1 Timothy 6:20 in Tsishingini 20 Timoti, vu ciga ꞌyuwan vu guza̱ ili i na A̱sula̱ a ca nuwu ulobonu. Vu lyawa adanshi o tsulo na aza a na a ciga nuwu shi, adama e ili i na ee ɗesu urevu u le. Cuꞌun va adanshi o ndolo u tsu ta̱wa̱a̱ A̱sula̱ ni ica shi.
Other Translations King James Version (KJV) O Timothy, keep that which is committed to thy trust, avoiding profane and vain babblings, and oppositions of science falsely so called:
American Standard Version (ASV) O Timothy, guard that which is committed unto `thee', turning away from the profane babblings and oppositions of the knowledge which is falsely so called;
Bible in Basic English (BBE) O Timothy, take good care of that which is given to you, turning away from the wrong and foolish talk and arguments of that knowledge which is falsely so named;
Darby English Bible (DBY) O Timotheus, keep the entrusted deposit, avoiding profane, vain babblings, and oppositions of false-named knowledge,
World English Bible (WEB) Timothy, guard that which is committed to you, turning away from the empty chatter and oppositions of the knowledge which is falsely so called;
Young's Literal Translation (YLT) O Timotheus, the thing entrusted guard thou, avoiding the profane vain-words and opposition of the falsely-named knowledge,
Cross Reference Acts 17:18 in Tsishingini 18 Ne ɗa waru a̱za̱ e Epikuri na aza a Sitoki a̱za̱ o urevu wa adanshi a yuwusain mawasan na̱ a̱yi. Ana Bulu aa yuwusan alajiya e Yesu nu ukwa̱ wa̱ yi nu uꞌyosun wa̱ yi diga o ukwa̱. Hali ozo o ro e le a damma, “Nye i ɗa za ve elemu a nda aa dansa?” Ozo o ro waru a damma, “U ta̱ vadamma za na a yuwusan alajiya a̱ a̱ma̱li e iɗa i ro ɗa koꞌo.”
Acts 17:21 in Tsishingini 21 Ama a Atina no omocin a na a̱ ri pe nden suru, a laꞌa ta̱ ciga a uwwa adanshi a saꞌavu waru a yuwan adanshi a̱ yi tsi ili i ro.
Romans 1:22 in Tsishingini 22 A ta majiyan a̱ ta̱ nu ugbozu, reve gba o oꞌwo olo.
Romans 3:2 in Tsishingini 2 U tu ulobonu e re na̱ a̱bunda̱! Ure wu ufaru a̱yi ɗa A̱sula̱ a lyawa ta̱ ikaka ya̱ yi e ekere a aza a Israꞌila.
1 Corinthians 1:19 in Tsishingini 19 A ɗana ta̱ a̱tsuma̱ a Adanshi a̱ A̱sula̱: “N ta̱ lungusa̱ ugbozu wa aza a na a tarai aciyele a̱ ta̱ nu ugbozu. N te geshe urevu wa̱ a̱za̱ o urevu.”
1 Corinthians 2:6 in Tsishingini 6 Na̱ n ri oɓolo na aza a na a gbamai ɗe a̱tsuma̱ e Itoni, n tsu yuwan ta̱ adanshi nu ugbozu. Amma cuꞌun vu ugbozu vu uvaɗi u ɗa shi, waru cuꞌun vu ugbozu na azagbain o uvaɗi a cigai ɗa shi. Ele ɗa aza a na ucira u le woo oꞌwo babu a̱ɓula̱.
1 Corinthians 3:19 in Tsishingini 19 Ili i na uvaɗi u tarai wo oꞌwoi tsulo, a̱yi ɗa ili i na A̱sula̱ a tarai ugbozu. Adanshi a̱ A̱sula̱ a damma ta̱, “A̱sula̱ a tsa azu ta̱ a̱za̱ o ugbozu a mantsa ma na aa yuwusan ugbozu u le.”
