2 Chronicles 20 in Susu

1 نَ تٌ دَنفِ، مٌوَبَكَيٍ، عَمٌنِكَيٍ، نُن مٍوُنِ نَشَ سِفَ يٍهٌسَقَتِ فٍرٍدٍ.

2 مِشِ ندٍ نَشَ سِفَ، عَ سَ عَ قَلَ يٍهٌسَقَتِ بّ، «حَمَ شُنفبٍ نَ قَقٍ عِ فٍرٍدٍ كٍلِقٍ بَا نَاكِرِ مَ، سِرِيَ بْشِ مَ. عٍ نَ شَسَسٌن تَمَرِ، عٍ دّننَشّ مَ عٍن فٍدِ.»

3 يٍهٌسَقَتِ نَشَ فَاشُ، عَ قَ نَتّ تٌنفٌ عَ شَ عَلَتَلَ مَشَندِ. عَ يُدَيَكَيٍ يَامَرِ عٍ شَ سُنيِ سُشُ نَ شَ قٍ رَ.

4 يُدَيَكَيٍ نَشَ عٍ مَلَن، عٍ شَ عَلَتَلَ مَشَندِ. مِشِيٍ قَ نَ نَن مَ كٍلِقٍ يُدَيَ تَا بِرِن.

5 يٍهٌسَقَتِ نَشَ تِ يُدَيَ نُن دَرِ سَلَمُ حَمَ تَفِ، عَلَتَلَ شَ بَنشِ كُي تّتّ نّينّ يَ رَ.

6 عَ نَشَ عَ مَسٍن، «مُشُ بَبَيٍ مَرِفِ عَلَتَلَ، عِ تَن شَ مُ نَ عَلَ رَ كٌورٍ مَ؟ عِ تَن شَ مُ نَ سِ بِرِن مَ مَنفّ رَ؟ سّنبّ بِرِن كَنيِ مُ عِ تَن شَ رَ؟ عِ نْمَ قٍ بِرِن نَ.

7 عِ تَن شَ مُ نَ مُشُ مَرِفِ عَلَ رَ، نَشَن يِ بْشِ مِشِيٍ كٍرِشِ عِ شَ حَمَ عِسِرَيِلَ يَ شْرِ؟ عِ تَن شَ مُ نَ مُشُ مَرِفِ عَلَ رَ، نَشَن يِ بْشِ قِشِ عِ شَنُنتٍنيِ عِبُرَهِمَ بْنسْي مَ، عَ شَ لُ عٍ يِ رَ عَبَدَن؟

8 عٍ نَشَ سَبَتِ بٍ، عٍ نَشَ عِ شَ هْرْ مْبَنشِ قَن تِ بٍ. عٍ بَرَ عَ قَلَ،

9 ‹شَ قٍ شْرْشْي مُشُ لِ، عَلْ فٍرٍ نَشَن قَتَنشِ عَلَ شَ كِيتِ رَ، قُرٍ حَاشِ، شَ نَ مُ عَ رَ كَامّ، مُشُ قَمَ تِدٍ يِ بَنشِ يَ عِ عِ يَ شْرِ، بَرِ مَ عِ شِلِ نَن قَلَمَ بٍ. مُشُ عِ شِلِمَ نّ عَلَكٌ عِ شَ مُشُ دّ مّن مُشُ شَ تْورّ كُي، عِ شَ عِ تُلِ مَتِ مُشُ رَ، عِ شَ مُشُ رَكِسِ.›

10 يَكْسِ عَمٌنِكَيٍ، مٌوَبَكَيٍ، نُن سٍيِرِ فٍيَ مِشِيٍ، عِ مُ تِن مُشُ بٍنبَيٍ شَ سٌ نَشٍيٍ شْنيِ عٍ مِنِ مِسِرَ بْشِ مَ تّمُي نَشّ، عٍ تَن، مُشُ بٍنبَيٍ مُ نَشٍيٍ سْنتْشِ،

11 نٍيٍ بَرَ نَ سَرٍ رَفبِلٍن مُشُ مَ، عٍ شَ مُشُ كٍرِ بْشِ مَ عِ دّننَشّ قِشِ مُشُ مَ.

12 مُشُ مَرِفِ عَلَ، عِ مُ عٍ مَكِيتِمَ شّ؟ مُشُ سّنبّ بَرَ حْن يِ فَلِ يَ عِ نَشَن وَ مَ مُشُ فٍرٍقٍ. مُشُ مَ كٌلٌن مُشُ قٍقٍ نَشَن نَبَمَ، كْنْ مُشُ شَشِلِ تِشِ عِ تَن نَن نَ.»

13 يُدَيَكَ بِرِن نَشَ تِ عَلَتَلَ يَ عِ. عٍ شَ مَمَدِيٍ، عٍ شَ دِيٍ، نُن عٍ شَ فِنّيٍ بِرِن نُ نَ نَا.

