2 Timothy 4:1 in Algonquin 1 Kidinin oo8e kidji ijitaian, e kijigabamigo8ak Kije Manido acitc Jesos Christ, 8in ke pi tibakonadjin ka pimadizindjin acitc ka nibondjin. Kidiji k8ag8edjimin osa mega Jesos kada pi tag8icin acitc kada ogima8i.
Other Translations King James Version (KJV) I charge thee therefore before God, and the Lord Jesus Christ, who shall judge the quick and the dead at his appearing and his kingdom;
American Standard Version (ASV) I charge `thee' in the sight of God, and of Christ Jesus, who shall judge the living and the dead, and by his appearing and his kingdom:
Bible in Basic English (BBE) I give you orders, before God and Christ Jesus, who will be the judge of the living and the dead, and by his revelation and his kingdom;
Darby English Bible (DBY) I testify before God and Christ Jesus, who is about to judge living and dead, and by his appearing and his kingdom,
World English Bible (WEB) I charge you therefore before God and the Lord Jesus Christ, who will judge the living and the dead at his appearing and his Kingdom:
Young's Literal Translation (YLT) I do fully testify, then, before God, and the Lord Jesus Christ, who is about to judge living and dead at his manifestation and his reign --
Cross Reference Matthew 16:27 in Algonquin 27 Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.
Matthew 25:31 in Algonquin 31 “Apitc pi tag8icig Aa8e Ka pi Anicinabe8iidizodj kigi kakina ajenig, kidji pi ogima8idj, kada pi nda abi okitci ogima8i tesabi8aganikag ka kitci icpendag8anig kidji tibakonadjin a8iagon.
Luke 19:12 in Algonquin 12 Midac oo ka inadisokedj: “Pejig nabe ka kitci apitendagozidj ijagoban 8edi 8asag akikag. 8i ijagoban 8edi kidji nda 8abamadjin kitci ogiman, kidji gi ogima8iigodjin odakikag, mina8adj dac kidji koki pi ki8epan.
Luke 19:15 in Algonquin 15 “Misa8adj dac ki ogima8iagani8i, acitc ki pi koki ki8e odakikag. Ki anoki dac kidji nd8e8emagani8indjin odanokitage8inniman kagi minapanin conian, kidji nda kikendag adi inigik ka nda kackiandjin conian.”
Luke 23:42 in Algonquin 42 Ogi inan dac Jesosan: “Jesos! Mik8enimicin apitc tag8icinian kidji ogima8ian.”
John 5:22 in Algonquin 22 Nidadam ka8in a8ian otibakonasin. Nin dac Og8izisan, nigi minig kakina macka8izi8ini kidji gi tibakonigeian.
Acts 10:42 in Algonquin 42 Nigi anonigonan kidji paba tibadjimo8ag, acitc kidji paba 8idamageiag 8in egi onabamigodjin Kije Manidon kidji tibakonadjin ka pimadizindjin acitc ka nibondjin.
Acts 17:31 in Algonquin 31 Aja mega ogi onendan anapitc k8aiak ke tibakonadjin kakina a8iagon. Ogi onabaman pejig naben, mi ini Og8izisan, kidji tibakonigendjin. Kakina kigi kikendamonigonan teb8e ke iji8ebanig, egi abidjibaadjin ini kagi onabamadjin.” Mi ka ikidodj Pon.
Romans 2:16 in Algonquin 16 Mi ini kegonan ka mikodamanin ke nag8agin apitc odjitcisenig Kije Manido kidji pidjinija8adjin Jesos Christan kidji pi tibakonandjin a8iagon adi eji kimodji inendamindjin. Mi ekidomagag min8adjimo8in ka paba tibadjimo8an.
Romans 14:9 in Algonquin 9 Jesos Christ mega ki nibo acitc ki abidjiba, kakina a8iagon kidji gi odji tibenimadjin, ini8e ka pimadizindjin acitc ka nibondjin.
1 Corinthians 4:4 in Algonquin 4 Teb8e nidinendan apanigotc 8e8enda egi mikimo8an, ka8in dac ii 8abadai8emagasinon ega 8ikad egi madji ijitcigeian. 8in eta ka Tibendjigedj nitibakonig kidji nda kikendag kicpin 8e8enda ka apitci mikimo8anen.
2 Corinthians 5:9 in Algonquin 9 Nikitci nda8endananan dac kidji min8endamiagidj, e tajikadamag oo 8ia8 kek8an e nagadamag.
Colossians 3:4 in Algonquin 4 8in tibina8e Jesos Christ ka minigo8eg 8edjidagotc kidji pimadizieg. Apitc dac pi nagozidj Jesos, kekina8a kiga pi nagozim, acitc kekina8a kiga kitci icpendagozim tabickotc 8in ka iji kitci icpendagozidj.
1 Thessalonians 4:15 in Algonquin 15 Nigi 8idamagonan ka Tibendjigedj oo8e ke ikido8ag nogom. Ka8in kina8it kiabadj e pimadiziak apitc koki tag8icig ka Tibendjigedj nitam kiga a8i 8idji8asi8anan Jesos, ab8amaci igi8e kagi nibo8adj.
2 Thessalonians 1:7 in Algonquin 7 Kina8a dac nogom ka kodagito8eg, kiga minigom an8ecimo8in, acitc kenina8it niga minigomin. Mi ke ijiseg apitc ka Tibendjigedj Jesos pi nagozidj, 8ak8ig e pi odji najisedj, kigi ka macka8izindjin odajeniman.
2 Thessalonians 2:8 in Algonquin 8 Midac ii apitc ke odji nagozidj aa kitci madji a8iag, acitc ka Tibeniminak Jesos oga nisan e motci podanadjin. Oga nici8anadjian okitci icpendagozi8inikag e odji nagozidj.
