Ephesians 4:6 in Mbuko 6 Ɗə həran nga ɗukwen anà Mbərom a kərtek a ata awan, winen Bəbay sə ɗo ahay fok. Winen Bahay a pa nga sə ɗo ahay fok. Winen apan i ga mer su way tə ɗo ahay fok, aday winen mə njahay a à ɗo ahay inde fok re.
Other Translations King James Version (KJV) One God and Father of all, who is above all, and through all, and in you all.
American Standard Version (ASV) one God and Father of all, who is over all, and through all, and in all.
Bible in Basic English (BBE) One God and Father of all, who is over all, and through all, and in all.
Darby English Bible (DBY) one God and Father of all, who is over all, and through all, and in us all.
World English Bible (WEB) one God and Father of all, who is over all, and through all, and in us all.
Young's Literal Translation (YLT) one God and Father of all, who `is' over all, and through all, and in you all,
Cross Reference Matthew 6:9 in Mbuko 9 «Kwanay ki gen amboh kəma, gen nə natiya awan: Bəbay a manay, iken à bagəbaga mburom, ɗo ahay tâ san sləmay anak nə cəncan awan.
Matthew 6:13 in Mbuko 13 Ba manay pə way saa njak manay ahay wa ite, anga aday mâ sa zla ì ines inde bay. Dərgwaɗay manay à alay ana Fakalaw a wa. Anga bahay nà, iken. Məgala anak tə mazlaɓ anak nà, inde sə coy. Amen.
John 14:23 in Mbuko 23 Yesu a mbəɗahan apan, a wa: «Kəmaya, ɗowan a kə̀ pəlak nen nà, i ɗəfan apan anà 'am uno ahay. Bəbay uno ɗukwen i pəlay anan, manay a cew maya mi ɗer panan zek bay, aday mi njahay tə winen.
John 17:26 in Mbuko 26 Nə ɗakak atan anan iken, ni pərahan azar sə ɗakan atan anan hwiya, anga aday asan zek anak a sə pəlay nen ata â rahan atan à mivel inde. Natiya kutok, tinen ti təra zek kərtek a ti nen.»
John 20:17 in Mbuko 17 Yesu a jan: «Kə̂ lumo bay, anga na zlak pə cakay anan Bəbay uno fan bay. Əna zla pə cakay ana mərak uno ahay, jan atan nà, nen apan ni zla pə cakay ana Bəbay uno, Bəbay a tinen re, pə cakay ana Mbərom uno, aday Mbərom a tinen cite re.»
Romans 11:36 in Mbuko 36 Sə ndakay anan way ahay fok nə Mbərom. Way ahay fok à alay anahan inde, aday ti ga inde ɗukwen anga winen. Ɗo ahay tə̂ varan mazlaɓ anà Mbərom pa sə viyviya awan! Amen.
1 Corinthians 8:6 in Mbuko 6 Cəkəbay, pə mənuko ite nà, ɗa san zle Mbərom inde nà, kərtek, Bəbay a mənuko, winen sə ndakay way ahay fok pə daliyugo. Ɗə njahay tə sifa ɗukwen, anga sə həran nga anà winen awan. Bahay a mənuko inde kərtek ɗukwen, winen Yesu Almasihu, way ahay fok mə ndakay a nà, tə alay anahan. Aday sə varak uko sifa sa ndav bay ata nà, winen a re.
1 Corinthians 12:6 in Mbuko 6 Matana re, cəveɗ sa ga mer su way aya inde cara cara, əna sa ga mer su way ataya fok, aday à tinen inde fok nà, Mbərom a kərtektəkke.
2 Corinthians 6:16 in Mbuko 16 Way sə pəra ahay ti njaɗ man ù doh sə mazlaɓ a Mbərom kələɗaw? Mivel a mənuko aday nà, doh sə mazlaɓ a Mbərom, winen bahay sə sifa. Bina Mbərom a ja: «Ni njahay tə tinen, ni ga inde à wulen a tinen. Ni təran atan Mbərom a tinen, aday ti təra ɗo uno ahay.»
