Philippians 3:18 in Tsishingini 18 I yuwan nden ne, adama a na ama na̱ a̱bunda̱ a̱ ta̱ lo a̱ nden o ure u na woo rocosu ama ele nꞌyuwatan ma akpata† e Yesu Zamawawa ɗa. N damma ɗu ta̱ ɗe ne, agba hali n gogo n te mesun na aɓara adama a na ili i nda amayun a ɗa.
Other Translations King James Version (KJV) (For many walk, of whom I have told you often, and now tell you even weeping, that they are the enemies of the cross of Christ:
American Standard Version (ASV) For many walk, of whom I told you often, and now tell you even weeping, `that they are' the enemies of the cross of Christ:
Bible in Basic English (BBE) For there are those, of whom I have given you word before, and do so now with sorrow, who are haters of the cross of Christ;
Darby English Bible (DBY) (for many walk of whom I have told you often, and now tell you even weeping, that they [are] the enemies of the cross of Christ:
World English Bible (WEB) For many walk, of whom I told you often, and now tell you even weeping, as the enemies of the cross of Christ,
Young's Literal Translation (YLT) for many walk of whom many times I told you -- and now also weeping tell -- the enemies of the cross of the Christ!
Cross Reference Luke 19:41 in Tsishingini 41 Ana u rawai zuzu, a̱vu we ene lyuciꞌi, a̱vu u showen yi.
Acts 20:19 in Tsishingini 19 N yuwan ta̱ ulinga wa̱ A̱sulazuva n tara aciya̱va̱ ili i ro shi, hali na aɓara. Reve n yuwan ankuri ni ikpaꞌa i na ama a Israꞌila a yuwusaan numu.
Acts 20:30 in Tsishingini 30 Ozo o ro fo a̱tsuma̱ a̱ ɗu o to gondoro ili i na i ri mejege adama a̱ tsura̱a̱ aciyele ojoro.
Romans 9:2 in Tsishingini 2 Okolo a̱ va̱ a̱ ta̱ a̱tsumola̱ngu na̱ mɓa̱la̱ lon
1 Corinthians 1:18 in Tsishingini 18 Na ama a na a̱ ri o ure wu ukwa̱ a uwwa ikaka adama o ukwa̱ wu Zamawawa, u tso oꞌwo le ta̱ gashi tsulo. Na̱ a̱tsu na A̱sula̱ a wawusa tsu uwwa yi, ucira wa̱ A̱sula̱ u ɗa.
1 Corinthians 6:9 in Tsishingini 9 She yi luma̱ aciya̱ɗu wan. I reve ta̱ za vi iwuya a̱a̱ tsura̱ tsugono tsa̱ A̱sula̱ shi. Ama a nda ele ɗa aza a na a yuwusaan a̱ma̱li a̱ a̱ga̱nda̱. Ele fo aza a na a yuwusan tsipere, ama a nda a̱a̱ tsura̱ tsugono tsa̱ A̱sula̱† shi. Ne ɗa waru ali a na a tsu lyawa ali a yuwan tsipere ne ele e re kokoꞌo. Evu, na̱ a̱za̱ o utsa̱n, na̱ a̱za̱ a̱ nga̱la̱la̱i a̱a̱ tsura̱ tsugono tsa̱ A̱sula̱ shi, oɓolo no ososowi, na aza a na a̱ lungususa̱ ala o ozo o ro. Aza a na a yuwain cuꞌun ndolo a̱a̱ tsura̱ tsugono tsa̱ A̱sula̱ shi.
2 Corinthians 2:4 in Tsishingini 4 A mantsa ma na n ɗanaa nɗu nu ufaru, n shi ta̱ udamu waru n shi na̱ ma̱za̱nga̱ o okolo a̱ va̱ shi, waru n ɗana ta̱ na aɓara lon. N ɗana adama n zuwa ɗu a̱tsumola̱ngu shi, amma n ɗana ta̱ adama i reve a na n ciga nɗu lon.
2 Corinthians 11:13 in Tsishingini 13 Ama a nda ajiya e epen a ɗa. A ta yuwusan epen adama o ulinga u le, reve a vadala aciyele tsa̱ra̱ o rotso ajiya a amayun a Zamawawa.
2 Corinthians 11:29 in Tsishingini 29 Ana ozo o ro a̱ da̱na̱i lagaga, a̱mu fo n da̱na̱ ta̱ lagaga. Na̱ a̱ luluma̱ nanza hali u yuwan unusu u tsu damaton mu ta̱ lon.
Galatians 1:7 in Tsishingini 7 Amayun a ɗa, ikaka i ro yi lo shi, she ikaka ya Alabari a Saꞌani goon, ko na wo oꞌwoi ama o ro o ta̱ lo na a gbandarasa ɗu. A ciga ta̱ a vadala a Alabari a Saꞌani e Yesu Zamawawa a̱ tyo ili i ro koꞌo.
Galatians 2:14 in Tsishingini 14 Ana me enei oo tono mejege ma amayun a Alabari a Saꞌani shi, reve n yuwan adanshi na̱ Bituru a̱ ma̱ka̱ka̱n me le suru. A̱vu n damma, “Bituru, a̱vu za va Israꞌila ɗa, amma vu ta yuwusan ili gashi Takpaci, agba vadamma a̱vu za va Israꞌila ɗa shi. Na̱ ne ɗa, nye i zuwai vu cigai vu zuwa Atakpaci a nda o toni ili i na aza a Israꞌila a yuwusan?
