2 Corinthians 10:4 in Rikbaktsa 4 Tsinaharapesukyrykynahaze katsaktsa mybetesawytsa mybarawy ezektsa byitsa. Deus hi katsaktsa mybetesawy, mybarawy betesawytsaktsa jokbohatsa tu Deus betesawy ka, aba zuba ba zihokyknaha. Ana hi Satanas zikwy atsoko pihokdawy. Kytsa nahapepehakanahatsa metutu nipaparabaiknaha siharere atsoko pihokdawy. Deus zikwy humo mytuktu mynapykyryk, iwaze siharere atsoko pihokdawy.
Other Translations King James Version (KJV) (For the weapons of our warfare are not carnal, but mighty through God to the pulling down of strong holds;)
American Standard Version (ASV) (for the weapons of our warfare are not of the flesh, but mighty before God to the casting down of strongholds),
Bible in Basic English (BBE) (For the arms with which we are fighting are not those of the flesh, but are strong before God for the destruction of high places);
Darby English Bible (DBY) For the arms of our warfare [are] not fleshly, but powerful according to God to [the] overthrow of strongholds;
World English Bible (WEB) for the weapons of our warfare are not of the flesh, but mighty before God to the throwing down of strongholds,
Young's Literal Translation (YLT) for the weapons of our warfare `are' not fleshly, but powerful to God for bringing down of strongholds,
Cross Reference Acts 7:22 in Rikbaktsa 22 Iwatahi Moises zinymyryky. Esito ezektsa hyrinymyrywy anatyhi zinymyryky. Tsihyrinymyrẽta hi. Maku myhyrizikwani niyzik. Iharere humo kytsa ziwabytoktokonaha.
Romans 6:13 in Rikbaktsa 13 Ikiahatsa Deus tyryktsa. Deus zuba ahapehakatsa. Iwatsahi ahasopyksapybyitsa tsimykaranahaze niwazuba pyktaha! Tapara imysapybara ty tsikykaranaha iwaze hi sinini tsikykaranaha. Abaka mekywa tu tsimyzurukunaha, Deus tuk ahawahi tsinapykyryknaha. Iwatsahi Satanas harere bo batu hỹ tsimaha. Mekywa tu tsimaha iwaze tu tyzisapywykynahaktsa! Ikiahatsa tihi: — O Deus myzo ikia zuba tynamypehakakta. Ikia zuba tymytsumuẽhĩkta iwaze azikwy humo wasani tsimyzurukunaha — tsimaha. Iwa Deus pe tsimahaktsa!
Romans 13:12 in Rikbaktsa 12 Hanawa puruze Sesus Kiristu myziksizoze nakyoksohoze kywa. Iwatsahi mysapybara tsikykaranaha mytamoewybaik! Asaktsa mysapybyitsa tu mykaranaha miwa zuba siakparawy. Kytsa sibo batu iktsa zikaha. Sipapatu nikaranaha. Ikiahatsa batu siwatsa tsimahaktsa! Deus mozihikik ana ty hi tsimykaranahaktsa kytsa! Sodadutsa sibotoarẽtsa iwatsahi tahasukyritsitsa weryk tu tahazozikbanaha. Siwatsa katsaktsa Kiristu zikwy mytuk mynapykyryk zeka wasani tsimoziknaha. Ba zikmyizonaha.
1 Corinthians 1:18 in Rikbaktsa 18 Deus harere wasaniha tsiwabynahaze: — Sesus Kiristu iharapatawyhyta humo nihyrikosokda — tsimaha. Asahi Deus humo sispirikporẽtsa: — O wasani. Deus tazikwy humo mymyoktyhyryk, Sesus nihyrikosokda naha humo hi mytsapuhyripyrywy niyzik — tsimaha. Ustsa kytsa asahi Sesus humo batu sispirikpo: — Amy skaraba Sesus nihyrikosokda. Iwa byizeka tisapyrẽna ja — mybarapetu mykaranaha. Asaktsa sinini ykarawy bo maha.
1 Corinthians 2:5 in Rikbaktsa 5 Iwaze Sesus humo ahaspirikporẽtsa. Kaharerebara humo tu ahaspirikporẽtsa, Sesus humo ahaspirikporẽtsa Deus hyrikoso humo tsikspirikpokonaha hỹ —.
1 Corinthians 9:7 in Rikbaktsa 7 Ikiahatsa botu ahahyrinymyrẽtsa sodadutsa mowatsorokonaha zeka sihuak ty nyny nikaranaha. Usa tarabaja nikaranaha humo batu. Aty waratok buruk mysiparik zeka asatyhi tadisahakanaha. Usa tarabaja mykara humo batu. Aty hozipyrykzatsa peryktsa sitsotsiktsa ytsik pikukuru. Usa tarabaja mykara humo batu. Batu aty tohi usa tarabaja mykara, amy ty tarabaja mykara ana humo kino ihuak ty nyny my.
2 Corinthians 3:5 in Rikbaktsa 5 Deus myty tsumuẽhĩ byizeka wasaniha kytsa bo ba ziktsaso. Deus zikwy humo zuba wasania ty tsimytsasokonaha.
