Jeremiah 6:26 in Sunwar 26 मिनु “आं श्येत जाइब मुरपुकी अरन्डी फेक्सीन। मिनु इन पिया तारी पुलु फुंइसीन। का ला बाक्शो आल बेक्शो आ पर्बम खोदेंशो पा रोंका पने। मारदे हना आंइ कली साइक्ब याम काम जाक्ब” देंत। येरमीया ४:८; आमोस ८:१०
Other Translations King James Version (KJV) O daughter of my people, gird thee with sackcloth, and wallow thyself in ashes: make thee mourning, as for an only son, most bitter lamentation: for the spoiler shall suddenly come upon us.
American Standard Version (ASV) O daughter of my people, gird thee with sackcloth, and wallow thyself in ashes: make thee mourning, as for an only son, most bitter lamentation; for the destroyer shall suddenly come upon us.
Bible in Basic English (BBE) O daughter of my people, put on haircloth, rolling yourself in the dust: give yourself to sorrow, as for an only son, with most bitter cries of grief; for he who makes waste will come on us suddenly.
Darby English Bible (DBY) Daughter of my people, gird thee with sackcloth, and roll thyself in ashes: make mourning, [as] for an only son -- bitter lamentation; for the spoiler cometh suddenly upon us.
World English Bible (WEB) Daughter of my people, gird you with sackcloth, and wallow yourself in ashes: make you mourning, as for an only son, most bitter lamentation; for the destroyer shall suddenly come on us.
Young's Literal Translation (YLT) O daughter of My people, Gird on sackcloth, and roll thyself in ashes, The mourning of an only one make for thee, A lamentation most bitter, For suddenly come doth the spoiler against us.
Cross Reference Isaiah 22:4 in Sunwar 4 मोपतीके गो आं कली मकोव़यीनी। गो हुइ हुइ पा ङाक्नुङ। आं कली लेम्चा थुं मपने। मारदे हना आं दाक्शो मुर खतम दुम्तेक्म” देंत। येरमीया ८:२३
Isaiah 22:12 in Sunwar 12 मेको नाक्ती परमप्रभु, मुर नेल्ल आन परमप्रभु यावेमी ङाक्चा, रोंका पचा, चां ख्रोइक्चा नु अरन्डी फेक्पाइक्चा कली इन कली ब्रेत्ताक्व। आमोस ८:१०
Isaiah 30:13 in Sunwar 13 मोपा इन मरिम्शो पशो ब्रेत्चा चिक्शो लाइश्शो गारो खोदेंशो दुम्शो बाक्ब। मेको इन मतुइक्थु याम काम ब्रेप्ब।
Isaiah 32:11 in Sunwar 11 गे ठेयब लेश्शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्शा अरन्डी फेक्सीन।
Jeremiah 4:8 in Sunwar 8 मोपतीके अरन्डी फेक्शा रोंका पने। मिनु ङाक्कीन” देंत। मारदे हना परमप्रभु यावे आ हिंचा ङा पा गाइश्शो इं रे मयाक्सीशो बाक्ब। येरमीया ६:२६
Jeremiah 4:11 in Sunwar 11 परमप्रभुमी “मेना मार लोव़ पाइनीम देंशा हना ‘एको मुर नु यरूसलेम कली गोरशो रागी ङा डांडा रे होश फश आं प्रुङग मुर आन बाक्तीक जाक्ब। तन्न मेको फशेम क्राप्चा यो मदुम्ब, हारचा यो मदुम्ब।
Jeremiah 4:20 in Sunwar 20 खतम दुम्तीक तार खतम दुम्तीक जाक्ब। रागी नेल्ल मुर मबाक्तीक दुम्त। आं ताम्बु नु फारतीक वा नेल्ल याम काम खतम दुम्तेक्म।
Jeremiah 6:14 in Sunwar 14 मेकोपुकीमी आं मुर आन कली ममिम्थु, आन गार सापाइक्खु पशो बाक्नीम। मेकोपुकीमी थुं नाइक्तीक मबाक्त हना यो ‘नांइसीन, नांइसीन’ देंनीम।
Jeremiah 8:19 in Sunwar 19 श्येत जशो आं मुर आन ङाक्शो नेनीन। ङोन रागी रे नेनीन। मार, परमप्रभु यावे सियोनम मबाक्शो बाक्बा ङा? मेको आ पिप मेकेर मबाक्शो बाक्बा? मारदे मेकोपुकीमी आं कली आन मूर्ति नु आन शोर गाक्शो अर्को रागी ङा देवी देवता आन पर्बम गाइक्पाइय्यीमी?
