Psalm 80:1 in Sunwar 1 कुम्सो पपाइक्ब कली लिली फू आ लायो ङा कबल पतीक, आसाफ आ कुम्सो। इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्तीनी। गे करूब आन तार ठेयब नित्तीकेमी नित्नीनी। भजन संग्रह १८:११; २सामुएल ६:२
Other Translations King James Version (KJV) Give ear, O Shepherd of Israel, thou that leadest Joseph like a flock; thou that dwellest between the cherubims, shine forth.
American Standard Version (ASV) Give ear, O Shepherd of Israel, Thou that leadest Joseph like a flock; Thou that sittest `above' the cherubim, shine forth.
Bible in Basic English (BBE) <To the chief music-maker; put to Shoshannim-eduth. Of Asaph. A Psalm.> Give ear, O Keeper of Israel, guiding Joseph like a flock; you who have your seat on the winged ones, let your glory be seen.
Darby English Bible (DBY) {To the chief Musician. On Shoshannim-Eduth. Of Asaph. A Psalm.} Give ear, O Shepherd of Israel, thou that leadest Joseph like a flock; thou that sittest [between] the cherubim, shine forth.
World English Bible (WEB) > Hear us, Shepherd of Israel, You who lead Joseph like a flock, You who sit above the cherubim, shine forth.
Young's Literal Translation (YLT) To the Overseer. -- `On the Lilies.' A testimony of Asaph. -- A Psalm. Shepherd of Israel, give ear, Leading Joseph as a flock, Inhabiting the cherubs -- shine forth,
Cross Reference Exodus 25:20 in Sunwar 20 मेको करूबम आस फ्रां हाम्शा, सुम्तीके फारचा माल्नीस। आस कुल कोव़मुशा, सन्दोस सुम्तीके गे कोव़चा माल्नीसी।
Deuteronomy 33:2 in Sunwar 2 “परमप्रभु यावे सीनै रे जाक्शो बाक्ब। मेको सेइर रे पा आंइ ङोंइती ग्रूत। मेको पारान डांडा रे पा टल्केसाक्व। मेको नु लाख लाख आ मुर बाक्तेक्म। आ ग्युरा गे आंम मुर ङा ठेयब हुल बाक्तेक्म। न्यायाधीस ५:४
1 Samuel 4:4 in Sunwar 4 मोपतीके मुरपुकीमी शिलोम मुर सोइक्तमे बाक्त। मिनु करूब आस दातेम बाक्ब मुर नेल्ल आन परमप्रभु यावे आ कबल पशो सन्दोस चाक्गमे बाक्त। मिनु एली आ तौ होफ्नी नु फिनेहास परमप्रभु आ कबल पशो सन्दोस नु बाक्सा बाक्त। प्रस्थान २५:२२; २सामुएल ६:२
2 Samuel 6:2 in Sunwar 2 मिनु दाऊद नु मेको मुर नेल्ल परमप्रभु आ सन्दोस चाक्चा कली यहूदा ङा बाले सहर रे लमा बाक्त। मेको सन्दोस तार आ नें बाक्त। मुर नेल्ल आन परमप्रभु यावे आ नें मेकेर बाक्ब। मेको करूब आस दातेम बाक्ब। बाले सहर आ अर्को नें किरयथ-यारीम बाक्त।यहोसु १५:९ प्रस्थान २५:२२
2 Kings 19:15 in Sunwar 15 मिनु हिज्कीयाहम मेको परमप्रभु यावे आ ङोंइती प्राक्शा वोइश्शा “परमप्रभु यावे, इस्राएली आन परमप्रभु गे करूब आन तार बाक्नीनी। रागी ङा राज्य नेल्लेम गे का ला परमप्रभु बाक्नीनी। गे रागी नु सरीङ सेल्ब बाक्नीनी। प्रस्थान २५:२२; भजन संग्रह ८०:२
Job 10:3 in Sunwar 3 गे मुर आन कली दिप्शा, ग्येरनीनी? इन सेल्शो आन कली ममिम्चा रिम्शो लाक्नीनी? इन अरेशो लोव़ मटीबमी मरिम्शो पशो दाक्नीनी?
