Galatians 2:20 in Sunwar 20 तन्न गो मब्रोंइनुङ। ख्रीस्त आं आगामी ब्रोंइब। तन्न आं मुल ब्रोंइतीके गो परमप्रभु यावे आ तौ कली थमा सुइश्शा ब्रोंइनुङ। मेकोमी आं कली शुश दाक्शा, आं पशो पाप आ पर्बम साइक्चा पुंइसाक्व। यूहन्ना १७:२३; प्रेरित १:४
Other Translations King James Version (KJV) I am crucified with Christ: neverthless I live; yet not I, but Christ liveth in me: and the life which I now live in the flesh I live by the faith of the Son of God, who loved me, and gave himself for me.
American Standard Version (ASV) I have been crucified with Christ; and it is no longer I that live, but Christ living in me: and that `life' which I now live in the flesh I live in faith, `the faith' which is in the Son of God, who loved me, and gave himself up for me.
Bible in Basic English (BBE) I have been put to death on the cross with Christ; still I am living; no longer I, but Christ is living in me; and that life which I now am living in the flesh I am living by faith, the faith of the Son of God, who in love for me, gave himself up for me.
Darby English Bible (DBY) I am crucified with Christ, and no longer live, *I*, but Christ lives in me; but [in] that I now live in flesh, I live by faith, the [faith] of the Son of God, who has loved me and given himself for me.
World English Bible (WEB) I have been crucified with Christ, and it is no longer I that live, but Christ living in me. That life which I now live in the flesh, I live by faith in the Son of God, who loved me, and gave himself up for me.
Young's Literal Translation (YLT) with Christ I have been crucified, and live no more do I, and Christ doth live in me; and that which I now live in the flesh -- in the faith I live of the Son of God, who did love me and did give himself for me;
Cross Reference Matthew 4:3 in Sunwar 3 मिनु सैतानमी येसु कली “मार, गे परमप्रभु यावे आ तौ नवे हना, एको फुल्लु आन कली शोब्ले दुमीन देंशा शोब्ले सेलो” देंमाक्त। उत्पत्ती ३:१-७
Matthew 20:28 in Sunwar 28 रागीम जरमेशो मान पपांइसीचा कली जाक्शो ममाइ। तन्न गेय पथ नु शुश मुर आन कली प्रोंइचा कली आ गिंम सोइक्थ जाक्शो बाक्ब” दे माइक्तीमी। फिलिप्पी २:७; १पत्रुस १:१८-१९
John 1:49 in Sunwar 49 मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६
