Jeremiah 34:22 in Yalunka 22 N yamarin fima nɛn, n yi e raxɛtɛ be taani ito xili ma. E taan yɛngɛma nɛn, e yi a tongo, e yi a gan. N yi Yuda taane raxɔri, e findi bɔxɔ rabeɲinxin na.’ Alatalaa falan nan na ra.”
Other Translations King James Version (KJV) Behold, I will command, saith the LORD, and cause them to return to this city; and they shall fight against it, and take it, and burn it with fire: and I will make the cities of Judah a desolation without an inhabitant.
American Standard Version (ASV) Behold, I will command, saith Jehovah, and cause them to return to this city; and they shall fight against it, and take it, and burn it with fire: and I will make the cities of Judah a desolation, without inhabitant.
Bible in Basic English (BBE) See, I will give orders, says the Lord, and make them come back to this town; and they will make war on it and take it and have it burned with fire: and I will make the towns of Judah waste and unpeopled.
Darby English Bible (DBY) Behold, I command, saith Jehovah, and I will cause them to return to this city; and they shall fight against it, and take it, and burn it with fire; and I will make the cities of Judah a desolation, without inhabitant.
World English Bible (WEB) Behold, I will command, says Yahweh, and cause them to return to this city; and they shall fight against it, and take it, and burn it with fire: and I will make the cities of Judah a desolation, without inhabitant.
Young's Literal Translation (YLT) Lo, I am commanding -- an affirmation of Jehovah -- and have brought them back unto this city, and they have fought against it, and captured it, and burned it with fire, and the cities of Judah I do make a desolation -- without inhabitant.'
Cross Reference 2 Samuel 16:11 in Yalunka 11 Dawuda mɔn yi a fala Abisayi nun a walikɛne xa, a naxa, “Xa n ma diin waxi n faxa feni, a mi findɛ tɛrɛna fe ra xa Bunyamin kaani ito fan na liga. Ɛ a lu na, a xa n danga, xa Alatala bata a yamari.
2 Kings 24:2 in Yalunka 2 Nayi, Alatala yi Babilɔn kaane ganla rasiga a xili ma, e nun Arami kaane nun Moyaba kaane nun Amonine ganle, a yi ne birin nasiga Yuda xili ma a kaladeni, fata Alatalaa falan na a naxan ti a walikɛne xɔn, nabine.
2 Chronicles 36:17 in Yalunka 17 Nayi, Ala yi Babilɔn mangan nadin e ma, a yi e banxulanne faxa silanfanna ra yire sariɲanxini. Banxulanna nun sungutunna nun xɛmɛ fonna nun ɲaxalan fonna hali naxanye bata yi fuga, Ala ne birin so nɛn Nebukadanesari yii.
Isaiah 6:11 in Yalunka 11 N yi maxɔdinna ti, n naxa, “Marigina, han waxatin mundun yi?” A yi n yabi, a naxa, “Han taane na halagi waxatin naxan yi, e muxu yo mi lu, e banxine yi kui geli, xɛɛne yi kala, e findi bɔxɔ rabeɲinxine ra,
Isaiah 10:5 in Yalunka 5 Ala naxa, “Gbalona Asiriya yamanan xa, naxan findixi bosaan na n yii n ma xɔlɔna fe ra! N ma fitinan dunganna a tan nan yii.
Isaiah 13:3 in Yalunka 3 N tan nan yamarin fixi muxune ma naxanye rasariɲanxi n xa. N bata n ma sofa yɛbaxine xili, naxanye sɛwama n ma nɔ sɔtɔn na, alogo e xa n ma xɔlɔn mayita.”
Isaiah 24:12 in Yalunka 12 Banxi xɔnne nan tun fa luxi taani, taan so dɛɛn bata kala, a biraxin yi lu na.
Isaiah 37:26 in Yalunka 26 Koni, i tan Sɛnakɛribi, i mi a kolon a n feni itoe yɛlanxi nɛn to mi na ra? N yi e yitɔn xabu waxati danguxine. Iki, n bata yamarin fi, a rakamali, i xa taa makantanxine lu kalaxi alo gɛmɛ malanxine.
Isaiah 45:1 in Yalunka 1 Alatala ito nan falaxi a muxu sugandixin xa, a naxa, “Kirusi, n naxan yii suxi, alogo n xa siyane magodo a yɛtagi, n yi mangane yɛngɛ so seene ba e ma, n yi dɛɛn fɔxɔ firinne rabi a yɛɛ ra, alogo taan so dɛɛne nama fa ragali sɔnɔn,
Isaiah 64:10 in Yalunka 10 Nxɔ Ala Batu Banxi sariɲanxi nɔrɔxina, nxu benbane yi i tantunma dɛnaxan yi, tɛɛn bata na gan. Nxu rafan se kɛndɛne birin bata kala.
Jeremiah 4:7 in Yalunka 7 Yatan bata mini a yinla ra! Muxun naxan yamanane halagima, na bata kiraan suxu. A bata mini a konni, a xa fa ɛ yamanan kala, a ɛ taane raxɔri, muxu yo mi fa lu e yi.
Jeremiah 9:11 in Yalunka 11 Xaxilimaan mundun feni itoe yɛɛ toɛ? Xa Alatala bata falan ti a xa, a xa na yɛba! Nanfera yamanan bata kala, a raxɔri alo burunna, muxu yo mi danguma dɛnaxan yi?
