Revelation 15:4 in Sunwar 4 नेल्लेमी इन कली मान पा हिंशा इन नें ठेयब सेल्नीमी। मारदे हना गे ला परमप्रभु बाक्नीनी। रागी रागी ङा मुर नेल्ले इन ङोंइती जाक्शा, पोक्च थेक्शा, खुम्की पा बाप्नीमी। मारदे हना इन निसाफ पतीके नेल्लेमी ताम्तेक्म” देंशो कुम्सो आ लोव़ बाक्त। भजन संग्रह ८६:९; येरमीया १६:१९-२१
Other Translations King James Version (KJV) Who shall not fear thee, O Lord, and glorify thy name? for thou only art holy: for all nations shall come and worship before thee; for thy judgments are made manifest.
American Standard Version (ASV) Who shall not fear, O Lord, and glorify thy name? for thou only art holy; for all the nations shall come and worship before thee; for thy righteous acts have been made manifest.
Bible in Basic English (BBE) What man is there who will not have fear before you, O Lord, and give glory to your name? because you only are holy; for all the nations will come and give worship before you; for your righteousness has been made clear.
Darby English Bible (DBY) Who shall not fear [thee], O Lord, and glorify thy name? for [thou] only [art] holy; for all nations shall come and do homage before thee; for thy righteousnesses have been made manifest.
World English Bible (WEB) Who wouldn't fear you, Lord, And glorify your name? For you only are holy. For all the nations will come and worship before you. For your righteous acts have been revealed."
Young's Literal Translation (YLT) who may not fear Thee, O Lord, and glorify Thy name? because Thou alone `art' kind, because all the nations shall come and bow before Thee, because Thy righteous acts were manifested.'
Cross Reference Exodus 15:14 in Sunwar 14 जात जात ङा मुरपुकी इन लोव़ नेंशा शुश हिंतेक्म। पलिस्ती रागी ङा मुरपुकी हिंशा, ख्रिंख्रि पाम्तेक्म। यहोसु २:९-११
1 Samuel 2:2 in Sunwar 2 परमप्रभु यावे खोदेंशो अरु सुइ मबाक्नीम। इन क्येङा लाक्शो अर्को सुइ मबाक्नीम। आंइ परमप्रभु, सेरथे फुल्लु खोदेंशो अरु सुइ मबाक्नीम। ब्यवस्था ४:३५; उत्पत्ती ४९:२४; ब्यवस्था ३२:१८; भजन संग्रह १८:२२
Psalm 22:3 in Sunwar 3 मिनु इस्राएलीपुकीम इन कली ठेयब सेल्तीक कुम्सो पामेनु, गे का ला मेको आन तार बाक्नीनी।
Psalm 22:23 in Sunwar 23 गे परमप्रभु यावे कली मान पा हिंबपुकीमी, मेको कली ठेयब सेलीन। याकूब आ चच युइ, मेको कली “गे नेल्ल क्येङा ठेयब बाक्नीनी” देनीन। इस्राएल आ चच युइ नेल्ल मेको कली मान पा हिनीन।
Psalm 22:27 in Sunwar 27 रागी रागी ङा मुरपुकीमी आं कली मिम्शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्नीम।
