1 Peter 5:1 in Sunwar 1 गो इन खोदेंशो खाल्पा नङ। गो थमा सुइक्ब आन दातेमी बाक्शो शेंब खाल्पा इन कली अर्ती गेनुङ। गो ख्रीस्त आ श्येत जशो तशो नङ। मुल गो जाक्चशो छेङछेङ ङा मुर यो दुम्ती। २यूहन्ना :१; मत्ती २६:३७,६९; रोमी ८:१७
Other Translations King James Version (KJV) The elders which are among you I exhort, who am also an elder, and a witness of the sufferings of Christ, and also a partaker of the glory that shall be revealed:
American Standard Version (ASV) The elders among you I exhort, who am a fellow-elder, and a witness of the sufferings of Christ, who am also a partaker of the glory that shall be revealed:
Bible in Basic English (BBE) I who am myself one of the rulers of the church, and a witness of the death of Christ, having my part in the coming glory, send this serious request to the chief men among you:
Darby English Bible (DBY) The elders which [are] among you I exhort, who [am their] fellow-elder and witness of the sufferings of the Christ, who also [am] partaker of the glory about to be revealed:
World English Bible (WEB) I exhort the elders among you, as a fellow elder, and a witness of the sufferings of Christ, and who will also share in the glory that will be revealed.
Young's Literal Translation (YLT) Elders who `are' among you, I exhort, who `am' a fellow-elder, and a witness of the sufferings of the Christ, and of the glory about to be revealed a partaker,
Cross Reference Psalm 73:24 in Sunwar 24 गे आं कली इन लोव़मी लां कोंइनीनी। मिनु नोले गे आं कली छेङछेङम ताक्नीनी। भजन संग्रह ४९:१६
Luke 24:48 in Sunwar 48 मिनु मेकोमी “गे मेको नेल्ल तशा, सांकछी दुम्तीनी।
John 15:26 in Sunwar 26 मिनु वारच पाइब का जाक्ब। गो मेको कली आफ आ बाक्तीक रे सोइक्नुङ। मेको परमप्रभु यावे रे जाक्शो थमा ङा सोक्त बाक्ब। मेकोमी आं पर्बम शेंब। यूहन्ना १४:१६,२६; लूका २४:४९
Acts 1:8 in Sunwar 8 मार चहिं तुइक्चा माल्नीनी देंशा हना, परमप्रभु यावे आ सोक्त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्लेमी हिरशा, आं लोव़ शेंशा, आं सांकछी दुम्नीनी” दे माइक्मी बाक्त। लूका २४:४८; प्रेरित ८:१
Acts 1:22 in Sunwar 22 मेको मुरुम ‘येसु बेक्शा, सेंसीशो ताता’ देंने चाप्चा माल्ब” दे माइक्मी बाक्त।
Acts 2:32 in Sunwar 32 परमप्रभु यावेमी येसु कली बेक्शो रे सेंताक्व। मेको गो आंइ मिक्चीमी ताइतक।
Acts 3:15 in Sunwar 15 मिनु गे ब्रोंइचा गेब कली साइक्तीनी। परमप्रभु यावेमी चहिं बेक्शो रे सेंताक्व। गो मेको तशा, सांकछी दुम्ताक्क।
Acts 5:30 in Sunwar 30 इं किकी पिपी आन परमप्रभु यावेमी गेपुकीमी शीम केप्शा, कांटी थोक्शा क्याइश्शा साइक्पाइश्शो येसु कली बेक्शो रे सेंताक्व। प्रेरित ३:१५
Acts 10:39 in Sunwar 39 यहूदीया रागी यरूसलेम सहरमी येसुमी मार मार पवा, मार मार दुम्मे, मेको नेल्ल गो नु आं वारचपुकीमी आंम आंइ मिक्चीम ताइतक। येसु शीमी केप्शा कांटी थोक्शा क्याइश्शा साइक्चा पुंइसाक्व।
