Romans 12:12 in Limbu

12 खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

Other Translations

King James Version (KJV)

Rejoicing in hope; patient in tribulation; continuing instant in prayer;

American Standard Version (ASV)

rejoicing in hope; patient in tribulation; continuing stedfastly in prayer;

Bible in Basic English (BBE)

Being glad in hope, quiet in trouble, at all times given to prayer,

Darby English Bible (DBY)

As regards hope, rejoicing: as regards tribulation, enduring: as regards prayer, persevering:

World English Bible (WEB)

rejoicing in hope; enduring in troubles; continuing steadfastly in prayer;

Young's Literal Translation (YLT)

in the hope rejoicing; in the tribulation enduring; in the prayer persevering;

Cross Reference

Matthew 5:12 in Limbu

12 खे़न् ये़म्‍मो पसःत् सःत्ते़म्‍मे़ॽओ, थेआङ्‌भे़ल्‍ले़ साङ्‌ग्राम्‍पेदाङ्‌ङो खिनिॽ थुम्‍घोःन् यम्‍बा चोःक्‍लो॥ उन्‍छेःन्‍स्‍मा माङ्‌निङ्‌वाॽपाःन् के़बाःप्‍पाहाॽआङ् मनाहाॽरे़ बा हे़क्‍केए मे़मे़त्तुसिरो॥

Luke 8:15 in Limbu

15 कर नुःबा खाम्‍मो मक्‍के़धाःबा याॽरिःम्‍बाहाॽग नुःबा नु सेसे निङ्‌वाॽ के़गप्‍पा मनाहाॽ कुइसिःक् मे़जोःक्‌॥ खे़ङ्‌हाॽरे़ पाःन्‍जाक्‍किन् मे़घे़प्‍सुर निङ्‌वाॽओ मे़युक्‍खु हे़क्‍क्‍याङ् नासि मे़धःत्तुआङ् कुजाॽ मे़भत्‍छुरो॥”

Luke 10:20 in Limbu

20 हे़क्‍केसाङ् फे़न्‍साम्‍हाॽ खिनिॽ युक्‍को मे़वाॽ फाॽआङ् मे़ःन्, कर साङ्‌ग्राम्‍पेदाङ्‌ङो खिनिॽ मिङ् साप्‍ते़आङ् पप्‍पाल्‍ले़ चोगुल्‍ले़ सःत्ते़म्‍मे़ॽओ॥”

Luke 11:5 in Limbu

5 हे़क्‍क्‍याङ् ये़सुरे़ खे़ङ्‌हाॽ याम्‍मो मे़त्तुसि, “आल्‍ल खे़ने़ॽ थिक् से़न्‍दिक् से़त्‍लुम्‍भक्‍किल्‍ले़ तेःङ्‌बाल्‍लो के़बेःक्‍काङ् अक्‍खे के़मे़त्तु, ‘तेःङ्‌बे इङ्‌गाॽ सुम्‍सि खरे़ःङ्‌धिक् थे़ॽला पिराङ्‌ङे़ॽओ॥

Luke 18:1 in Limbu

1 हे़क्‍क्‍याङ् ये़सुरे़ कुहुॽसाम्‍बाहाॽ चक्‍मे़ल्‍लॽए तुवा चोःक्‍मा पोःङ्, आप्‍फाल्‍ले़आङ् निङ्‌वाॽ सोःम्‍मा मे़नुॽने़न् लॽरिक् हुॽमासि फाॽआङ् लत्‍छा खे़दाॽ मे़त्तुसि॥

Luke 21:19 in Limbu

19 खिनिॽ कन् के़रे़क् पाःन्‍हाॽ के़धरुम्‍मिल्‍ले़ए खिनिॽ हिङ्‌मन्‍निन्‌ताङ्‌लो॥”

