Luke 11:34 in Sunwar 34 इन मिक्च इन रां ङा छेङछेङ बाक्ब। गे हेंथे मकोव़तीनी हना, इन रां नेल्ल छेङछेङ दुम्ब। गे मरिम्शो कोव़चा दाक्ताक्नी हना, इन रां नेल्ल छिङछिङ बाक्ब।
Other Translations King James Version (KJV) The light of the body is the eye: therefore when thine eye is single, thy whole body also is full of light; but when thine eye is evil, thy body also is full of darkness.
American Standard Version (ASV) The lamp of thy body is thine eye: when thine eye is single, thy whole body also is full of light; but when it is evil, thy body also is full of darkness.
Bible in Basic English (BBE) The light of the body is the eye: when your eye is true, all your body is full of light; but when it is evil, your body is dark.
Darby English Bible (DBY) The lamp of the body is thine eye: when thine eye is simple, thy whole body also is light; but when it is wicked, thy body also is dark.
World English Bible (WEB) The lamp of the body is the eye. Therefore when your eye is good, your whole body is also full of light; but when it is evil, your body also is full of darkness.
Young's Literal Translation (YLT) `The lamp of the body is the eye, when then thine eye may be simple, thy whole body also is lightened; and when it may be evil, thy body also is darkened;
Cross Reference Genesis 19:11 in Sunwar 11 मिनु मेको निक्शीमी लाङगाम बाक्शो मुर आन कली मिक्च मताइब सेल्से बाक्त। मिनु मेकोपुकीमी लाप्चो मथित्थु, माल्चा प्रोन्मे बाक्त। २राजा ६:१८
2 Kings 6:15 in Sunwar 15 मिनु परमप्रभु आ मुर आ गेय पाइब सुनी कना बोक्शा लाङगा ग्रूमाक्त। मिनु मेना शारा नु बग्गी पाइश्शो लडाइ पाइब आन हुलमी सहर पुम्शो तवा बाक्त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्त।
Psalm 81:12 in Sunwar 12 मोपतीके गो ‘आन दाक्स पामेक्ल’ दे आन दला दाक्स पचा गेतामी।
Psalm 119:18 in Sunwar 18 गे आं कली मिक्च ताइब सेल्यीनी। मोपा गो इन अरेशो लोव़ ङा छक लाक्चा ङा गेय तने चबुल।
Proverbs 28:22 in Sunwar 22 कुंइद मुर रीब पा क्येट थीब दुम्चा दाक्ब। मिनु “नोले थमा पा प्रुङग दुम्नुङ” दे मेकोमी ममिम्ब। हितोपदेस २३:४; १तिमोथी ६:९
Isaiah 6:10 in Sunwar 10 मेको आन थुं खकटा सेलो। आन नोफा मनेंब नु आन मिक्च मताइब सेलो। मोदेंशो दुम्शा, मेको आन मिक्च मताइब नु नोफा मनेंब दुम्नीम। मोदेंशो मदुम्त हना, मेको आं गे लेत्नीम। मिनु गो मेको आन कली सापाइक्चा माल्नुङ” देंत। ब्यवस्था २९:३; रोमी ११:८
Isaiah 29:10 in Sunwar 10 मारदे हना परमप्रभु यावेमी इन तार शुश निन्द्रा पपाइक्ब सोक्ती मोइश्शो बाक्ब। मेकोमी गे परमप्रभु यावे आ लोव़ पाइब इन कली मिक्च मताइब सेल्तु। मिनु इन पिया सुम्तु।
Isaiah 42:19 in Sunwar 19 आं गेय पाइब खोदेंशो पा मिक्च मताइब सु बाक्नीमी? आं सोइश्शो लोव़ कुरब खोदेंशो नोफा मनेंब सु बाक्नीमी? सु आं कली जिम्मा गेंसीशो खोदेंशो मिक्च मताइब बाक्नीमी? सु परमप्रभु यावे आ गेय पाइब खोदेंशो मिक्च मताइब बाक्नीमी ङा? यसैया ४१:८
Isaiah 44:18 in Sunwar 18 मेको मुरपुकीमी मारेइ मतुइक्थु, मरुप्नीम। मारदे हना मेको मिक्च मताइनीमी। आन थुं मरोक्सीशो बाक्ब। मेकोपुकी मारेइ मरुप्ब बाक्नीम।
Jeremiah 5:21 in Sunwar 21 गे मूर्ख नु मिम्तीक मपाइश्शो मुरपुकी, एको लोव़ नेनीन। इन मिक्ची बाक्ब, तन्न मताइनीनी। इन नोफा बाक्ब, तन्न मनेंनीनी।
