Galatians 6:14 in Sunwar 14 नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
Other Translations King James Version (KJV) But God forbid that I should glory, save in the cross of our Lord Jesus Christ, by whom the world is crucified unto me, and I unto the world.
American Standard Version (ASV) But far be it from me to glory, save in the cross of our Lord Jesus Christ, through which the world hath been crucified unto me, and I unto the world.
Bible in Basic English (BBE) But far be it from me to have glory in anything, but only in the cross of our Lord Jesus Christ, through which this world has come to an end on the cross for me, and I for it.
Darby English Bible (DBY) But far be it from me to boast save in the cross of our Lord Jesus Christ, through whom [the] world is crucified to me, and I to the world.
World English Bible (WEB) But far be it from me to boast, except in the cross of our Lord Jesus Christ, through which the world has been crucified to me, and I to the world.
Young's Literal Translation (YLT) And for me, let it not be -- to glory, except in the cross of our Lord Jesus Christ, through which to me the world hath been crucified, and I to the world;
Cross Reference 2 Kings 14:9 in Sunwar 9 तन्न इस्राएल ङा पिप योआशम यहूदा ङा पिप अमस्याह कली “लेबानोन ङा चू बुटा काम लेबानोन ङा लाइश्शो रवा का कली ‘इ तमी आं तौ नु ग्युंबे पचा गेवो’ देंमाक्त। तन्न लेबानोन ङा ब्वाकीमी बाक्ब जन्तु का मेको मेर पा पिमाक्त। मिनु मेकोम चू बुटा कली दिम्शा ताइश्शा पवा बाक्त। न्यायाधीस ९:१४
Job 31:24 in Sunwar 24 गो सुन कली थमा सुइश्शो नङ हना, क्येख सुनमी आं कली रिम्शो ब्रोंइचा गेब, दे मिम्शो नङ हना, भजन संग्रह ५२:९
Psalm 49:6 in Sunwar 6 मेकोपुकीमी आन शुश क्येटीम थमा सुइक्नीमी। आन शुश क्येटीम ठेयब लेत्नीमी।
Psalm 52:1 in Sunwar 1 कुम्सो पपाइक्ब कली। शेंतीक कुम्सो एदोमी दोएगमी सावल कली “दाऊद अहीमेलेक आ बाक्तीकेम ख्रुंइसाक्व” देंचा नोले ङा दाऊद आ कुम्सो। १सामुएल २२:९-१९ गे थम बोल्यो मुर, मारदे मरिम्शो पचा आ पर्बम बोरनीनी? परमप्रभु आ शिशी नाक्त रे लीब।
Isaiah 45:24 in Sunwar 24 ‘परमप्रभु यावे ला ठीक पतीके नु सक्ति गेब बाक्ब’ दे कसम जाइनीम। परमप्रभु यावे कली मटीब नेल्ल आं बाक्तीकेम जाक्शा मुने दोक्चा माल्नीम। येरमीया २३:६
Jeremiah 9:23 in Sunwar 23 परमप्रभु यावेम “जोक्ब तुइक्ब मुरपुकी आन जोक्तीक तुइक्तीक आ पर्बम ठेयब मलेम्मल। सक्ति पाइश्शो मुरपुकी आन सक्ति आ पर्बम ठेयब मलेम्मल। शुश शोंप पाइश्शो मुरपुकी आन शुश शोंपोम ठेयब मलेम्मल।
