Matthew 18:22 in Waorani

22 Äñongante Itota, —Ïñæmpa, wïï önompo æ̈mæmpoque go mempogaque anguïï. Edæ godömenque bitö änimpoga pïïnämaï inte ñimpo cæbi ate wæætë adopoga wæætë adopoga ayæ̈ cöwë tetenta ganca wæætë wæætë ñimpo cædinque coatodo tiento nöobenta ganca mänimpoga pïïnämaï inte ñimpo cæbi goquingä. Mänömaï ante Itota tömengä mïñæ̈ në godäni ïnänite, Cöwë pïïnämaï inte ñimpo cæquïmïni, angacäimpa.

Other Translations

King James Version (KJV)

Jesus saith unto him, I say not unto thee, Until seven times: but, Until seventy times seven.

American Standard Version (ASV)

Jesus saith unto him, I say not unto thee, Until seven times; but, Until seventy times seven.

Bible in Basic English (BBE)

Jesus says to him, I say not to you, Till seven times; but, Till seventy times seven.

Darby English Bible (DBY)

Jesus says to him, I say not to thee until seven times, but until seventy times seven.

World English Bible (WEB)

Jesus said to him, "I don't tell you until seven times, but, until seventy times seven.

Young's Literal Translation (YLT)

Jesus saith to him, `I do not say to thee till seven times, but till seventy times seven.

Cross Reference

Matthew 6:11 in Waorani

11 Mönitö ïmönite bitö, Cænguï, ante ïïmö ïñö ïïmö ïñö bitö pönönï ñöwoönæ incæ eyepæ̈ pönömi ænte cæ̈mönie.

Matthew 6:14 in Waorani

14 Ayæ̈ godömenque odömonte apæ̈nedinque Itota ïïmaïnö ante apæ̈negacäimpa. “Mïnitö ïmïnite wënæ wënæ cæyönänite mïnitö godö ñimpo cæmïni ïninque mönö Mæmpo në öönædë quëwengä adobaï mïnitö wënæ wënæ cædïnö ante pönö ñimpo cæcä quëwëmaïmïnipa.

Mark 11:25 in Waorani

25 Ayæ̈ edæ, “Mïnitö, Wïwa cæbo incæte Wængonguï öönædë në quëwënongä inte botö ïmote pönö ñimpo cæcä ïninque botö waa tobaïmopa, ante wæmïnitawo. Ïñæmpa, Wængonguï mänömaïnö cæcæcäimpa, ante cædinque mïnitö tömengä ingante apæ̈necæte ante ongöninque täno piyæ̈në cæte cæedäni. Wacä wënæ wënæ cæcä wædömïni inte mïnitö wæætë tömengä ingante pönö ñimpo cæedäni, ante Itota apæ̈negacäimpa.

Romans 12:21 in Waorani

21 Tömënäni wënæ wënæ näni cædö beyæ̈ oda cædämaï inte wæætë mänïnö ante wido cæte baï cædinque bitö waa cædinque edæ tæ̈ï ëmonte gänä cæe.

Ephesians 4:26 in Waorani

26 Ænguï bamïni incæte mïnitö piyæ̈në cædinque wacä ingante wënæ wënæ cædämaï ee aedäni. Edæ gäwadecæ̈ ganca nanguï pïïninque edæ mïni wæquinque ïmaimpa.

Ephesians 4:31 in Waorani

31 Ayæ̈, Wïï waëmö awædö, ante mïni pïïwënïnö ante edæ ñimpo cæedäni. Äïmö ante mïni pönëwëmämo adobaï ñimpo cædinque ænguï pönï mïni badïmämo edæ ñimpo cæedäni. Yæ ante mïni pïinte ogæ̈ tedewëmämo, wacä ingante ante mïni pïinte tedewëmämo edæ ñimpo cæedäni. Ayæ̈ pïinte cæquinque ante mïni entawënïnö ante tömänö edæ wido cæedäni.

Colossians 3:13 in Waorani

13 Ayæ̈ wacä nänö cæïnënö ante cæcä adinque mïnitö pïïnämaï ee amïni cæcäedäni. Wacä adobaï mïnitö ïmïnite wïwa cæcä ate wædinque mïnitö godö ñimpo cæmïni quëwencæcäimpa. Edæ mönö ïmonte mönö Awënë nänö ñimpo cægaï baï mïnitö adobaï pïïnämaï inte godö ñimpo cæedäni.

1 Timothy 2:8 in Waorani

8 Wayömö wayömö godongämæ̈ mïni pönencabo ongonte mïnitö onguïñæ̈mïni ïñömö në pïïnämaï ïmïni inte Wængonguï ingante apæ̈nemïni adinque botö waa tobaïmopa. Wadäni ïnänite në pïinte wæætedö wæætë änämaï inte wæætë tæiyæ̈ waëmö entawëmïni inte Wængonguï ingante pædæ æmpote apæ̈necæmïnimpa, ante aïnëmopa.