Luke 11:4 in Sunwar 4 आंइ मरिम्शो पशो क्याम्शा गेकी। मारदे हना गो यो आंइ कली मरिम्शो पाइब आन कली का का पा माफ गेनीकी। सैतानमी आंइ थुं थाम्चा मगेने’ दे प्रार्थना पने” दे शेंदीमी बाक्त।
Other Translations King James Version (KJV) And forgive us our sins; for we also forgive every one that is indebted to us. And lead us not into temptation; but deliver us from evil.
American Standard Version (ASV) And forgive us our sins; for we ourselves also forgive every one that is indebted to us. And bring us not into temptation.
Bible in Basic English (BBE) May we have forgiveness for our sins, as we make free all those who are in debt to us. And let us not be put to the test.
Darby English Bible (DBY) and remit us our sins, for we also remit to every one indebted to us; and lead us not into temptation.
World English Bible (WEB) Forgive us our sins, For we ourselves also forgive everyone who is indebted to us. Bring us not into temptation, But deliver us from the evil one.'"
Young's Literal Translation (YLT) and forgive us our sins, for also we ourselves forgive every one indebted to us; and mayest Thou not bring us into temptation; but do Thou deliver us from the evil.'
Cross Reference Genesis 48:16 in Sunwar 16 आं कली श्येत रे प्रोंइब परमप्रभु यावे आ स्वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्ल। एको निक्शी रे पा रागीमी शुश दुम्मल” दे आसीक गेम्सी बाक्त। उत्पत्ती ३२:२५-३०; यसैया ४१:१४
1 Kings 8:34 in Sunwar 34 इर स्वर्ग रे मेको आन पुंइशो नेनीन। मिनु इन मुर इस्राएली आन पाप माफ गेन। मिनु मेको आन किकी पिपी आन कली गेशो रागीम लेश्शा चाक्कीन।
1 Kings 8:36 in Sunwar 36 इर स्वर्ग रे मेको आन पुंइशो लोव़ नेंशा, इन गेय पाइब, इन मुर इस्राएली आन पाप माफ गेने। मेको आन पचा माल्शो शेंदीन। मिनु मेको आन कली गेशो रागीमी रेउ यिपतीन।
Psalm 25:11 in Sunwar 11 परमप्रभु यावे, आं पाप ठेयब बाक्त हना यो, इन नें आ पर्बम आं ठीक मपशो माफ गेयीनी। प्रस्थान ३४:६-७
Psalm 25:18 in Sunwar 18 आं श्येत जशो नु आ थुं खाइश्शो कोव़ङीन। मिनु आं पशो पाप नेल्ल क्याम्दीने।
Psalm 32:1 in Sunwar 1 शेंतीक लोव़ ङा दाऊद आ कुम्सो। सु सु आन हेंथे पशो क्याम्चा पुंइसीशो बाक्मा, मेको ग्येरसीशो मुर बाक्नीम। मारदे हना आन पाप सुम्शो बाक्ब। रोमी ४:६-८
Psalm 51:1 in Sunwar 1 कुम्सो पपाइक्ब कली दाऊदमी बाथ्शेबा नु हेंथे पवा नोले नाथान जाक्मेनु, पशो दाऊद आ कुम्सो। २सामुएल १२:१-१५ परमप्रभु इन गेना हना यो दाक्तीकेमी आं कली शिशी पने। इन शुश शिशीमी आं हेंथे पशो क्याम्दीन। लूका १८:१७
Psalm 121:7 in Sunwar 7 परमप्रभु यावेमी इ कली श्येत नेल्ल रे प्रोंइब। मेकोमी इ कली ब्रोंइचा गेब। गन्ती ६:२४-२६
Psalm 130:3 in Sunwar 3 परमप्रभु यावे, गे आंइ मरिम्शो पशो मिम्ताक्नी हना, इन ङोंइती राप्ने चाप्नीमी ङा?
