Luke 4:18 in Sunwar 18 “परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, ग्याइश्शा चोक्चा पुंइसीशो मुर आन कली प्रोंइचा कली, मिक्च मताइब आन कली तपाइक्चा नु श्येत जाइब आन कली श्येत रे प्रोंइशा, रिम्शो पा बाक्चा गेचा कली सोइक्ताक्यी। यसैया ४२:७
Other Translations King James Version (KJV) The Spirit of the Lord is upon me, because he hath anointed me to preach the gospel to the poor; he hath sent me to heal the brokenhearted, to preach deliverance to the captives, and recovering of sight to the blind, to set at liberty them that are bruised,
American Standard Version (ASV) The Spirit of the Lord is upon me, Because he anointed me to preach good tidings to the poor: He hath sent me to proclaim release to the captives, And recovering of sight to the blind, To set at liberty them that are bruised,
Bible in Basic English (BBE) The Spirit of the Lord is on me, because I am marked out by him to give good news to the poor; he has sent me to make well those who are broken-hearted; to say that the prisoners will be let go, and the blind will see, and to make the wounded free from their chains,
Darby English Bible (DBY) [The] Spirit of [the] Lord is upon me, because he has anointed me to preach glad tidings to [the] poor; he has sent me to preach to captives deliverance, and to [the] blind sight, to send forth [the] crushed delivered,
World English Bible (WEB) "The Spirit of the Lord is on me, Because he has anointed me to preach good news to the poor. He has sent me to heal the brokenhearted, To proclaim release to the captives, Recovering of sight to the blind, To deliver those who are crushed,
Young's Literal Translation (YLT) `The Spirit of the Lord `is' upon me, Because He did anoint me; To proclaim good news to the poor, Sent me to heal the broken of heart, To proclaim to captives deliverance, And to blind receiving of sight, To send away the bruised with deliverance,
Cross Reference Genesis 3:15 in Sunwar 15 गे नु मेको मीश मुर जिशा, बाक्चा मलीसे। मेको आ युइ नु इ युइ जिशा बाक्नीमी। मीश मुर आ युइ कामी इ पिया दिम्शा प्रोल्ब। गे चहिं मेको आ गेंग्रेम कोक्नेवे” दे सराप पदा बाक्त। प्रकाश १२:४-५,१५-१७
2 Chronicles 34:27 in Sunwar 27 ‘गे परमप्रभु यावेमी मेको रागी नु आ मुर आ पर्बम ब्रेक्शो लोव़ नेंशा, इ थुंम परमप्रभु आ ङोंइती ब्रेम्शो सेल्शा, इ वा खाक्शा, ङाक्शा, इ पशो लोव़ नेंता। २इतिहास ३३:१२-१३
Psalm 2:2 in Sunwar 2 मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्शा सोइश्शो आस पर्बम
Psalm 2:6 in Sunwar 6 मिनु मेकोमी “गो आं सियोन डांडामी आं तेल लुक्शा सोइश्शो पिप कली वोइक्ता” देंत। जकरिया ८:३