Acts 11:30 in Sunwar 30 मिनु नेल्लेमी दो दोशो चाप्मे, मो मोशो क्येट पोक्शा, यरूसलेममी बाक्ब थमा सुइक्ब आन शेंब खाल्पा आन कली गेचा नमी, दे बारनाबास नु सावल आस कली चोव़थ सोइक्तमे बाक्त। प्रेरित १२:२५; १कोरिन्थी १६:१-४
Acts 14:23 in Sunwar 23 मिनु ते ते थमा सुइक्बपुकी ग्रुम्शा बाक्मा, मेक मेक शेंब खाल्पापुकी वोइक्ना वोइक्न, माइजा बाक्शा, प्रार्थना पना पन, प्रभु कली थमा सुइश्शा, थमा सुइक्ब आन कली प्रभु आ गुइमी जिम्मा गेना गेन गाक्सा बाक्त। प्रेरित ६:६
Acts 15:4 in Sunwar 4 मिनु यरूसलेममी जाक्दीम्मानु, थमा सुइक्बपुकी, ख्रीस्त आ सोइश्शो, थमा सुइक्ब आन शेंब खाल्पा नेल्लेमी मान पा ब्रामे बाक्त। मिनु परमप्रभु यावेमी पपाइश्शो गेय दोपा पामे, मार दुम्मे, मेको लोव़ नेल्ल देंमा बाक्त।
Acts 15:6 in Sunwar 6 मिनु ख्रीस्त आ सोइश्शोपुकी नु थमा सुइक्ब शेंब खाल्पापुकी खुम्सीशा “मेको लोव़ निक्शीमी तेको लोव़ टिशा पचा?” दे लोव़सी पमुमा बाक्त।
Acts 15:22 in Sunwar 22 मिनु याकूब आ लोव़ नेंशा, नेल्ल थुं का दुम्शा, आ देंशो बिस्समा बाक्त। मिनु चिठी ब्रेक्शा, मेको चिठी चोव़थ मुर योव़शा, पावल नु बारनाबास, नु काथा एन्टीओक सोइक्चा, दे सल्ला पामे बाक्त। मेको योव़शो का यहूदा नु का सिलास बाक्सा बाक्त। यहूदा आ याइनी नें बारसाबास बाक्माक्त। यहूदा नु सिलास थमा सुइक्ब आन कली शेंब खाल्पा बाक्सा बाक्त।
Acts 20:17 in Sunwar 17 मिलेटसमी जाक्दीश्शा, पावलमी एफिससमी बाक्ब थमा सुइक्ब आन शेंब खाल्पा आन कली “मिलेटसमी ग्रुम्थ जाक्कीने” दे ब्रथ सोइक्ताक्व।
Acts 20:28 in Sunwar 28 गे आंम कली कोव़ङीने। परमप्रभु यावे आ सोक्तीमी इन कली थमा सुइक्ब आन कली कोव़ब सेल्तु। गे परमप्रभु यावे आ मुर आन कली मुर आन कली कोव़ब रिम्शो गोठला दुमीन। मारदे हना मेकोपुकी आ तौ आ हुशेम ग्याप्शो बाक्नीमी। १तिमोथी ४:१६; १पत्रुस ५:२-४
Acts 21:18 in Sunwar 18 जाक्दीश्शो आ दीसा पावलमी आंइ कली याकूब आ खिं लाइश्शा, थमा सुइक्ब आन कली शेंब खाल्पा नु ग्रुम्पाइक्तु। प्रेरित १५:१३
Romans 8:17 in Sunwar 17 परमप्रभु यावे आ तमी तौ दुम्शा, येसु ख्रीस्त नु काथा बाक्शा, अङस ताइब दुम्तय। मेको अङस तचा ङोंइती येसु ख्रीस्त आ नेंमी श्येत जाइनय। नोले आ राज्य तांइसेनु, येसु ख्रीस्त नु काथा बाक्शा अङस ताइनय। गलाती ४:१७; प्रकाश २१:७
2 Corinthians 5:1 in Sunwar 1 इं रां, रागी ङा ताम्बु खोदेंशो बाक्ब। मेको जाम्शा लाइब बाक्त। मेको जाम्शा लत हना यो, परमप्रभु यावेमी इं कली नक बाक्तीके गेब। मेको खिं गुइम सेल्शो मबाक्ब। मेको गेना हना यो लीब स्वर्ग ङा खिं बाक्ब। २पत्रुस १:१४
2 Corinthians 5:8 in Sunwar 8 गो ठेयब थुं पाइश्शो बाक्नीकी। गो रां रे ङोन दुम्शा, प्रभु नु बाक्चा दाक्नीकी। फिलिप्पी १:२३
Philippians 1:19 in Sunwar 19 इन परमप्रभु यावे कली पुंइतीके नु येसु ख्रीस्त आ सोक्तीम आं कली वारच पतीके गो एको श्येत रे ब्रोंइनुङ, दे तुइक्नुङ। २कोरिन्थी १:११
Philippians 1:21 in Sunwar 21 मारदे हना ब्रोंइङानु, ख्रीस्त कली ब्रोंइनुङ, साइक्तीमी हना यो, ग्रानुङ। गलाती २:२०