Acts 1:14 in Limbu

14 खे़ङ्‌हाॽ काक् सोरिक् मे़बोःक्‍खे़र चक्‍मे़ल्‍लॽए तुवा चोःक्‍कि मे़यागे़॥ खे़ङ्‌हाॽओ ये़सुरे़ कुम्‍मा मरियम नु वेॽ मे़न्‍छुमाहाॽ हे़क्‍क्‍याङ् ये़सुरे़ कुन्‍साॽसिआङ् मे़वये़रो॥

Acts 2:42 in Limbu

42 हे़क्‍क्‍याङ् खे़ङ्‌हाॽ सेःक्‌युक्‍मिबाहाॽरे़ खुनिॽ निसाम्‍मिन् नु सेसे तङ्‌जुम्‍मो, हे़क्‍क्‍याङ् तुवा चोःक्‍मा नु मिःम् साभाङ्‌जा चामाओ चक्मे़ल्‍लॽए मे़बत्‍छे़रो॥

Acts 6:4 in Limbu

4 चक्‍मे़ल्‍लॽए तुवा चोःक्‍मा नु निङ्‌वाॽफु पाःन्‍जाक्‍किन् इङ्‌भन् चोःक्‍माओ नु हुॽमाओ ये़म् पिरुम्‍बे़ॽरो॥”

Acts 12:5 in Limbu

5 हे़क्‍केलॽरिक् पत्रुसे़न् पुङ्‌लाहिम्‍मो मे़साक्‍तुआङ् वये़ल्‍ले़ सेसेहुप्‍लक्‍कोबा मनाहाॽरे़ खुने़ॽ कुलागि चक्‍मे़ल्‍लॽए पेलिगे़न् तुवा चोःक्‍कि मे़यागे़रो॥

Romans 2:7 in Limbu

7 कुभा मनाहाॽरे़ चक्‍मे़ल्‍लॽए नुःबा याःम्‍बक् मे़जोगुर निङ्‌वाॽफुमाङ्‌लाम् मिमिदिङ्, मिङ्‌सो इङ्‌धाःङ् नु आजुनि हिङ्‌मन् मे़गोःत्तुर मे़वाॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ मे़न्‍नुप्‍मनाबा हिङ्‌मन् पिरुसिॽरो॥

Romans 5:2 in Limbu

2 आनिॽ नसाःन् आजोगुम्‍बाल्‍ले़ ये़सु ख्रिस्‍तरे़ कन् लुङ्‌गुम्‍मो आदाःरे़आङ् वाॽ॥ आल्‍लो हाबा खे़न् लुङ्‌गुम्‍मोए आवाॽ, हे़क्‍क्‍याङ् निङ्‌वाॽफुमाङ्‌ङिल्‍ले़ कुमिमिदिङ्‌ङिन् खोःमा लक् आघोःसुम्‍मेरो फाॽआङ् आसःत्‍लो॥

Romans 8:25 in Limbu

25 कर आनिॽ आल्‍ल थारिक् मे़ङ्‌घोए आवाॽबा पाःन्‍निन् निङ्‌साङ् आजोगुम्‍मिल्‍ले़ खे़न् खोःमा फाॽआङ् नासि आधःत्तुम्‍माङ् आहाङ्‌घुम्‍लो॥

Romans 15:4 in Limbu

4 पे ये़म्‍मो साम्‌योसाप्‍लाओ साप्‍ते़बा काक् पाःन्‍हाॽरे़ आनिॽ निसाम् आहुॽर फाॽआङ् साप्‍ते़बारो॥ हे़क्‍केलॽरिक्‍के नासि आधःत्तुम्‍मिल्‍ले़ हे़क्‍क्‍याङ् साम्‌योसाप्‍लालाम् आनिॽ हाङ्‌हाङ् आलॽइल्‍ले़ निङ्‌वाॽफुमाङ्‌ङिल्‍ले़ आबिरे़बा माङ्‌हे़क्‍हाॽ के़त् फाॽआङ् निस्‍सेए निङ्‌साङ् आजोगुम्‍लो॥

