Colossians 3:12 in Algonquin 12 Kije Manido kigi onabamigo8a, eta 8inikag kidji iji tibendagozieg, acitc kikitci sagiigo8a. Midac pijicig ke odji kije8adizieg, minodeeieg, tabasendizo8eg, nokideeieg, acitc ke odji cacibendameg.
Other Translations King James Version (KJV) Put on therefore, as the elect of God, holy and beloved, bowels of mercies, kindness, humbleness of mind, meekness, longsuffering;
American Standard Version (ASV) Put on therefore, as God's elect, holy and beloved, a heart of compassion, kindness, lowliness, meekness, longsuffering;
Bible in Basic English (BBE) As saints of God, then, holy and dearly loved, let your behaviour be marked by pity and mercy, kind feeling, a low opinion of yourselves, gentle ways, and a power of undergoing all things;
Darby English Bible (DBY) Put on therefore, as [the] elect of God, holy and beloved, bowels of compassion, kindness, lowliness, meekness, longsuffering;
World English Bible (WEB) Put on therefore, as God's chosen ones, holy and beloved, a heart of compassion, kindness, lowliness, humility, and perseverance;
Young's Literal Translation (YLT) Put on, therefore, as choice ones of God, holy and beloved, bowels of mercies, kindness, humble-mindedness, meekness, long-suffering,
Cross Reference Matthew 24:22 in Algonquin 22 Kicpin Kije Manido ega ki inendagiban kidji adji8inag inigik ke iji kodagitonani8anig, ka8in a8iag kadagi pimadjiosiban. Ini8e dac a8iagon odji kagi onabamadjin 8edji ki adji8inag inigik ke iji kodagitonani8anig.”
Matthew 24:24 in Algonquin 24 Nandam mega a8iagog kada pija8ag e kagina8icki8adj e ikido8adj: ‘Nin aa8e Kije Manidon kagi ikidonipanin kidji pidjinijaogodjin’ kek8an: ‘Nin niniganadjimo8inni8inan.’ Kada kitci mamada8izi8ag acitc kada mamada8akamigizi8ag, kidji k8ag8e 8agackibina8adjin 8a8adj ini8e a8iagon Kije Manidon kagi onabamigondjin.
Matthew 24:31 in Algonquin 31 Kada nodag8an kitci podadjigan acitc niga ijinija8ag nidajenimag mizi8ekamig kidji a8i ma8adjia8adjin kakina a8iagon kagi onabamimagin.”
Mark 13:20 in Algonquin 20 Kicpin ka Tibendjigedj ega ki inendagiban kidji adji8inag inigik ke iji kodagitonani8anig, ka8in a8iag kadagi pimadjiosiban. Ini8e dac a8iagon odji kagi onabamadjin 8inikag kidji iji tibendagozindjin 8edji ki adji8inag inigik ke iji kodagitonani8anig.”
Mark 13:22 in Algonquin 22 Nandam mega a8iagog kada pija8ag e kagina8icki8adj e ikido8adj: ‘Nin aa8e Kije Manidon kagi ikidonipanin kidji pidjinijaogodjin’ kek8an: ‘Nin niniganadjimo8inni8inan.’ Kada mamada8izi8ag acitc kada mamada8akamigizi8ag, kidji k8ag8e 8agackibina8adjin 8a8adj ini8e a8iagon Kije Manidon kagi onabamigondjin.
Mark 13:27 in Algonquin 27 Niga ijinija8ag dac nidajenimag mizi8ekamig kidji a8i ma8adjia8adjin kakina a8iagon kagi onabamimagin, adigotc ke tenig8enin.”
Luke 1:78 in Algonquin 78 Kikije Manidominan mega kitci minodee acitc kitci kije8adizi. Kina8it odji Kije Manido 8edji ki pidjinijaag 8asea8ini 8ak8ig ka odjimaganig, tabickotc ako ka mokaag kizis ka ijinag8anig,
Luke 18:7 in Algonquin 7 Kije Manido dac 8in, kana oga ndota8asin ini8e kagi onabamadjin, ini8e kabena ka pagosenimigodjin meg8a kijik acitc meg8a tibik? Kin8ej na oga piton kidji 8idjiadjin?
Romans 1:7 in Algonquin 7 Kidojibiamonom kina8a Rom ka teieg, kakina kina8a ka sagiigo8eg Kije Manido acitc ka nd8e8emigo8eg odanicinabeman kidji ijinikanigo8eg. Nipagosenimag Kije Manido Kidadaminan acitc ka Tibeniminak Jesos Christ kidji ca8enimigo8eg acitc kidji minigo8eg pekadendamo8ini.
Romans 8:29 in Algonquin 29 Ono8e mega Kije Manido kagi onabamadjin, nigan ogi ineniman kidji ani ijinagozindjin Og8izisan ka ijinagozindjin. Midac Og8izisan tabickotc kitci oseezima ijinagozi8an, acitc dac kitci mane8an ocimejan.