John 3:16 in Sunwar 16 परमप्रभु यावेमी रागी ङा मुर आन कली शुश दाक्ताक्व। मोपतीके आ कांइचीक तौ रागीमी सोइक्ताक्व। सु सुमी मेको कली थमा सुइक्नीमी, मेकोपुकी नरक मलाइनीम। तन्न गेना हना यो परमप्रभु यावे नु बाक्चा ताइनीम। रोमी ५:८; रोमी ८:३२; १यूहन्ना ४:९
John 6:57 in Sunwar 57 दोपा ब्रोंइशा बाक्ब आं आफोमी आं कली सोइश्शा ब्रोंइपाइय्यी, मोपा आं रां ब्वाइब यो गो रे पा ब्रोंइचा ताइब।
John 6:69 in Sunwar 69 गे परमप्रभु यावेमी योव़शा सोइश्शो ननी, दे तुइश्शा थमा सुइक्नीकी” देंत। मत्ती १६:१६
John 9:35 in Sunwar 35 मिनु येसुमी मेको कली यहूदी आन ग्रुम्तीक खिं रे तिल्तेक्म देंशो नेंशा, मेको कली ग्रुम्शा “गे रागीमी जरमेशो कली थमा सुइक्नेवे?” दे हिल्लो पाप्तु।
John 10:11 in Sunwar 11 मिनु येसुमी “गो रिम्शो गोठला नङ। रिम्शो गोठला भेडा आन पा ङा साइक्चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्ना १५:१३; हिब्रू १३:२०
John 14:19 in Sunwar 19 इच्का नोले थमा मसुइक्बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्ना २०:२०
John 15:13 in Sunwar 13 सु आ वारच आ पर्बम साइक्चा पुंइसीबा, मेको नेल्ल क्येङा ठेयब दाक्ब वारच बाक्ब। यूहन्ना १०:११; १यूहन्ना ३:१६
John 17:21 in Sunwar 21 मार पुंइनुङ देंशा हना, मेको नेल्ल थुं का ङा दुम्मल। आं आफ, गे आं आगामी बाक्शो नु गो इन आगामी बाक्शो खोदेंशो पा मेकोपुकी इस आगामी बाक्मल, दे पुंइनुङ। मो दुम्त हना, रागी ङा मुरपुकीमी गेमी आं कली सोइक्ताक्नी, दे थमा सुइक्नीम। गलाती ३:२८
Acts 8:36 in Sunwar 36 मोपा लसा लसा ब्वाक्कु बाक्तीकेमी जाक्दीस्सा बाक्त। मिनु ठेयब मुरुमी “एकेर ब्वाक्कु बाक्त, एको ब्वाक्कुम ख्रुम्शा ग्रुंइचा पुंइसीनुङ, दुम्बा?” देंमाक्त।
Romans 1:17 in Sunwar 17 परमप्रभु यावेमी मुर आन कली दोपा ठीक दुम्पाइक्बा, मेको आ लोव़ रे पा तुंइसीब। मिनु “ठीक पाइब आं कली थमा सुइश्शा ब्रोंइब” दे ब्रेक्शो बाक्ब। हबकुक २:४; रोमी ३:२१-२२; गलाती ३:११
Romans 5:2 in Sunwar 2 येसु ख्रीस्त आ पतीके गो परमप्रभु यावे आ शिशी ताइतय। मिनु परमप्रभु यावे नु बाक्चा ताइनीकी, दे आस पशा, ग्येरशा बाक्तय। यूहन्ना १४:६; एफिसी ३:१२
Romans 6:4 in Sunwar 4 मिनु ब्वाक्कुम ग्रुम्यानु, गो येसु बेक्शा थिम्शो खोदेंशो दुम्तय। मिनु परमप्रभु यावे आ सक्तिमी ख्रीस्त कली बेक्शो रे सेंपाइश्शो खोदेंशो पा गो यो सेंसीशा, नक लांम गाक्तय। कलस्सी २:१२; १पत्रुस ३:२१
Romans 6:8 in Sunwar 8 गो येसु ख्रीस्त नु बेक्तय हना, मेको नुन ब्रोंइनय, दे थमा सुइक्नय।