Ezekiel 28:2 in Sunwar 2 मार लोव़ पाप्तु देंशा हना “ए मुर, टायर ङा पिप आ तौ कली परमप्रभु, परमप्रभु यावेमी ‘गे इ थुं ङा ठेयब लेत्तीकेम, गो परमप्रभु नङ। गो समुन्द्र आ दातेम देवी देवता आन बाक्तीकेम बाक्नुङ’ देंते। तन्न गे मुर ला बाक्नेवे। परमप्रभु मनवे। गे ठेयब लेश्शा, इ थुंम ‘परमप्रभु खोदेंशो जोक्ब तुइक्ब बाक्नुङ’ दे मिम्साक्वे। यसैया ३१:३; दानीएल ५:२०; प्रेरित १२:२३
Daniel 4:30 in Sunwar 30 मेकोमी “मार, एको बेबीलोन थम रिम्शो मबाक्बा ङा? गो एको आं ठेयब सक्तिमी आं शुश शोंप वोइश्शा, बाक्चा कली सेल्ता” देंत। हितोपदेस १६:१८
Daniel 5:20 in Sunwar 20 तन्न मेको ठेयब लेत्तीके नु आ थुं खकटा दुम्पाइक्तीके पिप आ नित्तीक रे खेरचा नु आ छेङछेङ रोइक्चा पुंइसाक्व।
Acts 20:23 in Sunwar 23 लोव़ का ला तुइक्नुङ। मारदे हना सहर गाउं तेइ तेइ हिरशा गाक्ङानु, परमप्रभु यावे आ सोक्त रे पा लोव़ पाइबमी ‘यरूसलेम जाक्दीश्शा, शुश श्येत जाइनेवे। जेल्खानमी चोक्चा पुंइसीनेवे’ दे नेंपाइक्तीमी। प्रेरित ९:१६; प्रेरित २१:४,११
Romans 1:16 in Sunwar 16 ग्येरपाइक्तीक लोव़ शेंना शेंन गाक्ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्ब। मेको लोव़ ङोंइती यहूदी आन कली तुइक्पाइश्शो बाक्माक्त। नोले ग्रीक आन कली यो तुइक्पाइश्शो बाक्माक्त। भजन संग्रह ११९:४६; २तिमोथी १:८; १कोरिन्थी १:१८,२४
Romans 3:4 in Sunwar 4 मुर आन देंशो लोव़ मजाक्दीप्ब। परमप्रभु यावे आ देंशो चहिं गेना हना यो थमा दुम्ब। “इन लोव़ ठीक बाक्ब। इन मुर आन कली निसाफ पतीक यो ठीक बाक्ब” दे ब्रेक्शो बाक्ब। भजन संग्रह ५१:६; भजन संग्रह ११६:११
Romans 6:2 in Sunwar 2 मो पचा मदुम्ब। बेक्शो मुरपुकीम खांखा दोपा पाप पस ङा पस बाक्ने चाप्नीमी ङा? गो इं के पाप पतीक थुं बेक्त।
Romans 6:6 in Sunwar 6 येसु ख्रीस्त कली शीम केप्शा कांटी थोक्शा साइक्तीके इं पापम ब्रीशो थुं आ सक्ति जाम्त। मोपतीके मुल गो पाप आ वाइल मबाक्नय। गो मेको लोव़ तुइक्चा माल्नय। गलाती ५:२४
1 Corinthians 1:23 in Sunwar 23 मेको आन दाक्शो, आन माल्शा गाक्शो नेल्ल तुइश्शा यो गोमी चहिं “ख्रीस्त पाप क्याम्चा कली साइक्चा पुंइसाक्व” दे आन कली नेंपाइक्नीकी। मोदेंशो नेंपाइक्कानु, ख्रीस्त लांमी वोइश्शो फुल्लु खोदेंशो दुम्शा, यहूदी आन कली दाइल पाइक्ब। मिनु राम्सीनीम। अर्को रागी ङा मुरपुकीमी “मूर्ख लोव़ बाक्माक्त” दे काइ नेंचा मदाक्नीम। प्रेरित १७:३२; गलाती ५:११; १कोरिन्थी २:१४
1 Corinthians 1:29 in Sunwar 29 मोपतीके सुइ मुर परमप्रभु यावे आ ङोंइती ठेयब दुम्ने मचाप्नीम। रोमी ३:२७; एफिसी २:९
1 Corinthians 2:2 in Sunwar 2 मारदे हना येसु ख्रीस्त कली शीम केप्शा कांटी थोक्शा क्याइश्शा साइक्चा पुंइसीशो लोव़ ङा लाक्शा अरु मशेंनुङमी, दे आं थुं फ्रेंशा जाक्शो नङ। गलाती ६:१४
1 Corinthians 3:21 in Sunwar 21 मोपतीके सुइमी मुर आन नें आ पर्बम ठेयब मलेम्मल। मारदे हना नेल्ल इन के बाक्नीम।
1 Corinthians 15:58 in Sunwar 58 मोपतीके आं दाक्शो लोक्बपुकी, इन खोइली थेक्शा, दल्गीर मपथु, प्रभु आ गेय पना पन बाक्कीन। प्रभु आ नेंमी पशो गेय गेनायो मोशीन मलाइब, दे तुइक्तीन।
