Romans 15:19 in Limbu 19 कन् याःम्बक्किन् सेसेमाङ्ङिल्ले़ कुमुक्साम्लाम् मिक्सेःन्हाॽ नु निङ्वाॽ के़माबा याःम्बक् चोगुङ्ङाङ् वाॽआरो॥ अक्खेलॽरिक् इङ्गाॽ यरुसले़मलाम् इल्लिरिकुम ते़ङ्गप् थारिक् ख्रिस्तरे़ काक्कुसुनाइङ्ङिन् इङ्भोःसुङ् सुरुङ्ङाङ् वाॽआरो॥
Other Translations King James Version (KJV) Through mighty signs and wonders, by the power of the Spirit of God; so that from Jerusalem, and round about unto Illyricum, I have fully preached the gospel of Christ.
American Standard Version (ASV) in the power of signs and wonders, in the power of the Holy Spirit; so that from Jerusalem, and round about even unto Illyricum, I have fully preached the gospel of Christ;
Bible in Basic English (BBE) By signs and wonders, in the power of the Holy Spirit; so that from Jerusalem and round about as far as Illyricum I have given all the good news of Christ;
Darby English Bible (DBY) in [the] power of signs and wonders, in [the] power of [the] Spirit of God; so that I, from Jerusalem, and in a circuit round to Illyricum, have fully preached the glad tidings of the Christ;
World English Bible (WEB) in the power of signs and wonders, in the power of God's Spirit; so that from Jerusalem, and around as far as to Illyricum, I have fully preached the Gospel of Christ;
Young's Literal Translation (YLT) in power of signs and wonders, in power of the Spirit of God; so that I, from Jerusalem, and in a circle as far as Illyricum, have fully preached the good news of the Christ;
Cross Reference Matthew 12:28 in Limbu 28 कर इङ्गाॽ निङ्वाॽफुमाङ्ङिल्ले़ कुसेसेमाङ्लाम् फे़न्साम्हाॽ नाःत्तुङ् लःत्तुङ्सिङ्लो, खे़ल्ले़ चोगुल्ले़ निङ्वाॽफुहाङ्जुम्मिन् खिनिॽ लुम्मो त्ये़ चुरे़आङ् वाॽ फाॽआङ् कुसिङ् निःत्ते़म्मे़ॽओ॥”
John 4:48 in Limbu 48 ये़सुरे़ खे़न् सुहाङ्युक्पे़न्मे़त्तु, “खिनिॽ मिक्सेःन् नु निङ्वाॽ के़माबा याःम्बक्हाॽ मे़न्निए थारिक् आप्फाल्ले़आङ् नसाःन् के़न्जोगुम्मिन्लो॥”