Isaiah 43:25 in Sunwar 25 गो नङ, इ हेंथे पशो क्याम्नुङ। गो मेको आं पर्बम पाइनुङ। गो इ पाप लेंशा ममिम्नुङ। यसैया ४४:२२; येरमीया ३१:३४
Daniel 9:19 in Sunwar 19 आं परमप्रभु, नेनीन। परमप्रभु, आंइ पाप क्याम्दीन। परमप्रभु, नेनीन। मिनु इन नें आ पर्बम मरिम्थु गेय पने। मारदे हना इन सहर नु इन मुर इन नें रे ब्रेत्चा पुंइसीशो बाक्नीम” दे गो दानीएलमी परमप्रभु कली देंती। येरमीया १४:९
Hosea 14:2 in Sunwar 2 परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्ल क्याम्दीने! आंइ कली शिशी पा ब्रने। गो इन नें ठेयब सेल्नीकी। हिब्रू १३:१५
Matthew 6:12 in Sunwar 12 आंइ मरिम्शो पशो क्याम्शा गेने। मारदे हना गो यो आंइ कली मरिम्शो पाइब आन कली माफ गेतक। मत्ती १८:२१-३५
Matthew 11:25 in Sunwar 25 काबु येसुमी “आं आफ, सरीङ नु रागी ङा परमप्रभु, गे नेल्ल क्येङा ठेयब ननी। गे शुश रिम्शो पाइतीनी। जोक्ब तुइक्ब नङ, दे मिम्ब आन कली इन लोव़ मरुप्तीक थुं गेतीनी। मजोक्ब मतुइक्ब आन कली रुप्तीक थुं गेतीनी। यसैया २९:१४; लूका १०:२१-२२; यूहन्ना १७:२५; १कोरिन्थी १:२८-२९
Matthew 18:35 in Sunwar 35 मोपतीके होस पांइसीने। मारदे हना इन लोक्ब कली इन थुं गा रे पा माफ मगेतीनी हना, स्वर्गम बाक्ब आं आफोमी यो इन कली मोदेंशोन पाइब” दे शेंताक्मी। मत्ती ६:१४-१५; याकूब २:१३
Matthew 26:41 in Sunwar 41 थुं थाम्चा पुंइसीनीनु, पाप मपय, दे प्रार्थना पने। थुंमी पाइनुङ चाप्नुङ देंब, तन्न रांमी फाल्ने मचाप्ब” देंमाक्त। एफिसी ६:१८; हिब्रू २:१८
Luke 8:13 in Sunwar 13 ग्याङग्रो खपीम जुक्शो देंशो मुरपुकीमी परमप्रभु यावे आ लोव़ नेंशा, बिश्शा ग्येरसीनीम। तन्न शाक्श थोक्चा मतथु शुश मलीथु, थुं थाम्चा पुंइसमानु, थमा सुइक्चा प्रोंइनीम।
Luke 22:46 in Sunwar 46 मिनु “मारदे इम्नी? बोक्कीन, थुं थाम्चा पुंइसीनीनु, पाप मपय, दे प्रार्थना पने” दे पोक्मी बाक्त।
John 17:15 in Sunwar 15 मेको आन कली रागी रे प्रोनीन, दे इन कली मपुंइनुङ। तन्न मेको आन कली सैतान रे प्रोनीन, दे पुंइनुङ। मत्ती ६:१३; २थिस्सलोनिकी ३:३
1 Corinthians 10:13 in Sunwar 13 मुल सम्म गे फाल्ने मचाप्चा ङा पा थुं नाक्चा मपुंइसीनी। परमप्रभु यावे थमा सुइक्चा माल्शो बाक्ब। इन फाल्ने चाप्तीक सक्ति कोव़शा, इन फाल्ने मचाप्चा ङा पा थुं थाम्चा मगेब। तन्न गेप्तु हना यो, इन फाल्ने चाप्तीक सक्ति बारपाइक्ब दे तुइक्तीने। भजन संग्रह ६८:२०; २पत्रुस २:९
2 Corinthians 12:7 in Sunwar 7 गो शुश कोंइतीके तशा, मेको आ पर्बम ठेयब लेश्शा, नें मबोरपदुल, दे सैतान आ चू आं रांम गेती। मेको आं कली श्येत गेचा कली नु आं ठेयब लेत्तीक तेक्चा कली बाक्ब।
Ephesians 4:31 in Sunwar 31 मिनु ईख कुरचा, चुरचा, गाइक्चा, ग्रीचा, मरिम्शो लोव़ पचा नु मरिम्शो पचा नेल्ल ताइक्तीने। कलस्सी ३:८
Colossians 3:13 in Sunwar 13 का निक्शीमी दोस गेचा पुंइसाक्म हना, फाल्मुशा, माफ गेमुशा बाक्कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२
2 Thessalonians 3:3 in Sunwar 3 प्रभुमी चहिं इन कली दाक्शा मप्रोंइब। इन थुं बारपाइक्ब। मरिम्शो रे ङोन वोइश्शा, इन कली कोव़ब। १थिस्सलोनिकी ५:२४; यूहन्ना १५:१७
2 Timothy 4:18 in Sunwar 18 प्रभुमी आं कली आ स्वर्ग ङा राज्य लचा, दे नेल्ल श्येत रे प्रोंइब। मेको कली गेना हना यो मान पय। आमेन।
James 2:13 in Sunwar 13 शिशी मपाइबपुकीमी निसाफ पची नाक्त शिशी मताइनीम। निसाफ क्येङा शिशी ठेयब बाक्ब। मत्ती ५:७; मत्ती १८:३०,३४; मत्ती २५:४०,४६
1 John 1:8 in Sunwar 8 गोपुकीमी “मरिम्शो काइ मपक” देंतय हना, इं आंमा मिक्च सिल्शो बाक्नय। इं थुं आगामी थमा मबाक्ब।
Revelation 2:10 in Sunwar 10 मिनु मुल इन कली श्येत दुम्चाप्तु। तन्न महिनीने। नेनीन, मुल दियाबलस सैतानमी गे का निक्शी इन कली थुं थाम्चा कली जेल्खानम चोक्पाइक्ब। गे १० नाक्त सम्म ला श्येत जाइनीनी। साइक्चाम्तेक्म हना यो, फाल्शा थमा सुइक्चा मप्रोनीन। मो पाइतीनी हना, गो इन कली गेना हना यो ब्रोंइशा बाक्तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८
Revelation 3:10 in Sunwar 10 मिनु गे शुश श्येत फाल्शा, आं देंशो लोव़ मप्रोंइनी। मोपतीके रागी नेल्ल ङा मुर आन थुं थाम्चा कली जाक्शो श्येत रे प्रोंइनन्नी। प्रकाश १४:१२; मत्ती ६:१३