Romans 3:25 in Colorado 25 Jesuca caquereituminnan, jutsa quimin jominlayoe. Junni Diosi ya jutsaca casticaquitue. Duque wantaimin joto, chiquila ya jutsa quinasa, Diosi quiraniquinaminue. Junto Diosi chiquilachi jutsaca telaqueponiquimanpari, Diosinan seiton patino jomin jonhoe. Junto Jesucrístoca erenue yaca quereiminlachi jutsaca yachi asanchi piyarisa.
Other Translations King James Version (KJV) Whom God hath set forth to be a propitiation through faith in his blood, to declare his righteousness for the remission of sins that are past, through the forbearance of God;
American Standard Version (ASV) whom God set forth `to be' a propitiation, through faith, in his blood, to show his righteousness because of the passing over of the sins done aforetime, in the forbearance of God;
Bible in Basic English (BBE) Whom God has put forward as the sign of his mercy, through faith, by his blood, to make clear his righteousness when, in his pity, God let the sins of earlier times go without punishment;
Darby English Bible (DBY) whom God has set forth a mercy-seat, through faith in his blood, for [the] shewing forth of his righteousness, in respect of the passing by the sins that had taken place before, through the forbearance of God;
World English Bible (WEB) whom God set forth to be an atoning sacrifice{or, a propitiation}, through faith in his blood, for a demonstration of his righteousness through the passing over of prior sins, in God's forbearance;
Young's Literal Translation (YLT) whom God did set forth a mercy seat, through the faith in his blood, for the shewing forth of His righteousness, because of the passing over of the bygone sins in the forbearance of God --
Cross Reference John 6:47 in Colorado 47 Nulabe tsarasica pachinayoe tie. Labe cayaiminlachi tencari numatotiya sonnato polelaichunae tie.
John 6:53 in Colorado 53 Junni Jesuri yalabe itsantie: —Nulabe tsarasica pachinayoe: La tsachi ica jun jonan lachi pucaca fin, lachi asanca cuchin, quitutori, nulachi tenca sonnalaratuchunae tie.
Acts 2:23 in Colorado 23 Tsan josanan, nulari Jesuca totesa carinilaquinue tinue. Nulari Jesuca cato cuwapolaquinue tinue yape seiton tsachila yaca corosibi totelaquisa. Junnasa mantimini Diosiri junca natiya wepanatunue. Matulenan Diosi miraminue Jesuca totenola joeque. Diosi paca jominue tsanhiniino joeque.
Acts 3:18 in Colorado 18 Aman jerale Diosichi mantate paminla matu mate pila chutenato, Jesucrístoca itsanque cuenta polarica jominlanue tinue: Diosi wenteca Cristo tinun tsachi padeseino jochunaeque chutelaquinue tinue. Junni Diosichi Pilabi tsantica josa, Diosiri jun tsannan isa carie tinue.
Acts 4:28 in Colorado 28 Nu mantimini matulenan jera tenca caya jominue latinue Jesús jera niyan intsan jonunca. Nu tede ponue latinue. Junni Jesuca pa junlari jera ticatiya quinilaquee latinue. Nuri numa pato Itsanquichunae tica josa, jun tsannan quinilaquee latinue.
Acts 13:38 in Colorado 38 Junni Pablo tsanque micarisi, man fiquiman cuenta quinue. Itsantinue: —Israelítala, lanan israelita pejoyoe. Junni laca meralaquede! tinue. Nulabe tuca pato itsantinayoe tinue: Ya Jesuri nulachi jutsaca jera piyarino podeichunae tiyoe tinue.
Acts 15:18 in Colorado 18 Aman Miya Diosi patsa tsantinue tinue. Yari matu male nechi yaca cuenta polarica joe tinue.
Acts 17:30 in Colorado 30 Nula miratunun mate epele tenca cato nenanunca Diosi wantainiimin jominue tinue. Tsan josanan amanari jerale tote piyanle tsachilaca jutsaca jera telaquepoto casan tala tenca mancalaquedeque mantanae tinue.
Romans 2:4 in Colorado 4 Uyanlaca culpa quinatonan, jutsa quiminla joe. Tsan josanan, Diosi duque sen joto, nulaca castica caquitue. Pa jotonan wantainae. Junni epenan wantaitue. Nula jutsa quinunca telaquepoto, casan tala tenca mancasa tinae. Jun tenchi nulaca casticaquituto wantainae. Nula mantimini Diosi wantainaminca yape tito tennatuminla joe.
Romans 3:26 in Colorado 26 Amana junca quirato, Diosica miintsan joe sen joeque. Tsanque Diosi sen joto, Jesube cayaiminlacari sen jolajoe timin joe.
Romans 4:1 in Colorado 1 In fiqui tsa jonari, ¿chiquilachi matu to tata Abrahanca niyan tintsan jun?
Romans 5:1 in Colorado 1 Cayaica jonan, Diosi chiquilaca sen jolajoe tinue. Jun tenchi chiquilari Diosibe man tencari jolajoyoe. Chiquilachi Miya Jesucristo chiquilaca Diosibe man tencari suwanue.
Romans 5:9 in Colorado 9 Cristo yachi asan larito puyanun tenchi Diosi chiquilaca sen jolajoe tinue. Tsan jonari, sen joe tisa carito, se larichunae yape Diosi paino mate chiquilaca paitusa.
