1 Thessalonians 2:4 in Algonquin

4 Tiegodj, kabena nitibadjimomin adi eji nda8endag Kije Manido. 8in mega nikikenimigonan e teb8eiendagoziag, acitc nigi anonigonan kidji paba tibadjimo8agidj omin8adjimo8in. Ka8in dac 8in nik8ag8edjitosinanan kidji min8endamiagid8a a8iagog, tiegodj Kije Manido ni8i min8endamianan, 8in ka cabo kikenimigo8ag adi ejideeiag.

Other Translations

King James Version (KJV)

But as we were allowed of God to be put in trust with the gospel, even so we speak; not as pleasing men, but God, which trieth our hearts.

American Standard Version (ASV)

but even as we have been approved of God to be intrusted with the gospel, so we speak; not as pleasing men, but God who proveth our hearts.

Bible in Basic English (BBE)

But even as the good news was given to us by the approval of God, so we give it out; not as pleasing men, but God by whom our hearts are tested.

Darby English Bible (DBY)

but even as we have been approved of God to have the glad tidings entrusted to us, so we speak; not as pleasing men, but God, who proves our hearts.

World English Bible (WEB)

But even as we have been approved by God to be entrusted with the Gospel, so we speak; not as pleasing men, but God, who tests our hearts.

Young's Literal Translation (YLT)

but as we have been approved by God to be entrusted with the good news, so we speak, not as pleasing men, but God, who is proving our hearts,

Cross Reference

Luke 12:42 in Algonquin

42 Ka Tibendjigedj dac ki ikido: “A8enen dac aa8e anokitage8inni ka teb8eiendagozidj acitc ka kagita8endagozidj? Mi aa ke igodjin okackaman: ‘Kiga nagadjiag kakina a8iagog nimigi8amikag ka anokitaoji8adj meg8adj ke tanedian. Kakina pepejig e taci8adj kiga minag midjimini eko tibise8adj apitc odji 8i 8isini8adj,’ inagani8i.

Luke 16:11 in Algonquin

11 Kicpin dac ega 8e8enda ki inabadjito8egon 8anadizi8inan ooma akig, a8enen kegi anonigo8eg kidji kana8endamegon ini 8anadizi8inan teb8e ka kitci apitendag8agin?

John 2:24 in Algonquin

24 Jesos dac 8in, ka8in oketcinamenimasi8abanin ini a8iagon. 8edjidagotc mega okikenimabanin kakina a8iagon.

John 21:17 in Algonquin

17 Kiabadj dac mina8adj ogi inan: “Simo, John og8izisan! Kisagiijinan na?” Pien ki kackendamise nisinanaj egi k8ag8edjimagani8idj “Kisagiijinan na?” Midac ogi inan: “Tebendjigean! Kakina kegon kikikendan. Kikikendan e sagiinan.” Jesos dac ogi inan: “8e8enda kana8enimik dac nimantcenicimag.

Romans 8:27 in Algonquin

27 Kije Manido mega okikendan adi ejideeiak kakina ka taciak, acitc okikendan adi enendamindjin Mino Manidon. Mino Manido mega odaiamietama8an ini8e Kije Manidokag ka iji tibendagozindjin, eji aiamiedj adi ka iji nda8endamindjin Kije Manidon.

1 Corinthians 2:4 in Algonquin

4 Apitc dac meg8adj ka taji kikinoamageian acitc meg8adj ka taji kagik8eian, ka8in nidodji k8ag8edjitosin kidji kitci mamada8igij8eian kidji kackiminagok, anic dac Mino Manido ogi abadjiton omacka8izi8in kidji 8abadaigo8eg e teb8emaganigobanen nitibadjimo8ini.

1 Corinthians 4:1 in Algonquin

1 Midac kida inenimijinam e anokita8agidj Jesos Christ, kagi inanonigo8ag kidji paba tibadjimo8ag Kije Manidon oteb8e8ini, ega ka kikendamo8agobanen 8eckadj, nogom dac aja Kije Manido kagi kikendamonigo8ag.

1 Corinthians 7:25 in Algonquin

25 Nogom dac niga mikomag ega ka niba8i8adj. Ka8in nidaiam8asin ka inakonigegobanen ka Tibendjigedj, kiga 8idamonom dac enendaman. Kigagi ndotana8a dac ekido8an, ka Tibendjigedj Jesos mega nigi ca8enimig kidji teb8eiendagozian.

1 Corinthians 9:17 in Algonquin

17 Kicpin nin tibina8e ki odapinamaban ii mikimo8in, panima nida kijikago. Ka8in dac nidodji odapinasin nin tibina8e ii mikimo8in, nidijita eta adi Kije Manido kagi inanonijidj.

2 Corinthians 4:2 in Algonquin

2 Ka8in dac kegon nidiji kimodakamigizisimin, acitc ka8in nidagadakamigizisimin. Ka8in a8iag ni8agackibinasi8anan, acitc ka8in kegon nidadjibidosinanan apitc tibadjimo8ag Kije Manido odikido8in. Tiegodj, 8e8enda ni8idamagemin 8egonen ii teb8e8in, kidji gi kikenimigo8ag e teb8eiendagoziag. Kije Manido nikikenimigonan e teb8eiag.