Psalm 34:18 in Sunwar 18 परमप्रभु यावे थुं लुक्च लशो आन नेक्था बाक्ब। आन थुं बेक्शो आन कली प्रोंइब। भजन संग्रह ५१:१९
Psalm 45:7 in Sunwar 7 गे ठीक पतीके दाक्नीनी। इन अरेशो मटीब आन कली चहिं काइ मदाक्नीनी। मोपतीके परमप्रभु, इन परमप्रभुमी इन वारच नेल्ल आन क्येङा इन कली दाक्शा, इन कली तेल लुक्शो खोदेंशो पा ग्येरपाइक्तु।
Psalm 51:17 in Sunwar 17 परमप्रभु, गे मरिम्शो पशो आ पर्बम जिक्शो थुं नु ब्रेम्शो मुर आन थुं दाक्नीनी। भजन संग्रह ३४:३९
Psalm 102:20 in Sunwar 20 मेकोमी ग्याइश्शा चोक्चा पुंइसीशो आन हुकयी पशो नेंब। मिनु साइक्चा पुंइसीब आन कली प्रोंइब।
Psalm 107:10 in Sunwar 10 का निक्शी श्येत जशा छिङछिङम बाक्तेक्म। चोक्चा पुंइसीशोपुकी साङलोम पाइक्चा पुंइसीशा, श्येत जशो बाक्तेक्म।
Psalm 146:7 in Sunwar 7 मेकोमी दिप्चा पुंइसीब आन कली ठीक निसाफ पाइब। शोव़लु बेक्शो आन कली जचा गेब। परमप्रभु यावेमी चोक्चा पुंइसीशो आन कली प्रोंइब।
Psalm 147:3 in Sunwar 3 मेकोमी थुं जिक्शो आन कली सापाइक्ब। मिनु मेको आन कली वाम फ्रेंब। यसैया ६१:१
Isaiah 11:2 in Sunwar 2 मिनु परमप्रभु यावे आ सोक्त मेको तारी नाइश्शा बाक्ब। मेको जोक्ब तुइक्ब नु रुप्तीक सोक्त बाक्ब। अर्ती गेब नु सक्ति गेब सोक्त बाक्ब। मेको जोक्तीक तुइक्तीक थुं गेब नु परमप्रभु यावे कली मान पा हिंब सोक्त बाक्ब।
Isaiah 29:18 in Sunwar 18 मेको नाक्ती नोफा मनेंबपुकी किताब ङा लोव़ नेंनीम। गेना हना यो छिङछिङम बाक्ब, मिक्च मताइबपुकी मिक्च ताइब दुम्नीम। यसैया ३५:५; मत्ती ११:५
Isaiah 32:3 in Sunwar 3 कोव़ब मुर आन मिक्च ब्राब्रा मदुम्नीम। नेंबपुकीमी नोफा दाइश्शा नेंनीम।
Isaiah 35:5 in Sunwar 5 मेना मिक्च मताइबपुकीमी ताइनीम। नोफा मनेंबपुकीमी नेंनीम। यसैया २९:१८
Isaiah 42:7 in Sunwar 7 मारदे सोइक्ताक्न देंशा हना, मिक्च मताइब आन कली तपाइक्चा, जेल्खानम बाक्ब आन कली प्रोंइचा नु छिङछिङ रे ग्रुंइचा कली सोइक्ताक्न। यसैया ३५:५; यसैया ४५:१९; भजन संग्रह १२६:१-४
Isaiah 42:16 in Sunwar 16 मिनु मिक्च मताइब आन कली आन मतुइश्शो लांमी खुल्नुङमी। आन मतुइश्शो गाक्तीक लांमी गाक्पाइक्नुङमी। मेको आन ङोंइती बाक्शो छिङछिङ कली छेङछेङ सेल्नुङ। मिनु फुल्लु बाक्तीक कली दिंम सेल्नुङ। एको मप्रोंइथु पाइनुङ। यसैया ४०:४
Isaiah 45:13 in Sunwar 13 गो कोरेस कली ठीक पचा कली पोक्ता। गो मेको आ लां नेल्ल दिंम सेल्नुङ। मेकोमी आं सहर सेल्चा माल्ब। मिनु मेकोमी ग्याइश्शा लाइश्शो मुर आन कली प्रोंइब। मेकोम क्येट नु मारेइ कोसेली मताक्ब” दे मुर नेल्ल आन परमप्रभु यावेमी देंत। यसैया ४१:२
Isaiah 49:9 in Sunwar 9 गो जेल्खानम बाक्ब आन कली ‘ग्रूङीन’, छिङछिङम बाक्ब आन कली ‘छेङछेङम ग्रूङीन’ देंचा कली ब्रेत्ताक्न। मेकोपुकी आं भेडा बाक्नीम। लांमी जोचा ताइनीम। गोरशो डांडा मेको आन रिम्शो पा जोतीके बाक्तीके दुम्ब।
Isaiah 49:24 in Sunwar 24 बोल्यो मुर आन रोइश्शो सिखार सुम रोइक्ने चाप्नीमी ङा? हिंचा ङा पिपम चोक्शो मुर आन कली सुम प्रोंइने चाप्नीमी ङा?