Romans 9:11 in Algonquin 11 Kije Manido dac ogi inan Rebekan: “Aa8e nitam ka nta8igidj oga anokita8an ini8e ick8eag ka nta8igindjin.” Apitc Kije Manido ka ikidodj oo8eni, ka8in maci nta8igisibanig igi ockina8esag, acitc dac ka8in maci odji mino ijitcigesibanig kek8an odji madji ijitcigesibanig. Kije Manido dac 8edji ki ikidopan ii, kidji 8abadai8edj e todag ako adi eji min8endag kidji todag. Odonabaman pejig a8ian osa mega o8i nd8e8eman, ka8in 8in egi mino ijitcigendjin odji.
Romans 11:5 in Algonquin 5 Mi iidi acitc ejiseg nogom. Te8ag nandam pagi Israel a8iagog kagi ca8enimigo8adjin ka kitci kije8adizindjin Kije Manidon, egi onabamigo8adjin.
Romans 12:9 in Algonquin 9 Teb8e 8edjida sagiikog kodagiag, ka8in eta ikidokegon e sagieg8a. Madjendamok madji kegon, kitci 8e8enda kana8endamok ka min8acig.
2 Corinthians 6:6 in Algonquin 6 Pekic dac misa8adj, ni8abadai8emin teb8e e anokita8agidj Kije Manido, e paiekideeiag, e 8abadai8eiag 8e8enda e nisidotamag teb8e8in, e cacibendamag, acitc e kije8adenimagid8a kodagiag. Ni8idjiogonan Mino Manido acitc teb8egotc nisagiananag a8iagog.
Galatians 5:6 in Algonquin 6 Kicpin mega iji mama8iseiak Jesos Christikag, kidji pak8ejogo8ak kek8an ka8in, ka8in 8in ii nigod. Mi eta ii ketci apitendag8ag kidji teb8eta8aiak Jesos. Kicpin dac teb8eta8aiak, kiga sagiananag kodagiag a8iagog.
Galatians 5:22 in Algonquin 22 Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,
Ephesians 1:4 in Algonquin 4 Ab8amaci Kije Manido kijendag akini, aja kigi onabamigonan 8inikag kidji iji tibendagozi8aiak, kina8it Jesos Christikag ka iji mama8iseiak, midac kidji 8abamigo8ak e paiekideeiak acitc e k8aiak8adiziak. Epitci sagiigo8ak,
Ephesians 2:4 in Algonquin 4 Anic dac kikitci kidimagenimigonan Kije Manido acitc kikitci sagiigonan.
Ephesians 4:2 in Algonquin 2 Pijicig tabasenimidizok, acitc nokadiziok. Ka8in 8ake8ina8ezikegon, tiegodj sagiidiok acitc cacibenimidiok kakina pepejig e tacieg.
Ephesians 4:24 in Algonquin 24 Panima kiga ani ocki a8iago8im. Kije Manido kigi minigo8a ii ocki pimadizi8ini, tabickotc 8in ka ijinagozidj kidji ani ijinagozieg, kidji gi odji k8aiak8adizieg acitc maia kidji gi paiekideeieg.
Ephesians 4:32 in Algonquin 32 Tiegodj, mino todadiok kakina pepejig ka tacieg acitc kidimagenimidiok. Kije Manido kigi kasiamago8a kipatado8ini8a osa megada Jesos Christikag kidiji tibendagozim. Midac kekina8a iji ponenimidiok kakina pepejig e tacieg.
Philippians 1:8 in Algonquin 8 Kije Manido okikendan e teb8eian e ikido8an “Kisagiinom.” Jesos Christikag dac odjimagan ii sagii8e8in.
Philippians 2:1 in Algonquin 1 Jesos Christikag e iji mama8iseieg, teb8e kikitci odji sogigaba8im. E kikendameg e sagiigo8eg, teb8e kidodji sogideem. Teb8e ki8idjiogo8a Mino Manido. Teb8e kisagiidim acitc ki8idokodadim kakina pepejig e tacieg.
Colossians 3:10 in Algonquin 10 Nogom dac kigi ani ocki a8iago8im. Kije Manido kagi kijendag ii ocki pimadizi8ini ka aiameg, acitc apanigotc o8a8ejiton, tabickotc 8in ka ijinagozidj kidji ani ijinagozieg, eckam eckam kidji ani kikenimeg.
1 Thessalonians 1:3 in Algonquin 3 Apitc ako aiamita8agidj Kije Manido Kidadaminan, kimik8enimigom, adi epitci mino ijitcigeieg osa e teb8etameg, acitc adi epitci kitci macka8i mikimo8eg osa e sagii8eieg, acitc adi epitci sogigaba8ieg kiteb8etamo8ini8akag e apacenimo8ageieg Jesos Christ ka Tibeniminak.
1 Thessalonians 5:15 in Algonquin 15 Nagadjitaok ega a8iag kidji madji toda8adjin a8ian kagi madji todagodjin. Tiegodj, apanigotc nanada8i mino todadiok kakina pepejig e tacieg, acitc kakinagotc a8iagog nanada8i mino todaokog.