Colossians 2:8 in Tsishingini 8 She i lyawa nanza reme ɗu a̱tsuma̱ a mawasan me pere wan. Mawasan mo ndolo ma̱ ta̱ da̱na̱ gashi urevu u ɗa, agba uritosu u vuma u ɗa goon. A̱ ta̱wa̱ ta̱ o ucira u ruhu wu uvaɗi u nda amma uba̱ta̱ wa̱ Kristi Zamawawa ɗa shi.
Colossians 2:18 in Tsishingini 18 Ama o ta̱ lo a na a uwwusa uyoꞌo lon na a tarasa aciyele ili i ro i ɗa shi ne epen, waru a na yuwusaan nlingata ma̱ A̱sula̱ a̱ga̱nda̱. She i lyawa ama o ndolo e geshe ɗu ana ya̱a̱ ushi ili i na yi ntsayi i ushi a na i lyuwai aci wan. Cuꞌun va ama ndolo a tsu damma ta̱ ili suru i na e enei, waru wuma u babu a akiza e le u tsu zuwa le ta̱ a̱ ꞌya̱sa̱n avangaci a̱tsuma̱ o urevu u tsulo tsa̱ le.
2 Thessalonians 1:4 in Tsishingini 4 Na̱ tsaa yuwusan adanshi a̱ ɗu na̱ a̱za̱ e Itoni ya̱ A̱sula̱ ba̱ta̱ ro, a̱tsu tsu yuwan ta̱ ma̱za̱nga̱ a na yaa kaɓusa asuvu, a̱vu i buwa nu ucawu wo okolo ko na yoo sowuso a̱tsuma̱lima̱ a̱ ma̱lyungwa̱ na awuya.
2 Thessalonians 2:15 in Tsishingini 15 Ama a̱ va̱, adama e ili i nda, i ciga i ꞌyuwan yi isawan mejege, a̱vu i guza̱ ili i na tsu rito nɗu a̱tsuma̱ a adanshi na̱ a̱tsuma̱ a maɗana.
1 Timothy 1:4 in Tsishingini 4 She a̱ kuru ofoli a alabari e pere wan, agba she a̱ lungusa̱ mantsa e itoni ya alabari o ugeru u limatan wa agadu a nkaya wan. Nna a yuwan ne a̱ tsu ta̱wa̱ ta̱ nu nronuloi ma adanshi n na n tsu kamba ama a yuwan wuma wu ucawu wo okolo e ekere a̱ A̱sula̱ shi.
1 Timothy 1:6 in Tsishingini 6 Amma ama o ro a ɓatsa ta̱ a lyawa ili i nda. Reve a̱ lungusa̱ mantsa ma̱ a̱bunda̱ a adanshi e pere.
1 Timothy 1:11 in Tsishingini 11 Uritosu u saꞌani u ta ntsaa na adanshi e ikaka i saꞌani i na moo ritosu adama a̱ A̱sula̱ a saꞌani. A̱yi nda a̱yi ɗa ikaka i saꞌani i na A̱sula̱ a ca numu tsa̱ra̱ n damma ozo o ro.
1 Timothy 4:7 in Tsishingini 7 She vu zuwa atsuvu e yitele i na e icinai na̱ A̱sula̱, ko adanshi o tsulo wan. Apa nda ili i na vaa yuwan: Vu yuwan ukadu tsa̱ra̱ vu tsura̱ ucira a̱tsuma̱ e isaꞌani cine A̱sula̱ a̱ ri.
1 Timothy 6:4 in Tsishingini 4 Za na ritoyi ili i ro koꞌo u ꞌya̱sa̱n ta̱ avangaci lon. Waru u ri nu urevu wa amayun shi. Cuꞌun vuma ndolo tsu yuwan ta̱ ma̱za̱nga̱ a na waa yuwan mawasan mo urevu wi idanshiꞌi. Nu u yuwan ne, u ta̱ ta̱wa̱a̱ na̱ mawasan ma na ama a uwa tsurala, reve waru ama a uwa nla̱ngi. Reve waru u zuwa le a yuwan adanshi a na a̱ lungusa̱ a̱za̱ e le, waru a̱ da̱na̱ na̱ majiyan me iwuya a̱ tyo uba̱ta̱ wa̱ a̱za̱ e le.
