1 John 1:2 in Limbu 2 खे़न् हिङ्मन्निन् थाःम्सिङ्, हे़क्क्याङ् आनिगे़ निःमनाआङ् खे़ल्ले़न् साःक्खि पिमनारो॥ खुने़ॽए मे़न्नुप्मनाबा हिङ्मन्लो फाॽआङ् खिनिॽ मे़त्तासिगे़ॽरो॥ खुने़ॽग पानुदिङ् पाः निङ्वाॽफुमाङ्ङिन्नु वये़, हे़क्क्याङ् आनिगे़ओ थाःम्सिङ्लो॥
Other Translations King James Version (KJV) (For the life was manifested, and we have seen it, and bear witness, and shew unto you that eternal life, which was with the Father, and was manifested unto us;)
American Standard Version (ASV) (and the life was manifested, and we have seen, and bear witness, and declare unto you the life, the eternal `life', which was with the Father, and was manifested unto us);
Bible in Basic English (BBE) (And the life was made clear to us, and we have seen it and are witnessing to it and giving you word of that eternal life which was with the Father and was seen by us);
Darby English Bible (DBY) (and the life has been manifested, and we have seen, and bear witness, and report to you the eternal life, which was with the Father, and has been manifested to us:)
World English Bible (WEB) (and the life was revealed, and we have seen, and testify, and declare to you the life, the eternal life, which was with the Father, and was revealed to us);
Young's Literal Translation (YLT) and the Life was manifested, and we have seen, and do testify, and declare to you the Life, the age-during, which was with the Father, and was manifested to us --
Cross Reference John 1:1 in Limbu 1 तोलिङ्सोमुओ इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए, निङ्वाॽफु पाःन्जाक्किन् वये़रो॥ निङ्वाॽफु पाःन्जाक्किन् निङ्वाॽफुमाङ्ङिन्नु वये़ हे़क्क्याङ् खुने़ॽग निङ्वाॽफुमाङ् वये़रो॥
John 1:4 in Limbu 4 ने़त्तिगे़न् हिङ्मन्निन् खुने़ॽनु वये़रो॥ हे़क्क्याङ् खे़न् ने़त्तिगे़न् हिङ्मन्निल्ले़ काक् मे़न्छाम् याप्मिहाॽ से़न्दाङ्गे़न् ओःत्ति पिरुसिरो॥
John 1:18 in Limbu 18 निङ्वाॽफुमाङ्ङिङ्ग आत्तिल्ले़आङ् आप्फाल्ले़आङ् मे़न्निए वाॽरो, कर पानुदिङ् पाः निङ्वाॽफुमाङ्ङिन्नु सोरिक् के़वाॽबा थिक्लक् कुस्साःल्ले़ निङ्वाॽफुमाङ्ङिन् ओसेःन्दाङ् चोगुआङ् वाॽरो॥
John 3:13 in Limbu 13 साङ्ग्राम्पेदाङ्लाम् के़युःबा इङ्गाॽ मे़न्छाम्साःन्नुःल्ले़ वेॽ आत्तिन्नाङ् साङ्ग्राम्पेदाङ्ङो थाःङ् मे़म्बेःक्के वाॽरो॥
John 7:29 in Limbu 29 कर इङ्गाॽग खुने़ॽ कुसिङ् निःत्तुङ्लो, थेआङ्भे़ल्ले़ खुने़ॽलाम्बा त्याङ्बा हे़क्क्याङ् खुने़ॽ पाङ्घाङ्बारो॥”
John 8:38 in Limbu 38 इङ्गाॽग पानुदिङ् आम्बानु वयाङ्ङिल्ले़ निःसुङ्बा पाःन्हाॽए पाःत्तुङ्लो, कर खिनिॽग खिनिॽ पाःलाम् के़घे़प्सुम्बान्लक् के़जोगुम्लो॥”