2 Thessalonians 2:13 in Algonquin 13 Nidjiki8enanag, ka Tibendjigedj ka kitci sagiigo8eg! Nidinendagozimin mig8etc kidji inagidj Kije Manido apanigotc kina8a odji. Ockadokigotc mega ka kijendjigadenig akini, Kije Manido kigi onabamigo8a kidji ag8acimigo8eg. Kigi ag8acimigo8a dac apitc Mino Manido kagi minigo8eg 8inikag kidji iji tibendagozieg, acitc apitc kagi ani teb8etameg teb8e8in.
2 Timothy 1:9 in Algonquin 9 Kije Manido kigi ag8acimigonan acitc kigi nd8e8emigonan 8inikag kidji iji tibendagoziak. Ka8in sa egi mino inakamigiziak 8edji ki ag8aciminak, tiegodj sa mi ka iji onendag, acitc mi ka iji ca8eniminak, 8in ka kitci kije8adizidj. Ab8amaci kijendjigadenig akini, aja kijadj kigi minigonan Kije Manido oca8endjige8in, kina8it Jesos Christikag ka iji tibendagoziak.
2 Timothy 2:10 in Algonquin 10 mi 8edji mizi8e cacibendaman meg8adj e kodagito8an. Nidick8ata kidji kodagito8an, kidji gi 8idjiagani8i8adj igi8e Kije Manidon kagi onabamigo8adjin, ke8ina8a kidji gi ag8acimigo8adjin Jesos Christan, kagige dac kidji 8idji tajikema8adjin Kije Manidon odicpendagozi8inikag.
Titus 1:1 in Algonquin 1 Nin Pon, Kije Manido ka anokita8ag acitc Jesos Christ Odanodaganan ka inagimigo8an. Kije Manido nigi anonig kidji 8idjiimagin ini8e kagi onabamadjin, kidji gi ani teb8etamindjin acitc kidji gi ani kikendamindjin teb8e8ini, ke odji kikendamindjin adi kegi iji min8endamiandjin Kije Manidon.
Titus 3:4 in Algonquin 4 Misa8adj dac, apitc Kije Manido ka Ag8aciminak ka 8abadai8edj epitci minodeedj acitc epitci sagiadjin a8iagon,
James 3:17 in Algonquin 17 Kagita8endamo8in dac Kije Manidokag ka odjimagag kitci pakan ijinag8an. A8iag ka aiag Kije Manidon okagita8endamo8ini kitci paiekidee, o8idoka8an kodagian kidji mino 8idji8idindjin pekadendamo8inikag, nokadizi, onadota8an adi ekidondjin kodagian a8iagon, okitci kidimageniman o8idjipimadiziman, kabe mino ijitcige, ka8in opepakanenimasin a8iagon, acitc ka8in kimodizisi.
1 Peter 1:2 in Algonquin 2 Aja 8eckadj Kije Manido Kidadaminan ogi odji onendan kidji onabamigo8eg. Mino Manido dac kigi minigom Kije Manidokag kidji iji tibendagozieg, kidji gi ndota8eg Jesos Christ acitc kidji gi paiekideeigo8eg omisk8im e abadjitodj. Nipagosenima dac Kije Manido eckam eckam kidji ani ca8enimigo8eg acitc kidji ani minigo8eg pekadendamo8ini.
1 Peter 3:8 in Algonquin 8 Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.
2 Peter 1:5 in Algonquin 5 Midac ii 8edji ininagok oo8e. Kije Manido kigi minigo8a kidji iji teb8eta8eg Jesos. Kitci nak8iok dac nogom kidji ani k8aiak8adizieg, acitc kidji odji ani kikendameg adi ka iji nda8enimigo8eg Kije Manido kidji inadizieg.
2 Peter 1:10 in Algonquin 10 Nidjiki8eg! Kije Manido kigi nd8e8emigo8a acitc kigi onabamigo8a. Enigok dac nak8iok kidji paietenagozieg maiagotc teb8e Kije Manidokag e iji tibendagozieg. Kicpin mega iidi todameg, ka8in 8ikad kiga poni teb8etasina8a.
1 John 3:14 in Algonquin 14 Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.
1 John 4:19 in Algonquin 19 8intam Kije Manido kigi sagiigonan, mi 8edji sagii8eiak kekina8it.
2 John 1:13 in Algonquin 13 Kimises, Kije Manidon ka onabamigodjin, odabinodjijiman kidanamikagog! Nin John
Revelation 17:14 in Algonquin 14 Oga migana8an ini Mantcenicesan. Mantcenices dac kada cagodjii8e, 8in mega otibeniman kakina ka tibenimi8endjin, acitc 8in okackakanan kakina ogiman. Odanicinabeman oga 8idji8an, ini8e kagi onabamadjin, acitc kagi nd8e8emadjin, acitc enigokodeendjin ka teb8etagodjin.”