न्दाङ्बा निङ्वाॽफुमाङ्ङिल्ले़ खुम्दिङ् पिमा ये़न् थारिक् खिनिॽ तक्ले़ङ्वाओ किप्मा के़घुःबा कुसाक्के़न्निन् के़भोःक्खुम्ल के़वयिॽरो॥
Romans 8:23 in Limbu 23 नावागे़न् चइःत्तिल्लक् मे़ःन्, कर काक्नु तगिबा लक् कुइसिःक् सेसेमाङ्ङिन् के़घोःबा आनिॽआङ् आयाःत्ल आवाॽरो॥ आनिॽ निङ्वाॽफुमाङ्ङिल्ले़ आबाङे कुस्साः आजोःक्काङ् आनिॽ आबाङे नासिङ्गे़न् थक्किल्ले़ लायो नु तुक्खेलाम् चोःक्युम्भो खोःसुर फाॽआङ् आयाःत्ल आहाङ्घुम्ल आवाॽरो॥
1 Corinthians 2:9 in Limbu 9 कर साम्योसाप्लाओ अक्खेलॽरिक् साप्ते़आङ् पत्, “आत्तिन्हाॽरे़आङ् मे़न्निए, मे़ङ्घे़म्मे हे़क्क्याङ् निङ्वाॽ मे़न्इःत्तेबा पाःन्हाॽ निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽरे़ लागि यारिप् चोगुआङ् वाॽरो॥”
1 Corinthians 9:25 in Limbu 25 आल्ल हक्चाःत् के़जाःप्पा के़रे़क्ले़ के़साक्पा सधासिङ्मा मे़जोगुॽरो॥ खे़ङ्हाॽरे़ के़मे़क्पा के़बेःक्पा तिचः खोःसे़ हे़क्के मे़जोगुॽ, कर आनिॽग आप्फाल्ले़आङ् मे़म्मे़क्मनाबा थुम्घोगे़न् तिचः खोःसे़ हे़क्के आजोगुम्लो॥
2 Corinthians 5:2 in Limbu 2 कर खे़न् साङ्ग्राम्पेदाङ्ङोबा हिम्मिन् खोःमा साॽरिक् निङ्वाॽ आजोगुम्बाल्ले़ चोगुल्ले़ आनिॽ आल्लो निङ्वाॽ इगेःक् लॽरो,
Colossians 1:5 in Limbu 5 थेआङ्भे़ल्ले़ खिनिॽ थे निङ्साङ् के़जोगुम्माङ् के़वयिॽ खे़न् साङ्ग्राम्पेदाङ्ङो नुःरिक्काङ् याङ्घोःत्ते़आङ्वाॽरो॥ तगि खिनिॽ से़क्खाबा पाःन्जाक्किन् के़घे़प्सुम्माङ् के़वयिल्ले़सा कन् निङ्साङ्ङिल्ले़ कुयाःम्बेओ के़घे़प्सुम्माङ् के़वयि॥ खे़ङ्ग सुनाइङ्ङिन्नेरो॥
1 Thessalonians 1:10 in Limbu 10 हे़क्क्याङ् निङ्वाॽफुमाङ्ङिल्ले़ सिःमे़न्लाम् याम्मो हिङ्घुबा कुस्साः ये़सुरे़ साङ्ग्राम्पेदाङ्लाम् कुयुःमे़न् के़हाङ्घुम्बान् मे़मे़त्तिगे़आङ् वाॽरो॥ खुने़ॽए के़दाःबा निङ्वाॽफुमाङ्ङिल्ले़ कुघुम्दिङ्लाम् ताङ्आसे़ःप्लो॥
1 Thessalonians 5:4 in Limbu 4 कर फुॽनुसाॽ नु ने़ॽनुसाॽसे, खिनिॽग लायोओ के़वाॽबाहाॽ कुइसिःक् माक्चिगे़न् खादाम्मो के़होःप्तिरो॥ खे़ल्ले़ चोगुल्ले़ खे़न् दाङ्बाल्ले़ कुयुःमा ये़न्निन् के़घुःम्बे़न् हक्चघत् ताबा कुइसिःक् ताःल्ले़ खिनिॽ निङ्वाॽ माःमाओ के़न्ध्ये़ॽइन्लो॥
