Philippians 3:12 in Sunwar 12 मुल सम्म गो मेको नेल्ल मतङ। मिनु ठीक मदुम्ङ। तन्न मेको आं के दुम्ल, दे शुश गेय पाइनुङ। मारदे हना ख्रीस्त येसुम आं कली आ मुर सेल्ती। कलस्सी १:२९; १तिमोथी ६:१२; प्रेरित ९:३-६
Other Translations King James Version (KJV) Not as though I had already attained, either were already perfect: but I follow after, if that I may apprehend that for which also I am apprehended of Christ Jesus.
American Standard Version (ASV) Not that I have already obtained, or am already made perfect: but I press on, if so be that I may lay hold on that for which also I was laid hold on by Christ Jesus.
Bible in Basic English (BBE) Not as if I had even now got the reward or been made complete: but I go on in the hope that I may come to the knowledge of that for which I was made the servant of Christ Jesus.
Darby English Bible (DBY) Not that I have already obtained [the prize], or am already perfected; but I pursue, if also I may get possession [of it], seeing that also I have been taken possession of by Christ [Jesus].
World English Bible (WEB) Not that I have already obtained, or am already made perfect; but I press on, if it is so that I may take hold of that for which also I was taken hold of by Christ Jesus.
Young's Literal Translation (YLT) Not that I did already obtain, or have been already perfected; but I pursue, if also I may lay hold of that for which also I was laid hold of by the Christ Jesus;
Cross Reference Job 17:9 in Sunwar 9 मिनु ठीक पाइब मुर आंम लां रिम्शो पा गाक्नीम। मोदेंशो मुर बोल्यो क्येङा यो बोल्यो दुम्ना दुम्न लाइनीम।
Psalm 42:1 in Sunwar 1 कुम्सो पपाइक्ब कली शेंतीक कुम्सो। कोराह आ तौ आन कुम्सो। १इतिहास ६:१६,२२; २इतिहास २०:१९ दोपा रोकोशेमी खोला ङा ब्वाक्कु तूतू दाक्शा ब्वाक्कु मिम्बा, मोपा आं थुंमी यो परमप्रभु, इन कली मिम्ब।
Psalm 63:1 in Sunwar 1 यहूदा आ गोरशो रागीम बाक्शो ना ङा दाऊद आ कुम्सो। १सामुएल २२:५ परमप्रभु, गे आं परमप्रभु बाक्नीनी। गो इन कली थमा पा माल्नुङ। गो ब्वाक्कु तूतू दाक्शो खोदेंशो पा आं थुंमी इन कली माल्नुङ। गो ब्वाक्कु मबाक्शो रागीम ब्वाक्कु माल्शो खोदेंशो पा इन कली माल्स ङा माल्स बाक्नुङ। भजन संग्रह ४२:३
Psalm 63:8 in Sunwar 8 आं थुं गे नु बाक्ब। गे आं कली कोव़ब बाक्नीनी।
Psalm 84:2 in Sunwar 2 गो आं थुं नेल्लेमी परमप्रभु यावे आ खिं ङा लाङगा लचा दाक्नुङ। गो ग्येरशा सोम्शा ब्रोंइशा बाक्ब परमप्रभु कली कुम्सो पाइनुङ। भजन संग्रह ४२:३
Psalm 94:15 in Sunwar 15 ठीक मुर लेंशा ठीक पतीके ताइनीम। ब्रेम्शो थुं पाइश्शो मुर ठीक लां खोइक्नीम।
Psalm 110:2 in Sunwar 2 परमप्रभु यावेमी सियोन रे पा इन सक्ति ङा राज दन्ड दिंब। मिनु गे इन जोरी सत्रु आन कली सासन पने” देंत। भजन संग्रह २:६
