1 John 2:28 in Ixil 28 As tuk val sete, vitzꞌin vatzik uvaꞌ xoꞌn chit ex sve, kuchabꞌata qatin kꞌatz u Jesúseꞌ, aqꞌal uvaꞌ yeꞌ la xoꞌv oꞌ tul la ul Aak vatz u txꞌavaꞌeꞌ unpajte. As yeꞌ la qeesa el qibꞌ kꞌatz Aak taꞌn chꞌixvichil,
Other Translations King James Version (KJV) And now, little children, abide in him; that, when he shall appear, we may have confidence, and not be ashamed before him at his coming.
American Standard Version (ASV) And now, `my' little children, abide in him; that, if he shall be manifested, we may have boldness, and not be ashamed before him at his coming.
Bible in Basic English (BBE) And now, my children, keep your hearts in him; so that at his revelation, we may have no fear or shame before him at his coming.
Darby English Bible (DBY) And now, children, abide in him, that if he be manifested we may have boldness, and not be put to shame from before him at his coming.
World English Bible (WEB) Now, little children, remain in him, that when he appears, we may have boldness, and not be ashamed before him at his coming.
Young's Literal Translation (YLT) And now, little children, remain in him, that when he may be manifested, we may have boldness, and may not be ashamed before him, in his presence;
Cross Reference Mark 8:38 in Ixil 38 Asoj at umaj uxhchil la chꞌixvu sviꞌ as tiꞌ vunyoleꞌ vatz unqꞌa tenameꞌ uveꞌ aꞌ kuxh u paaveꞌ nibꞌaneꞌ, as la chꞌixvu veꞌt VIKꞌAOL U NAJEꞌ svatz unpajte tul uvaꞌ la ul veꞌt tikaꞌpa tukꞌ unqꞌa Tiixhla ángeleꞌ as tukꞌ viyakꞌil viBꞌaaleꞌ,— tiꞌk u Jesúseꞌ.
Romans 9:33 in Ixil 33 echeꞌ uvaꞌ ni tal umaꞌt u yol uvaꞌ tzꞌibꞌamal kan uvaꞌ ech ni tal ileꞌ: Paloj ex stuul uvaꞌ tuk unkꞌujbꞌaꞌ umaꞌl u uxhchil uvaꞌ ech tatineꞌ echeꞌ kꞌubꞌ tu u Sion. As nimal uxhchil uvaꞌ yeꞌ la saꞌon. Pet abꞌil uvaꞌ la ikꞌujbꞌaꞌ ikꞌuꞌl stiꞌ, as echeꞌ la koj eesal iqꞌii, tiꞌk u yoleꞌ.
1 Corinthians 1:7 in Ixil 7 As tul uvaꞌ yeꞌxnaj ul u Kubꞌaal Jesucristo vatz u txꞌavaꞌeꞌ unpajte, as yeꞌl umaꞌtoj bꞌaꞌnil nisaꞌvit setiꞌ, tan ayaꞌl chit ekꞌuꞌl netxꞌebꞌoneꞌ tiꞌ u tulebꞌal Aakeꞌ.
1 Corinthians 15:23 in Ixil 23 As la ul veꞌt taama unqꞌa kamnajeꞌ skajayil, tan bꞌaxel kat ul taama u Cristo. Kꞌuchbꞌal tetz uvaꞌ la ul qaama unpajte. As la ul veꞌt qaama tul uvaꞌ la ul u Cristo tikaꞌpa, jankꞌal oꞌ uvaꞌ at veꞌt ok oꞌ kꞌatz Aak.
Colossians 3:4 in Ixil 4 As tul la ilpu veꞌt tul u Cristoeꞌ uvaꞌ ni aqꞌon etiichajil kꞌatz u Tiixheꞌ, as la ilpu veꞌt ex uvaꞌ echen veꞌt ex kꞌatz Aak. As achvebꞌal chit veꞌt etatineꞌ la ibꞌaneꞌ tul la oksal veꞌt iqꞌii Aak.
1 Thessalonians 2:19 in Ixil 19 As exeꞌ uvaꞌ kꞌujleꞌl kukꞌuꞌl setiꞌ, tan nu kutxuqꞌtxun setiꞌ. As setiꞌ la kukꞌulkat u kutxꞌajaꞌmeꞌ, tan setiꞌ la chiibꞌkat veꞌt oꞌ vatz Aak tul uvaꞌ la ul u Kubꞌaal Jesucristo vatz u txꞌavaꞌeꞌ unpajte.