Jeremiah 8:21 in Sunwar 21 आं श्येत जशो मुर आ पर्बम गो रोंका पा थुं खाइक्ती।
Jeremiah 9:10 in Sunwar 10 गे डांडा आन पर्बम ङाक्शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्शो बाक्नीम। मेकेर सुइ मगाक्नीम। मिनु मेकेर बी ब्यफ क्यारश भेडा आन ग्रीशो मनेंसीब। सरीङ ङा चिक्ब नु जन्तु नेल्ल प्रोक्शा लाम्तेक्म। येरमीया ४:२५; येरमीया १२:४
Jeremiah 9:17 in Sunwar 17 मिनु मुर नेल्ल आन परमप्रभु यावेमी “मुल मिम्तीन। रोंका पाइब मीश मुर आन कली ब्रेत्तीन। मेको आन दाते ङा नेल्ल क्येङा रोंका पस जोक्ब कली ब्रेत्थ सोइक्तीन” देंत
Jeremiah 12:12 in Sunwar 12 गोरशो रागी ङा डांडा मेर नेल्ल श्येत्थ पोक्बपुकी क्राक्थ्री चोक्थ्री पा जाक्शो बाक्नीम। मारदे हना परमप्रभु यावे आ तरवारम रागी आ सुर का रे अर्को सुर सम्म क्योरब। मिनु सुइ मब्रोंइनीम।
Jeremiah 13:17 in Sunwar 17 तन्न गेपुकीम मेको मनेंतीनी हना, गो इन ठेयब लेश्शो आ पतीके, गो आं थुंम सुइ आन मतुइक्चा ङा पा ङाक्नुङ। परमप्रभु यावे आ हुल ग्याइश्शा लाइक्चा पुंइसीतीके गो हुइ हुइ पा ङाक्नुङ। मिनु आं मिक्च रे प्रेक्कु दोक्ब। येरमीया ८:२३; येरमीया १४:१७; लूका १९:४१
Jeremiah 14:17 in Sunwar 17 गे मेको आन कली “आं मिक्च रे नाक्दो नाक्ती प्रेक्कु यिशा बाक्ल। मारदे हना आं मुर, ग्युंबे मपशो तमी थाम्पा श्येत जशो बाक्ब। ठेयब गार दुम्चा ङा पा मेको तुप्चा पुंइसीशो बाक्ब। येरमीया१३:१७
Jeremiah 15:8 in Sunwar 8 मेको आन वोंइश बेक्शो मीश मुरपुकी समुन्द्र ङा बाल्वा क्येङा शुश दुम्तेक्म। नाक्ती उइक्थ दुम्मेनु, तौ नु आन ममा आन पर्बम साइक्ब का चाक्नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्नुङ।
Jeremiah 25:33 in Sunwar 33 मेको नाक्ती परमप्रभु यावे आ साइश्शोपुकी रागी आ सुर का रे अर्को सुर सम्म बाक्नीम। मेको आन पर्बम सुइ रोंका मपाइनीम। मेको बेक्शो मुर आन कली सुइमी खुप्शा मथिम्नीम। मेको आन कली सुइम मथिम्नीम। मेकोपुकी खपीम मोव़ल खोदेंशो दुम्नीम। येरमीया ९:२१
Lamentations 1:2 in Sunwar 2 मेको नाक्दो हिशेक पा ङाक्ब। आ प्रेक्क यिना यिन बाक्नीम। मेको आ दाक्शो मुर आन दाते ङा सुइम मेको कली आ थुं बारपाइक्चा ङा लोव़ मपाइनीम। आ वारच नेल्लेम मेको कली प्रोंइतेक्म। मुल मेको आ जोरी सत्रु दुम्तेक्म। भजन संग्रह ६९:२१
Lamentations 1:16 in Sunwar 16 गो मार कली ङाक्नुङा, मार कली आं प्रेक्क यीनीम देंशा हना, आं कली लेम्ब नु आं थुं बारपाइक्ब आ क्येङा ङोन बाक्नीम। आं आल लने थुम्तेक्म। मारदे हना आं जोरी सत्रु आं क्येङा बोल्यो बाक्तेक्म।