Galatians 3:26 in Mbuko 26 Matanan, kwanay a fok kə təren wan a Mbərom ahay, anga kə ɗəfen nga pə Yesu Almasihu,
Galatians 4:3 in Mbuko 3 Mənuko ɗukwen matanan re. À alay ata, mənuko kawa gwaslay ahay, aday ɗə tərak ahay ɓile sə way lelibay aya sa ga bahay pə daliyugo ataya re.
Ephesians 1:21 in Mbuko 21 À man ata kutok, Yesu a lavan nga anà maslay a Mbərom ahay fok, tə bahay a tinen aya təke fok, tatə məgala sə way ahay fok, tə mazlaɓ a tinen aya təke fok re. Sləmay anahan a ndar à man ata nà, zal sləmay ahay fok, kwa həna, kwa pə uho sa nay ata ɗukwen, sləmay saa zalay anahan nà, ibay re.
Ephesians 2:22 in Mbuko 22 Kwanay nà, mə japay aya tə winen. Anga nan, kwanay nà, kon a mə baslay aya ì zleɗ su doh ata inde, aday Apasay a Mbərom i njahay ù doh ata inde kutok.
Ephesians 3:17 in Mbuko 17 Na gan amboh ɗukwen, aday Yesu Almasihu â njahay à mivel a kwanay inde sə coy anga kə ɗəfen apan nga. Na gan amboh asa nà, anga aday kə̂ sənen zek ahay à asan zek a Mbərom inde. Ki gen matanan nà, ki təren ɗo məgala aya awan, kawa dədazl sə way ma ha sləlay a lele ata awan, aday kawa doh ma pak saray a lele ata re.
Ephesians 6:23 in Mbuko 23 Atə Bəbay Mbərom tə Yesu Almasihu Bahay a mənuko, tə̂ varan anà mərak ahay nə zay, asan zek, tə məgala sə aɗaf nga a tinen pə Yesu.
1 John 3:1 in Mbuko 1 Cen apan aday, Mbərom a pəlay mənuko tə mindel hus a sə ngamak uko wan anahan ahay. Anga nan, mənuko wan anahan ahay tə ɗiɗek a acəkan! Ɗo sə daliyugo ahay ta san mənuko bay. Ta san Bəbay Mbərom bay, aday ta mba apan sa san mənuko wan anahan ahay bay re.
1 John 3:24 in Mbuko 24 Aday ɗowan a kə̀ ɗəfak anan apan anà 'am a Mbərom ma ja ataya nà, winen kə̀ japak tə Mbərom, aday Mbərom kə̀ japak tə winen kutok re. Aday ɗi san Mbərom kə̀ japak tə mənuko nà, anga Apasay anahan a sə varak uko ata awan.
1 John 4:12 in Mbuko 12 Mbərom a nà, kula ɗowan kə̀ canak anan bay. Əna kak ɗə pəlak zek ahay nà, wita a ɗakay anan nə Mbərom winen inde à mivel a mənuko ahay inde. Ata, asan zek ana Mbərom a à mivel a mənuko inde ata, kà gak mer su way kawa sa zlan à nga anà Mbərom awan.
Revelation 4:8 in Mbuko 8 Awan ataya fok aday nà, bərgaslay ahay inde patan nə mbərka mbərka. Zek a tinen aya ɗukwen cərkəzlkazl iɗe a ɗəkɗek, pə day sə bərgaslay ahay fok re. Awan ataya tinen apan ti ga ara mənjəna sə mbəsak, luvon tə ipec fok. Ta wa: «Cəncan a nà, Mbərom a taayak! Cəncan a nà, Mbərom a taayak! Iken Mbərom, kə zalay way ahay fok, iken a pa nga awan. Iken inde kwa həna kabay, iken inde həna, aday azana pa 'am ɗukwen, iken a re.»