2 Thessalonians 1:5 in Limbu 5 कल्ले़ग निङ्वाॽफुमाङ्ङिल्ले़ साम्योनिबा खासे़न् चोगु के़लॽबा पाःन्निन् ओसेःन्दाङ्चोगुरो॥ खे़ल्ले़ चोगुल्ले़ खिनिॽ तुक्खे के़धःरुम्ल के़वयिबाल्ले़ चोगुल्ले़ निङ्वाॽफुहाङ्जुम्ले़न् सुम्बोधासाबा के़बोःक्खिॽरो॥
1 Timothy 6:19 in Limbu 19 अक्खेलॽरिक् खे़ङ्हाॽरे़ ताये़म्मिल्ले़न् ने़म्भोगे़न् पाङ्यक् मे़युक्खुररो॥ हे़क्क्याङ् खे़ङ्हाॽरे़ से़क्खाबा हिङ्मन्निन् मे़दे़म्सु मे़युक्खुररो॥
2 Timothy 1:12 in Limbu 12 हे़क्क्याङ् बा खे़ल्ले़ चोगुल्ले़ए इङ्गाॽ तुक्खे चाआर वाॽआरो॥ कर इङ्गाॽ सिरिङ् मे़मआन्लो, थेआङ्भे़ल्ले़ हाःत् इङ्गाॽ नसाःन् चोगुङ्ङाङ् वाॽआ फाॽआङ् नुःरिक्काङ् निःसुङ्ङाङ् वाॽआरो, हे़क्क्याङ् इङ्गाॽ कुहुक्को पिरुङ्बा पाःन्हाॽ निङ्वाॽफुमाङ्ङिल्ले़ कुनुःङ्मा युःमा ये़न् थारिक् से़ःप्तुआङ् कत्तुॽ फाॽआङ् इङ्गाॽ निस्से वाॽआरो॥
2 Timothy 1:18 in Limbu 18 ये़सु ख्रिस्तरे़ कुनुःङ्मा युःमा ये़न्नो हाराॽ दाङ्बाल्ले़ खुने़ॽ लुङ्गुम् ओसेःन्धाक्तुनिरो॥ इङ्गाॽ एफिससओ वयाङ्ङिल्ले़ आक्खे़न् साॽरिक् कुभाॽ पिराङ् के़लॽबा पाःन्निङ्ग खे़ने़ॽ के़निःसुएरो॥
2 Timothy 2:5 in Limbu 5 हक्चाःत्तो के़लोःक्पे़न्हक्चाःत्तोबा थिम्हाॽ कुइसिःक् मे़लोःक्ने़न्ने़ फाॽग्र खे़ल्ले़ थुम्घो मे़घोःसुन्लो॥
2 Timothy 4:1 in Limbu 1 ख्रिस्त ये़सुःन् हाङ् चोःक्से़ युःल्ले़ काक् कुहिङ्वे़त् नु कुसिवे़त् मनाहाॽ खासे़न् चोगुसिॽरो॥ खे़ल्ले़ चोगुल्ले़ निङ्वाॽफुमाङ्ङिल्ले़ नु ये़सु ख्रिस्तरे़ खुन्छिॽ तगि इङ्जाःङ् पिने़रो–
Titus 2:13 in Limbu 13 हे़क्केलॽरिक् आनिॽ पयम् निङ्वाॽफुमाङ्ङिन् नु से़न्लप्दाङ्बा ये़सु ख्रिस्तरे़ मिमिदिङ्नु कुयुःमे़न् आहाङ्घुम्ल आवाॽइल्ले़ आनिॽ हाङ्हाङ्बा निङ्साङ्ङिल्ले़ कुधिम् आवाॽरो॥
Hebrews 9:28 in Limbu 28 ख्रिस्ते़न्काक् मनाहाॽरे़ खुनिॽ लायोहाॽ कुःसे़ थिक्ले़ङ्मो सिदुङ्जभा पोःक्खे़, हे़क्क्याङ् याम्मो युःल्ले़ आनिॽ लायोहाॽ कुःसे़ग मे़ःन्, कर खुने़ॽ कुयुःमान् निङ्वाॽ इगेःक्काङ् के़हाङ्बाहाॽ से़न्लप् पिसे़ने़ युःरो॥