Colossians 3:3 in Sunwar 3 मारदे हना गे बेक्तीनी। इन थुं ख्रीस्त नु परमप्रभु यावेमी ख्रुइश्शा वोइश्शो बाक्ब। रोमी ६:२
1 Timothy 5:1 in Sunwar 1 शेंब खाल्पा आन कली महुइक्तो, तन्न आंम आफ कली खोदेंशो पा लोव़ पावो। ठिटा वोंइश मुर आन कली लोक्ब खोदेंशो मिम्तो। लेवी १९:३२; तीतस २:२
1 Timothy 5:19 in Sunwar 19 मुर कामी ग्रुम्तीक ङा शेंब खाल्पा कली दोस गेप्तु हना, सांकछी निक्शी सां मबाक्थु, थमा मसुतो। ब्यवस्था १९:१५; मत्ती १८:१६
2 Timothy 4:8 in Sunwar 8 मुल रे ठीक पतीके ङा सिरपेच गुप्चा दे आं कली वोइश्शो बाक्त। प्रभु ठीक निसाफ पाइब बाक्ब। मेकोमी आं कली आ नाक्तीम सिरपेच गेब। आं कली ला ममाइ, सु सुमी आ जाक्शो दाक्नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१
Titus 1:5 in Sunwar 5 गो इ कली क्रेट टापुमी मारदे वोइक्तन देंशा हना “गे थमा सुइक्ब आन दातेमी ठीक मदुम्शो गेय ठीक पपतो। मिनु सहर सहर ङा ग्रुम्तीकेमी शेंब खाल्पापुकी वोतो” दे इ कली अरेतन। प्रेरित१४:२३
Philemon 1:9 in Sunwar 9 तन्न गे मुर आन कली दाक्शा शिशी पाइनेवे, आं देंशो यो टीनेवे, दे तुइश्शा, अधिकार कोंइचा ममाल्दी। गो ख्रीस्त येसु आ पर्बम जेल्खानम चोक्चा पुंइसीशो खाल्पा पावलमी इ कली इम्चीली लोव़ का माइक्नन।
1 Peter 1:3 in Sunwar 3 इं प्रभु येसु ख्रीस्त आ आफ नेल्ल आसीक पाइश्शो बाक्ब, दे गो मान पय। मेको आ शुश शिशी पतीके नु येसु ख्रीस्त बेक्शो रे सेंसीशोमी इं कली ब्रोंइशा बाक्तीक आस गेशा, नक जरमेशो मुर सेल्तु। कलस्सी १:५
1 Peter 1:7 in Sunwar 7 मारदे श्येत जाइनीनी देंशा हना, इन थमा सुइश्शो थमा कों, जोल कों, दे नाक्चा कली श्येत जाइनीनी। मोपा श्येत जाइतीनी हना, इन थमा सुइक्तीके मीम याप्पाइश्शो सुन क्येङा शुश क्येट लाइब दुम्ब। मिनु येसु ख्रीस्त आ यिची ना ठेयब सेल्तीक, छेङछेङ नु मान पतीक दुम्ब। हितोपदेस १७:३, यसैया ४८:१०
1 Peter 1:12 in Sunwar 12 मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्त। इन कली दोपा शेंदमे बाक्त देंशा हना, परमप्रभु यावेमी आ सोक्त स्वर्ग रे सोइश्शो बाक्त। मेको आ पतीकेमी शेंबपुकीमी इन कली ग्येरपाइक्ब लोव़ शेंताक्म। परमप्रभु यावे आ स्वर्ग ङा गेय पाइबपुकीम यो मेको तचा तुइक्चा दाक्नीम। एफिसी ३:१०
1 Peter 5:4 in Sunwar 4 नेल्ल क्येङा ठेयब गोठला जाक्मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्थी ९:२५; २तिमोथी ४:८
1 John 3:2 in Sunwar 2 आं दाक्शो लोक्बपुकी, मुल गोपुकी परमप्रभु यावे आ आल दुम्तय। नोले गो दोदेंशो दुम्नया, मारेइ मतुइक्नय। मिनु येसु ख्रीस्त ग्रूमेनु, गोपुकी मेको खोदेंशो दुम्नय। दोपा मेको खोदेंशो दुम्नय देंशा हना, गोपुकी मेको कली दोदेंशो बाक्मे, दे तशा, मेको खोदेंशो दुम्नय। रोमी ८:१७; फिलिप्पी ३:२१; कलस्सी ३:४
2 John 1:1 in Sunwar 1 गो येसु ख्रीस्त कली थमा सुइक्ब आन शेंब खाल्पामी आ योव़शो मीश मुर नु आ आल इन कली चिठी ब्रेक्ताक्न्नी। गो इन कली थमा पा दाक्नन्नी। गो ला ममाइ, सु सुम परमप्रभु यावे आ पर्बम थमा शेंतीके तुइक्तमे, मेकोपुकीमी यो इन कली दाक्नीमी। ३यूहन्ना :१
Revelation 1:9 in Sunwar 9 मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।