Psalm 126 in Sunwar
1 लां ङा कुम्सो। परमप्रभु यावेमी ग्याइश्शा लाइक्चा पुंइसीशो आन कली सियोनम लेश्शा चाक्गानु, गोपुकी ङोमु तशो खोदेंशो दुम्तक। भजन संग्रह १४:७
2 मिनु गोपुकी शुश ग्येरसीशा रिस्साक्क। थाम्पा ग्येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्तु” देंमुम्तेक्म।
3 परमप्रभु यावेमी आंइ कली थमा वारच पा ठेयब गेय पाप्तु। मिनु गो शुश ग्येरसाक्क।
4 परमप्रभु यावे, दोदेंशो पा नेगेब रागी ङा बारशो खोला शाइश्शा लाइनीमी, मोदेंशो पा आंइ रिम्शो दुम्तीके लेश्शा चाक्कीन।
5 मिनु ङाक्ना ङाक्न शोक्बपुकीमी ग्येरसीशा खुप्नीम। मत्ती ५:४
6 ङाक्ना ङाक्न शोक्थ लाइनीम। तन्न ग्रेल्शो क्योव़ज चेरब कुरशा, ग्येरसीशा कुम्सो पा खिं लेत्नीम। यसैया ३५:१०