Matthew 6:22 in Sunwar 22 इन मिक्च रां ङा छेङछेङ बाक्ब। मिक्च ब्राब्रा मदुम्शो बाक्त हना, इन रां नेल्ल छेङछेङ बाक्ब। लूका ११:३४-३६
Mark 4:12 in Sunwar 12 मारदे हना आन मिक्चीमी कोव़नीम, तन्न मताइनीम। आन नोफामी नेंनीम तन्न मरुप्नीम। कोव़शा रुप्तेक्म हना, आन थुं लेश्शा, आन पाप क्याम्चा ताम वा” देंमाक्त। यसैया ६:९-१०
Mark 7:22 in Sunwar 22 ग्युंबे पशो मुर अर्को नु इप्चा, शिंम पचा, जोल पचा, गेहे पचा, नें तोक्चा, ठेयब लेत्चा, ममिम्थु गेय पचा।
Mark 8:18 in Sunwar 18 मिक्च पाइश्शो बाक्तीनी हना यो, मताइनीनी? नोफा पाइश्शो बाक्तीनी हना यो, मनेंनीनी? मुल यो मारेइ मिम्ने मचाप्नीनी? मत्ती ११:१३,१६
Acts 2:46 in Sunwar 46 मिनु नाक्त किंत किंत परमप्रभु यावे आ खिंमी ग्रुम्शा शेंसीबाक्मा बाक्त। खिं खिं हिरशा, प्रभु भोज जाइबाक्मा बाक्त। हाइश्शो थुं ङा दुम्शा, जचा तूचा योक्शा, ग्येरसीशो दुम्शा,
Acts 13:11 in Sunwar 11 गे मिक्च मताइब दुम्शा, शुश नाक्त सम्म छेङछेङ मताइनेवे” दे हुइक्ता बाक्त। मो देंम चोटीन मेको चटक कोंइब मिक्च मताइब दुम्शा, आ गुइ कीशा लां कोंइब मुर माल्दा बाक्त।
Acts 26:18 in Sunwar 18 मारदे हना मेकोपुकी मिक्च ताइब दुम्मल। छिङछिङमी बाक्शोपुकी छेङछेङमी बाक्चा तामेक्ल। सैतान आ अधिकारमी बाक्शोपुकी परमप्रभु यावे आ अधिकारमी बाक्ब दुम्मल। मेको आन पाप क्याम्चा पुंइसीशा, आं कली थमा सुइश्शोमी आं मुरपुकी नु काथा दुम्शा, आं मुर दुम्मल’ देंशो नेंता। प्रेरित २०:३२
Romans 11:8 in Sunwar 8 मेको आन पर्बम यसैयामी “परमप्रभु यावेमी मेको आन कली मरुप्ब थुं गेप्तु। मेकोपुकी मिक्च मताइब नु नोफा मनेंब दुम्शा बाक्शो बाक्नीम। मुल सम्म मोदेंशो दुम्शा बाक्नीम” दे ब्रेक्शो बाक्त। यसैया २९:१०; ब्यवस्था २९:४
2 Corinthians 1:12 in Sunwar 12 गो आंइ नें बोरपा बाक्नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्शा, मुर नेल्ल आन कुल, इन कुल यो रिम्शो थुं रे पा गेय कोंइताक्क। आंम आंइ रागी ङा जोक्तीक तुइक्तीक रे ममाइ। तन्न परमप्रभु यावे आ शिशीम पतीके बाक्ब। २कोरिन्थी २:१७; हिब्रू १३:१८; १कोरिन्थी १:१७
2 Corinthians 4:4 in Sunwar 4 मेको आन थुं दोपा मोदेंशो दुम्त देंशा हना, रागी कली हुकुम पाइब सैतानमी मेको आन कली मिक्च मताइब खोदेंशो पा मरुप्ब सेल्शो बाक्त। मोपा ख्रीस्त आ ग्येरपाइक्ब लोव़ आ छेङछेङ तने मचाप्नीम। ख्रीस्त परमप्रभु यावे आ कोंइतीके बाक्ब। हिब्रू १:३
2 Corinthians 11:3 in Sunwar 3 बुस्सुमी हव्वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्शो खोदेंशो पा, दूली शेंबपुकीमी इन थुं क्याल्शा, ख्रीस्त कली दाक्चा रे हेंथे लां खोइक्पाइक्नीम। उत्पत्ती ३:४,१३
Ephesians 1:17 in Sunwar 17 मार लोव़ पना पन बाक्नुङ देंशा हना “परमप्रभु यावे, आंइ प्रभु येसु ख्रीस्त आ आफ ननी। गे नेल्ल छेङछेङ ङा आफ बाक्नीनी। गे एफिसस ङा थमा सुइक्ब आन कली येसु ख्रीस्त कली तुइक्तीकेमी रिम्शो गेय पस जोक्तीके नु नोले मार दुम्बा तुइक्तीक सोक्त गेने।
Ephesians 6:5 in Sunwar 5 गे वाइलीम वाइलपुकी, इन रागी ङा होव़प कली टिने। दोपा टिचा माल्नीनी देंशा हना, गेपुकी ख्रीस्त कली टिशो खोदेंशो पा, मेको आन क्येङा हिंशा ख्रिंख्रि पा, थुं का पा रिम्शो गेय पने। तिमोथी ६:१२; तीतस २:९-१०; १पत्रुस २:१८
Colossians 3:22 in Sunwar 22 वाइलीम वाइलपुकी, इन ठेयब मुरुमी मार मार देंनीमी, मेको नेल्ल टिचा माल्नीनी। इन ठेयब मुरुमी कोव़तेक्म हना यो, मकोव़तेक्म हना यो, थुं का पशा, प्रभु कली मान पा हिनीन।
2 Thessalonians 2:9 in Sunwar 9 मेको नेल्ल क्येङा मरिम्शो पाइबम चहिं सैतान आ सक्ति तशा, चिन्ड नु छक लाक्चा ङा गेय पखु पाइब। मत्ती २४:२४; प्रकाश १३:११-१४