Psalm 119:5 in Sunwar 5 गो गेना हना यो इन फुल्लुम मुशा ब्रेक्शो लोव़ पशा गाक्ङल।
Psalm 119:173 in Sunwar 173 गे आं कली वारच पाइय्यीनी। मारदे हना गो इन ब्रेक्शा अरेशो लोव़ योव़शा, आं के सेल्तामी।
Psalm 138:8 in Sunwar 8 परमप्रभु यावेमी आं पर्बम आ पचा माल्शो नेल्ल पाइब। परमप्रभु यावे इन दाक्तीके गेना हना यो लीब। इन सेल्शो मुर, आं कली मप्रोनीन।
Proverbs 4:18 in Sunwar 18 तन्न ठीक पाइब आन लां सुनी ङा छेङछेङ खोदेंशो बाक्ब। मेको नाक्ती उइक्थ दुम सम्म बारना बारन शुश छेङछेङ दुम्ब। हितोपदेस २४:२०
Isaiah 51:1 in Sunwar 1 परमप्रभु यावे कली माल्ब नु ठीक पचा दाक्ब आन कली “आं लोव़ नेनीन। तेको सेरथे फुल्लु रे मुचा पुंइसीशो बाक्नी नु तेको खप रे दोशा ग्रुंइचा पुंइसीनी, मेको कली कोव़ङीन। यसैया ४८:१; ब्यवस्था ३३:२८
Hosea 6:3 in Sunwar 3 गोपुकी परमप्रभु यावे कली तुइश्शा, ठेयब सेल्य। मेको कली शुश तुइश्शा मान पय। मेको नां दाप्शो बुद पा जाक्ब। हिंउद ङा रेउ खोदेंशो पा जाक्ब। बर्खा ङा रू कली रिम्शो पा जिप्ब रेउ खोदेंशो पा जाक्ब” दे लोव़ पाम्तेक्म।
Acts 9:3 in Sunwar 3 मिनु मोदेंशो कागज ताक्शा, दमस्कस सहर लशा जाक्दीत्चावानु, मार दुम्माक्त देंशा हना, सरीङ रे छेङछेङ फो ग्रूशा, आ एर ओंथ नेल्ल कोंइदा बाक्त। १कोरिन्थी १५:८
Acts 9:15 in Sunwar 15 प्रभुमी “मोदेंशो तुइक्ताक्वी हना यो, मुल छुल बोक्शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्पाइक्चा, दे गो मेको कली योव़ने थुम्ता। प्रेरित १३:४६; प्रेरित २६:२; प्रेरित २७:२४
Romans 7:19 in Sunwar 19 मारदे हना रिम्शो गेय पङ देंती, तन्न पने मचबु। मरिम्शो मपङ देंङानु यो मरिम्शोन पाता।
1 Corinthians 13:10 in Sunwar 10 नोले चहिं गोपुकीमी नेल्ले तुइश्शा रुप्नय। मिनु मरुप्शो नु मतुइश्शो मारेइ मलीब।
2 Corinthians 7:1 in Sunwar 1 आं दाक्शोपुकी, गो नेल्लेमी परमप्रभु यावे आ गेशो लोव़ तुइश्शो बाक्नय। मोपतीके इं रां थुं नेल्ल मरिम्शो पतीक रे ङोन बाक्नय। मिनु इं परमप्रभु यावे कली ला मान पा हिंशा ठेयब सेल्नय।
2 Corinthians 13:9 in Sunwar 9 गो मारेइ पने मचाप्ब दुम्शो बाक्तक। तन्न इन कली बोल्यो दुम्शो तशा ग्येरनीकी। गो परमप्रभु यावे कली “कोरिन्थीपुकी रिम्शो दुम्मल” दे पुंइना पुंइन बाक्नीकी।
Galatians 5:17 in Sunwar 17 मुर आ थुंमी मिम्शो पचा नु परमप्रभु यावे आ सोक्तीम ब्रीशो थुं आ मिम्शो पचा मगारब। रिम्शो पय देंतीनी हना यो, रिम्शो पने मचाप्नीनी। रोमी ७:१५,२३
Ephesians 1:4 in Sunwar 4 मोपतीके रागी सेल्चा क्येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्शा, दोस मताइब नु दाक्ब दुम्यल, दे योव़तु। रोमी ८:२८-३०; एफिसी ५:२७
Ephesians 4:12 in Sunwar 12 मेको गेय मार कली बाक्ब देंशा हना, परमप्रभु यावे आ मुर आन थमा सुइक्तीके बारपाइक्चा कली बाक्ब। थमा सुइक्ब आन ग्रुम्तीक, ख्रीस्त आ रां दुम्शा, मेकेर ङा मुर बोल्यो सेल्चा कली गेशो गेय बाक्ब। १कोरिन्थी १४:२६; १पत्रुस २:५
Philippians 3:13 in Sunwar 13 आं लोक्बपुकी, मुल सम्म गो नेल्ल मतङ। तन्न गो मुल मार पाइनुङ देंशा हना, आं ङोंइती पशो नेल्ल प्रेंशा, मुल पचा माल्शो मार बाक्मे, मेकोन शुश पाइनुङ। लूका ९:६२
