1 Thessalonians 2:5 in Algonquin 5 Kikikendana8adok ega 8ikad egi min8adjimagid8a a8iagog kidji gi k8ag8e min8endamiagid8a, acitc ka8in kek8an kidji gi odji minigo8ag conia 8edji ki paba kagik8eiag. Kije Manido dac okikendan e teb8emaganig ii.
Other Translations King James Version (KJV) For neither at any time used we flattering words, as ye know, nor a cloke of covetousness; God is witness:
American Standard Version (ASV) For neither at any time were we found using words of flattery, as ye know, nor a cloak of covetousness, God is witness;
Bible in Basic English (BBE) For it is common knowledge among you that we never made use of smooth-sounding false words, and God is witness that at no time were we secretly desiring profit for ourselves,
Darby English Bible (DBY) For we have not at any time been [among you] with flattering discourse, even as ye know, nor with a pretext for covetousness, God [is] witness;
World English Bible (WEB) For neither were we at any time found using words of flattery, as you know, nor a cloak of covetousness (God is witness),
Young's Literal Translation (YLT) for at no time did we come with speech of flattery, (as ye have known,) nor in a pretext for covetousness, (God `is' witness!)
Cross Reference Matthew 22:16 in Algonquin 16 Ogi ijinija8a8an dac nandam okikinoamagani8an acitc nandam kitci ogima Herod odanodaganan kidji nda 8idama8andjin Jesosan: “Kikinoamage8inni! Nikikendananan kin e teb8ean. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana. Ka8in kikosasi8ag adi enendamo8adj a8iagog, ka8in mega kipabiziskendasin adi eji apitenimagani8idj a8iag.
Matthew 23:13 in Algonquin 13 “Kiga kitci madji iji8ebizim, kina8a Coda8innig ka kikinoamageieg acitc kina8a ka nagadjito8egon inakonige8inan! Kikitci kimodizim! Kinagabina8ag a8iagog kidji pidige8adj Kije Manidon Odogima8i8inikag. Kina8a tibina8e ka8in kipidigesim, acitc dac ka8in kipagidinasi8a8ag kidji pidige8adj igi8e ka 8i pidige8adj.”
Acts 20:33 in Algonquin 33 Meg8adj ka 8idji tajikeminagok, ka8in 8ikad nidodji nda8enimasi kiconiami8a, ka8in kek8an kipitcikonaani8an ka kitci min8acigin.
Romans 1:9 in Algonquin 9 Enigokodeeian nidanokita8a Kije Manido, e paba tibadjimo8ag min8adjimo8ini taji eji mikomagani8indjin Og8izisan. Kije Manido dac okikendan e teb8eian apitc ikido8an kabe e mik8eniminagok,
Romans 9:1 in Algonquin 1 Teb8emagan adi ke ikido8an, ka8in nikagina8ickisi. Jesos Christikag mega nidiji tibendagozinan. Ni8abadaig Mino Manido adi eji teb8eian acitc nikikenimidizonan e teb8eian.
Romans 16:18 in Algonquin 18 Ka8in odanokita8asi8a8an ka Tibendjigendjin Jesos Christan igi a8iagog. Tiegodj 8ina8a tibina8e adi eji mosa8endamo8adj otodana8a. Kitci minotagozi8ag, acitc omin8adjima8an a8iagon. Midac iidi eji 8agackibina8adjin ini8e ega ka nisida8inago8adjin ega k8aiak e kikinoamage8adj.
2 Corinthians 2:17 in Algonquin 17 Mane a8iagog kagik8e8ag kidji motci odji kackia8adjin conian, tabickotc ada8e8innig ka pabamada8e8adj Kije Manidon odikido8ini ijinagozi8ag. Ka8in iidi nidijinagozisimin! Tiegodj, nikikendananan Kije Manido egi pidjinijaogo8ag. E kana8abamigo8ag dac, niteb8eiendagozimin e anim8eiag, e minodeeiag, e anokita8agidj Jesos Christ.
2 Corinthians 4:2 in Algonquin 2 Ka8in dac kegon nidiji kimodakamigizisimin, acitc ka8in nidagadakamigizisimin. Ka8in a8iag ni8agackibinasi8anan, acitc ka8in kegon nidadjibidosinanan apitc tibadjimo8ag Kije Manido odikido8in. Tiegodj, 8e8enda ni8idamagemin 8egonen ii teb8e8in, kidji gi kikenimigo8ag e teb8eiendagoziag. Kije Manido nikikenimigonan e teb8eiag.
2 Corinthians 7:2 in Algonquin 2 Tabickotc ki8idji8agani8ag inenimicinam. Ka8in a8iag nidodji madji toda8asi8anan. Ka8in a8iag nidodji nagabinasi8anan kidji teb8eta8adjin Jesosan. Ka8in a8iag nidodji kimodjika8asi8anan.
2 Corinthians 12:17 in Algonquin 17 Teb8e na anodj kigi inabadjiinom e ijinija8ag8a ni8idji8aganag kina8akag? Ka8in odji pejig teb8e ii!