Psalm 5:1 in Sunwar 1 कुम्सो पपाइक्ब कली मुराली ताप्शा पतीके। दाऊद आ कुम्सो। परमप्रभु यावे, आं देंशो लोव़ नेनीने। आं हुकयी पशो नेनीन।
Psalm 23:1 in Sunwar 1 दाऊद आ कुम्सो। परमप्रभु यावे आं गोठला बाक्ब। आं माल्शो नेल्ल बाक्ब। उत्पत्ती ४८:१५; यसैया ४०:११; यूहन्ना १०:११-३०
Psalm 45:1 in Sunwar 1 कुम्सो पपाइक्ब कली लिली फू ङा कुम्सो आ लायो। शेंतीक कुम्सो। कोराह आ तौ आन कुम्सो। ग्युंबे ङा कुम्सो। आं थुं रिम्शो लोव़मी ब्रीतीके गो पिप कली कुम्सो पाइक्नुङ। आं लें थाम्पा ब्रेक्स जोक्ब मुर आन कलम खोदेंशो दुम्शो बाक्ब।
Psalm 50:2 in Sunwar 2 परमप्रभु सियोन रे आ दारसम ग्योम्सीशा छेङछेङ दुम्शा, ग्रूशो बाक्ब। यसैया ६२:१
Psalm 55:1 in Sunwar 1 कुम्सो पपाइक्ब कली तार पाइश्शो ताप्तीके ताप्शा शेंतीक। दाऊद आ कुम्सो। परमप्रभु, आं लोव़ नेनीन। आं ङोंइती रे इन कुल मख्रुइक्तीन।
Psalm 60:1 in Sunwar 1 कुम्सो पपाइक्ब कली कबल ङा फू आ लायो। दाऊद आ सेल्शो शेंतीक कुम्सो। मेकोमी अराम-नहाराइन नु अराम-सोबाह नु लडाइ पवानु, योआब लेश्शा, १२ हजार एदोमी कली हिक्सी दिंमम साइक्तु। २सामुएल ८:३,१३; २सामुएल १०:१३,१८ परमप्रभु, गे आंइ कली वारच पाइक्चा प्रोंइशो बाक्तीनी। गे आंइ लडाइ पतीके कली प्रोंइशो बाक्तीनी। गे आंइ पर्बम थाम्पा गाइक्ताक्नी। मुल आंइ कली ङोंइती ङा खोदेंशो पा रिम्शो सेलीन।
Psalm 69:1 in Sunwar 1 कुम्सो पपाइक्ब कली लिली फू आ लायो। दाऊद आ कुम्सो। “परमप्रभु, आं कली श्येत रे प्रोंइयीनी। मारदे हना ब्वाक्कु आं शुर सम्म जाक्शो बाक्ब।
Psalm 77:20 in Sunwar 20 मोसा नु हारून आस गुइ रे पा, गे इन मुर आन कली भेडा आन हुल खुल्शो खोदेंशो पा गाक्पाइक्तीनी” दे परमप्रभु कली लोव़ पता।
Psalm 78:52 in Sunwar 52 मिनु नोले आ मुर आन कली भेडा खोदेंशो पा ग्रुंइताक्व। मिनु मेको आन कली भेडा आन हुल खोदेंशो पा गोरशो रागीमी लां कोंइशा गाक्पाइक्तीमी। भजन संग्रह ७७:२१
Psalm 78:67 in Sunwar 67 मेकोमी योसेफ आ थर ङा मुर आन कली प्रोंइतु। एफ्राइम आ खिं ङा मुर आन कली यो मयोव़ङ।
Psalm 80:3 in Sunwar 3 परमप्रभु, आंइ कली लेंशा सेल्की। इन कुल ङा छेङछेङ आंइ तार वोतीन। मिनु गो ब्रोंइने चाप्कल।
Psalm 80:7 in Sunwar 7 मुर नेल्ल आन परमप्रभु, आंइ कली लेंशा सेल्की। इन कुल ङा छेङछेङ आंइ तार वोतीन। मिनु गो ब्रोंइने चाप्कल।
Psalm 80:19 in Sunwar 19 परमप्रभु यावे, मुर नेल्ल आन परमप्रभु, आंइ कली लेंशा सेल्की। इन कुल ङा छेङछेङ आंइ तार वोतीन। मिनु गो ब्रोंइनीकी।
Psalm 94:1 in Sunwar 1 परमप्रभुमी क्येक्क लेप्ब। परमप्रभु यावे, परमप्रभु, इन छेङछेङ कोंइदीन। ब्यवस्था ३२:३५
Psalm 99:1 in Sunwar 1 परमप्रभु यावे पिप बाक्ब। जात जात ङा मुरपुकी ख्रिंख्रि पामेक्ल। मेको करूब आन तारी बाक्ब। रागीम ख्रिनु कुल। भजन संग्रह ९३:१; भजन संग्रह १८:११
Isaiah 40:11 in Sunwar 11 आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्शा कुरब। दूध तुंइब आन कली आन चाप्चा ङा पा गाक्पाइश्शा खुल्ब। यूहन्ना १०:११