Acts 1:8 in Limbu 8 कर खिनिॽ थे़मा निङ्वाॽ खोःमा पोःङ् फाॽले़ सेसेमाङ्ङिन् खिनिॽओ ताःल्ले़ मुक्साम् के़घोःसुम्माङ् खिनिॽ यरुसले़म्मो, यहुदिया नु सामरिया थुम्मो हे़क्क्याङ् काक् इक्सादिङ् खाम्बेःक्मो खाराक् इङ्गाॽ आदोःन्दि के़बोःक्खिॽरो॥”
Acts 9:28 in Limbu 28 हे़क्क्याङ् सावले़न् खे़ङ्हाॽनु सोरिक् वाॽमा हेःक्ते़आङ् यरुसले़म खाराक् दाङ्बाल्ले़ कुमिङ्ङो मे़ङ्गिए इङ्भन् चोगुरो॥
Acts 13:4 in Limbu 4 बरनाबास नु सावले़न्सेसेमाङ्ङिल्ले़ पाङ्घुसिआङ् सिलुकिया ये़क्यक्को पेसि॥ खे़प्मोनु वालाधालाम् सैप्रस वागप्लाजेॽओ पेसिरो॥
Acts 13:14 in Limbu 14 पावल नु बरनाबासे़न् पर्गालाम् पिसिदिया थुम्मोबा एन्तिओक ये़क्यक्को पेसि॥ हे़क्क्याङ् नाःम्सिङ्ये़न्नो यहुदि चुम्लुङ्हिम्मो खे़ङ्हाॽ पेसिआङ् युङ्ने़छिरो॥
Acts 13:51 in Limbu 51 हे़क्केःल्ले़ निङ्वाॽफुमाङ्ङिल्ले़ नाॽरुसिबान् ओसेःन्धाक्मासि फाॽआङ् सेःक्युक्मिबाहाॽरे़आङ् खुनिॽ लाङ्भोओबा खाम् हिःक्किन् खे़ङ्हाॽरे़ मे़धाप्सु मे़धःआङ् आइकोनियम ये़क्यक् ले़प्माङ् मे़धासिङ्लो॥
Acts 14:6 in Limbu 6 कर कन् चे़म्फन्निन् सेःक्युक्मिबाहाॽरे़ निङ्वाॽ मे़घोःसुआङ् खे़प्मोनु लुकोनिया थुम्मोबा लुस्त्रा नु दर्बि मे़प्मनाबा ये़क्यक्हाॽ नु खे़न् खिरिबा ते़न्नो मे़घे़त्छिङ् मे़बेआङ्
Acts 14:10 in Limbu 10 यम्बा इक्लाओ अक्खे मे़त्तु, “खे़ने़ॽ ये़बे़ॽ!” खे़न् मनाःन्नाङ् मुत्थ्रिक् पोगे़आङ् लाङ्घेःक्मा हेःक्ते़रो॥
Acts 14:20 in Limbu 20 कर नसानिबाहाॽ मे़जुप्से़आङ् कुघिरि मे़ये़म्सिङ्ङाङ् मे़ये़बे़ल्ले़ खे़न् ये़म्मो निङ्वाॽ मये़र पावले़न् मुत्थ्रिक् पोगे़आङ् याङ्ना ये़क्यक्को पेरो॥ हे़क्क्याङ् कुदाःन्दिक् बरनाबासे़न्नु दर्बिओ पेसे़त्छिरो॥
Acts 14:25 in Limbu 25 खे़ङ्हाॽरे़ याम्मो पर्गाओ इङ्भन् चोगे़त्छु, हे़क्क्याङ् अतालिया ये़क्यक्को पेसिरो॥
Acts 15:12 in Limbu 12 बरनाबास नु पावलरे़ खुन्छिॽलाम् थिम्मे़न्दङ् सुवाङ्लुम्मो निङ्वाॽफुमाङ्ङिल्ले़ चोगुबा मिक्सेःन् नु निङ्वाॽ के़माबा याःम्बक्हाॽ चे़क्खे़छुल्ले़ ये़जुम्भोबा काक् मनाहाॽ स्वाःत्ताङ् मे़घे़प्सुर मे़युङे़रो॥
Acts 16:6 in Limbu 6 पावल नु कुन्देःङ्हाॽ फ्रिगिया नु गलातियास्मा थुम्मो लाम्दिःक् मे़जोगे़, थेआङ्भे़ल्ले़ सेसेमाङ्ङिल्ले़ खे़न् ये़म्मो खे़ङ्हाॽ एसियास्मा ते़ङ्गप्पो सुनाइङ् से़ःमा साक्तुसिआङ् वये़रो॥