1 Timothy 5:21 in Algonquin 21 Kikitci pagosenimin 8e8enda kidji ndotaojian. Kikana8abamigog mega Kije Manido acitc Jesos Christ acitc kitcit8a ajenig. Kabena dac kida todan ii ka iji 8idamonan. Ka8in a8iagog kiga pepakanenimasig acitc ka8in pejig a8iag a8acamej kiga mino toda8asi.
1 Timothy 6:13 in Algonquin 13 8e8enda kida ndotaojinan ke iji 8idamonan. Ki8abamigonan mega Kije Manido, mi aa8e kakina kegoni ka nodjimotodj. Jesos Christ acitc ki8abamigonan, mi aa8e 8e8enda kagi tibadjimodj oteb8etamo8in apitc ka inasamigaba8ita8agobanen ini Pons Pilatan (Ponce-Pilate).
2 Timothy 2:14 in Algonquin 14 Mika8asomik kakina ka teb8etamo8adj oo8eni. Kikikendan Kije Manido e kijigabamigo8eg. 8e8enda dac 8idamaok ega kidji odji nickiidi8adj ikido8inan odji. Ka8in mega odji pejig abadasino8an ini nickiidi8inan, mi eta opakebinigona8an igi8e ka ndotamo8adjin.
2 Timothy 4:8 in Algonquin 8 Nogom dac aja nipiigon kagi kackitamadizo8an egi k8aiak8adizian, mi ii8e sizok8epizon ke minijidj ka Tibendjigedj apitc odjitcisenig kidji tibakonigedj, 8in k8aiak ka tibakonigedj. Ka8in dac nin eta niga minigosi ii, mi acitc kakina ini8e ka taji kitci piondjin kidji koki 8abamigodjin.
Titus 2:13 in Algonquin 13 Inadizidan dac iidi, meg8adj e taji pito8ak ii kijik apitc ke odji kitci modjigendamak, apitc ke tag8icig Jesos Christ ka Ag8aciminak, ke nag8anig epitci icpendagozidj. Mi 8aa Kikije Manidominan ka kitci kitcit8a8izidj.
Hebrews 9:27 in Algonquin 27 Panima kakina a8iag kada nibo abidinaj eta. Ick8a dac nibodj, Kije Manidon oga tibakonigon.
1 Peter 1:7 in Algonquin 7 8adan ako oza8iconia. Madjocte8agani8i na8adj kidji paiekabikizidj. Midac maia pejig8an, kikodagitom nogom kidji gi kikendjigadeg 8edjidagotc e teb8etameg. Anic dac kiteb8etamo8ini8a na8adj kitci apitendag8an apitc8in oza8iconia. Oza8iconia mega ka8in kabe kada tesi. Midac e sogigaba8ieg kiteb8etamo8ini8akag apitc kodagito8eg, kiga odji min8adjimigo8a, kiga odji kitci inenimigo8a, acitc kiga odji apitenimigo8a, apitc koki tag8icig Jesos Christ.
1 Peter 4:5 in Algonquin 5 Anic panima oga 8a8idama8a8an Kije Manidon adi ka pi ijitcige8adj acitc 8egonen 8edji ki inakamigizi8adj iidi. Ka8in mega aja kin8ej apitc Kije Manido ke pi nda onakonadjin a8iagon ka pimadizindjin acitc ini8e kagi ick8a pimadizindjin.
1 Peter 5:4 in Algonquin 4 8in Jesos onagadjian ini8e ka niganizindjin, tabickotc a8iag ka iji nagadjiadjin omantceniciman. Kicpin dac 8e8enda ki niganizieg, apitc tag8icig Jesos, kiga ca8enimigo8a icpendagozi8ini, kagige ke tag8anig. Mi tabickotc sizok8epizon kagi pakinageieg ke ijinag8ag.
2 Peter 1:11 in Algonquin 11 Midac Kije Manido oga kitci min8endan kidji pidigeigo8eg ka Tibeniminak Jesos Christ ka Ag8aciminak Odogima8i8inikag, kagige ke tag8anig.
2 Peter 1:17 in Algonquin 17 Apitc ka minigodjin Odadaman Kije Manidon kitci apitendagozi8ini acitc kitci icpendagozi8ini, nitidenanaban iima. Nigi noda8anan Kije Manido ma8adji ka kitci icpendagozidj e ikidodj oo8e: “Mi aa Nig8izis ka kitci sagiag. Nikitci min8endamiig.” Mi ka ikidodj.
1 John 2:28 in Algonquin 28 Midac kina8a nidabinodjijimag ka kitci ineniminagok, kabe 8idjiok Jesos, kidji gi sogigaba8iak kiteb8etamo8ininakag apitc pi tag8icig Jesos, ega kidji agadjiak apitc pi nagozidj.
Revelation 1:7 in Algonquin 7 Ndotaocik 8e8enda! Nena8idj 8ak8ikag kada odji pi najise. Kakina a8iagon oga 8abamigon, 8a8adj ini8e kagi pajibaogodjin. Kakinagotc adi enakanezi8adj a8iagog ooma akikag kada odji ma8i8ag ke apitci kackendamo8adj. Mi teb8e ke iji8ebag. Amen.
Revelation 20:11 in Algonquin 11 Mina8adj dac nigi 8abadan kitci 8abi ogima8i tesabi8agan. Nigi 8abama acitc a8iag iima e taji abidj. Ogi ojimigon akini acitc 8ak8ini, acitc ka8in 8ikad mina8adj kada nag8asino8an.