Romans 15:13 in Limbu

13 खिनिॽ नसाःन्‍निल्‍ले़ चोगुल्‍ले़ निङ्‌साङ् के़बिबा निङ्‌वाॽफुमाङ्‌ङिल्‍ले़ साॽरिक् के़सःप्‍पा के़जोगिर हे़क्‍क्‍याङ् सनारुङ् के़बिरिर फाॽआङ् तुवा चोःक्‍का, हे़क्‍केलॽरिक् सेसेमाङ्‌ङिल्‍ले़ कुमुक्‍साम्‍लाम् यरिक् निङ्‌साङ् के़गप्‍पा के़जोगिररो॥

1 Corinthians 13:13 in Limbu

13 आल्‍ल नसाःन्, निङ्‌साङ् हे़क्‍क्‍याङ् मिःम्‍जि कन् सुम्‍सि पाःन्‍हाॽरक् वाॽ याःक्‍लो॥ कर खे़ङ्‌हाॽओग मिःम्‍जिन् काक्‍नुःल्‍ले़ यम्‍बारो॥

2 Corinthians 12:8 in Limbu

8 कन् इङ्‌गाॽओनु खे़त्ताङ् पिराङ्‌ङे़ॽ फाॽआङ् सुम्‍ले़ङ् थारिक् दाङ्‌बान् पेलि फाक्‍तुङ्॥

Ephesians 6:18 in Limbu

18 के़रे़क् ये़म्‍हाॽओ के़रे़क् परिक्‍ले़न् तुवा नु ये़क्‍पेलिहाॽ सेसेमाङ्‌ङिल्‍ले़ लाम्‍गे़लोःसिबा कुइसिःक् तुवा चोगे़म्‍मे़ॽ॥ कन् पाःन्‍निन् निङ्‌वाॽ इःत्ते़म्‍मे़ॽर सिङ्‌सिङ् ये़क्‌ये़क्‍काङ्‌निङ्‌वाॽफुमाङ्‌ङिल्‍ले़ सेसे कुमनाहाॽरे़ लागि तुवा चोःक्‍मा पिमासि मे़ले़रे़म्‍मिन्‍ने़ॽओ॥

Philippians 3:1 in Limbu

1 आल्‍ल कुनुप्‍मो, आमिःम् फुॽनुसाॽ नु ने़ॽनुसाॽसे, दाङ्‌बाओ सःत्ते़म्‍मे़ॽओ॥ याम्‍मो बा अक्‍खेलॽरिक् लत्‍छा पाःन्‍निन् साप्‍मार ने़माग आलागि थेआङ् तुक्‍खे मे़बोःङ्‌ने़न्, हे़क्‍क्‍याङ् कल्‍ले़ग खिनिॽ नसाःन्‍निन् ताङ्‌से़ःप्‍लो॥

Philippians 4:4 in Limbu

4 दाङ्‌बान्‍नु खिनिॽ थिक्‍हुप् के़वयिबाल्‍ले़ चोगुल्‍ले़ सदादिङ् सःत्ते़म्‍मे़ॽओ॥ याम्‍मोआङ्‌मे़त्‍निङ्–सःत्ते़म्‍मे़ॽओ!

Philippians 4:6 in Limbu

6 आत्तिन् पाःन्‍नोआङ् निङ्‌साम्‍मो मे़ध्‍ये़म्‍मिन्‍ने़ॽओ, कर के़रे़क् पाःन्‍हाॽरे़ लागि निङ्‌वाॽफुमाङ्‌ङिन् नोगे़न् पिरे़म्‍मे़ॽर तुवा नु ये़क्‍पेलिलाम्‍बा निङ्‌वाॽफुमाङ्‌ङो खिनिॽ पेलिहाॽ तोःन्‍दे़म्‍मे़ॽओ॥