Isaiah 50:4 in Sunwar 4 परमप्रभु, परमप्रभु यावेमी आं कली शेंब सेल्ती। गो मचाप्शो मुर आन कली लोव़ पा आन थुं बारपाइक्ब दुम्ती। मेकोम आं कली सुनी कुस कुस पोक्ब। आं कली शेंसीब खोदेंशो पा नोफा दाइश्शा नेंब सेल्ब।
Isaiah 52:2 in Sunwar 2 यरूसलेम, इ फुरक थुर थुर पांइसो। बोक्को। गे ग्याइश्शा चोक्चा पुंइसीशो सियोन आ तमी, इ शुर ङा साङलो प्रुतो” देंत।
Isaiah 57:15 in Sunwar 15 मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
Isaiah 59:21 in Sunwar 21 “गो नु पशो कबल मार बाक्त देंशा हना, आं सोक्त इन तार बाक्ब। गो आं लोव़ इन शोव़म कुर पाता। मेकेर गेना हना यो बाक्शा इन आलपुकीम मेको लोव़ पना पन बाक्नीमी। मेको लोव़ गेना हना यो इन चच युइम यो पना पन बाक्नीम” दे परमप्रभु यावेमी देंत। येरमीया १:९
Isaiah 61:1 in Sunwar 1 “परमप्रभु, परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, थुं जिक्शो आन कली आन थुं बारपाइक्चा कली, चोक्चा पुंइसीशो मुर आन कली प्रोंइचा कली नु जेल्खान बाक्ब आन कली ग्रुंइचा कली सोइक्ताक्यी। यसैया १:२; मत्ती ११:५; लूका ४:१८-१९
Isaiah 66:2 in Sunwar 2 मारेइ मारेइ आं सेल्शो मनमी ङा? मोपतीके मेको नेल्ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्येत जाइब नु आ थुं जिक्शो मुर आन कली कोव़नुङ।
Ezekiel 9:4 in Sunwar 4 “यरूसलेम सहर आ एर ओंथ नेल्ल हिरशा मेकेर पशो मूर्ति पूजा नेल्ल आन पर्बम सुर्ता नु रोंका पाइब मुर नेल्ल आन कुप्फीम चिन्ड का वोतो” दे माइक्तु। प्रकाश ७:३
Daniel 9:24 in Sunwar 24 इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
Zephaniah 3:12 in Sunwar 12 गो इ दातेमी ब्रेम्शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्ब’ दे थमा सुइक्नीम। इजीकीएल ६:८
Zechariah 9:11 in Sunwar 11 गे नु पशो आं हुश आ कबलम पतीके इ चोक्चा पुंइसीशो मुर आन कली ब्वाक्कु मबाक्शो खाल्टा रे ग्रुंइनुङमी। प्रस्थान २४:८; उत्पत्ती ३७:२४
Zechariah 11:11 in Sunwar 11 मेको कबल मेको नाक्ती क्याम्ताक्ङ। भेडा लेयबपुकीमी आं कली कोव़ना कोव़न बाक्तेक्म। मेकोपुकीमी एको परमप्रभु यावे आ लोव़ बाक्माक्त, दे तुइक्ताक्म। जकरिया ११:७
Malachi 4:2 in Sunwar 2 तन्न गे आं नें कली मान पाइब, इन ङोंइती आं ठीक पतीके नां खोदेंशो पा दाप्ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्ना प्रेक्न दोरनीनी। लूका १:७८