2 Corinthians 5:11 in Algonquin

11 Kitci 8e8enda nimanadjianan Kije Manido, midac 8edji k8ag8e cagozomagid8a a8iagog. Maiagotc nicabo kikenimigonan Kije Manido, acitc nikitci nda8endan kidji kikendameg kekina8a adi maia 8edjidagotc teb8e enadiziag.

2 Corinthians 5:16 in Algonquin

16 Midac ii odji, ka8in pejig8an nidinenimasi8anan a8iag tabickotc kakina kodagian a8iagon ooma akikag ka inenimigodjin. Okitci paieteabamigon mega a8iagon adi ejinagozidj, ka8in 8in ejideedj. 8eckadj ako, mi iidi ako enenimaiakoban Jesos Christ, ega e pabiziskenimaiak adi ejideedj, ka8in dac aja nogom nidinenimasi8anan iidi.

Galatians 1:10 in Algonquin

10 Kidinendana8a na e nanada 8abadaman kidji mino mikomiji8adj a8iagog? Ka8in ii! Tiegodj, kidji kikendaman e mino mikomijidj Kije Manido nidiji nda8endan! “Onanada 8abadan kidji min8endamiadjin a8iagon,” kidinenimijim na? Kicpin teb8e kiabadj nanada 8abadamaban kidji min8endamiag8a a8iagog, ka8in Jesos Christ nida anokita8asi.

Galatians 2:7 in Algonquin

7 Tiegodj, ogi nisidotana8a adi kagi inanonijigobanen Kije Manido kidji paba tibadjimotaomagin ega ka Coda8inni8indjin min8adjimo8ini, tabickotc kagi inanonapanin Pienan kidji paba tibadjimota8andjin ka Coda8inni8indjin.

Ephesians 3:8 in Algonquin

8 Kakina kodagian Kije Manido odanicinabeman na8adj 8ina8a apitendagozi8an apitc8in nin. Anic dac Kije Manido ka kitci kije8adizidj nigi kitci ca8enimig egi onabamijidj kidji paba tibadjimotaomagin ega ka Coda8inni8indjin omin8adjimo8in. Jesos Christ kagi pi ijitcigedj kina8it odji, epitci kitci apitendag8anig dac ii, ka8in 8ikad kakina kiga kackitosinanan kidji cabo nisidotamak okije8adizi8in.

Ephesians 6:6 in Algonquin

6 Ka8in eta e 8abamigo8eg kikackami8ag 8e8enda mikimokegon, kidji gi odji min8endamieg8a. Tiegodj, enigokodeeieg ijitaok ka iji nda8endag Kije Manido, e kikendameg Jesos Christ e anokita8eg.

Colossians 3:22 in Algonquin

22 Kina8a ka tibenimigo8eg kidji anokitageieg! Ndotaokog kikackami8ag ooma akig adi eji inanonigo8eg. Ka8in eta e 8abamigo8eg kikackami8ag 8e8enda mikimokegon, kidji gi odji min8endamieg8a. Tiegodj, enigokodeeieg anokitaokog, e manadjieg ka Tibendjigedj.

1 Timothy 1:11 in Algonquin

11 Min8adjimo8inikag iji pagisin ii k8aiak kikinoamage8in, taji eji mikodjigadenig Kije Manido odicpendagozi8in, 8in apanigotc ka inendagozidj kidji icpenimagani8idj. Nin dac nigi anonig kidji tibadjimo8an ii omin8adjimo8in.

1 Timothy 6:20 in Algonquin

20 Timote! 8e8enda kana8endan ii ca8endjige8ini Kije Manido kagi minik. Ojimik igi8e anodj kegonan ka aikido8adj, ega Kije Manidokag ka odjimaganigin. Ojimik igi8e ka k8ag8e cagozomidi8adj teb8e8ini odji, “Nikikendananan teb8e8in” ka inendamo8adj, acitc ka 8agackimidizo8adj.

2 Timothy 1:14 in Algonquin

14 Kana8endan ii min8adjimo8in Kije Manido kagi anonik kidji paba tibadjimo8adj, e 8idjiik Mino Manido ka kigicka8aiak.

2 Timothy 2:2 in Algonquin

2 8eckadj kigi kikinoamaon Kije Manido odikido8in, mane kodagiag a8iagog ke8ina8a e nodaoji8adj. Kekin dac, kikinoamaok kodagiag ka teb8etamo8adj ka teb8eiendagozi8adj, midac ke8ina8a oga kackitona8a kidji kikinoama8a8adjin kiabadj kodagian a8iagon.

Titus 1:3 in Algonquin

3 Apitc dac ka odjitcisenig kidji kikendamonigo8ak e 8i minigo8ak ii kagige pimadizi8ini, mi ka iji todag, midac nigi anonig kidji paba 8idamage8ag omin8adjimo8in. Nitaji tibadjimonan dac, tabickotc kagi iji inanonijidj Kije Manido ka Ag8aciminak.

Hebrews 4:13 in Algonquin

13 Ka8in odji pejig kegoni ki kadama8agani8idj Kije Manido. Okitci paieteabaman kakina a8ian kagi kijenimadjin, acitc kakina kegoni o8abadan. 8in sa dac panima kiga 8idama8anan adi 8edji inadiziak iidi.

Revelation 2:23 in Algonquin

23 Niga nisiman acitc odabinodjijiman. Kakina dac ka teb8etamo8adj kada odji kikendamog nin kakina e kikendaman adi enendamo8adj a8iagog acitc adi ejidee8adj. Adi kagi iji pimadizieg, kiga iji tibakoninom.