14 نَ تّمُي عَلَتَلَ شَشِلِ نَشَ فٌرٌ يَشَسِيٍلِ مَ، سَكَرِ شَ دِ، بّنَيَ شَ دِ، يٍيِيٍلِ شَ دِ، مَتَنِيَ شَ دِ. لٍوِكَ نَن نُ عَ رَ نَشَن كٍلِشِ عَسَقِ شَ دِيٍ يَ مَ.

15 يٍهٌسَقَتِ نَشَ عَ قَلَ، «يُدَيَكَيٍ، دَرِ سَلَمُكَيٍ، عِ تَن مَنفّ يٍهٌسَقَتِ، وٌ وٌ تُلِ مَتِ ﭑ نَ. عَلَتَلَ شَ مَسٍنيِ نَن يَ؛ ‹وٌ نَشَ فَاشُ، وٌ نَشَ كْنتْقِلِ يِ حَمَ شُنفبٍ يَ رَ، بَرِ مَ وٌ فبٍ فٍرٍ مُ يَ. عَلَ نَن مَ فٍرٍ عَ رَ.

16 تِنَ وٌ شَ فٌرٌ يِ فٍرٍ شِلِ مَ. عٍ تٍمَ سِسِ مَبِرِ، وٌ قَمَ عٍ لِدٍ فُلُنبَ رَحْنيِ يٍرُوٍلِ فبٍنفبٍرٍنيِ مَ.

17 هَلِ وٌ مُ عٍ فٍرٍ، وٌ شَ تِ نَ، عٍ يَ رَ، وٌ قَمَ عَ تٌدٍ عَلَتَلَ وٌ رَكِسِمَ كِ نَشّ. يُدَيَ نُن دَرِ سَلَمُ، فَاشُي نُن كْنتْقِلِ نَشَ لُ وٌ يِ رَ تِنَ. وٌ شَ مِنِ تُن، وٌ نُن عَلَتَلَ نَ عَ رَ.›»

18 يٍهٌسَقَتِ، يُدَيَكَيٍ، نُن دَرِ سَلَمُكَيٍ بِرِن نَشَ عٍ عِفٌرٌ، عٍ عٍ يَتَفِيٍ رَقٍلٍن بْشِ مَ عَلَتَلَ يَ عِ.

19 لٍوِكَيٍ، كٍهَتِ شَ دِيٍ نُن كٌرٍ شَ دِيٍ يَ مَ نَشَ كٍلِ، عٍ عِسِرَيِلَ مَرِفِ عَلَتَلَ مَتْشْ عٍ شُي عِتٍشِ رَ.

20 حَمَ نَشَ كٍلِ سُبَشّ مَ، عٍ نَشَ سِفَ تٍكٌوَ فبٍنفبٍرٍنيِ مَبِرِ. عٍ نُ مِنِمَ تّمُي نَشّ، يٍهٌسَقَتِ نَشَ تِ عٍ يَ رَ، عَ قَ عَ قَلَ، «يُدَيَكَيٍ نُن دَرِ سَلَمُكَيٍ، وٌ وٌ تُلِ مَتِ ﭑ نَ. وٌ شَ لِمَنِيَ وٌ مَرِفِ عَلَتَلَ سَابُي رَ، عَلَكٌ وٌ شَ سّنبّ سْتْ. وٌ شَ لِمَنِيَ عَلَ شَ نَمِحْنمّيٍ سَابُي رَ، عَلَكٌ وٌ شَ شُن نَكٍلِ سْتْ.»

21 نَ شَنبِ، عَ نَشَ وْيّن حَمَ بّ، عٍ شَ عَلَتَلَ شَ بّيتِبَ ندٍيٍ سُفَندِ نَشٍيٍ عَلَتَلَ شَ مَنفّيَ سّنِيّنشِ مَتْشْمَ، سْورِيٍ مِنِمَ تَا كُي تّمُي نَشّ. عٍ نَشَ يِ تَنتُي رَ سِفَ عَلَ مَ، «وٌ عَلَتَلَ مَتْشْ، بَرِ مَ عَ شَ هِننّ بُمَ نّ عَبَدَن.»

22 عٍ تٌ نَ مَتْشْي قْلْ، عَلَتَلَ نَشَ عَمٌنِكَيٍ، مٌوَبَكَيٍ، نُن سٍيِرِ فٍيَ مِشِيٍ يَ عِسٌ نَشٍيٍ نُ قَشِ يُدَيَ فٍرٍ شِلِ مَ. عٍ نُ قَ عٍ بٌورٍ بْنبْ.

23 عَمٌنِكَيٍ نُن مٌوَبَكَيٍ نَشَ دِن سٍيِرِ فٍيَ مِشِيٍ رَ، عَلَكٌ عٍ شَ عٍ رَتْن، عٍ شَ عٍ سْنتْ. عٍ تٌ فّ نَ رَ، عٍ نَشَ عٍ بٌورٍ قَن قَشَ قْلْ.