Psalm 86:9 in Sunwar 9 परमप्रभु, इन सेल्शो रागी रागी ङा मुर इन ङोंइती बाप्शा, इन नें थिशा, इन कली ठेयब सेल्चा माल्नीम।
Psalm 89:7 in Sunwar 7 आंम मुर आन बुक्तीकेमी परमप्रभु कली मान पा हिंनीम। मेको आ एर ओंथ बाक्ब नेल्ल आन क्येङा मेको शुश ठेयब नु मान पा हिंचा माल्शो बाक्ब।
Psalm 97:8 in Sunwar 8 परमप्रभु यावे आ निसाफ पशो नेंशा, सियोन नु यहूदा ङा सहर नेल्ल ग्येरसीनीम।
Psalm 99:5 in Sunwar 5 परमप्रभु यावे, आंइ परमप्रभु कली ठेयब सेलीन। आ खोइल थेक्तीकेमी मान पने। मारदे हना मेको का ला परमप्रभु बाक्ब। भजन संग्रह १३२:७-८; १इतिहास २८:२; बिलाप २:१
Psalm 99:9 in Sunwar 9 परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्ब।
Psalm 105:7 in Sunwar 7 मेको परमप्रभु यावे, आंइ परमप्रभु बाक्ब। मेको आ निसाफ रागी नेल्ल कली बाक्ब।
Psalm 111:9 in Sunwar 9 मेकोमी आ मुर आन कली श्येत रे प्रोंइतु। मेकोमी आ पशो कबल गेनायो मक्याम्चा कली सेल्शो बाक्त। मेको आ नें का ला मान पा हिंचा ङा बाक्ब।
Psalm 117:1 in Sunwar 1 रागी रागी ङा मुर नेल्लेम परमप्रभु यावे कली ठेयब सेलीन। जात जात ङा मुर नेल्लेम मेको कली मान पने! रोमी १५:११
Isaiah 6:3 in Sunwar 3 मिनु सेराफ कामी अर्को सेराफ कली “मुर नेल्ल आन परमप्रभु यावे का ला ठेयब सक्ति पाइश्शो बाक्ब। रागी नेल्ले आ छेङछेङम ब्रीशो बाक्ब” देंत। प्रकाश ४:८
Isaiah 24:15 in Sunwar 15 मोपतीके पूर्ब ङा मुर “परमप्रभु यावे ठेयब बाक्ब” दे मेको कली ठेयब सेलीन। समुन्द्र आ नेक्था बाक्ब आन कली “परमप्रभु यावे, इस्राएली आन परमप्रभु आ नें कली मान पने” देंमानु, मेको कली मान पाइनीम।
Isaiah 25:3 in Sunwar 3 मोपतीके बोल्यो मुरपुकीम इन कली मान पाइनीम। बोल्यो राज्यपुकी इन क्येङा हिंनीम।
Isaiah 26:9 in Sunwar 9 गो नाक्दो इन कली शुश मिम्नुङ। गो आं थुंमी इन कली माल्ना माल्न बाक्नुङ। मारदे हना गे रागी ङा मुर आन कली निसाफ पाइतीनी हना, रागीम बाक्बपुकीमी ठीक पतीके शेंसीनीम। भजन संग्रह ६३:७
Isaiah 45:23 in Sunwar 23 गो आं नेंमी कसम जाता। गो ठीक लोव़ पाता। एको लोव़ मक्याम्सीब। मुर नेल्ले आं ङोंइती पोक्च थेक्चा माल्नीम। आं नेंमी कसम जचा माल्नीम। रोमी १४:११; फिलिप्पी २:१०-११
Isaiah 57:15 in Sunwar 15 मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
Isaiah 60:5 in Sunwar 5 गे मेको तशा थाम्पा ग्येरनेवे। इ थुं ग्येरसीशा प्रेक्ब। मारदे हना समुन्द्रम चाक्शो मारेइ मारेइ इ के दुम्ब। रागी रागी ङा शोंप नेल्ल इ के दुम्नीम।
Isaiah 66:18 in Sunwar 18 परमप्रभु यावेमी “गो मेको आन पतीके नु आन मिम्तीके तुइक्नुङ। मिनु रागी रागी ङा मुर नेल्ल नु नेल्ल खाल ङा लोव़ पाइब मुर आन कली खुप्नुङ। मिनु मेको मुर जाक्शा, आं छेङछेङ ताइनीम।
Isaiah 66:22 in Sunwar 22 मिनु “दोपा आं सेल्शो नक सरीङ नु नक रागी आं ङोंइती गेना हना यो बाक्बा, मोपा इन नें नु इन चच युइ आन नें गेना हना यो लीनीम। यसैया ६५:१७
