Psalm 98 in Sunwar
1 कुम्सो का। परमप्रभु यावे कली नक कुम्सो का पय। मारदे हना मेकोमी छक लाक्चा ङा गेय पाप्तु। मेको आ ठेयब सक्तिमी ग्रात। भजन संग्रह ३३:३; यसैया ५९:१६; यसैया ६३:५
2 परमप्रभु यावेमी आ ग्रातीके कोंइशा, आ श्येत रे प्रोंइतीके रागी रागी आन ङोंइती कोंइताक्व।
3 मेकोमी इस्राएली आन कली आ गेना हना यो दाक्तीके नु आ दाक्शा मप्रोंइतीके कोंइताक्व। रागी नेल्ल ङा मुरपुकीमी आंइ परमप्रभुम मेको आन कली श्येत रे प्रोंइशो ताम्तेक्म। यसैया ५२:१०
4 रागी रागी ङा मुर नेल्ल परमप्रभु यावे कली ग्येरसीशा कुम्सो पने। साप्पा ग्येरसीशा मेको कली ठेयब सेलीन।
5 गे ठेयब नु आइक्च तार पाइश्शो ताप्तीक ताप्शा परमप्रभु यावे कली कुम्सो पा ठेयब सेलीन।
6 आंइ पिप, परमप्रभु यावे आ ङोंइती ग्येरसीशा तुराही नु ग्रोव़ ताप्पीन। भजन संग्रह ९३:१
7 समुन्द्र नु मेकेर बाक्ब नेल्लेमी परमप्रभु कली ठेयब सेलीन। रागी नु रागीम बाक्ब नेल्लेमी यो परमप्रभु कली ठेयब सेलीन। भजन संग्रह ९६:११-१३
8 समुन्द्र ङा छालपुकीमी आन गुइ फ्रोक्चा माल्नीम। डांडा नेल्ल ग्येरसीशा परमप्रभु यावे आ ङोंइती कालेम कुम्सो पने।
9 मारदे हना परमप्रभु यावे रागी कली निसाफ पथ जाक्ब। मेकोमी ठीक पा जात जात ङा मुर आन कुल मकोव़थु निसाफ पाइब।