Lamentations 2:11 in Sunwar 11 गो ङाक्ना ङाक्न बाक्नुङ। आं थुं चोइब। आं थुं खाइक्ब। मारदे हना आं मुर खतम दुम्तेक्म। आल नु दूध तूब आलपुकी सहर ङा लांम शोव़लु बेक्नीम।
Lamentations 3:48 in Sunwar 48 आं मुर नेल्ल खतम दुम्शो तशा, गो शुश ङाक्ती।
Lamentations 4:3 in Sunwar 3 सिवारेम आन चाइक्ब आन कली दूध तुंइनीम। तन्न आं मुरपुकी काइ मरिम्शो दुम्तेक्म। मेकोपुकी गोरशो रागीम बाक्ब ठेयब चिक्ब खोदेंशो दुम्तेक्म। अय्युब ३०:१४-१६
Lamentations 4:6 in Sunwar 6 मारदे हना आं मुर आन कली गेशो सजाइ सोदोम कली गेशो सजाइ क्येङा ठेयब बाक्त। मेको कली याम कामीन लोक्चा पुंइसाक्व। उत्पत्ती १८:२०; उत्पत्ती १९:२४-२५
Lamentations 4:10 in Sunwar 10 ब्रेम्शो थुं पाइश्शो मीश मुरपुकीमी आंम आन आल क्येम्तेक्म। मेको आन जचा थोव़क दुम्त। गो आ मुर आन कली खतम सेल्तीके मोदेंशो दुम्त। येरमीया २:२०
Ezekiel 7:16 in Sunwar 16 मिनु ब्रोंइशा प्रोक्शो नेल्ल बेंसी ङा ढुकुर खोदेंशो पा पहाडम बाक्नीम। मेको आन मरिम्शो पशो आ पर्बम रोंका पा बाक्नीम।
Ezekiel 27:30 in Sunwar 30 मिनु मेकोपुकी इ पर्बम ठेयब सेंदा पा रोंका पा ङाक्नीम। आन पियाम फुरक फुंइसीनीम। मिनु पुलुम लोक्सीनीम।
Amos 8:10 in Sunwar 10 गो इन चाड कली रोंका पतीक सेल्नुङ। इन कुम्सो नेल्ल आन कली ङाक्तीक सेल्नुङ। गो नेल्ल इन कली अरन्डी फेक्पाइश्शा चां प्रेक्पाइक्नुङ। गो आंम का ला बाक्शो तौ आ पर्बम रोंका पशो खोदेंशो दुम्पाइक्नुङ। मेको चाड नुप्पतीक नाक्त कशो नाक्त दुम्ब” देंशो बाक्ब। येरमीया ६:२६
Micah 1:8 in Sunwar 8 मिनु गो मेको आ पर्बम रोंका पा ङाक्ना ङाक्न बाक्नुङ। श्येत्थ खोइल नु भेत्रे गाक्नुङ। गो सिवार खोदेंशो पा ग्रीनुङ। मिनु बुक्स खोदेंशो पा ग्रीनुङ।
Zechariah 12:10 in Sunwar 10 मिनु परमप्रभुमी “गो दाऊद आ खिं ङा मुर नु यरूसलेममी बाक्ब मुर आन तारी शिशी पतीक नु पुंइतीक लोव़ पतीके सोक्त मोइक्नुङ। मो दुम्मेनु, आ साइश्शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्नीम। योएल ३:१; यूहन्ना १९:३७; प्रकाश १:७
Luke 7:12 in Sunwar 12 मिनु सहर ङा ठेयब लाप्चो आ नेक्था जाक्दीम्मानु, मुरपुकीमी बेक्शो मुर का कुरशा पिशो तामे बाक्त। मेको वोंइश बेक्शो मीश मुर आ कांइचीक तौ बाक्माक्त। मेको मीश मुर नु सहर ङा शुश मुर मलामी लशो बाक्मा बाक्त।
James 4:9 in Sunwar 9 मिनु सुर्ता पने। रोंका पा ङाक्कीने। इन रित्चा आ पा ङा रोंका पने। इन ग्येरचा आ पा ङा सुर्ता पने।
James 5:1 in Sunwar 1 नेनीन, गे क्येट शुश थीब मुरपुकी, ङाक्कीन। रोंका पने। मारदे हना गे नोले श्येत जाइब दुम्नीनी। लूका ६:२४-२५