Galatians 2:21 in Tsishingini 21 A̱mu mu pe a̱tsuma̱ a ama a na a ꞌyuwain isaꞌani ya̱ A̱sula̱ shi. Nna̱ A̱sula̱ a̱ ushi tsu nu ure u Wila̱, to, Kristi Zamawawa kuwa̱ ta̱ pere.”
Galatians 5:21 in Tsishingini 21 A̱ ta̱ waru tapu nu upan lon. Majiyan ma aciyele ma ɗa goon a tsu yuwusan. She mawasan ma na ma̱ tsu ta̱wa̱ na̱ wukasu. Waru uneꞌesun u ɗa a̱ ri adama a aciyele. A tsu zuwusa ta̱ esu e le e itana ya ama o ro. Ele waru ososowi a ɗa. A̱ tsu ꞌya̱wa̱ ta̱ uba̱ta̱ a̱ a̱buki† a na ama a tsu gura goloɓo aciyele shi. Reve a yuwan ili yi idaba i ro kokoꞌo. N rono ɗu ta̱ ɗe atsuvu, waru n to roniso ɗu atsuvu: Aza a na a yuwusan ili i nda a̱a̱ ushi abaꞌun o tsugono tsa̱ A̱sula̱ shi.
Galatians 6:12 in Tsishingini 12 Aza a na a cigai o yoꞌonoto aza a Israꞌila okolo a ɗa a yuwusan ukadu a zuwa ɗu mapaɗa mo uryumbu. A ta uwwusa wovon u na aza a Israꞌila a ca le a̱tsuma̱lima̱ nno o toni akpata e Yesu Zamawawa goon.
Ephesians 4:17 in Tsishingini 17 Adama o ndolo, n ta dansaa ɗu, waru n ta ɓarasa ɗu a̱tsuma̱ a ala a Zagbain, i lyawa a yuwusan nden tsa ama a na e revei A̱sula̱ shi. Ununa aa yuwusan majiyan ili ye pere i ɗa.
Ephesians 5:5 in Tsishingini 5 I reve ta̱ ili i nda amayun a ɗa za na a yuwusan ili i nda waa uwa o tsugono tsu Zamawawa na̱ tsa̱ A̱sula̱ shi: nna̱ vuma aa yuwusan unusu u tsipere, ko na̱ waa yuwusan ili i wuya, ko ni ili i tsu rawa yi shi, adama a na za na ili i tsu rawa shi suru u ta yuwusaan ma̱sula̱ a̱ga̱nda̱.
Philippians 1:4 in Tsishingini 4 N tsu da̱na̱ ta̱ na̱ ma̱za̱nga̱ na̱ maa yuwusan avasa adama a̱ ɗu.
Philippians 1:15 in Tsishingini 15 Ozo o ro a ta yuwusan alajiya adama a na a ciga numu, waru a ciga ta̱ a yuwan ili i na i ri mejege. Ama a nda a ta yuwusan alajiya adama a na e reve ta̱ Zagbain ta̱wa̱to mu ta̱ pa adama n yuwan mpolo n yuwan adanshi a amayun adama a Alabari a Saꞌani. Agba amayun a ɗa waru ama o ro a ta yuwusan alajiya adama a̱ tsushuꞌun na̱ tsurala.
1 Thessalonians 4:6 in Tsishingini 6 She vu paala za va̱ wu vi Itoni a̱tsuma̱ e ili i nda, vu zami ka va̱ yi wan, adama a na A̱sula̱ a̱ ta̱ ta̱wa̱a̱ na̱ a̱tsuma̱lima̱ o una̱ wi icuꞌun vu nusu ndolo suru. Tsu rono ɗu ta̱ atsuvu na̱ a̱bunda̱.
2 Thessalonians 3:11 in Tsishingini 11 Gogo gba tsu uwwa ta̱ ozo o ro a̱tsuma̱ a̱ ɗu a̱ ta̱ a̱ nden me pere, reve a ꞌyuwan a linga, reve a uwa e gesheshe ulinga wa akapi a ama.
2 Peter 2:10 in Tsishingini 10 A̱sula̱ a̱ tsu da̱shi ta̱ ama a̱tsuma̱lima̱, aza a na a̱a̱ kurusu ili i iwuya i na lipu le cigai, reve waru a ꞌyuwan a̱ kuru azagbain. Icuꞌun ya ama a nda a̱ ta̱ nu uꞌya̱sa̱sa̱n wa aci no okolo o ugbamu. A̱ ri na̱ wovon shi, hali a tsi isula ta̱ azagbain a zuva, agba ko okolo a̱ tsu jeꞌen le shi.
Jude 1:13 in Tsishingini 13 O tsu roco ta̱ ili i wono i na aa yuwusan a alanga eteshe gashi upepu u mala za na tsu ta̱ɓa̱luwa̱ a̱shinda̱ a̱ mini. A̱ ta̱ vadamma italyoꞌo i na i ri a agara na̱ a̱ ꞌya̱wi na̱ a̱ ta̱wi, waru a̱ ta̱ ꞌya̱wa̱ uba̱ta̱ e irumbu ya̱ a̱bunda̱ i babu ukotu.