Colossians 1:11 in Limbu

11 खुने़ॽ कुमिमिदिङ्‌गे़न् कुमुक्‍साम्‍लाम्‍बा खिनिॽ के़धुम्‍बा के़बोःक्‍खिर फाॽआङ् आनिगे़ तुवा चोगुम्‍बे़, हे़क्‍केलॽरिक् खिनिॽ चाहाबा के़जोगिबा काक् निङ्‌वाॽ हाङ्‌गे़म्‍सिङ्‌मान् नु नासि थःप्‍मान् के़घोःसुम्‍लरो॥ हे़क्‍क्‍याङ् सःप्‍मे़ल्‍ले़ कुधिम् के़बोःक्‍खिररो,

Colossians 1:27 in Limbu

27 निङ्‌वाॽफुमाङ्‌ङिल्‍ले़ कुमनाहाॽ कुमिमिदिङ्‌गे़न् इमे़ल्‍लुङ्‌बा सिबिॽ पाःन्‍निन् थिम्‍मे़न्‍दङ् सुवाङ्‌हाॽ ओसेःन्‍दाङ् चोःक्‍मा खुने़ॽ कुसिराॽ थाङे़आङ् वाॽरो॥ ख्रिस्‍ते़न्‌खिनिॽओ वाॽबान्‍ने सिबिॽ पाःन्‍लो, खे़ल्‍ले़ चोगुल्‍ले़ के़दाःबा कुमिमिदिङ्‌गे़न् लक्‍किन् खिनिॽ के़घोःसुम्‍लो॥

Colossians 4:2 in Limbu

2 चक्‍मे़ल्‍लॽए निङ्‌वाॽफुमाङ्‌ङिन् नोगे़न् पिरे़म्‍मे़ॽर सिङ्‌सिङ् ये़क्‌ये़क्‍काङ् तुवा चोगे़म्‍मे़ॽओ॥

Colossians 4:12 in Limbu

12 खिनिॽनुएबा थिक्‍पा ख्रिस्‍त ये़सुरे़ कुसेवारोबा इपाफ्रासरे़ खिनिॽ सेवा के़हाक्‍तिरो॥ खुने़ॽग खिनिॽलागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌धो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

1 Thessalonians 1:3 in Limbu

3 आनिॽ पानुदिङ् पाः निङ्‌वाॽफुमाङ्‌ङिल्‍ले़ कुनिःमाओ नसाःन्‍लाम्‍बा के़जोगुम्‍बा खिनिॽ याःम्‍बक्‍किन्, वेॽहाॽ लुङ्‌माॽ के़दुक्‍तुम्‍सिम्‍माङ्‌स्‍याङ्‌मे़न्‍दाङ्‌के़जोगुम्‍बान्‌हे़क्‍क्‍याङ् आनिॽ दाङ्‌बा ये़सु ख्रिस्‍तरे़ याम्‍मो कुनुःङ्‌मा युःमा निङ्‌साङ्‌लाम् के़दाःबा निङ्‌वाॽ हाङ्‌गे़म्‍सिङ्‌मान् आनिगे़ चक्‍मे़ल्‍लॽए निङ्‌वाॽ इःत्तुम्‍बे़रो॥

1 Thessalonians 5:8 in Limbu

8 कर आनिॽग ले़न्‍दिक्‍ले़ कुमना आबोःक्‍खे़बाल्‍ले़ चोगुल्‍ले़ निङ्‌वाॽ थःरुम्‍माङ् साङ्‌बे से़ःप्‍चाङ् कुइसिःक् नसाःन् नु मिःम्‍जिन् चाक्‍खुम्, हे़क्‍क्‍याङ् से़क्‍खाए से़न्‍लप् आघोःसुम् के़लॽबा निङ्‌साङ्‌ङिन् ताङ्‌खुःक् कुइसिःक् खुःक्‍खुम्,

1 Thessalonians 5:16 in Limbu

16 सदादिङ् ओमु लॽरे़म्‍मे़ॽ,

2 Thessalonians 1:4 in Limbu

4 खे़ल्‍ले़ चोगुल्‍ले़ खिनिॽ याःम्‍बेओ निङ्‌वाॽफुमाङ्‌ङिल्‍ले़ वेॽ कुसेसेहुप्‍लक्‍हाॽओ आनिगे़ ने़बो चाङ्‌जाङ्‌मे़त्तुम्‍बे़रो, थेआङ्‌भे़ल्‍ले़ खिनिॽ नसाःन्‌के़जोगुम्‍माङ्‌काक् के़साक्‍पा पाःन् नु तुक्‍खेहाॽ चक्‍मे़ल्‍लॽए के़धरुम्‍माङ् के़वयिॽरो॥