Galatians 1:20 in Algonquin 20 Kije Manido nikikenimig e teb8eian oo ka ojibiaman. Ka8in nikagina8ickisi.
1 Thessalonians 2:10 in Algonquin 10 Kigi 8abadana8a adi ka pi ijitaiag meg8adj ka 8idji tajikemigo8eg kina8a ka teb8etameg, acitc ke8in Kije Manido nigi 8abamigonan. Nigi kitci paiekideemin, acitc nigi kitci k8aiak8adizimin, acitc ka8in a8iag okackitosinaban kidji inactaonigo8ag kidji gi madji todago8eg.
1 Timothy 3:3 in Algonquin 3 Panima ega ki nta ki8ack8ebidj acitc ega ki sogendagozidj. Tiegodj, aa a8iag panima kada kitci nokadizi acitc kada pekadizi. Ka8in acitc oda kitci sagiasin conian.
1 Timothy 3:8 in Algonquin 8 A8iagog aiamiemigi8amikag ka iji mikimo8adj, ke8ina8a panima kada mino inadizi8ag acitc panima ki teb8e8adj. Ka8in kada kitci minik8esi8ag acitc ka8in oda k8ag8e 8agackibinasi8a8an a8iagon kidji odji kackia8adjin conian.
Titus 1:7 in Algonquin 7 Aa8e ka niganizidj aiamiemigi8amikag, odanokita8an Kije Manidon. Kada k8aiak8adizi dac, ega kegoni kidji gi inactaonagani8idj. Ka8in kada kitci inenimidizosi, ka8in kada 8ake8ina8ezisi, ka8in kada kitci minik8esi, ka8in kada sogendagozisi, acitc ka8in oda k8ag8e 8agackibinasi8an a8iagon kidji odji kackiadjin conian.
1 Peter 5:2 in Algonquin 2 8e8enda kana8enimikog igi8e ka teb8etamo8adj, Kije Manido kagi anonigo8eg kidji nagadjieg8a. 8e8enda todaokog tabickotc a8iag ka mino nagadjiadjin omantceniciman. Min8endamok kidji mikimeg8a, adi eji min8endag Kije Manido, ka8in 8in “mi panima” kidji inendameg. Nagadjiikog enigokodeeieg, ka8in eta conia kidji odji odisigo8eg.
2 Peter 2:3 in Algonquin 3 Igi kikinoamage8innig ka kagina8icki8adj okitci mosa8endana8an kodagian a8iagon odaimini. Kitci 8i coniake8ag e kagina8ickimigo8eg kidji 8agackibinigo8eg. Aja 8eckadj Kije Manido ogi onendan kidji pajacte8adjin. Ka8in nibasi Kije Manido, midac aja peconag8ani kidji nici8anadjiadjin.
2 Peter 2:14 in Algonquin 14 Ik8e8an eta omik8enima8an, madji aido8ini e 8i pamendamo8adj. Ka8in 8ikad tibisesi8ag e patadi8adj. O8agackibina8an ini8e ega ka macka8izindjin oteb8etamo8inikag, acitc opatadia8an. Pijicig omosa8endana8an kodag a8ian odaimini. Aja Kije Manido ogi onendan kidji pajacte8adjin.
2 Peter 2:18 in Algonquin 18 Kitci kiji8e8ag anodj e aikido8adj acitc e kitci min8adjimidizo8adj. Ok8ag8e 8agackibina8an ini8e ega 8eckadj ka madji teb8etamindjin, ega 8eckadj ka naganandjin ini8e ega ka k8aiak8adizindjin. Odabadjitona8an madji mosa8endamo8inan madji aido8ini kidji nodjitondjin, e k8ag8e patadia8adjin.
Jude 1:11 in Algonquin 11 Kada kitci madji iji8ebizi8ag! Ogi kagikina8abama8an mega Kaen (Caïn) adi kagi iji panaagenipanin 8eckadj. Acitc ki panaage8ag kidji gi odji odisigo8adjin conian, tabickotc kagi todamogobanen Balaam 8eckadj. Ogi k8ag8e nak8ita8a8an Kije Manidon tabickotc Kone (Coré) 8eckadj. Kada nici8anadjiagani8i8ag dac ke8ina8a, tabickotc 8in kagi iji8ebizigobanen.
Revelation 18:12 in Algonquin 12 Mi ini kegonan ka ada8e8apan: oza8iconia, 8abiconia, anodjigotc asinicecag ka kitci sanagizi8adj, ka cab8ateigagin kegojican, ka misk8egagin acitc ka mamazina8agin ka sanagagin kegojican, sinibani kegojican, kakinagotc ka minomag8akozidj mitig, kegonan kagi ojitcigadegin tcidjibickiji odeckanan odonikag ka odji sagak8amondjin kagi abadazindjin, kek8an mitig ka kitci min8ak8ag kagi abadag, kek8an pi8abik kek8an asini,