James 1:12 in Limbu 12 इनोगे़न् तुक्खेःन् नासि के़धःप्पे़ङ्ग मुॽइसाबारो, थेआङ्भे़ल्ले़ खे़न् निङ्वाॽ साॽमाओ थाःल्ले़ कुलिङ्धो के़गे़प्पा पोःक्खे़आङ् निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽ पिमासि फाॽआङ् माङ्हे़क् चोगुबा मे़न्नुप्मनाबा हिङ्मन्ले़न् तिचःन् खे़ल्ले़ खोःसुॽरो॥
1 Peter 1:4 in Limbu 4 हे़क्क्याङ् निङ्वाॽफुमाङ्ङिल्ले़ साङ्ग्राम्पेदाङ्ङो आप्फाल्ले़आङ् आसुत्थो मे़म्बोःङ्मना, इमे़ल्ले़म्मना मे़म्बेःक्मनाबा नु मे़न्यःप्मना मे़न्गिःमना इमे़ल्लुङ्बा लक् आनिॽ लागि युक्खुआङ् वाॽरो॥
1 Peter 5:4 in Limbu 4 हे़क्क्याङ् तुम् मे़ल्लुक्कम्बान् युःल्ले़ आप्फाल्ले़आङ् इमे़ल्ले़म्मनाबा मिमिदिङ् नु इङ्धाःङ्ङिल्ले़न् तिचः के़घोःसुम्लो॥
Revelation 1:7 in Limbu 7 ओमे़त्ते़म्मे़ॽ, खुने़ॽग खाप्मिःप्पो युःर पत्लो॥ हे़क्क्याङ् काक् मे़न्छाम्गे़न् याप्मिहाॽ नु खुने़ॽ के़धुप्पाहाॽरे़आङ् मे़निःसुॽरो॥ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ खुने़ॽ चोगुल्ले़ मेरिङ् मे़धक्लो॥ हाराॽ अक्खेए पोःङ्लरो! आमे़न्॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 4:4 in Limbu 4 हाङ्युक्नाःल्ले़ कुघिरि ने़त्-लि (२४) वेॽ हाङ्युक्नाहाॽ मे़युङे़ हे़क्क्याङ् खे़प्मो फःगे़लॽबा तेःत् के़जाङ्बा साम्म्याङ् तिचः के़घुःङ्बा ने़त्-लि तुम्लाम्लोःबाहाॽ मे़युङे़रो॥
Revelation 4:10 in Limbu 10 खे़न् ने़त्-लि (२४) तुम्लाम्लोःबाहाॽरे़ साम्बोःन् मे़भन्छिङ्ल सदादिङ् नु सदादिङ् के़वाॽबाआङ्हाङ्युक्नाओ के़युङ्बान् सेवा मे़जोगुॽरो॥ खे़ङ्हाॽरे़ खुनिॽ तिचःन् हाङ्युक्नाःल्ले़ कुदगाङ् मे़ने़स्सुर अक्खे मे़बाःत्तुॽरो,
Revelation 19:11 in Limbu 11 हे़क्क्याङ् इङ्गाॽ साङ्ग्राम्पेदाङ्ङिन् हरे़बा निःसुङ्, हे़क्क्याङ् खे़प्मो फःदाङ्बा अन्धिक् वये़॥ खे़न् सम्दाङ् के़युङ्बाल्ले़ कुमिङ्ङिन् “नसाःन्साबा” नु “से़क्खा” मे़मे़त्तुरो॥ खुने़ॽग नुःरिक्काङ् खासे़न् चोगुॽ हे़क्क्याङ् थङ् चोगुॽरो॥
Revelation 22:20 in Limbu 20 कन् पाःन्निन्साःक्खि के़बिबाल्ले़ पाःत्तुॽ, “से़क्खाए इङ्गाॽ हाराए युःआरो॥” आमे़न्! दाङ्बा ये़सुए, ये़ॽओ!