2 Thessalonians 2:16 in Limbu

16 आल्‍ल आनिॽ दाङ्‌बा ये़सु ख्रिस्‍त नु पानुदिङ् पाः निङ्‌वाॽफुमाङ्‌ङिल्‍ले़ आबाङे आनिॽ लुङ्‌माॽ आदुक्‍ते़आङ् कुलुङ्‌गुम्‍बा मे़न्‍नुप्‍मनाबा हाङ्‌हाङ् नु पनुनुःबा निङ्‌साङ्‌ङिन्‌आबिरे़रो॥

2 Thessalonians 3:5 in Limbu

5 हाराॽ दाङ्‌बाल्‍ले़ खिनिॽ निङ्‌वाॽफुमाङ्‌ङिल्‍ले़ कुमिःम्‍जि नु ख्रिस्‍तरे़ के़बिरिबा निङ्‌वाॽ हाङ्‌गे़म्‍सिङ्‌मो लाम्‍गे़लोःसिररो॥

1 Timothy 6:11 in Limbu

11 कर खे़ने़ॽ, निङ्‌वाॽफुमाङ्‌ङिल्‍ले़ कुमनाए, कन् पाःन्‍हाॽलाम् लाःत्लाःत् वये़ॽओ, हे़क्‍क्‍याङ् साम्‌योनिबा, साप्‍चुवाबा, नसाःन्‍साबा, मिःम्‍जिसाबा, नासि के़धःप्‍पा, हे़क्‍क्‍याङ् चुङ्‌जिगे़न् नःम्‍माल्‍ले़ कुधिम् पोःङ्‌मा तम्‍सिन् चोगे़ॽओ॥

2 Timothy 3:10 in Limbu

10 कर खे़ने़ॽग इङ्‌गाॽ आनिसाम्‍मिन्, आये़प्‍ले़क्‍किन्, हिङ्‌मन्‍ले़न् आनिङ्‌वाॽसोःक्‍किन्, आनसाःन्‍निन्, आहाङ्‌गे़म्‍सिङ्‌मान्, आमिःम्‍जिन्, आनासि थःप्‍मान्, तुक्‍खे च्‍याङ्‌बा पाःन्‍हाॽ, आदुक्‍खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्‍क्‍याङ् एन्‍तिओक, आइकोनियम नु लुस्‍त्राओ इङ्‌गाॽ तुमुङ्‌बा के़रे़क् तुक्‍खेहाॽ नुःरिक्‍काङ् कुसिङ्‌के़निःत्तुआङ् के़वाॽरो॥ कर दाङ्‌बाल्‍ले़ काक् खे़न् तुक्‍खे लाक्‍खेलाम् इङ्‌गाॽ से़ःप्‍ताङ्‌लो॥

Titus 2:13 in Limbu

13 हे़क्‍केलॽरिक् आनिॽ पयम् निङ्‌वाॽफुमाङ्‌ङिन् नु से़न्‍लप्‍दाङ्‌बा ये़सु ख्रिस्‍तरे़ मिमिदिङ्‌नु कुयुःमे़न् आहाङ्‌घुम्‍ल आवाॽइल्‍ले़ आनिॽ हाङ्‌हाङ्‌बा निङ्‌साङ्‌ङिल्‍ले़ कुधिम् आवाॽरो॥

Titus 3:7 in Limbu

7 हे़क्‍केलॽरिक् साॽरिक् लुङ्‌माॽ आदुक्‍ते़बाल्‍ले़ चोगुल्‍ले़ आप्‍तिक् मे़ःन्‍नेबा आजोगे़आङ् मे़न्‍नुप्‍मनाबा हिङ्‌मन्‍ले़न् से़क्‍खा निङ्‌साङ् के़जोःक्‍पा नु लक् के़घोःबा पोःङ्‌मा आसुक्‍तुम्‍लो॥