2 Corinthians 4:7 in Rikbaktsa 7 Katsaktsa Deus wasania ty tsiktsasoikiknaha. Deus pokzitsihity. Katsa mypunihikbyitsa tu Deus zikwy mytuk mynapykyryk, iwatsahi izikwy humo zuba wasania ty tsimynatsasoikiknaha. Katsaktsa morosuk watsa. Morosuk batu isapy batu ihudi iwatahi myboboro iwatatu amy ty ipokzitsiaty morosuk eze pok pok tsimaha. Deus iwatu nimysukni iwatahi kytsa myharere ty piwabykynahaze: — O asaktsa batu sipunihik iwa motsasokonahaze Deus zikwy humo zuba hỹ — mykaranaha.
2 Corinthians 6:7 in Rikbaktsa 7 Deus harere zuba tsimytsasoziukunaha, Deus zikwy mytuk mynapykyryk. Wasani tsimyzurukunahatsa hi ana humo mybototsa watsa tsimaha. Mybototsa ty papyk papyk tsimaha mymybetesawy naha ziktsa watsa namybetesakanaha. Kytsa Sesus bo hyỹ ahabyitsa tu myhumo natahakyrikinaha. Mysapyrẽtsa tu Deus hyrikoso humo iwaze batu myharerewabymybara batu zikaha.
2 Corinthians 13:3 in Rikbaktsa 3 Utakta Kiristu harere zuba ahabo motsasokoro. Ana hi tsinymyry tsihikiknaha. Atahi ahatukze tsipunihikrẽta niy, atahi zikwy ziwatawy hỹ, ana humo kino ahahyrinymyrẽtsa. Utakta simysapybyitsa humo mysibetsakze ikiahatsa hi: — O anahi Kiristu harere hỹ — tsimykaranaha.
2 Corinthians 13:10 in Rikbaktsa 10 Aba ahabo piwataha, papeu ty kaharaze pohyryktykta. Iwaze ahabo pomoze ba pahabetsakzo. Ahahumo batu kasakani Deus zikwy katuk mynapykyryk iwaze pahatsumuẽhĩ ana hi mozihikik. Deus hyrikoso bo yhỹ tsimaha ana hi mozihikik. Atahi batu zaha my. Uta kino niwatihi. Ba pahabetsakzo iwatahi papeu ahabo ziskyryk. Hawa taeze ahabo pomo. Iwa hỹ.
Ephesians 6:13 in Rikbaktsa 13 Iwatsahi Deus zikwyty tsimyzapykykynaha. Sodadutsa sisuk imiokbyita watsa ikiahatsa hi Deus zikwy tsimyzapykykynaha. Deus zikwy ahatuk mynapykyrykze ahapunihikrẽtsa tsimoziknaha. Ahaspirikporẽtsa tsimoziknaha Deus zikwy humo hyrikoso sapybara harere bo batu hỹ tsimaha.
1 Thessalonians 5:8 in Rikbaktsa 8 Katsa batu. Katsa okoro ezektsa tsipitabakanahaziktsa watsa tsimyzurukunaha, Sesus taperyky. Tsipiperykynaha Sesus humo myspirikporẽtsa iharere bo zuba hyỹ tsimykaranaha iwatsahi Satanas harere bo batu hỹ tsimaha. Mymysapybyitsa tu mahani tsimykaranaha. Deus humo mymypokzitsirẽtsa. Kytsa humo niwatihi mypokzitsirẽtsa. Sesus katsa mymyoktyhyryk ana hi taperyky.
1 Timothy 1:18 in Rikbaktsa 18 Iwaze Timoteo ikia katse wata. Iwatahi pahyrinymyry. Tubabatu Deus sohokotsitsa abo nitsasokonaha, siharere bo hi mytsatyzotykta! Siharere bo mytsatyziu tsimy zeka Sesus humo tarabajaziu tsimykara. Kytsa aharere humo tahamysapybyri pimoewykynaha. Iwahatu ikia sodadu wata ikia hi amy ty isapybara tsipimoewyky. Hawa sodadu sisukyrytsitsa bo niwatsorokonaha ikia isapybara humo batu yhỹ tsimykara.
2 Timothy 2:3 in Rikbaktsa 3 Sesus tuktsa sizubarẽtsa sinini mykaranaha. Ikia sinini tsimykara zeka batu apyby. Ikia sodadu wata tsimozik. Ikia Sesus Kiristu sodadu wata tsimozik. Iharere bo zuba hyỹ tsimykara.
Hebrews 11:30 in Rikbaktsa 30 Aba Isareu tsekokatsa soho bo mytsaty my. Asaktsa Deus harere bo hyỹ ziknakaranaha ihumo sispirikporẽtsa niaha. Sipehatsa Sosue tuk Deus humo sispirikporẽtsa hỹ. Serikoho okpedawy haraharetsa ty iokarawyhyta iwatsahi sisukyrytsitsa ba ziknapupunaha, anahi inakarabaik. Nawa puruze usta tsyhyry humo petok, Serikoho petaba nikarikinahaze atsoko haraharetsa naktsaktsakbaiknaha.
Hebrews 11:32 in Rikbaktsa 32 Aba ustsa kytsa Deus harere bo hyỹ ziknakaranaha ihumo sispirikporẽtsa ahabo batu motsaso, Kideõ, Barak, Sasõ, Sepata, Dawi, Samue, ustsa Deus sohokotsa iwatsa sisoho batu motsaso, sisoho piwataha zeka ba zikpyk.