Philippians 3:16 in Sunwar 16 गोपुकीम मार रुब्या, मेकोन पय।
1 Thessalonians 5:15 in Sunwar 15 मुरुमी इन कली मरिम्शो पाम्तेक्म हना, गेपुकी मेको आन कली मरिम्शो मपने। रिम्शो पमुचा माल्नीनी। अरु आन कली यो रिम्शो पने। हितोपदेस २०:२२; रोमी १२:१७,२१; १पत्रुस ३:९
2 Thessalonians 2:13 in Sunwar 13 प्रभु आ दाक्शो लोक्बपुकी, गोपुकीमी गेना हना यो इन कली मिम्शा, परमप्रभु यावे कली “गे रिम्शो पाइब बाक्नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्नीम, दे योव़तु। दोपा आ मुर दुम्नीनी देंशा हना, परमप्रभु यावे आ सोक्तीमी इन कली पाप रे ङोन वोइश्शा, थमा शेंतीके थमा सुइक्पाइक्तु। रोमी ८:३०
1 Timothy 5:10 in Sunwar 10 आ तमी तौ रिम्शो पा कोल्पाइश्शा, मुर आन कली बास बाक्चा गेशा, थमा सुइक्ब आन खोइली चिक्शा, श्येत जाइब आन कली वारच पशा, नेल्लेमी रिम्शो पना पन बाक्ब, दे मुरपुकीमी तुइश्शो मीश मुर आ नें ला ब्रेक्सीब। हिब्रू १३:२; यूहन्ना १३:१४
1 Timothy 6:11 in Sunwar 11 मोपतीके गे परमप्रभु यावे आ मुर दुम्शा, मेको नेल्ल रे ङोन बाक्को। ठीक पतीके, परमप्रभु यावे कली मिम्शा दाक्चा, थमा सुइक्चा, मुर आन कली दाक्चा, थमा सुइक्चा मप्रोंइचा नु ब्रेम्शो दुम्चा ला मिम्तो। २तिमोथी ३:१७; २तिमोथी २:२२
1 Timothy 6:19 in Sunwar 19 मो पाम्तेक्म हना, नोले रिम्शो दुम्नीम। बोल्यो जग खोदेंशो पा, गेना हना यो ब्रोंइशा बाक्चा ताइब दुम्नीम। मेको ला थमा ब्रोंइचा बाक्ब। मत्ती ६:२०; लूका १६:९
Hebrews 12:14 in Sunwar 14 मुर नेल्ल नु दुशा गारशा बाक्कीने। पाप रे ङोन बाक्शा, रिम्शो थुं पशा गेय पा कोंइदीने। मो पाइतीनी हना, प्रभु नु काथा बाक्चा ताइनीनी। रोमी १२:१८; २तिमोथी २:२२
Hebrews 12:23 in Sunwar 23 आन नें स्वर्गम ब्रेक्चा पुंइसीशा, इन क्येङा ङोंइती जाक्दीश्शा, पाप रे ब्रोंइशा ग्येरशा बाक्चा ताइबपुकी बाक्नीम। परमप्रभु यावेमी मुर नेल्ल आन कली निसाफ पाइब आ नेक्था बाक्नीम। लूका १०:२०
Hebrews 13:21 in Sunwar 21 परमप्रभु यावेमी येसु ख्रीस्त रे पा इन थुं रिम्शो सेलल, आ दाक्शो गेय पपदल, आ कली ग्येरपाइक्ब सेलल। येसु ख्रीस्त कली गेना हना यो ठेयब सेल्य। आमेन। आमेन आ अर्थ “गो यो मेकोन मिम्नुङ” बाक्ब।
James 3:2 in Sunwar 2 गो नेल्लेमी शुश गल्ती पाइनय। सुमी लोव़ पवानु, काइ गल्ती मपाइबा, मेकोमी रांम मपचा ङा गेय यो मपाइब। मेको मुर थम रिम्शो बाक्ब।
1 Peter 3:11 in Sunwar 11 मरिम्शो पचा प्रोंइशा, ठीक गेय ला पने।
1 Peter 5:10 in Sunwar 10 मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
2 Peter 1:5 in Sunwar 5 मोपतीके गे इन थमा सुइक्तीके नु इन पशो गेय गारचा माल्ब। इन पशो गेय नु “परमप्रभु यावे आ दाक्शो मार बाक्मे?” दे तुइक्चा माल्नीनी। गलाती ५:६,२२
2 Peter 3:18 in Sunwar 18 तन्न इं प्रभु, इं कली पाप रे प्रोंइब येसु ख्रीस्त आ शिशी नु मेको कली तुइक्तीकेम बारना बारन लल। मेको कली मुल नु गेना हना यो ठेयब सेल्य। आमेन।