Isaiah 49:9 in Sunwar 9 गो जेल्खानम बाक्ब आन कली ‘ग्रूङीन’, छिङछिङम बाक्ब आन कली ‘छेङछेङम ग्रूङीन’ देंचा कली ब्रेत्ताक्न। मेकोपुकी आं भेडा बाक्नीम। लांमी जोचा ताइनीम। गोरशो डांडा मेको आन रिम्शो पा जोतीके बाक्तीके दुम्ब।
Isaiah 60:1 in Sunwar 1 परमप्रभुम “बोक्को। मिनु ग्येरसो। मारदे हना इ छेङछेङ जाक्शो बाक्ब। परमप्रभु यावे आ छेङछेङ इ तार जाक्शो बाक्ब।
Isaiah 63:11 in Sunwar 11 मिनु नोले मेकोपुकीमी साइ ङोंइती ङा नाक्ती मिम्ताक्म। मेको आ गेय पाइब मोसा आ पाला ना ङा नाक्ती मिम्ताक्म। मिनु मेकोपुकीमी “समुन्द्र रे पा गोठला नु आ बगाल ग्रुंइब ते बाक्म? मेको आन कली परमप्रभु यावे आ सोक्त वोइक्ब, ते बाक्मे? प्रस्थान २:५; गन्ती ११:१७
Ezekiel 1:13 in Sunwar 13 मेको सोक्त पाइश्शो आन दातेमी ब्रशो कोइला खोदेंशो बाक्त। मेको एर ओंथ गाक्शो तोव़शी खोदेंशो तांइसीबाक्त। मेको मी थम छेङछेङ पा ब्रशो बाक्त। मिनु मेको रे चिला दाप्बाक्त।
Ezekiel 10:4 in Sunwar 4 मिनु परमप्रभु यावे आ छेङछेङ करूब आन रे परमप्रभु यावे आ खिं आ लाप्चो गे लत। मिनु गोस्सुम खिं ब्रीत। मिनु आ लाङगा परमप्रभु यावे आ छेङछेङ ङा हाम्सोम ब्रीत। इजीकीएल १:२८; प्रस्थान ४०:३४; यसैया ६:४
Ezekiel 34:23 in Sunwar 23 गो मेको आन कली गोठला का वोइक्नुङ। आं गेय पाइब दाऊद कली वोइक्नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्ब। इजीकीएल ३७:२४; येरमीया ३०:९; होसे ३:५; यूहन्ना १०:१४-१६
Ezekiel 43:2 in Sunwar 2 मिनु इस्राएली आन परमप्रभु आ छेङछेङ पूर्ब रे जाक्त। मेको आ रेयके ठेयब समुन्द्र आ रेयके खोदेंशो नेंसाक्व। मिनु रागी नेल्ल मेको आ छेङछेङम हाम्सो दुम्त। इजीकीएल १:२८
Daniel 9:17 in Sunwar 17 मोपतीके आंइ परमप्रभु, इन गेय पाइब, आं देंशो नु पुंइशो लोव़ नेनीने। मिनु इन नें आ पर्बम इन ब्रेश्शो बाक्तीके कली लेंशा शिशी पा कोव़ङीन।
John 10:3 in Sunwar 3 गोठला जाक्मेनु, लाप्चो खाल पाइबमी मेको कली लाप्चो रोक्ब। भेडापुकीमी गोठला आ सेंदा नेंनीम। गोठलामी आंम भेडा आन नें थिशा ब्रेश्शा, गोठ रे ग्रुंइब।
John 10:14 in Sunwar 14 गो रिम्शो गोठला नङ। दोपा गो आं भेडा आन कली तुइक्नुङमी, मोपा मेकोपुकीमी आं कली तुइक्नीम। २तिमोथी २:१९
Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
1 Peter 2:25 in Sunwar 25 ङोंइती गे हेंथे गाक्ब भेडा खोदेंशो बाक्तीनी। तन्न मुल इन गोठला नु इन थुं कोव़ब आ नेक्था लेश्शा जाक्तीनी। यसैया ५३:६; यूहन्ना १०:१२
1 Peter 5:4 in Sunwar 4 नेल्ल क्येङा ठेयब गोठला जाक्मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्थी ९:२५; २तिमोथी ४:८
Revelation 21:23 in Sunwar 23 मिनु मेको सहरमी नां नु तास्ला दाप्चा ममाल्ब। मारदे हना परमप्रभु यावे आ छेङछेङ नेल्ल सहरमी दाप्ब। पाठा मुर आन कली छेङछेङ गेब बत्ती बाक्ब। यसैया ६०:३,५,११,१९,२०