Acts 16:18 in Limbu 18 खे़ल्ले़ यरिक् ये़न् थारिक् हे़क्के चोगुर ने़स्से़॥ हे़क्क्याङ् पावले़न् कुनिङ्घे़न्दुबाल्ले़ चोगुल्ले़ हिसिङ्ङाङ् खे़न् योःक्माओ के़याक्पा फे़न्साम्मिन् अक्खे मे़त्तुर फे़ःक्तुरो, “ये़सु ख्रिस्तरे़ कुमुक्साम्मिल्ले़ खे़न् मे़न्छुमाॽओलाम् लःन्दे़ पेगे़ॽ फाॽआङ् इङ्जाःङ् पिने़॥” खिमो खे़न् फे़न्साम्मिन्नाङ् खे़न् मे़न्छुमाॽइन् पक्थःआङ् पेरो॥
Acts 17:10 in Limbu 10 हे़क्क्याङ् से़न्दिक् पोःक्खे़आङ् खिमो नसानिबा फुॽनुसाॽहाॽरे़ पावल नु सिलासे़न् बेरिया पाङ्जुम् ले़प्माङ् मे़बाङ्घु मे़देःसुसि॥ खे़प्मो के़रे़त्छिआङ् यहुदि चुम्लुङ्हिम्मो पेसिरो॥
Acts 17:15 in Limbu 15 पावले़न् के़साबा मनाहाॽ खुने़ॽनुए ए़थे़न्स ये़क्यक् थारिक् मे़बे॥ हे़क्क्याङ् खे़ङ्हाॽ याम्मो याङ्ना बेरियाओ मे़नुःक्खे़ मे़द्ये़आङ् पावलरे़ पाःत्तुबा कुइसिःक् सिलास नु तिमोथिःन् हाराए के़बित्छिआङ् खुने़ॽ के़दुम्सुमुरो फाॽआङ् खे़ङ्हाॽ मे़मे़त्तुसिरो॥
Acts 18:1 in Limbu 1 खे़न् एगाङ् पावले़न्ए़थे़न्सलाम् कोरन्थि ये़क्यक्को पे॥
Acts 18:19 in Limbu 19 खे़ङ्हाॽ एफिससओ मे़गे़रे़आङ् पावलरे़ प्रिस्किला नु अक्विलाःन् खे़प्मो पक्थसि॥ कर खे़प्मो वये़ल्ले़ खुने़ॽ यहुदि चुम्लुङ्हिम्मो पेआङ् यहुदिहाॽनु पाःन्थक्ते़रो॥
Acts 19:1 in Limbu 1 अप्पोलोसे़न् कोरन्थि ये़क्यक्को वये़ल्ले़ पावले़न् एसिया ते़ङ्गप् सिगाङ् लाम्दिःक् चोगे़र एफिसस ये़क्यक्को के़रे़ त्ये़रो॥ खे़प्मो कुभा नसानिबाहाॽ तुमुसिआङ्
Acts 19:11 in Limbu 11 निङ्वाॽफुमाङ्ङिल्ले़ पावललाम् निङ्वाॽ के़माबा याःम्बक्हाॽ चोगुरो॥
Acts 20:1 in Limbu 1 हे़क्क्याङ् खे़न् हयङ्किल्लिङ् लॽमे़न् चिजिखक्खक् पोःक्खे़आङ् पावलरे़ एफिसस्मा नसानिबा फुॽनुसाॽहाॽ उःत्तुसिआङ् आःन्छिङ्मा पिरुसि॥ हे़क्क्याङ् खे़ङ्हाॽनु से़म्मुॽइ चोगुआङ् खुने़ॽ खे़प्मोलाम् मे़सेदोनियाओ पेरो॥
Acts 20:6 in Limbu 6 आनिगे़ सिदाॽ मे़म्भःन्नेबा खरे़ःङ् चामा तङ्नाम्कुएगाङ् वालाम्दिःक्को फिलिप्पिलाम् थासिङ्मनाआङ् ङासि ये़न् एगाङ् वेॽ फुॽनुसाॽहाॽ त्रोआसओ तुम्नासि हे़क्क्याङ् खे़प्मो नुसि (७) ये़न् सोरिक् वाॽमनारो॥
Acts 20:20 in Limbu 20 हे़क्क्याङ् खिनिॽ निःमा थाःमा के़बोःङ्बा काक् पाःन्हाॽ मे़त्निङ्ङाङ् वयाङ् हे़क्क्याङ् मनालुम्मो इङ्भन् चोःक्मा नु खिनिॽ हिम्हिम् ताक्कम्मार निसाम् हुॽमा इङ्गाॽ चक्मे़ल्लॽए चोगुङ्ङाङ् वयाङ्बाङ्ग खिनिॽ के़निःसुम्माङ्ङे के़वयिॽरो॥