1 Thessalonians 3:13 in Ixil 13 aqꞌal uvaꞌ la yakꞌin veꞌt vetaanxelaleꞌ. As yeꞌl epaav la cheei, tan jik veꞌt ex vatz u Kubꞌaal Jesús tul uvaꞌ la ul veꞌt Aak unpajte tukꞌ unqꞌa niman tetz Aakeꞌ skajayil.
1 Thessalonians 5:23 in Ixil 23 As aꞌ u Tiixheꞌ ni bꞌanon uvaꞌ bꞌaꞌn etatin sevatzaj, as Aakeꞌ la bꞌensan ex jikla aamail, tukꞌ vechiꞌoleꞌ as tukꞌ vetaanxelaleꞌ. Estiꞌeꞌ yeꞌ la chee umaj vaꞌlexh setiꞌ tul la ul veꞌt u Kubꞌaal Jesucristo,
1 Timothy 6:14 in Ixil 14 As la chit eel isuuchil u jikla yoleꞌ uvaꞌ kat val see, aqꞌal uvaꞌ yeꞌ la jalpul isuuchil u chusbꞌaleꞌ. As yeꞌ la oksal u vaꞌlexheꞌ sxoꞌl, aqꞌal uvaꞌ yeꞌxhebꞌil la eesan iqꞌii u jikla yoleꞌ, techal la ul ikꞌuch tibꞌ u Kubꞌaal Jesucristo vatz u txꞌavaꞌeꞌ unpajte.
2 Timothy 4:8 in Ixil 8 As estiꞌeꞌ uvaꞌ nitxꞌebꞌon veꞌt vuntxꞌajaꞌmeꞌ sviꞌ uveꞌ tuk taqꞌ u Kubꞌaaleꞌ sve tu u qꞌiieꞌ uvaꞌ la kam in, tan tiꞌ uvaꞌ jik veꞌt in vatz Aak, as jik chit la ibꞌan Aak unsuuchil. As jit kuxh in la aqꞌax u txꞌajaꞌmeꞌ sve. Pet antu unqꞌa uxhchileꞌ uveꞌ ni txꞌebꞌon u tulebꞌal Aakeꞌ unpajte.
Titus 2:13 in Ixil 13 As nu kuchiibꞌeꞌ tiꞌ kutxꞌebꞌat u achvebꞌalla qꞌiieꞌ tul uvaꞌ la ul ikꞌuch tibꞌ u kuTiixheꞌ uvaꞌ nim talcheꞌ uvaꞌ Jesucristo, u qꞌalpun qetzeꞌ.
Hebrews 9:28 in Ixil 28 As ech kat ibꞌan u Cristo, tan unpajul kuxh kat taqꞌ tibꞌ Aak kamoj. As nimal unqꞌa tenameꞌ kat isotzsa Aak ipaav. As tul la ul u Jesús unpajte tikaꞌpa, as jit veꞌt u kupaaveꞌ tul ichoo Aak. Pet tiꞌ teesat oꞌ Aak kꞌatz uveꞌ nijatxon kuxoꞌl tukꞌ u Tiixheꞌ.
1 Peter 1:7 in Ixil 7 As aꞌ itxaꞌk unqꞌa kꞌaxkꞌoeꞌ uveꞌ nepalebꞌe tiꞌ tootzileꞌ uvaꞌ kam bꞌanel taꞌn u kꞌujlebꞌal ekꞌuꞌleꞌ, tan aꞌeꞌ nim talcheꞌ tiꞌ u ooroꞌeꞌ. Tan kꞌuxh txaael veꞌt u ooroꞌeꞌ taꞌn xamal, as la chit pali. Pet ech koj u kꞌujlebꞌal ekꞌuꞌleꞌ tan tul maꞌt epalebꞌet u kꞌaxkꞌoeꞌ, as la ootzil veꞌteꞌ uvaꞌ kꞌujleꞌl chit ekꞌuꞌl tiꞌ u Tiixheꞌ. As tul la ul u Jesucristoeꞌ unpajte, as mamaꞌla bꞌaꞌnil la ibꞌan Aak sete tan Aakeꞌ la oksan veꞌt eqꞌii.