Romans 6:13 in Sunwar 13 इन गुइ खोइली, मिक्च, शोव़, रां नेल्ल कली मरिम्शो मपपतीन। तन्न बेक्शो रे सेंसीशो मुर खोदेंशो पा, परमप्रभु यावे कली जिम्मा गेंसीशा, आ रिम्शो गेय पने। रोमी १२:१
Romans 8:2 in Sunwar 2 मारदे हना येसु ख्रीस्त आ ब्रोंइचा गेब सोक्त आ अरेशो लोव़मी इन कली पाप पचा नु बेक्चा आ अरेशो लोव़ रे प्रोंइतु।
Romans 8:37 in Sunwar 37 मो दुम्त हना यो, मारेइ पने मचाप्नीम, मारदे हना येसु ख्रीस्तमी इं कली दाक्शा, गेनायो मप्रोंइब। मोपतीके सिक्सी पा ग्रानय। १यूहन्ना ५:४
2 Corinthians 1:24 in Sunwar 24 गो इन थमा सुइक्तीके कली हुकुम मपाइनीकी। इन ग्येरसीचा ङा पा, गे नु गेय पाइनीकी। मारदे हना इन थमा सुइक्तीके बोल्यो बाक्ब। २कोरिन्थी ४:५; १पत्रुस ५:३
2 Corinthians 4:10 in Sunwar 10 येसु आ लोव़ शेंना शेंन गाक्कानु, येसु बेक्चा ङा श्येत जशो खोदेंशो पा, गो यो बेक्चा ङा श्येत जाइनीकी। तन्न येसु बेक्शो रे सेंचा पुंइसीशो खोदेंशो पा, सक्ति पाइश्शो दुम्नीकी। १कोरिन्थी १५:३१; गलाती ६:१७
2 Corinthians 5:7 in Sunwar 7 मारदे हना गो थमा सुइक्तीकेमी गाक्नीकी। ततीकेमी मगाक्नीकी।
2 Corinthians 5:15 in Sunwar 15 मिनु मेको नेल्ल आन पर्बम बेक्त। मिनु ब्रोंइशोपुकी मुल रे आंम पर्बम मब्रोंइमल। तन्न येसु कली ब्रोंइमल। मारदे हना मेको आन पर्बम साइश्शा, सेंसीचा पुंइसाक्व। रोमी १४:७-८
2 Corinthians 10:3 in Sunwar 3 मारदे हना गो रागीम बाक्तक हना यो, रागी ङा मुर खोदेंशो पा मजीनीकी।
2 Corinthians 13:3 in Sunwar 3 गेपुकीमी “पावल ख्रीस्त आ सक्ति तशा, अधिकार पाइश्शो बाक्माक्त” दे इन मिक्चीमी तचा माल्बाक्तीनी, दे तुइक्ताक्ङ। ख्रीस्त इन दातेमी मचाप्ब ममाइ, शुश सक्ति पाइश्शो बाक्ब, दे कोंइताक्व।
2 Corinthians 13:5 in Sunwar 5 इन थमा सुइक्तीके ठीक बाक्बा देय मबाक्ब आंमा नाक्शा कोव़ङीने। आंमा नाक्तीन। येसु ख्रीस्त इन आगाम बाक्ब, दे मप्रेंदीन। मबाक्त हना इन गेय शोर गाक्शो दुम्ब।
Galatians 1:4 in Sunwar 4 प्रभु येसु ख्रीस्तमी इं पाप क्याम्चा नु रागीम ग्रूशो मरिम्शो पतीके रे प्रोंइचा कली आ गिंम गेप्तु। आ मोदेंशो पशो चहिं इं आफ परमप्रभु यावे आ दाक्शो बाक्त। गलाती २:२०; १तिमोथी २:६; तीतस २:१४; १यूहन्ना ५:१९
Galatians 2:16 in Sunwar 16 इं यहूदी रिती थिती पतीके ठीक मदुम्नय। ख्रीस्त येसु कली थमा सुइक्तीके ठीक दुम्नय, दे रुप्तय। मोपतीके इं यहूदी रिती थिती पचा प्रोंइशा, ख्रीस्त येसु कली थमा सुइक्तय। गो लेंशा देंनुङ, रिती थिती पतीके सुइ ठीक मदुम्नीम। परमप्रभु यावेमी मुर आन कली येसु ख्रीस्त कली थमा सुइश्शो तशा, ठीक दुम्पाइक्ब। रोमी ३:२०,२८; एफिसी २:८
