Job 26 in Susu
1 عَيُبَ نَشَ عَ يَابِ،
2 «عِ قَتَ سّنبّتَرٍ مَلِدٍ. عِ قَتَ مِشِ رَلِمَنِيَدٍ.
3 عِ قَتَ لْننِتَرٍ رَ سِدٍ. عِ شَشِلِ قَنيِ مَسٍنمَ،
4 كْنْ عِ نَ مَسٍنمَ ندٍ بّ؟ ندٍ نَ شَشِلِ قِشِ عِ مَ؟»
5 «مِشِ قَشَشِيٍ سّرّنمَ بَا نُن بْشِ بُن مَ.
6 عَلِفِيَمَ نَادّ رَبِشِ عَلَ يَ تٌدٍ رَ، عَ نَا عِفبّشِ.
7 عَلَ نَن كٌورٍ دَاشِ، عَ عَ سِنفَن كُيٍ مَ، عَ بْشِ سِنفَن عَ يّتّ مَ.
8 عَ تُنّ يٍ رَفَتَمَ نُشُييٍ كُي، يٍ شَ بِنيّ مَن مُ نْ عٍ بْودٍ.
9 عَ عَ شَ كِبَنيِ يَ مَكٌتٌشِ نُشُييٍ نَن نَ.
10 عَ نَانِنيِ سَشِ نَءِيَلَنيِ نُن دِ مِ تَفِ.
11 كٌورٍ سّرّنمَ، عَ كَابَمَ عَلَ شَاحّ شُي مّقٍ رَ.
12 عَ سّنبّ بَا عِمَشَمَ، عَ بَا يّشّيٍ مَفَاشُشِ عِبْو مَ عَ شَشِلِ قَنيِ رَ.
13 عَ كّرّ قٌيٍ كٌورٍ رَ سّنِيّنمَ، عَ بّلّشّ بْشِمَسٍ فِشِ سْشْمَ.
14 شَ يٍيٍ قِندِشِ عَ شَ وَلِ شُرِيٍ نَن نَ، وٌن مُ نْمَ نَشٍيٍ قَهَامُدٍ عَ قَنيِ رَ، ندٍ نْمَ عَ سّنبّ مَفَاشُشِ تَن قَهَامُدٍ؟»