Jeremiah 21:4 in Yalunka 4 ‘Alatala, Isirayilaa Ala ito nan falaxi, a naxa: Babilɔn mangan nun Babilɔn kaan naxanye ɛ taan makantan yinna rabilinxi yɛngɛni iki, ɛ ne yɛngɛma yɛngɛ so seen naxanye ra, n ne raxɛtɛma ɛ tan nan ma, n yi ɛ yaxuni itoe malan taani ito kui.
Jeremiah 32:29 in Yalunka 29 Babilɔn kaan naxanye taani ito yɛngɛma, ne soma nɛn taani ito yi, e tɛɛn so a ra, e a gan, e nun a banxine e wusulanna gan Baali xa naxanye xuntagi, e minse saraxane rabɔxɔn ala gbɛtɛne xa dɛnaxanye yi, e yi n naxɔlɔ.
Jeremiah 33:10 in Yalunka 10 “Alatala ito nan falaxi, a naxa, ‘Ɛ tan a falama yireni ito ma, ɛ naxa, “Yire raxɔrixin na a ra, muxu mi fa na, xuruse mi na.” Anu, Yuda taani itoe nun Yerusalɛn kirani itoe naxanye rabeɲinxi iki, muxune nun xuruseene mi fa dɛnaxanye yi iki,
Jeremiah 37:8 in Yalunka 8 Nayi, Babilɔn kaane mɔn fama nɛn, e yi taani ito yɛngɛ, e yi a nɔ, e a gan.”
Jeremiah 38:23 in Yalunka 23 “Ɲaxanle nun e diine birin xalima nɛn Babilɔn kaane fɛma, i tan fan mi tangama e ma. Babilɔn mangana i suxuma nɛn, a yi taani ito gan.”
Jeremiah 39:1 in Yalunka 1 Yuda mangan Sedeki a mangayaan ɲɛɛ solomanaaninden kike fudeni, Babilɔn mangan Nebukadanesari nun a ganla birin yi fa Yerusalɛn xili ma, e yi a rabilin.
Jeremiah 39:8 in Yalunka 8 Babilɔn kaane yi mangana banxin nun muxune banxine birin gan, e yi Yerusalɛn taan makantan yinne rabira.
Jeremiah 44:2 in Yalunka 2 Alatala Sɛnbɛn Birin Kanna, Isirayilaa Ala ito nan falaxi, a naxa, “Ɛ bata a to n ɲaxankatan naxan saxi Yerusalɛn fari, e nun Yuda taane birin. To, e bata kala hali muxuna, a mi fa e yi
Jeremiah 44:22 in Yalunka 22 Alatala mi yi fa nɔɛ ɛ kɛwali ɲaxine nun ɛ xɔsi feene raxanɲɛ waxatin naxan yi, ɛ yamanan yi kala, a yi raxɔri, a findi danga yiren misaala ra, muxu yo mi dɔxi naxan yi, alo a kii naxan yi to.
Jeremiah 52:7 in Yalunka 7 Nayi, Babilɔn ganla yi taan yinna yirena nde rabira. Kɔɛɛn na, hali Babilɔn kaane to yi taan nabilinxi, Yuda sofane birin yi e gi, e dangu taan makantan yin firinne longonna ra, e sa mini taan so dɛɛn na mangana nakɔɔn dɛxɔn. Sofane yi e gi, e nun mangan yi siga Araba tonbonna lantaan mabinni.
Jeremiah 52:13 in Yalunka 13 A yi tɛɛn so Alatala Batu Banxin na e nun mangana banxin nun Yerusalɛn banxine birin. A yi banxi kɛndɛne birin gan.
Lamentations 1:1 in Yalunka 1 Ee! Yerusalɛn bata rabeɲin, taani ito naxan yi rafexi nun. Ee! A bata lu alo kaɲa gilɛna! A tan naxan yi findixi taa sɛnbɛmaan na siyane yɛ, a tan naxan yi findixi manga taan na yamanane xun na, a bata findi konyin na to.
Ezekiel 33:27 in Yalunka 27 I ito nan falama e xa, i naxa, ‘Marigina Alatala ito nan falaxi, a naxa: Habadan Ala nan n na, n bata n kɔlɔ n yɛtɛni, fa fala, naxanye luxi e nii ra Yerusalɛn taa kalaxini, ne faxama silanfanna nan na. Naxanye e gixi burunna ra, n na e luma subene nan xa, e yi e don. Naxanye luxunxi gɛmɛ longonne nun faranne ra, fitina furen nan ne faxama.
Amos 3:6 in Yalunka 6 Xɔtaan fema taan kui waxatin naxan yi, muxune mi kɔntɔfilɛ ba? Gbalon taan liyɛ ba, xa Alatala mi a ragidixi?
Micah 7:13 in Yalunka 13 Bɔxɔn kalama nɛn a muxune kɛwanle fe ra.
Zechariah 1:12 in Yalunka 12 Nayi, Alatalaa malekan yi a fala, a naxa, “Alatala Sɛnbɛn Birin Kanna, i mi tinma kininkininɲɛ Yerusalɛn nun Yuda taane ma han waxatin mundun yi, i xɔlɔxi naxanye ma xabu ɲɛɛ tonge solofere?”
Zechariah 7:14 in Yalunka 14 N na e raxuya ayi nɛn siyane birin yɛ e mi naxanye kolon. Yamanani geli nɛn e xanbi. Muxu yo mi yi sigan na, muxu yo mi yi keli na. E yi yamana faɲini geli.’”
Matthew 22:7 in Yalunka 7 “Mangan yi xɔlɔ kati, a yi a sofane rasiga, e sa faxa tiine halagi, e yi e taan gan.