John 11:25 in Limbu 25 ये़सुरे़ खे़न् मे़त्तु, “इङ्गाॽग के़सिःबाहाॽ याम्मो हिङ्मन् के़बिबा नु मे़न्नुप्मनाबा हिङ्मन् के़बिबाआरो॥ आत्तिल्ले़ इङ्गाॽ नसाःन् चोःक्का खे़ङ्ग सिःसाङ् याम्मो हिङ्लो॥
John 14:6 in Limbu 6 ये़सुरे़ नोगप् पिरु, “लाम्, से़क्खा नु मे़न्नुप्मनाबा हिङ्मन् इङ्गाॽएरो॥ आत्तिन्नाङ् इङ्गाॽ मे़ःन्नेग पानुदिङ् पाःल्लो के़प्मा मे़सुक्ने़न्लो॥
John 15:27 in Limbu 27 हे़क्क्याङ् खिनिॽआङ् इङ्गाॽ आयाःम्बेओ तोःन्दि के़बिरुम्लए पोःङ्लो थेआङ्भे़ल्ले़ खिनिॽग इङ्गाॽनु कुहेःक्सिङ्माआङ्धोए के़वयिरो॥”
John 16:28 in Limbu 28 इङ्गाॽ निङ्वाॽफुमाङ्लाम् इक्सादिङ् खाम्बेःक्मो त्याङ्बारो॥ आल्लोग इङ्गाॽ याम्मो इक्सादिङ् खाम्बेःक्मान् ले़रुङ्ङाङ् पानुदिङ् पाःल्लो नुःङ्ङा पेःक्कार पत्तारो॥”
John 17:3 in Limbu 3 खे़ङ्हाॽरे़ से़क्खागे़न् निङ्वाॽफुमाङ्ङिन् खे़ने़ॽरक् फाॽआङ् कुसिङ् मे़निःत्तुर हे़क्क्याङ् खे़ने़ॽ के़बाङ्घुबा ये़सु ख्रिस्ते़न्कुसिङ् मे़निःत्तुर बा खे़न्ने मे़न्नुप्मनाबा हिङ्मन्लो॥
John 17:5 in Limbu 5 पानुदिङ् आम्बे, इक्सादिङ् खाम्बेःक्माल्ले़ तोलिङ्सोमु पोःङ्मानुःल्ले़ तगिआङ्धो खे़ने़ॽनु वयाङ्ङिल्ले़ इङ्गाॽ कत्तुङ्बा मिमिदिङ्ङिल्ले़ खे़ने़ॽ के़दगि आमिङ्सो इङ्धाःङ् चोगे़ॽओ॥
John 21:14 in Limbu 14 ये़सुःन् सिःमे़न्लाम् हिङे़आङ् कुहुॽसाम्बाहाॽरो ओसेःन्धाक्सिङ्बा कन् सुम्ले़ङ् पोःक्खे़आङ् वये़रो॥
Acts 1:22 in Limbu 22 खुने़ॽ युहुन्नारे़ चोगुबा बप्तिस्माआङ्धो दाङ्बा ये़सुःन् आनिॽ लुम्मोनु साङ्ग्राम्पेदाङ् पेबा थारिक् के़निःबा पोःङ्मा पोःङ्॥ खुने़ॽ आनिॽनुए दाङ्बा ये़सुःन् सिःमे़न्लाम् याम्मो कुहिङ्वे़त् पोःक्खे़बा पाःन्निल्ले़न् तोःन्दि पोःङ्मा पोःङ्लो॥”
Acts 2:32 in Limbu 32 बा कन् ये़सुःन् निङ्वाॽफुमाङ्ङिल्ले़ याम्मो कुहिङ्वे़त् चोगुबा पाःन्नो आनिगे़ के़रे़क् के़निःबा तोःन्दि वयिगे़रो॥
Acts 3:15 in Limbu 15 अक्खेलॽरिक् खिनिॽ ने़त्तिगे़न् हिङ्मन्ले़ कुबुन्निन् से़प्मा के़बाङ्घुम्सिम्, कर निङ्वाॽफुमाङ्ङिल्ले़ खुने़ॽग कुसिवे़त्लाम् कुहिङ्वे़त् चोगुरो॥ खे़न् पाःन्निल्ले़न् तोःन्दि आनिगे़ वयिगे़रो॥
Acts 5:32 in Limbu 32 हे़क्क्याङ् कन् पाःन्निल्ले़न् तोःन्दिःङ्ग आनिगे़ वयिगे़रो, हे़क्क्याङ् निङ्वाॽफुमाङ्ङिल्ले़ कुइङ्जाःङ् ते़न्दिङ् के़जोःक्पाहाॽ पिरुसिबा सेसेमाङ्ङिन्नाङ्तोःन्दि वाॽरो॥”
Acts 10:41 in Limbu 41 खुने़ॽग काक् यहुदिहाॽनुग मे़ःन्, कर निङ्वाॽफुमाङ्ङिल्ले़ कुदोःन्दि पिसे़ सेगिगे़बाहाॽनु ओसेःन्धाक्सिङ्लो॥ खुने़ॽ सिःमे़न्लाम् हिङे़आङ् आनिगे़ खुने़ॽनुए सोरिक् चाःमना थुङ्मनारो॥
Romans 8:3 in Limbu 3 लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्साःन् मे़न्छाम् याप्मिहाॽरे़ मे़जोगुबा लायोःल्ले़ लागि सिदुङ्जभा पोःङ्से़ लायोबा मना कुइसिःक्पा नासिङ्गे़न् थक्को पाङ्घु युःसुआङ् नासिङ्गे़न् कुधक्किल्ले़ आनिॽ लायोःन् मे़क्खुरो॥