Hebrews 3:6 in Limbu

6 कर ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुहिम्‍सयङ्‌ङो नसाःन्‍साबा आबुगे़न् कुस्‍साःरो॥ ख्रिस्‍तओबा आनिॽ आजोगुम्‍बा निङ्‌साङ्‌ङिन् मे़ल्‍ले़त्ते हाङ्‌हाङ्‌ङाङ् आवाॽने़ फाॽग्र आनिॽआङ् निङ्‌वाॽफुमाङ्‌ङिल्‍ले़ कुहिम्‍सयङ्‌ङोबासिरो॥

Hebrews 5:7 in Limbu

7 ये़सुःन् इक्‍सादिङ् खाम्‍बेःक्‍मो नासिङ्‌गे़न् थक्‍को वये़ल्‍ले़ खुने़ॽ मिक्‌वानु चक्‍चक् साॽरिक् हाबे़र सिःमे़न्‍लाम् ताङ्‌से़ःप्‍मा के़सुक्‍पे़न्‌पेलि फाक्‍तुर तुवा चोगुरो॥ खुने़ॽ निङ्‌वाॽफुमाङ्‌ङिन् मिङ्‌सो इङ्‌धाःङ् पिरुर सेवा चोगुबाल्‍ले़ खुने़ॽ चोगुबा तुवाःन् निङ्‌वाॽफुमाङ्‌ङिल्‍ले़ ताःक्‍तुरो॥

Hebrews 6:12 in Limbu

12 हे़क्‍क्‍याङ् खिनिॽ ले़म्‍स्‍वाबा मनाहाॽ कुइसिःक् मे़ःन्, कर नसाःन् नु निङ्‌वाॽ हाङ्‌गे़म्‍सिङ्‌मालाम्‍बा निङ्‌वाॽफुमाङ्‌ङिल्‍ले़ माङ्‌हे़क् चोगुबान्‌लक् के़घोःबाहाॽरे़ खुनिॽ चोःङ् इःत्ते़म्‍मे़ॽओ के़लॽबा आनिगे़ निङ्‌वाॽ वाॽरो॥

Hebrews 6:15 in Limbu

15 हे़क्‍केलॽरिक् अब्राहामरे़ निङ्‌वाॽ हाङ्‌गे़म्‍सिङ्‌ल हाङ्‌घुआङ् माङ्‌हे़क्‍को के़वाॽबा पाःन्‍हाॽ खोःसुरो॥

Hebrews 6:17 in Limbu

17 निङ्‌वाॽफुमाङ्‌ङिल्‍ले़ कुमाङ्‌हे़क्‍किन् आप्‍फाल्‍ले़आङ् मे़ले़क्‍खुन् के़लॽबान् कुमाङ्‌हे़क् के़घोःबाहाॽ ओसेःन्‍धाक्‍मासि साॽरिक् निङ्‌वाॽ चोगुबाल्‍ले़ खुने़ॽ माङ्‌हे़क्‍सिङ्‌लो॥

Hebrews 10:32 in Limbu

32 आल्‍ल निङ्‌वाॽफुमाङ्‌ङिल्‍ले़ कुओःत्तिःन् के़निःसुम्‍माङ् नसाःन् के़जोगुम्‍बा तगिबा ये़न्‍हाॽ निङ्‌वाॽ इःत्ते़म्‍मे़ॽओ॥ खिनिॽ साॽरिक् इनोगे़न् तुक्‍खे के़दुमुम्‍साङ् नसाःन्‍नो अयाक् मे़ल्‍लॽए के़वयिबान् इःत्ते़म्‍मे़ॽओ॥