Jeremiah 5:22 in Sunwar 22 मार, गे आं कली मान पा हिंचा ममाल्नीनी ङा? गे आं ङोंइती ख्रिंख्रि मपाइनीनी? गो समुन्द्र आ सांद कली बाल्वा वोइक्ता। आ छाल बोक्तेक्म हना यो, मेको कली ख्राक्ने मचाप्नीम। मेकोपुकी शुश बोल पाम्तेक्म हना यो, मेको कली लाक्ने मचाप्नीम। ठेयब रेयके पाम्तेक्म हना यो, लाक्ने मचाप्नीम। बजन संग्रह १०४:९
Jeremiah 10:7 in Sunwar 7 गे रागी रागी ङा पिप, इन कली सुम मान पा महिंनीमी ङा? गे मान पाइक्चा शिरशो बाक्नीनी। रागी रागी ङा मुर आन जोक्ब तुइक्ब नु मेको आन राज्य नेल्लेमी इन खोदेंशो सुइ मबाक्नीम।
Jeremiah 16:19 in Sunwar 19 मिनु मेकोपुकीमी “परमप्रभु यावे, गे आं सक्ति नु आं ख्रुइश्शा, ब्रोंइशा बाक्तीक बाक्नीनी। गे श्येत जची ना आं ख्रुइक्तीके बाक्नीनी। रागी रागी ङा मुर रागी ङा सुर रे इन ङोंइती जाक्नीम। मिनु मेकोपुकीमी ‘आंइ किकी पिपी आन देवी देवता जोल ला बाक्तेक्म। मेको शोर गाक्शो बाक्तेक्म। भजन संग्रह ३६:७
Hosea 3:5 in Sunwar 5 मिनु नोले ङा नाक्तीमी इस्राएलीपुकी लेश्शा, परमप्रभु यावे, आन परमप्रभु कली नु आन पिप दाऊद कली माल्नीम। मेकोपुकी ख्रिंख्रि पा आन परमप्रभु यावे गे लेश्शा, आसीक ताइनीम। येरमीया ३०:९; इजीकीएल ३४:२३-२४
Habakkuk 1:12 in Sunwar 12 मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्नीनी। गो मबेक्नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्लु, गे मेको आन कली सजाइ गेचा कली वोइक्तीनी। येरमीया १०:२४
Zechariah 2:11 in Sunwar 11 मेको नाक्त शुश रागी ङा मुरपुकी परमप्रभु यावे नु गारचा कली जाक्नीम। मेको नाक्ती मेको आं मुर दुम्नीम। मिनु गो गे इन दातेमी बाक्नुङ। मिनु गेपुकीमी मुर नेल्ल आन परमप्रभु यावेमी आं कली इन कली लोव़ पथ सोइश्शो बाक्ब, दे तुइक्नीनी” दे परमप्रभु यावेमी देंत। यसैया ११:१०
Zechariah 8:20 in Sunwar 20 मुर नेल्ल आन परमप्रभु यावेमी “शुश सहर ङा मुर तेम्शा जाक्नीम।
Zechariah 14:16 in Sunwar 16 मिनु यरूसलेम कली लडाइ तोइब रागी रागी ङा मुर आन दाते ङा सु सु ब्रोंइशा लीमा, मेकोपुकी बर्स बर्समी यरूसलेम लशा पिप नु मुर नेल्ल आन परमप्रभु यावे कली मान पा ठेयब सेल्चा माल्नीम। मेकोपुकीमी गोठ सेल्शा मानेतीक चाड मानेचा कली यरूसलेम लचा माल्नीम। जकरिया १४:९
Malachi 1:11 in Sunwar 11 “नां दाप्तीक रे नां पेरतीक सम्म रागी रागी ङा मुर आन दातेमी आं नें ठेयब बाक्ब। रागी नेल्ल ङा मुरपुकीमी आं कली धूप चोशा, रिम्शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्ब” दे मुर नेल्ल आन परमप्रभु यावेमी देंत। यसैया ६०:१-७
Luke 12:4 in Sunwar 4 आं वारचपुकी, इन रां कली साइक्ने चाप्बपुकी तशा महिनीन। मारदे हना साइक्ने थुम्शा, नोले मारेइ पने मचाप्नीम।