Romans 16:25 in Limbu 25 इङ्गाॽ इङ्भोःसुङ्बा सुनाइङ्ङिन् नु ये़सु ख्रिस्तरे़ कुयाःम्बेओबा इङ्घङ्लाम् निङ्वाॽफुमाङ्ङिल्ले़ खिनिॽ याम्साम्मो के़धुम्बा चोःक्मा के़सुक्तिॽरो॥ कन् इङ्घङ्ङिङ्ग तोलिङ्सोमुआङ्धोए चिक्खे़आङ् वये़, कर आल्लो ओसेःन्दाङ् पोःक्खे़आङ् वाॽरो॥
Galatians 4:4 in Limbu 4 कर निङ्वाॽफुमाङ्ङिल्ले़ युक्तिङ् चोगुबा ये़म्मिन् के़रे़ल्ले़ आबुगे़न् कुस्साःन् पाङ्घु युःसुरो॥ खुने़ॽ सिसादिङ् मे़न्छुमाॽओलाम् साम्योथिम्मिल्ले़ कुयुक्को सावाःन्छिङ्ङाङ् वये़रो॥
1 Timothy 3:16 in Limbu 16 आनिॽ साम्योरे़ सिगाङ् पाःन्निङ्ग पयम् यम्बा चोःक् फाॽआङ् आनिॽ ते़न्दिङ् आजोगुम्लो– निङ्वाॽफुमाङ्ङिन् आप्फेःक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योनिबा फाॽआङ् ओसेःन्दाङ्पोःक्खे़रो, माङ्लाइङ्बाहाॽरे़ खुने़ॽ मे़निःसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोःसे़रो, इक्सादिङ् खाम्बेःक्मो खुने़ॽ नसाःन् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
2 Timothy 1:10 in Limbu 10 कर आल्लो आनिॽ से़न्लप्दाङ्बा ख्रिस्त ये़सुःन् त्ये़आङ् निङ्वाॽफुमाङ्ङिल्ले़ कुलुङ्गुम् खुने़ॽओ ओसेःन्दाङ् पोःक्खे़रो॥ खुने़ॽए सिःमे़ल्ले़ कुमुक्साम्मिन् मे़क्खुआङ् सुनाइङ्लाम् ने़त्तिगे़न् हिङ्मन् नु आजुनि हिङ्मन् ओसेःन्दाङ् चोगुरो॥
Titus 1:2 in Limbu 2 कन् से़क्खाःल्ले़ चोगुल्ले़ मे़न्नुप्मनाबा हिङ्मन्निल्ले़ निङ्साङ्ङिन् आघोःसुम्, हे़क्क्याङ् आप्फाल्ले़आङ् इङ्ले़क् मे़म्बाःप्मनाबा निङ्वाॽफुमाङ्ङिल्ले़ ये़म्मिल्ले़ कुहेःक्सिङ्मानुःल्ले़ तगिए कन् मे़न्नुप्मनाबा हिङ्मन्निल्ले़ माङ्हे़क्किन्चोगुआङ् वये़रो॥
1 Peter 5:1 in Limbu 1 आल्ल ख्रिस्तरे़ इनोगे़न् कुदुक्खेःल्ले़न् तोःन्दि नु ताःन्दि ओसेःन्दाङ् के़बोःङ्बा मिमिदिङ्ङिल्ले़न् लक्साबा पोःक्खाङ्बाल्ले़ चोगुल्ले़, हे़क्क्याङ् इङ्गाॽआङ् सेसेहुप्लक्कोबा लत्छा तुम्लाम्लोःबा पोःक्खाङ्बाल्ले़ चोगुल्ले़ खिनिॽ तुम्लाम्लोःबाहाॽ पेलि फाक्निङ्लो–
1 John 1:1 in Limbu 1 तोलिङ्सोमुआङ्धोए वये़बा, आनिगे़ खे़प्सुम्बे़आङ् वयिगे़बा, हे़क्क्याङ् आबाङे मिक्किल्ले़ निःसुम्बे़आङ् वयिगे़बा, नुःरिक्काङ् ओमे़त्तुम्बे़आङ् वयिगे़बा, हे़क्क्याङ् आबाङे हुक्किल्ले़ सुःसुम्बे़आङ् वयिगे़बा हिङ्मन् के़बिबा पाःन्जाक्किल्ले़ कुयाःम्बेओ खिनिॽ सक्इङ्घङ्हाक्कासिगे़रो॥
1 John 3:5 in Limbu 5 आनिॽ लायोःन् खे़प्मारे़ लागि ख्रिस्ते़न्ये़बाङ्ग खिनिॽ कुसिङ् के़निःत्तुम्लो॥ हे़क्क्याङ् खुने़ॽओ लायो होःप्लो॥
1 John 3:8 in Limbu 8 लायो के़जोःक्पार के़वाॽबा मनाःङ्ग माफे़न्साम्मिल्ले़ कुमनारो, थेआङ्भे़ल्ले़ माफे़न्साम्मिल्ले़ तोलिङ्सोमुआङ्धोए लायो चोगुर वाॽरो॥ खे़ल्ले़ चोगुल्ले़ निङ्वाॽफुसाःन् माफे़न्साम्मिल्ले़ कुयाःम्बक्किन् मे़ङ्से़ ये़बारो॥
1 John 5:11 in Limbu 11 तोःन्दिःङ्ग आम्भा कन्लो–निङ्वाॽफुमाङ्ङिल्ले़ आनिॽ मे़न्नुप्मनाबा हिङ्मन् आबिरे़आङ् आवाॽ, हे़क्क्याङ् कन् हिङ्मन्निङ्ग आबुगे़न् कुस्साःलाम् ताःरो॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