24 يُدَيَكَيٍ تٌ سٌ فبٍنفبٍرٍنيِ قْلْدٍ، عٍ نَشَ فَلِ شُنفبٍ تٌ، كْنْ عٍ بِرِن نُ قَشَشِ. بِنبِيٍ فبَنسَن نَن نُ مّننِ. مِشِ كٍرٍن مُ نُ كِسِشِ عٍ يَ مَ.

25 يٍهٌسَقَتِ نُن عَ شَ حَمَ نَشَ شِ سَشَن نَبَ سْورِ قَشَشِيٍ هَرِفٍ شَنِنقٍ رَ. عٍ نَشَ نَاقُلِ فبٍفبٍ تٌ نَ، هَن عٍ مُ نْ نَ بِرِن شَنِندٍ.

26 عَ شِ نَانِ لْشْي، عٍ نَشَ سَ عٍ مَلَن بٍرَكَ فُلُنبَ كُي عَلَتَلَ تَنتُدٍ. هَن تٌ عٍ نَ يِرٍ شِلِ قَلَمَ بٍرَكَ نَ نَن مَ.

27 يُدَيَ نُن دَرِ سَلَمُ سْورِيٍ نَشَ فبِلٍن دَرِ سَلَمُ حّلّشِنيِ كُي يٍهٌسَقَتِ شَ مَنفّيَ بُن مَ. عَلَتَلَ نُ بَرَ عٍ رَ سّيوَ عٍ يَشُييٍ سْنتْقٍ سَابُي رَ.

28 عٍ تٌ سٌ دَرِ سَلَمُ، عٍ نَشَ سِفَ هَن عَلَتَلَ شَ بَنشِ كُي، كْرَيٍ نُن سَرَيٍ نُ رَبٍرٍ مَ دّننَشّ.

29 سِ بِرِن تٌ عَ مّ عَ عَلَتَلَ بَرَ عِسِرَيِلَ يَشُييٍ فٍرٍ، عَلَتَلَ شَ يَرَفَاشُي نَشَ لُ عٍ يِ رَ.

30 يٍهٌسَقَتِ شَ مَنفّيَ نَشَ لُ بْحّسَ كُي عَ مَرِفِ عَلَ سَابُي رَ.

31 يٍهٌسَقَتِ مَنفّيَ سْتْ يُدَيَ عَ حّ تٌنفٌ سَشَن نُن سُولِ نَن مَ، عَ قَ حّ مْشْحّن نُن سُولِ مَنفّيَ رَبَ دَرِ سَلَمُ. عَ نفَ نُ شِلِ نّ عَسُبَ، سِلِشِ شَ دِ فِنّ.

32 يٍهٌسَقَتِ نُ حّرّ مَ عَ بَبَ عَسَ شَ كِرَ شْن عَ شَ سِمَيَ بِرِن كُي، عَ لُ عَلَتَلَ شَ تِنشِنيِ كُي.

33 كْنْ كُيٍ بَتُدٍيٍ مُ نُ فّشِ كَنَدٍ بْشِ كُي فٍيَيٍ قَرِ. حَمَ مُ نُ عٍ بْحّيٍ شِرِشِ عٍ بَبَيٍ مَرِفِ عَلَ رَ سِندٍن.

34 يٍهٌسَقَتِ شَ تَرُشُي دْنشْي، عَ قْلّ نُن عَ رَحْنيِ بِرِن سّبّشِ شَنَنِ شَ دِ يٍهُ شَ تَرُشُي كُي، نَشَن تٌمَ عِسِرَيِلَ مَنفّيٍ شَ تَرُشُي كُي.

35 نَ تٌ دَنفِ يُدَيَ مَنفّ يٍهٌسَقَتِ نَشَ سَاتّ شِرِ عَ نُن عِسِرَيِلَ مَنفّ عَشَسِيَ تَفِ، نَشَن حّرّ كِ حَاشُ.

36 عٍ نَشَ كُنكُييٍ يَءِلَن نَشٍيٍ سِفَمَ تَرَ سِسِ. عٍ نَشَ ندٍيٍ يَءِلَن عٍسِيٌن فٍبٍرِ.

37 نَ كُي، دٌدَوَهُ مَرٍ سَ شَ دِ عَننَبِ عٍلِيٍسٍرِ نَشَ نَمِحْنمّ مَسٍنيِ تِ يٍهٌسَقَتِ بّ، «عِ تٌ سَاتّ شِرِشِ عِ نُن عَشَسِيَ تَفِ، عَلَتَلَ عِ شَ وَلِ كَنَمَ نّ.» نَ نَ عَ تٌ، عَ شَ كُنكُييٍ نَشَ فَن، عٍ مُ سِفَ تَرَ سِسِ.