1 Peter 5:4 in Ixil 4 As tul la ul veꞌt u Jesúseꞌ unpajte, tan Aakeꞌ u nimla xeen qetzeꞌ, as la kukꞌul veꞌt u nimla txꞌajaꞌmeꞌ setukꞌ uvaꞌ yeꞌxh jatu la pali, tan ech qatineꞌ vatz Aak echeꞌ xeen txoo.
2 Peter 3:4 in Ixil 4 As ech la tal ileꞌ: «¿Kam qꞌi nitel kuxh enima unqꞌa yoleꞌ uvaꞌ alel kan tiꞌ uvaꞌ la ul u Cristoeꞌ unpajte? As naꞌytzaneꞌ ikam unqꞌa qꞌesla kubꞌaaleꞌ. As antel kuxh bꞌan taꞌn u vatz txꞌavaꞌeꞌ echeꞌ uvaꞌ bꞌanik taꞌn tul sicheesaleꞌ,» chaj unqꞌa uxhchileꞌ la taleꞌ.
1 John 2:1 in Ixil 1 Vitzꞌin vatzik, ech exeꞌ meꞌal unkꞌaol. As nuntzꞌibꞌa bꞌen unqꞌa yoleꞌ sete tiꞌ uvaꞌ yeꞌ la paavin ex. Asoj at umaj oꞌ kat paavin oꞌ, as at umaꞌl u oksan qetz vatz u Tiixheꞌ. As aꞌeꞌ u Jesucristoeꞌ uvaꞌ jik chit itxumbꞌal.
1 John 3:2 in Ixil 2 Vitzꞌin vatzik, exeꞌ uvaꞌ xoꞌn ex sve, tan ¡oꞌ veꞌt meꞌal ikꞌaol u Tiixheꞌ cheel! As kꞌuxh yeꞌ qileꞌte kam unjoltu unqꞌa bꞌaꞌnileꞌ uvaꞌ tuk taqꞌ Aak sqe, as at veꞌt sukukꞌuꞌl uvaꞌ tul la ul u Jesúseꞌ vatz u txꞌavaꞌeꞌ unpajte, as ech veꞌt oꞌeꞌ echeꞌ Aak la ibꞌaneꞌ. As la qil veꞌt Aak kam ikaꞌy Aak.
1 John 3:21 in Ixil 21 Vitzꞌin vatzik uvaꞌ xoꞌn ex sve, asoj yeꞌ nixochon jeꞌ u kutxumbꞌaleꞌ sqe, as yeꞌl oꞌ la xoꞌv oꞌ tiꞌ kunachat Tiixh.
1 John 4:17 in Ixil 17 As estiꞌeꞌ yeꞌ la xoꞌv oꞌ vatz u Jesucristo tul la ilej veꞌt u qꞌiieꞌ uvaꞌ la ul ibꞌan Aak isuuchil unqꞌa tenameꞌ skajayil, tan ootzimaleꞌ sqaꞌn uvaꞌ kat iyakꞌinsa u Tiixheꞌ u qaanxelaleꞌ tiꞌ uvaꞌ la kuxoꞌni qibꞌ sukuvatzaj. As la kuxoꞌni unqꞌa tenameꞌ unpajte, tan ech qatineꞌ xoꞌl unqꞌa tenameꞌ echeꞌ u Jesús.
1 John 5:14 in Ixil 14 As estiꞌeꞌ uvaꞌ yeꞌ la xoꞌv oꞌ tiꞌ kunachat Tiixh, tan ootzimal sqaꞌn uvaꞌ tul nu kujaj umaj bꞌaꞌnil te Aak uvaꞌ bꞌaꞌn te Aak, as la ibꞌan Aak kam uvaꞌ la kujaj te Aak.
Revelation 1:7 in Ixil 7 As tul veꞌt u Cristo viꞌ u suutzꞌeꞌ. As kajayil chit unqꞌa tenameꞌ la ilon veꞌt tul Aak. As antu veꞌt unqꞌa tenameꞌ la ilon tul Aak uvaꞌ kat toqꞌon u txala tuul Aakeꞌ. As la txumun veꞌt unqꞌa tenameꞌ skajayil vatz u txꞌavaꞌeꞌ tiꞌ Aak. Ech chit la ibꞌaneꞌ. An chiteꞌ.