Acts 22:17 in Limbu 17 हे़क्क्याङ् इङ्गाॽ यरुसले़म्मो याम्मो नुःक्खाङ् पेगाङ्ङाङ् माङ्हिम्मो तुवा चोःक्कि युङाङ्ङिल्ले़ इङ्गाॽ सुफो निःसुङ्लो॥
Romans 1:14 in Limbu 14 थेआङ्भे़ल्ले़ इङ्गाॽग खासाम्बाहाॽ नु खासाम् मे़ःम्बाहाॽ, हे़क्क्याङ् सिक्कुम्साबाहाॽ नु सधःक्पाहाॽ, के़रे़क्ले़ लागि सुनाइङ् इङ्भोःमाए पोःङ्लो॥
Romans 15:24 in Limbu 24 इङ्गाॽ इस्पे़न लाजेॽ पेःक्काल्ले़ खिनिॽ तुम्से़ रोम ये़क्यक्को लःम्मा ताःमा आनिङ्वाॽ वाॽ, हे़क्क्याङ् खिनिॽनु कुभा ये़न् सःत्तार वाॽआआङ् पेःक्काइल्ले़ याम्मो आलाम्दिःक्को कुभाॽ याप्मि के़बिरिॽ के़लॽबा निङ्वाॽ चोगुङ्ङाङ् वाॽआरो॥
1 Corinthians 12:4 in Limbu 4 आल्ल यरिक् परिक्पा याम्साम्गे़न् पर्धाःम्हाॽ मे़वाॽ, कर पर्धाःम् के़बिबा सेसेमाङ्ङिन् लत्थिक्लक् वाॽरो॥
2 Corinthians 12:12 in Limbu 12 से़क्खाःल्ले़ खिनिॽ लुम्मो नासि थःत्तुङ्ल मिक्सेःन्हाॽ नु निङ्वाॽ के़माबा याःम्बक्हाॽ चोगुङ्लो॥ बा कन् पाःन्हाॽरे़ सेःक्युक्मिबाआ फाॽआङ् ओसेःन्दाङ् चोगुॽरो॥
Galatians 3:5 in Limbu 5 खिनिॽ साम्योथिम्मिन् के़इःत्तुम् के़नाःत्तुम्माङ् मे़ःन्, कर के़घे़प्सुम्बा सुनाइङ्ङिन् नसाःन् के़जोगुम्बाल्ले़ए निङ्वाॽफुमाङ्ङिल्ले़ खिनिॽ सेसेमाङ्ङिन् के़बिरि हे़क्क्याङ् खिनिॽ लुम्मो निङ्वाॽ के़माबा याःम्बक् चोगुबारो॥
Colossians 1:25 in Limbu 25 इङ्गाॽ सेसेहुप्लक्ले़न् सेवारोबा पोःक्खाङ्लो, थेआङ्भे़ल्ले़ निङ्वाॽफु पाःन्जाक्किन् काक् कुधिम्मो खिनिॽओ इङ्भोःसे़ निङ्वाॽफुमाङ्ङिल्ले़ इङ्गाॽ सेःक्युक् चोगाङ्ङाङ् वाॽआरो
2 Timothy 4:17 in Limbu 17 कर दाङ्बान् इङ्गाॽनु वये़आङ् थिम्मे़न्दङ् सुवाङ्हाॽरे़ सुनाइङ् खे़म्मा मे़घोःसुनि फाॽआङ् सुनाइङ् इङ्भोःमा के़सुक्पा पोःङ्मा थुम् पिराङ्लो॥ दाङ्बाल्ले़ग इङ्गाॽ थे़रिङ्बाल्ले़ कुमुराओलाम्माङ् से़ःप्ताङ्लो॥
Hebrews 2:4 in Limbu 4 निङ्वाॽफुमाङ्ङिल्ले़आङ् खुने़ॽ चोगुबा मिक्सेःन्हाॽ नु निङ्वाॽ के़माबा याःम्बक्हाॽलाम्बा हे़क्क्याङ् आबाङे कुनिङ्वाॽ कुइसिःक् नसानिबाहाॽ हाःत्तुसिबा सेसेमाङ्ङिल्ले़न् पर्धाःम्हाॽलाम्बा कन् पाःन्निन् निःन्धो चोगुरो॥
1 Peter 1:12 in Limbu 12 खुनिॽ माङ्सेवाःन् आबाङे खे़ङ्हाॽरे़ लागि मे़ःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोःसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