1 Timothy 6:11 in Tsishingini 11 A̱vu Timoti aagbashi a̱ A̱sula̱ a ɗa. Adama o ndolo ꞌyuwan ciga vu suma iwuya i ndolo suru, waru vu toni ili ya̱ a̱ɓula̱, reve vu yuwan ili i saꞌani. Vu yuwan wuma u saꞌani tsa̱ra̱ A̱sula̱ a uwwa uyoꞌo wa̱ wu. Vu roco ucawu wo okolo ni icigi. Vu lyuwa elime nu ulinga wa̱ wu, waru vu yuwan yi ben.
1 Timothy 6:14 in Tsishingini 14 adama vu kuru ili i na u cigai mejege, babu a̱shinda̱, tsa̱ra̱ ozo o ro a yuwan adanshi a vama aci a̱ wu wan. Adama o ndolo za lo na wee reme wu nu unusu shi, hali uta̱wu wa̱ Yesu Zamawawa.
2 Timothy 1:12 in Tsishingini 12 Adama o ndolo a ɗa n ri pa o uꞌwa wa ali o sowuso a̱tsuma̱lima̱. Amma mu uwwa wono shi, adama a na n reve ta̱ vuma na n cayi okolo a̱ va̱, waru n reve ta̱ u te geshe ili i na n ca niyi, waru u te geshe le hali mantsa ma na u ka̱mba̱i.
2 Timothy 2:1 in Tsishingini 1 Gogo mawun ma va̱, vu da̱na̱ no okolo ugbamu e isaꞌani ya̱ Yesu Zamawawa.
2 Timothy 2:16 in Tsishingini 16 Vu suma mayan ma adanshi a vanvama a na a̱ tsu ta̱wa̱a̱ A̱sula̱ na̱ tsugbain shi. Ili i ndolo i tsu zuwa ta̱ ama a̱ kuɗa̱ ca A̱sula̱ tsugbain.
2 Timothy 3:14 in Tsishingini 14 Amma vu ꞌyuwan vu ciga vo oꞌwo za vu ucawu wo okolo wa amayun a̱ tyo e ili i na munlu ma̱ wu n rito nuwu. Vu reve ta̱ a na uritosu u le amayun a ɗa, adama a na vu reve ta̱ munlu ma̱ wu waru vu soɗuwo le ta̱ ma̱tsa̱n.
Titus 1:4 in Tsishingini 4 N ta ɗanasaa wu mepepelime ma nda, Titu, mawun ma amayun ma̱ va̱ a̱tsuma̱ o ucawu wo okolo a na tsu ri na̱ a̱yi. Lyawa A̱sula̱ Dada na̱ Yesu Zamawawa tsu ca wu isaꞌani na asuvu nden.
Titus 1:9 in Tsishingini 9 U ciga u ꞌyuwan u guza̱ uritosu wa adanshi a amayun. Reve u yuwan ulinga nu uritosuꞌu u kamba ama, waru u lapula aza a na a yuwusan mawasan na adanshi a̱ A̱sula̱.
Titus 1:14 in Tsishingini 14 Waru a ꞌyuwan a ciga a lyawa mazuwa ma atsuvu a alabari a aza a Israꞌila, waru she a zuwa atsuvu e le a adanshi a ama a na a lyawai amayun wan.
Titus 3:9 in Tsishingini 9 She i uwa mawasan me pere adama a nkaya wan. She i uwa nla̱ngi na̱ mawasan adama o tsutoni tsa̱ Wila̱ wa aza a Israꞌila wan. Icuꞌun yi ili i nda suru a̱ ri nu urana shi, waru mantsa ma ɗa a̱ tsu lungusa̱.
Revelation 3:3 in Tsishingini 3 She vi icina ni ili i na o rito nuwu, ni ili i na vu uwwai wan. Toni yi, vu lyawa unusu wa̱ wu. Na̱ vu ꞌyon shi, n ta̱ ta̱wa̱ mantsa ma na vu zuwai shi, cine vivu tsu ta̱wa̱.