Romans 15:9 in Sunwar 9 अर्को रागी ङा मुरपुकीमी परमप्रभु यावे आ शिशी आ पर्बम मेको कली ठेयब सेल्मेक्ल। मोपतीके “अर्को रागी ङा मुर आन दातेमी इन नें तुइक्पा कुम्सो पाइनुङ” दे ब्रेक्शो बाक्ब। भजन संग्रह १८:४९
2 Thessalonians 1:10 in Sunwar 10 थमा सुइक्बपुकी चहिं आ जाक्ची नाक्त आ नें ठेयब सेल्शा, थमा सुइक्ब नेल्लेमी आ छेङछेङ तशा छक लाक्नीम। मारदे हना गेपुकी आंइ शेंशो लोव़ थमा सुइक्तीनी।
1 Peter 1:16 in Sunwar 16 परमप्रभु यावे आ ब्रेक्पाइश्शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्शो बाक्ब। लेवी १९:२
Revelation 3:7 in Sunwar 7 मिनु येसु ख्रीस्तमी आं कली फिलाडेल्फीया सहर ङा थमा सुइक्ब आन शेंब कली ब्रेक्पाइक्ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्य ङा सांचो थीबमी लाप्चो रोक्गा ङा मेरे सुइमी चोक्ने मचाप्नीम। मिनु चोक्गा ङा मेरे सुइमी रोक्ने मचाप्नीमी। यसैया २२:२२
Revelation 4:8 in Sunwar 8 मिनु मेको सेस जन्तु ६, ६ ओटा फ्रां पाइश्शो बाक्तेक्मे। मेको आन फ्रां नेल्ल नु आन रां नेल्लेमी मिक्च पाइश्शो बाक्तेक्म। मिनु मेकोपुकी नाक्दो नाक्त परमप्रभु यावे कली कुम्सो पना पन बाक्बाक्तेक्म। मार कुम्सो पाइबाक्तेक्म देंशा हना, “परमप्रभु यावे, गे का ला परमप्रभु ननी। गे नेल्ल सक्ति पाइश्शो बाक्नीनी। गे ङोंइती बाक्शो बाक्तीनी। मुल यो बाक्नीनी। मिनु नोले यो जाक्नीनी” दे कुम्सो पना पन बाक्बाक्तेक्म। यसैया ६:२-३; प्रस्थान ३:१४
Revelation 6:10 in Sunwar 10 मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्ल आन कली सासन पाइब बाक्नीनी। गेना आंइ कली साइक्ब आन कली निसाफ पाइनीनी? गेना रागीम बाक्ब आन कली क्येक्क लेत्नीनी?” देंतेक्म।
Revelation 11:15 in Sunwar 15 मिनु मेको नोले ङा परमप्रभु यावे आ स्वर्ग ङा गेय पाइबमी आ तुराही ताप्तु। मिनु स्वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्तमी रागी नेल्ल कली सासन पाइब दुम्ताक्से। मिनु गेना हना यो सासन पना पन बाक्नीसी” देंशो नेंता।
Revelation 14:7 in Sunwar 7 मिनु मेकोमी ठेयब सेंदामी “परमप्रभु यावेमी सरीङ, रागी, समुन्द्र नु ब्वाक्कु बुक्तीके नेल्ल सेल्तु। मोपतीके इन पोक्च थेक्शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्ल सेल्ब ननी’ देंशा मान पने। मारदे हना मेको आ निसाफ पची ना दुम्त” देंत।
Revelation 16:7 in Sunwar 7 मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्ल सक्ति पाइश्शो परमप्रभु बाक्नीनी। मारेइ मारेइ पने चाप्नीनी। इन पशो निसाफ थमा नु ठीक बाक्नीमी” देंशो नेंता। प्रकाश ९:१३; प्रकाश ६:१०-११
Revelation 19:2 in Sunwar 2 मारदे हना परमप्रभु यावे आ पशो निसाफ थमा नु ठीक बाक्ब। मिनु परमप्रभु यावेमी रागी नेल्ल ङा मुर आन कली खतम सेल्ब तेल्लेम कली ठीक पा सजाइ गेप्तु। मेको तेल्लेममी शुश परमप्रभु यावे आ वाइलीम वाइल आन कली साइक्तीके, मुल मेको कली क्येक्क लेत्ताक्व” दे ग्रीशो नेंता। प्रकाश ६:३०; ब्यवस्था ३२:४३