Romans 5:11 in Colorado 11 Junni jun mate Jesucristo se larino josanan, amananan Diosica son tilatinayoe. Chiquilachi Miya Jesucristo chiquilaca amico suwato, son tisa carinae.
Colossians 1:20 in Colorado 20 Junni yachi Naochi mantá cuwanue yape jeralelaca Diosibe se patarisa. Tote chuminlaca, jamochi chuminlaca, jeralelaca Diosibe se patarimin joe. Corosibi puyato, yachi asanca larito, jeralelaca se patarimin joe.
1 Timothy 1:15 in Colorado 15 Junni tenca cade! Jeralela quereintsan fiquica chutechinayoe. In fiqui tsarasi fiqui joe. Duque merántsan fiqui joe. Yari itsanque joe: Jesucrístori jutsa quiminlaca se laribi toca patanue. Junni piyanle jutsa quiminla tala lari fécari jutsa quimin jomanyoe.
Hebrews 9:5 in Colorado 5 Jun cajon tapate Diosi tsachilaca laquirato perdonainun posto tinun jominue. Jun tapa jamole paluca querubín tinun anjelilaca molde quica jominue. Querubinchi panpela ya tapa man nanchi puntabi, manca man nanchi puntabi jominlanue. Junni yaca duque fe micarintsan josanan, tsainari micarino podeitiyoe.
Hebrews 9:14 in Colorado 14 Crístochi asanni chiquilachi tencabi fe seque casichunae. Crístori tsara sen patsa joto, tencachiqueca Diosichi cuwacainue animalica toteto cuwanun cuwenta. Diosichi Tenca numatotiya sonnato polemin joto, yaca tsansa carinue. Cristo mantimini chiquilachi tencaca seque casichunae yape jutsa itolajoyoeque tenhilaisa. Junni tenca mántanan sen tenca ichique tenfenanunca telaquepoto, sonnamin Diosichi tenchi ticatiya quito pansi nenano podeilaiyoe.
Hebrews 9:25 in Colorado 25 Ya tencachiqueca Diosichi cuwacaito, duque neca cuwatunue. Israelita mantá tan pateleri Diosichi tsara sen tamobi wata cura man nesiri winato, animalichi asanca petanwimin jominue.
Hebrews 10:4 in Colorado 4 Tsan josanan, walachi asan, o chibochi asanni jutsaca numanan piyarino podeituchunae.
Hebrews 10:19 in Colorado 19 Junni acola, soquila, Jesucrístochi asanchi Diosichi tsara sen tamobi wino podeilaiyoe.
Hebrews 11:7 in Colorado 7 Noé Diosica quereimin joto barco quinue. Diosi mapiya caeretuminnan yabe panue mapiya erechinayoeque. Junni Noeri Diosica quereito barco quinue yachi sonaca, naolaca, nasolaca se larichun. Junni Diosica tennatuminlari junca quirato miintsan jominlanue seitonla joyoeque. Junni Noeri Diosica quereito, sen tsachi inue.
Hebrews 11:14 in Colorado 14 In tote tsachila itolajoyoe latinari, junni miintsan joe tsa chuchun toca neyalaquinaeque.
Hebrews 11:17 in Colorado 17 Diosi Abrahanca miichun yachi naoca toteto Diosichi cuwasa mantanue. Junni Diosinan paca jominue Abrahanchi alicalachi tenchi se quino joyoeque. Junni Abrahanchi alicala tito, Isaac tinun naochi alicalacari tsantica jominue. Abrahanbe tsantica jotonan, jun naoca toteto cuwadeque mantanue. Junni Abraham mantimini Diosica duque quereimin joto, toteniquechinaminue.
Hebrews 11:39 in Colorado 39 Yalaca jeralela Diosica quereimin jominlaca Diosi senla joe tinue. Tsan josanan, Diosi yalachi tenchi seque quino joyoe tica jotonan, catsanquica itominue.
1 Peter 1:18 in Colorado 18 Junni seque nenachun in fiquica meralaquede! Nulachi tsa apalari Diosica tennatuto, tiri cuwenta epele nenanirano micarica jominlanue. Junni Jesucrístori nula epele nenaminlaca manse larinue. Orochinan, calachinan pacara quito se laritunue. Oronan calanan mica jotonan, yucapiyamanhe.
1 John 1:10 in Colorado 10 Juntonan Jutsa quitucayoe timinlari Diosica nene pun curaniquito, yachi fiquica merátuminla jochunae.
1 John 2:2 in Colorado 2 Yari chiquilachi jutsa tenchi puyaca jominhe. Juntonan chiquilachi tenchisiri itominue. Piyanlelachi tenchi puyaca jominhe.
1 John 4:10 in Colorado 10 Diosi tsa laquiramin joe. Chiquila Diosica nasi laquirasanan, yari casalenan chiquilaca duque fe laquiraminue. Chiquilaca laquirato, yachi Naoca erenue yape chiquilachi jutsa tenchi puyasa.
Revelation 5:9 in Colorado 9 Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.
Revelation 13:8 in Colorado 8 Junni jun tenchi piyanle tote chuminla yachi cale telenhilaie. Junnasanan toteca jomin Opisa Nari pila tae. Junni Opisa Nachi pilabi chuteca junlari ya animalichi cale telenhilaitue. Jun pilabi chuteca junlari Diosibe numatotiya sonnato polelaichunae. To caitosanan yalachi mumunca junbi chuteca joe.
Revelation 20:15 in Colorado 15 Junni jun pilabi mumunca chuteca itonlaca jun ninbi quepoe.