Matthew 4:16 in Sunwar 16 ङोंइती छिङछिङम बाक्बपुकीमी मुल ठेयब छेङछेङ ताम्तेक्म। बेक्चा ङा रागी नु हिंशा बेक्चा ङा रागीम बाक्ब आन कली छेङछेङ दुम्त” दे ब्रेक्शो बाक्त। यसैया ८:२३; यसैया ९:१; यूहन्ना ८:१२
Matthew 5:3 in Sunwar 3 “महिक्सीशो मुरपुकी आसीक राइनीम। मारदे हना स्वर्ग ङा राज्य मेको आन केन बाक्ब। यसैया ५७:१५
Matthew 9:27 in Sunwar 27 मिनु येसु मेकेर रे लमेनु, मिक्च मताइब निक्शीमी “ए दाऊद पिप आ तौ, आंस कली शिशी पांइस्की” दे रेयके पा वाइ ब्रेश्शा, आ नोले खोइक्ताक्स। मत्ती २०:३०
Matthew 11:5 in Sunwar 5 ‘मिक्च मताइबपुकीमी मिक्च ताइबाक्तेक्म, खोइल मदुक्बपुकी गाक्बाक्तेक्म, कोर पाइब साबाक्तेक्म, नोफा मनेंबपुकी नेंबाक्तेक्म, बेक्शो मुर बेक्शो रे सेंसीशा ब्रोंइबाक्तेक्म। महिक्सीशो मुरपुकीम ग्येरपाइक्ब लोव़ नेंबाक्तेक्म’ यसैया ३५:५-६; यसैया ६१:१
Matthew 12:20 in Sunwar 20 जिक्चशो किन्दा मजिक्ब, काप्चशो मी मकाप्ब। ठीक पतीकेमी मग्राम सम्म मोदेंशो पना पन बाक्त।
Luke 6:20 in Sunwar 20 मिनु येसुमी शेंसीब आन कली कोव़शा “गे प्रुङग मुर, ग्येरसीने। मारदे हना परमप्रभु यावे आ राज्य इन के बाक्ब। याकूब २:५
Luke 7:22 in Sunwar 22 मिनु येसुमी यूहन्ना आ शेंसीब आस कली “मार मार तसी, मार मार नेंसी, मेको नेल्ल यूहन्ना कली मतीसे। मिक्च मताइब मिक्च ताइबाक्तेक्म। खोइल मदुक्ब गाक्बाक्तेक्म। कोव़र पाइब साबाक्तेक्म। नोफा मनेंबम नेंबाक्तेक्म। बेक्शो मुर बेक्शो रे सेंसीशा ब्रोंइबाक्तेक्म। मिनु महिक्सीशो मुरपुकी ग्येरपाइक्ब लोव़ नेंपांइसीबाक्तेक्म।
John 1:41 in Sunwar 41 मिनु मेकेर रे लशा, अन्द्रीयासमी सिमोन कली ग्रुम्शा “गो निक्शीमी मस्सीह कली ग्रुम्तस्कु” देंत। मस्सीह चहिं ख्रीस्त, दे रुम्सीब। मस्सीह आ देंशो “परमप्रभु यावेमी मेको कली तेल लुक्शो बाक्ब” बाक्ब।
John 3:34 in Sunwar 34 परमप्रभु यावे आ सोइश्शोमी परमप्रभु यावे आ लोव़ पाइब। मेकोमी परमप्रभु यावे आ सोक्तीमी ब्रीतीके आ लोव़ पाइब। यूहन्ना १:१६
John 9:39 in Sunwar 39 येसुमी “गो निसाफ पचा कली रागीमी जाक्ती। मिक्च मताइबपुकीमी तामेक्ल। मिक्च ताइब चहिं मताइब दुम्मल” देंत। मत्ती १३:११-१५
John 12:46 in Sunwar 46 रागी ङा मुर आन कली परमप्रभु यावे आ पर्बम तुइक्पाइक्चा कली गो रागी कली छेङछेङ दुम्शा जाक्ती। मोपतीके सुम आं कली थमा सुइक्बा, मेको छिङछिङमी मबाक्ब।
