Psalm 103 in Sunwar
1 दाऊद आ कुम्सो। आं थुं, परमप्रभु यावे कली ठेयब सेलो। मिनु गो आं थुं नेल्लेमी आ नें ठेयब सेल्नुङ।
2 आं थुं, परमप्रभु यावे कली ठेयब सेलो। मिनु इ कली रिम्शो पशो नेल्ल मप्रेंदो। ब्यवस्था ४:९
3 मेकोमी इ मरिम्शो पशो नेल्ल क्याम्शा गेशो बाक्ब। मिनु इ रोइ नेल्ल सापाइक्ब। भजन संग्रह ३२:१
4 मेकोमी इ कली खतम दुम्तीक रे प्रोंइब। इ कली आ गेना हना यो दाक्तीके नु शिशी पतीकेमी कोव़ब।
5 मेकोमी इ ब्रोंइतीक नाक्त नेल्ल इ माल्शो खाप्शा गेब। मिनु इ ब्रोंइतीके ककाकुली के खोदेंशो पा लेंशा ठिटा सेल्ब। यसैया ४०:३१
6 परमप्रभु यावेमी दिप्चा पुंइसीशो नेल्ल आन कली वारच पा ठीक निसाफ पाइब।
7 मेकोमी मोसा कली आ लां नु इस्राएल ङा मुर आन कली आ गेय कोंइताक्व। प्रस्थान ३३:१३
8 परमप्रभु यावे शिशी पाइब नु रिम्शो पाइब बाक्ब। मेको रीब पा मगाइक्थु, आ गेना हना यो दाक्तीके शुश कोंइब। भजन संग्रह ८६:१५
9 मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्ब। यसैया ५७:१६
10 मेकोमी इं पशो पाप आ पर्बम सजाइ मगेब। मिनु इं मरिम्शो पशो ङा क्येक्क मलेप्ब।
11 रागी रे सरीङ दोशो इर बाक्बा, मोशोन आ गेना हना यो दाक्तीके आ कली मान पा हिंब आन कली पशो बाक्ब। भजन संग्रह ३६:६; यसैया ५५:८-९
12 नां दाप्तीक रे नां पेरतीक दोशो ङोन बाक्बा, मोशोन आंइ मरिम्शो पशो नेल्ल ङोन तिल्शो बाक्ब।
13 आफोमी आ तमी तौ आन कली दोदेंशो पा शिशी पाइबा, मोदेंशो पा परमप्रभु यावेमी आ कली मान पा हिंब आन कली शिशी पशो बाक्ब। लूका १५:११-२४
14 मारदे हना गो दोपा सेल्सीशो बाक्नीकी, मेकोमी तुइक्ब। मेकोमी गो फुरक ला बाक्नीक, दे यो तुइक्ब। उत्पत्ती २:७; उत्पत्ती ३:१९
15 मुर आन ब्रोंइतीके घांस खोदेंशो बाक्ब। रूमी बोइश्शो फू खोदेंशो पा बोइक्ब। भजन संग्रह ९०:५-६; अय्युब ७:१०
16 मिनु फश पवानु, मेको जाम्शा लाइब। मिनु आ बाक्तीक यो मतुइक्ब।
17 तन्न परमप्रभु यावे आ गेना हना यो दाक्तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्म लीब। लूका १:५०
18 सु सुमी कबल पा, आ शेंशो टीनीमी, मेकोपुकी नु आ गेना हना यो दाक्तीक लीब।
19 परमप्रभु यावेमी आ ठेयब नित्तीके स्वर्गम वोइश्शो बाक्ब। मिनु स्वर्ग नु रागीम बाक्शो नेल्ल कली सासन पाइब।
20 परमप्रभु यावे आ स्वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०
21 गे स्वर्ग ङा गेय पाइबपुकी परमप्रभु यावे कली ठेयब सेलीन। आ गेय पाइब नेल्ल परमप्रभु यावे आ दाक्शो पने।
22 परमप्रभु यावे आ सासन पतीकेमी बाक्शो, आ सेल्शो नेल्लेमी परमप्रभु यावे कली ठेयब सेलीन। आं थुं, परमप्रभु यावे कली ठेयब सेलो।