Galatians 3:11 in Sunwar 11 सुइमी यहूदी आन पतीक पशा परमप्रभु यावे आ ङोंइती ठीक मदुम्नीन, दे तुंइसीब। “थमा सुइश्शो रे पा ठीक दुम्पाइक्चा पुंइसीब चहिं गेना हना यो ठीक बाक्नीम” दे ब्रेक्शो बाक्ब। हबकुक २:४; रोमी १:१७; हिब्रू १०:३८
Galatians 5:24 in Sunwar 24 सु ख्रीस्त येसु आ मुर दुम्शो बाक्नीमी, मेकोपुकीमी आंम रां ङा दला दाक्स येसु ख्रीस्त खोदेंशो पा शीम क्याइक्ने थुम्शो बाक्नीमी। रोमी ६:६
Galatians 6:14 in Sunwar 14 नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
Ephesians 2:4 in Sunwar 4 तन्न परमप्रभु यावे शुश शिशी पाइब दुम्तीके इं कली तशा, शिशी पा दाक्ताक्व।
Ephesians 3:17 in Sunwar 17 मोपा थमा सुइक्तीके ख्रीस्त मेको आन थुंमी बाक्ब। मिनु ‘येसु ख्रीस्तमी आं कली दाक्ब’ दे शाक्श ग्रुक्शो रवा खोदेंशो पा इन दाक्तीकेमी ख्रुम्शो मुरपुकी सेलीन। यूहन्ना १४:२३; कलस्सी २:७
Ephesians 5:2 in Sunwar 2 मिनु येसु ख्रीस्तमी इं कली दाक्शो खोदेंशो पा दाक्मुने। मेकोमी दोपा दाक्ताक्व देंशा हना, आंम कली ममिम्थु, ब्रोव़शो रिना पाइश्शो धूप नु क्योरशा चढ़ेशो खोदेंशो पा, इं पाप क्याम्चा कली बेक्शा, परमप्रभु यावे कली जिम्मा गेंसाक्व।
Ephesians 5:25 in Sunwar 25 गे वोंइश मुरपुकी, आंम मीश कली दाक्तीने। दोपा ख्रीस्तमी थमा सुइक्ब आन कली दाक्शा, मेको आन कली पाप रे प्रोंइचा, दे आंम रां जिम्मा गेवा, मोपा वोंइश मुरुमी आंम मीश कली दाक्चा माल्नीमी।
Philippians 4:13 in Sunwar 13 आं कली सक्ति गेब आ नेंमी गो नेल्ल पने चाप्नुङ। २कोरिन्थी १२:१०
Colossians 1:27 in Sunwar 27 परमप्रभु यावेमी मेको आन कली “आं ङोंइती ख्रुइश्शो लोव़ अर्को रागी ङा मुर आन कली गिश रिम्शो, गिश ठेयब बाक्ब” दे तुइक्पाइक्तु। मेको ख्रुइश्शो लोव़ मार बाक्ब देंशा हना, ख्रीस्त इन आगामी बाक्ब। मिनु इन कली परमप्रभु यावे आ छेङछेङम बाक्चा गेब आस यो ख्रीस्तम बाक्ब। १तिमोथी १:१
Colossians 2:11 in Sunwar 11 मेको आ पशोमी ख्रोइक्तीक चिनु पाइश्शो खोदेंशो दुम्तीनी। मेको ख्रोइक्तीक चिनु मुरुमी ख्रोइश्शो ममाइ, गेपुकी ख्रीस्त कली थमा सुइश्शा, इन मरिम्शो पशो ताइश्शो इन ख्रोइक्तीक चिनु दुम्त। रोमी २:२९; रोमी ६:५; १पत्रुस ३:२१
Colossians 3:3 in Sunwar 3 मारदे हना गे बेक्तीनी। इन थुं ख्रीस्त नु परमप्रभु यावेमी ख्रुइश्शा वोइश्शो बाक्ब। रोमी ६:२
1 Thessalonians 1:10 in Sunwar 10 मिनु बेक्शो रे सेंशो परमप्रभु यावे आ तौ लेंशा सरीङ रे यीब, दे रिम्शा बाक्तीनी। येसुमी इं कली परमप्रभु यावे आ गाइक्चा रे प्रोंइब। तीतस २:१३