Acts 4:27 in Sunwar 27 मोपा साइ इन पपाइश्शो लोव़ सिनाक्त मुलाक्त गाम्ना गाम्न पित। मारदे हना इन सोइश्शो, इन गेय पाइब येसु, आ जोरी सत्रु आंइ मिक्चीमी ताइतक। पिप हेरोद का, पन्तीयस पिलातस का, अर्को रागी ङा मुर नु इस्राएल ङा मुर नेल्ल गारशा, आंइ सहरमी बुक्शो ताइतक। लूका २३:१२
Acts 10:38 in Sunwar 38 परमप्रभु यावेमी मेको नासरथ ङा येसु कली आ सोक्तीम प्रिंशा, आ सक्ति पाइश्शो सेल्तु। मिनु परमप्रभु यावे आ सक्ति पाइश्शो दुम्शा, तेइ तेइ गाक्शा मुर आन कली रिम्शो पाप्तु। वोलम तशो आन कली वोल खेरशा सापाइक्तु। सैतानमी दिप्शा वोइश्शा श्येत गेशो आन कली श्येत रे प्रोंइतीमी। मारदे हना परमप्रभु यावे मेको नु बाक्त। मत्ती ३:१६
Acts 26:18 in Sunwar 18 मारदे हना मेकोपुकी मिक्च ताइब दुम्मल। छिङछिङमी बाक्शोपुकी छेङछेङमी बाक्चा तामेक्ल। सैतान आ अधिकारमी बाक्शोपुकी परमप्रभु यावे आ अधिकारमी बाक्ब दुम्मल। मेको आन पाप क्याम्चा पुंइसीशा, आं कली थमा सुइश्शोमी आं मुरपुकी नु काथा दुम्शा, आं मुर दुम्मल’ देंशो नेंता। प्रेरित २०:३२
Ephesians 5:8 in Sunwar 8 गेपुकी यो ङोंइती छिङछिङ ङा गेय पाइब बाक्तीनी। मुल चहिं प्रभु कली थमा सुइश्शा, छेङछेङ ङा गेय पाइब दुम्तीनी। मोपतीके गेपुकी छेङछेङ ङा तमी तौ खोदेंशो दुम्शा बाक्कीन। एफिसी २:१; १पत्रुस २:९; मत्ती ५:१४; यूहन्ना १२:३६; १थिस्सलोनिकी ५:५
Colossians 1:13 in Sunwar 13 मेकोमी इं कली छिङछिङ ङा राज्य ङा अधिकार रे ग्रुंइशा, आ दाक्शो तौ आ राज्यमी ओंइताक्व। कलस्सी २:१५
1 Thessalonians 5:5 in Sunwar 5 मारदे हना गे नेल्ल छेङछेङ नु नाक्त ङा मुर बाक्नीनी। गोपुकी नाक्दो नु छिङछिङ ङा मुर मनय। रोमी १३:१२; एफिसी ५:९
James 2:5 in Sunwar 5 आं लोक्बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्ल, दे मयोव़ङा ङा? मिनु परमप्रभु यावे कली दाक्ब नेल्ल आ राज्य ओव़चा ताइनीम मदेंम ङा? १कोरिन्थी १:२६; १कोरिन्थी ११:२२; लूका १२:२१
1 Peter 2:9 in Sunwar 9 तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
1 John 2:8 in Sunwar 8 मिनु मेको ब्रेक्शा यो गो इन कली नक अरेशो लोव़ ब्रेक्नुङ। मारदे हना मेको नक अरेशो लोव़ येसु ख्रीस्तमी खाप्तु। मिनु गेपुकी यो पाइनीनी। गो मेको मारदे ब्रेक्ताक्ङ देंशा हना, मुल छिङछिङ जाम्ना जाम्न लाइब। मिनु थमा छेङछेङ बारना बारन बाक्ब। यूहन्ना ८:१२; रोमी १३:१२