Hebrews 10:36 in Limbu

36 खिनिॽ नासिके़धःत्तुम्‍ल पोःङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ कुनिङ्‌वाॽ कुइसिःक् के़जोगुम्‍मिल्‍ले़ खुने़ॽ चोगुबा माङ्‌हे़क्‍किन्‌के़घोःसुम्‍लो॥

Hebrews 12:1 in Limbu

1 खे़ल्‍ले़ चोगुल्‍ले़ नसानिबा हिङ्‌मन्‍ले़ कुयाःम्‍बेओ कम्‍म्‍याक् यरिक् तोःन्‍दिहाॽरे़ खुनिॽ लुम्‍मो आवाॽबाल्‍ले़ चोगुल्‍ले़ याप्‍मि के़हम्‍बा पाःन्‍हाॽ नु के़रे़क् परिक्‍ले़न् याप्‍मि के़घःबा लायोहाॽ लाप्‍फुसुम्‍लो, हे़क्‍क्‍याङ् निङ्‌वाॽफुमाङ्‌ङिल्‍ले़ ने़स्‍सु आबिरे़बा लोःक्‍लोःक्‍के चाःत्तो नासि थःत्तुम्‍ल लोःक्‍तिरो॥

James 1:3 in Limbu

3 थेआङ्‌भे़ल्‍ले़ आक्‍ख्‍यारिक् नसाःन्‍साबा के़जोगि फाआङ् निङ्‌वाॽ साॽमो के़ध्‍ये़ॽइल्‍ले़ खिनिॽ नासि थःप्‍मान् पोःरो के़लॽबान् के़निःसुम्‍लो॥

James 5:7 in Limbu

7 खे़ल्‍ले़ चोगुल्‍ले़ फुॽनुसाॽ नु ने़ॽनुसाॽसे, दाङ्‌बाल्‍ले़ कुनुःङ्‌मा युःमा ये़म्‍मिन् के़हाङ्‌घुम्‍मिल्‍ले़ खिनिॽ नासि थःप्‍माआङ् हाङ्‌माए पोःङ्‌लो॥ इक्‍मःबाल्‍ले़ कुइक्‍ताप्‍पो इमे़ल्‍लुङ्‌बा कुजाॽ नुःरिक्‍काङ् थोःक्‍ल फाॽआङ् हाङ्वाःम्‍मा नु चुङ्वाःम्‍माओ पाङ्‌गे़न्‍दिङ् वाहित्‍मान् नासि थःत्तुआङ् हाङ्‌घुबान् निङ्‌वाॽ इःत्ते़म्‍मे़ॽओ॥

James 5:10 in Limbu

10 फुॽनुसाॽ नु ने़ॽनुसाॽसे, दाङ्‌बाल्‍ले़ कुमिङ्‌ङो उन्‍छेःन्‍बा माङ्‌निङ्‌वाॽपाःन् के़बाःप्‍पाहाॽ ओमे़त्ते़म्‍सिम्‍मे़ॽओ॥ खे़ङ्‌हाॽरे़ इनोगे़न् तुक्‍खेओ नासि मे़धःत्तुआङ् कुबि मे़बोःक्‍खे़आङ् मे़वाॽरो॥

James 5:15 in Limbu

15 हे़क्‍क्‍याङ् नसाःन्‍लाम्‍बा चोःक्‍मनाबा तुवाःल्‍ले़ खे़न् के़दुक्‍पे़न्‌वेःत्‍लो॥ दाङ्‌बाल्‍ले़ खे़न् वेःन्‍दुॽरो॥ खे़ल्‍ले़ लायो चोगुआङ् वये़साङ्, दाङ्‌बाल्‍ले़ खे़न् ले़प्‍मि पिरुॽरो॥

