Jeremiah 18 in Sunwar
1 परमप्रभु यावेमी आं कली मार लोव़ पाप्तु देंशा हना
2 मेकोमी “उइ खप के ग्योंब सेल्ब आ खिं लावो। मिनु गो इ कली आं लोव़ नेंपाइक्नुङ” देंत।
3 मोपतीके गो उइ खप के ग्योंब सेल्ब आ खिं लती। मिनु मेकेर मेकोमी आ गुगील हिरशा गेय पाप्तु।
4 मिनु मेको आ सेल्शो खप के ग्योंब आ गुइम वारसाक्व। मिनु मेकोमी मेको खप के आ दाक्शो अर्को ग्योंब का सेल्तु।
5 मिनु परमप्रभु यावेमी आं कली
6 “इस्राएल आ खिं ङा मुर, एको खप के ग्योंब सेल्बमी खोदेंशो पा गो इन कली पाइक्ने मचाप्नुङा ङा? इस्राएल आ खिं ङा मुर, मेको खप के ग्योंब सेल्ब आ गुइम खप बाक्शो खोदेंशो पा, गे यो आं गुइम खप खोदेंशो बाक्नीनी। यसैया ४५:९; रोमी ९:२१
7 गो याम कामीन तेकोइ रागी, तेकोइ राज्य आन कली तुल्शा ताइश्शा, जिक्शा खतम सेल्नुङ। गो मेको पने चाप्नुङ। येरमीया १:१०
8 तन्न मेको आ देंशो रागी ङा मुर आन मरिम्शो पतीक रे आं गे लेत्तेक्म हना, गो आं मिम्शो मेको आन कली ठेयब श्येत गेतीक रे फाइक्नुङ। श्येत मगेनुङमी। येरमीया २६:३; इजीकीएल ३३:११; जोना ३:१०
9 मिनु अर्को याम काम गो तेकोइ रागी, तेकोइ राज्य आन कली सेल्शा वोइक्ने चाप्नुङ।
10 तन्न मेकोपुकीम आं लोव़ मनेंथु, आं ङोंइती मरिम्शो पाम्तेक्म हना, गो मेको आन कली रिम्शो मसेल्नुङमी।
11 मोपतीके गे यहूदा ङा मुर आन कली नु यरूसलेममी बाक्ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्शो पाइनुङ। गो इन कली श्येत गेनुङ। मोपतीके गे इन मरिम्शो लां रे लेतीन। मिनु इन लां नु इन पतीके रिम्शो सेलीन’ देंनो। येरमीया ७:३
12 तन्न मेकोपुकीमी ‘मो पचा मोशा बाक्ब। गो आंइ मिम्शो पाइनीकी। गो आंइ थुं खकटा सेल्नीकी, दे लोव़ लेत्ताक्म’ देंनीम” देंत। येरमीया ६:६; येरमीया ११:८
13 मोपतीके परमप्रभु यावेम “रागी रागी ङा मुर आन दातेम लशा हिल्लो पावो। ओदेंशो लोव़ सुम नेंशो बाक्नीमी? ग्युंबे मपशो मीश आल इस्राएलम थम ग्रांग्रा दिशो गेय पशो बाक्ब।
14 मार, लेबानोन ङा फुं सिरीयोन रोंगु आ काक्पे रे जाम्बा?। मार, आ बुक्तीके पहाड रे ग्रूशा यिशो खोला ङा शाइश्शो ब्वाक्कु सोव़बा ङा?।
15 तन्न आं मुरपुकीम आं कली प्रेंताक्म। मेकोपुकीमी शोर गाक्शो मूर्ति आन कली चोशा चढ़ेम्तेक्म। मेको माइत लांम दाइल पपांइसाक्म। मिनु मेकोपुकी मेको माइत ठेयब लां प्रोंइशा, आइक्च लां मेर गाक्तेक्म।
16 मेकोपुकीम आन रागी हिंचा ङा सेल्तेक्म। मिनु मेको रागी गेना हना यो शुक्शी पतीक दुम्त। मेकेर रे सु सु गाक्मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८
17 गो मेको आन कली पूर्ब ङा फशेम खोदेंशो पा आन जोरी सत्रु आन ङोंइती एर ओंथ ब्रपाइक्नुङमी। मेको आन हिंचा ङा नाक्ती गो मेको आन कली आं ची कोंइनुङमी। आं कुल मकोंइनुङमी” देंत। येरमीया २:२७
18 मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्याम्ब। जोक्ब तुइक्ब आन अर्ती यो मग्याम्ब। मिनु परमप्रभु यावे आ लोव़ पाइब आन देंशो लोव़ यो मजाम्ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्म।
19 मिनु येरमीयामी “परमप्रभु यावे आं लोव़ नेनीन। आं कली दोस गेबपुकीम मार देंनीमी, मेको नेनीन।
20 मार, रिम्शो आ पा ङा मरिम्शो पांइसीबा ङा? मो हना यो आं कली खाल्टा दोशो बाक्तेक्म। गो मेको आन पर्बम पुंइना पुंइन बाक्ती, मेको मिम्तीन। मेको आन कली वारच पचा कली नु इन गाइश्शो तेक्चा कली पुंइता।
21 मोपतीके मेको आन आल आन कली अन्काल पपतीन। मेको आन कली तरवारम साइक्पतीन। मेको आन मीश आल मबाक्शो नु आन वोंइश बेक्शो मीश मुर दुम्मल। मेको आन वोंइश मुर बेक्तीक रोइम बेक्मल। मेको आन ठिटा वोंइश मुरपुकी लडाइम तरवारम साइक्चा पुंइसमल।
22 गेमी मेको आन कली आन मतुइक्थु साइक्ब चाक्नीनु, मेको आन खिं रे ङाक्शो ब्रेश्शो नेंसेक्ल। मारदे हना मेकोपुकीमी आं कली ग्याइक्चा कली खाल्टा दोशो बाक्तेक्म। मिनु आं खोइल फ्रिम्चा कली ख्रुइश्शा ब्वारद दाइश्शो बाक्तेक्म।
23 मिनु परमप्रभु यावे, आं कली साइक्चा माल्शो नु मरिम्शो पाइब नेल्ल आन कली तुइक्ताक्नी। मेको आन मरिम्शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्तीनीनु, मेको आन कली मार पचा माल्बा, मेको पने” देंत। मत्ती ६:१५