2 Corinthians 5:14 in Sunwar 14 मारदे हना ख्रीस्तमी इं कली दाक्ब, दे शुश मिम्नीकी। मेको नेल्ल मुर आन पर्बम बेक्त, दे तुइश्शा, गो नेल्ल बेक्चा ङा मुर बाक्नय, दे तुइक्नीकी।
2 Corinthians 11:12 in Sunwar 12 मुल सम्म दोपा बाक्ङा, मुल यो मोपान बाक्नुङ। मारदे हना दूली लोव़ शेंबपुकीमी “पावल नु आ वारचपुकीमी पशो खोदेंशो पा गो यो पाइनीकी” दे नें बोरपा गाक्नीम। मेको आन जोल ग्रुंइचा कली गो मारेइ मताक्थु शेंनीकी।
2 Corinthians 12:10 in Sunwar 10 मोपतीके ख्रीस्त आ सक्ति तांइसेक्ल, दे मारेइ पने मचाप्ब दुम्ती हना यो, शुक्शी लोव़ पाइक्चा पुंइसाक्यी हना यो, जचा फेक्चा मारेइम मजाक्दीत्ती हना यो, खेदा पचा पुंइसाक्यी हना यो नु दोदेंब श्येत गेचा पुंइसाक्यी हना यो, आं थुं नाइश्शा हेम्म पा बाक्नुङ। मारदे हना गो मारेइ पने मचाप्ब दुम्ङानु, सक्ति पाइश्शो बाक्नुङ, दे रुप्ता। फिलिप्पी ४:१३
Galatians 1:4 in Sunwar 4 प्रभु येसु ख्रीस्तमी इं पाप क्याम्चा नु रागीम ग्रूशो मरिम्शो पतीके रे प्रोंइचा कली आ गिंम गेप्तु। आ मोदेंशो पशो चहिं इं आफ परमप्रभु यावे आ दाक्शो बाक्त। गलाती २:२०; १तिमोथी २:६; तीतस २:१४; १यूहन्ना ५:१९
Galatians 2:20 in Sunwar 20 तन्न गो मब्रोंइनुङ। ख्रीस्त आं आगामी ब्रोंइब। तन्न आं मुल ब्रोंइतीके गो परमप्रभु यावे आ तौ कली थमा सुइश्शा ब्रोंइनुङ। मेकोमी आं कली शुश दाक्शा, आं पशो पाप आ पर्बम साइक्चा पुंइसाक्व। यूहन्ना १७:२३; प्रेरित १:४
Galatians 5:24 in Sunwar 24 सु ख्रीस्त येसु आ मुर दुम्शो बाक्नीमी, मेकोपुकीमी आंम रां ङा दला दाक्स येसु ख्रीस्त खोदेंशो पा शीम क्याइक्ने थुम्शो बाक्नीमी। रोमी ६:६
Philippians 1:20 in Sunwar 20 गो काइ मुने मदोक्नुङ, दे तुइश्शा, आस पाइनुङ। मिनु काइ महिंब दुम्शा, ब्रोंइती हना यो, साइक्तीमी हना यो, मुरपुकीमी गेना हना यो ख्रीस्त कली ठेयब सेल्मेक्ल, देंनुङ।
Philippians 3:3 in Sunwar 3 मारदे हना गोपुकी थमा ख्रोइक्तीक चिनु ङा मुर बाक्नय। गोपुकीमी परमप्रभु यावे आ सोक्त आ पतीकेमी खुम्की पा बाप्शा, परमप्रभु यावे कली गेय पशा, ख्रीस्त येसु आ पतीकेमी ग्येरसय। मुर आ पतीकेमी थमा मसुइय्य। रोमी २:२९
Philippians 3:7 in Sunwar 7 तन्न गो ख्रीस्त कली तुइश्शा, आंम कली ठेयब सेल्सीतीके नेल्ल ग्येरशा प्रोंइता। मत्ती १३:४४-४६
Colossians 3:1 in Sunwar 1 गेपुकी ख्रीस्त नु सेंसीशो बाक्तीनी हना, स्वर्गमी बाक्ब दोपा बाक्मा, मेको मालीन। मेकेर ख्रीस्त परमप्रभु यावे आ ग्युरा गे निश्शो बाक्ब। कलस्सी २:१२
1 John 2:15 in Sunwar 15 गेपुकी रागी नु रागी ङा थोव़क कली मदाक्तीन। सु चहिं रागी कली दाक्बा, मेको आ थुंमी इं आफ, परमप्रभु यावे आ दाक्शो मबाक्ब। याकूब ४:४
1 John 5:4 in Sunwar 4 मिनु परमप्रभु यावे आ आलपुकीमी रागी ङा मुर आन दाक्शो गेय कली ग्रानीम। दोपा ग्रानीम देंशा हना, येसु ख्रीस्त कली थमा सुइक्चा मप्रोंइथु ग्रानीम। यूहन्ना १६:३३; १कोरिन्थी १५:५७