1 Peter 1:3 in Limbu

3 हाराॽ आनिॽ दाङ्‌बा ये़सु ख्रिस्‍तरे़ पानुदिङ् कुम्‍बा निङ्‌वाॽफुमाङ्‌ङिल्‍ले़ कुनारा पोःररो! निङ्‌वाॽफुमाङ्‌ङिल्‍ले़ साॽरिक् यम्‍बा कुलुङ्‌गुम्‍मिल्‍ले़ आनिॽ कुसङ् सावाःन्‍छिङ्‌मा आबिरे़आङ् ये़सुःन् सिःमे़न्‍लाम् हिङ्‌घुबाल्‍ले़ चोगुल्‍ले़ हाङ्‌हाङ्‌बा निङ्‌साङ् आबिरे़आङ् आवाॽरो॥

1 Peter 2:19 in Limbu

19 थेआङ्‌भे़ल्‍ले़ निङ्‌वाॽफुमाङ्‌ङिन् इङ्‌धाःङ् पिरुङ् फाॽआङ् मे़ल्‍लाॽमनाबा इनोगे़न् तुक्‍खेहाॽ के़धम्‍बाल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ तासुॽ॥

1 Peter 4:7 in Limbu

7 काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़ चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥

1 Peter 4:13 in Limbu

13 कर ख्रिस्‍ते़न्‌तुक्‍खे च्‍ये़बा हे़क्‍के खिनिॽआङ् इनोगे़न् तुक्‍खेओ के़ध्‍ये़ॽइल्‍ले़ सःत्ते़म्‍मे़ॽओ, थेआङ्‌भे़ल्‍ले़ कुयुःमा ये़न्‍नो कुमिमिदिङ्‌ङिन् ओसेःन्‍दाङ् पोःङ्‌ङिल्‍ले़ पसःत् के़सःत्तिॽरो॥

2 Peter 1:6 in Limbu

6 साम्‍जिक्‍को निङ्‌वाॽ हाङ्‌गे़म्‍सिङ्‌मान्, निङ्‌वाॽ हाङ्‌गे़म्‍सिङ्‌मो नासि थःप्‍मान्, नासि थःप्‍मो साप्‍चुवाःन् योॽरे़म्‍मे़ॽ,

1 John 3:1 in Limbu

1 ओमे़त्ते़म्‍मे़ॽओ! पानुदिङ् पाः निङ्‌वाॽफुमाङ्‌ङिल्‍ले़ आक्‍खे़न् यरिक् लुङ्‌माॽ आदुक्‍ते़आङ् वाॽ! खुने़ॽ लुङ्‌माॽ आदुक्‍पाल्‍ले़ चोगुल्‍ले़ आस्‍साःनिङ्‌लो फाॽआङ् आनिॽ आमे़त्‍लो॥ आनिॽग से़क्‍खाए कुस्‍साःसिएरो! कर इक्‍सादिङ् खाम्‍बेःक्‍मोबा मनाहाॽरे़ निङ्‌वाॽफुमाङ्‌ङिन् कुसिङ् मे़न्‍निःत्तुन्‍बाल्‍ले़ चोगुल्‍ले़ खे़ङ्‌हाॽरे़ आनिॽआङ् कुसिङ् आमे़न्‍निःत्‍ने़न्‍लो॥

1 John 5:14 in Limbu

14 आनिॽ निङ्‌वाॽफुमाङ्‌ङिल्‍ले़ कुनिङ्‌वाॽ कुइसिःक् तुवाओ आनाःक्‍तुम्‍मिल्‍ले़ खुने़ॽ आनिॽ पाःन्‍निन् खे़प्‍सुॽ फाॽआङ् निःन्‍धो आबोःङ्‌लो॥

Revelation 13:10 in Limbu

10 पुङ्‌लाहिम्‍मो थाःमा के़बोःङ्‌बान्, पुङ्‌लाहिम्‍मो थाःॽ हे़क्‍क्‍याङ् ताभेलाम् सिःमा के़बोःङ्‌बान्, ताभेलाम्‍बाए सिःरो॥ खे़ल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ सेसे कुमनाहाॽरे़ इनोगे़न् तुक्‍खेःन् नासि थःप्‍मा पोःङ्‌ङाङ् नसाःन्‍साबा पोःङ्‌माआङ् वाॽमाए पोःङ्‌लो॥