1 Thessalonians 5:10 in Sunwar 10 मेको इं पर्बम साइक्चा पुंइसाक्व। मो दुम्तीके गोपुकी इप्तय हना यो, मइप्तय हना यो, मेको नु ब्रोंइचा ताइनय। रोमी १४:८-९
Titus 2:14 in Sunwar 14 येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
1 Peter 1:8 in Sunwar 8 गे मेको कली मताइतीनी हना यो, दाक्नीनी। मेको कली मुल सम्म मतथु यो, थमा सुइक्तीनी। गे गिश ग्येरना ग्येरन बाक्शो बाक्नीनी, देंने मचाप्नीनी। यूहन्ना २०:२९; २कोरिन्थी ५:७
1 Peter 4:1 in Sunwar 1 दोपा ख्रीस्त रागीम बाक्शा, श्येत जवा, मोपा गो नेल्ल श्येत जचा माल्नय, दे मिम्तीन। सु सु रागीमी श्येत जाइनीमी, मेको मरिम्शो पतीक कली प्रोंइने थुम्शो बाक्नीम।
1 John 1:7 in Sunwar 7 मेको छेङछेङमी बाक्शो खोदेंशो पा, गो छेङछेङमी गाक्तय हना, अर्को थमा सुइक्बपुकी नु थुं का ङा दुम्नय। मिनु आ तौ येसु आ हुशेमी इं मरिम्शो पशो नेल्ल क्याम्ब। हिब्रू ९:१४; प्रकाश १:५
1 John 4:9 in Sunwar 9 परमप्रभु यावेमी दोपा आ दाक्चा कोंइताक्व देंशा हना, आ का ला तौ रागीमी सोइक्ताक्व। मिनु आ तौ साइक्चा पुंइसीतीके इं कली गेना हना यो ब्रोंइशा बाक्चा गेप्तु। यूहन्ना ३:१६
1 John 4:14 in Sunwar 14 मिनु गोपुकी परमप्रभु यावेमी आ तौ रागीमी सोइश्शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्ताक्व” दे शेंना शेंन बाक्नीकी। यूहन्ना ३:१७
1 John 5:10 in Sunwar 10 सु परमप्रभु यावे आ तौ कली थमा सुइक्बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्बा, मेकोमी “परमप्रभु यावे जोल्फे बाक्ब” देंब। मारदे हना “आं तौ बाक्ब” दे परमप्रभु यावेमी देंशो थमा मसुइक्ब। यूहन्ना ३:३२-३४; रोमी ८:१६
1 John 5:20 in Sunwar 20 मिनु परमप्रभु यावे आ तौमी इं कली रुप्तीक थुं गेप्तु, दे तुइक्नय। मेको रुप्तीक थुंमी थमा पतीके कली तुइक्नय। गोपुकी मेको थमा पाइब नु थुं का ङा बाक्नय। मोपा आ तौ येसु ख्रीस्त नु यो थुं का ङा बाक्नय। मेको थमा परमप्रभु यावे नु गेना हना यो ब्रोंइशा बाक्तीक बाक्ब। यूहन्ना १७:३
Revelation 1:5 in Sunwar 5 मिनु येसु ख्रीस्तमी यो मो देंत। मिनु मेको सु बाक्ब देंशा हना, परमप्रभु यावे आ देंशो थमा पाइब सांकछी नु नेल्ल क्येङा ङोंइती बेक्शो रे सेंसीशो नु रागी ङा पिप आन कली सासन पाइब बाक्ब। येसु ख्रीस्तमी इं कली दाक्शा, आ हुशेमी इं पाप रे प्रोंइतु। प्रकाश ३:१४; यूहन्ना १८:३७; १तिमोथी ६:१३
Revelation 3:20 in Sunwar 20 नेनीन, गो लाङगाम जाक्शा ‘बाक्नी?’ दे ब्रेत्नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्थ ओव़नुङ। मिनु मेको नु काथा बाक्शा, खमे जाइनुङ। यूहन्ना १४:२३