Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥
Other Translations King James Version (KJV) I John, who also am your brother, and companion in tribulation, and in the kingdom and patience of Jesus Christ, was in the isle that is called Patmos, for the word of God, and for the testimony of Jesus Christ.
American Standard Version (ASV) I John, your brother and partaker with you in tribulation and kingdom and patience `which are' in Jesus, was in the isle that is called Patmos, for the word of God and the testimony of Jesus.
Bible in Basic English (BBE) I, John, your brother, who have a part with you in the trouble and the kingdom and the quiet strength of Jesus, was in the island which is named Patmos, for the word of God and the witness of Jesus.
Darby English Bible (DBY) I John, your brother and fellow-partaker in the tribulation and kingdom and patience, in Jesus, was in the island called Patmos, for the word of God, and for the testimony of Jesus.
World English Bible (WEB) I John, your brother and partner with you in oppression, Kingdom, and perseverance in Christ Jesus, was on the isle that is called Patmos because of God's Word and the testimony of Jesus Christ.
Young's Literal Translation (YLT) I, John, who also `am' your brother, and fellow-partner in the tribulation, and in the reign and endurance, of Jesus Christ, was in the isle that is called Patmos, because of the word of God, and because of the testimony of Jesus Christ;
Cross Reference John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
Acts 14:22 in Limbu 22 खे़प्मो खे़ङ्हाॽरे़ हुॽसाम्बाहाॽ नसाःन्नो चक्मे़ल्लॽए वये़म्मे़ॽ मे़त्ते़छुसिर हाङ्हाङ् चोगे़त्छुसि, हे़क्क्याङ् यरिक् इनोगे़न् तुक्खे के़दुमुम्साङ् निङ्वाॽफुहाङ्जुम्मो लाःप्माए पोःङ्लो फाॽआङ् आःन्छिङ्मा पिरे़त्छुसिरो॥
Romans 2:7 in Limbu 7 कुभा मनाहाॽरे़ चक्मे़ल्लॽए नुःबा याःम्बक् मे़जोगुर निङ्वाॽफुमाङ्लाम् मिमिदिङ्, मिङ्सो इङ्धाःङ् नु आजुनि हिङ्मन् मे़गोःत्तुर मे़वाॽरो॥ खे़ङ्हाॽग निङ्वाॽफुमाङ्ङिल्ले़ मे़न्नुप्मनाबा हिङ्मन् पिरुसिॽरो॥
Romans 5:3 in Limbu 3 हे़क्केरक् मे़ःन्, कर आनिॽ नसाःन् आजोगुम्बाल्ले़ चोगुल्ले़ इनोगे़न् तुक्खे लाक्खे आदुमुम्मिल्ले़ए आसःत्लो, थेआङ्भे़ल्ले़ इनोगे़न् तुक्खे लाक्खे आदुमुम्मिल्ले़ आल्लसाङ् यरिक् नासि थःप्मा आसुक्तुम् के़लॽबान् आनिःसुम्माङ् आवाॽरो,
Romans 8:17 in Limbu 17 हे़क्क्याङ् कुस्साः आबोःक्खे़बाल्ले़ चोगुल्ले़ आनिॽ निङ्वाॽफुमाङ्ङिल्ले़ कुलक् के़घोःबासिरो॥ से़क्खाए खुने़ॽनु सोरिक् इङ्धाःङ् आघोःसुम्ल फाॽआङ् खुने़ॽनु सोरिक् इनोगे़न् तुक्खेआङ् आजाने़ फाॽग्र आनिॽग ये़सु ख्रिस्ते़न्नु सोरिक् लक् के़घोःबासिआङ्लो॥
Romans 8:25 in Limbu 25 कर आनिॽ आल्ल थारिक् मे़ङ्घोए आवाॽबा पाःन्निन् निङ्साङ् आजोगुम्मिल्ले़ खे़न् खोःमा फाॽआङ् नासि आधःत्तुम्माङ् आहाङ्घुम्लो॥
1 Corinthians 4:9 in Limbu 9 थेआङ्भे़ल्ले़ थङ् के़नाःम्बाहाॽरे़ खुनिॽ तिःक्लाओ काक्नुःल्ले़ एगाङ् के़बप्पा सिःमे़ल्ले़ खुम्दिङ् के़घोःबा कुइसिःक् निङ्वाॽफुमाङ्ङिल्ले़ आनिगे़ सेःक्युक्मिबाहाॽ काक्नुःल्ले़ एगाङ् फत्छिगे़आङ् मनालुम्मो ओसेःन्दाङ् चोगिगे़आङ् वाॽ के़लॽबान् निङ्वाॽ इःत्तुङ्लो॥ हे़क्क्याङ् आनिगे़ग काक् इक्सादिङ् खाम्बेःक्मो, माङ्लाइङ्बाहाॽ नु मे़न्छाम् याप्मिलुम्मो लामित्ता पोःक्खिगे़आङ् वयिगे़रो॥
Philippians 1:7 in Limbu 7 खिनिॽ याःम्बेओ हे़क्केलॽरिक् निङ्वाॽ इःत्तुङ्बान् लाॽरुॽ, थेआङ्भे़ल्ले़ खिनिॽ साॽरिक् लुङ्माॽ तुक्निङ्ङाङ् वाॽ हे़क्क्याङ् पुङ्लाहिम्मो याक्कासाङ्, सुनाइङ्ङिल्ले़न् से़क्खाःन् ताङ्से़ःप्तुङ्साङ् इग्र सुनाइङ्ङिन् इङ्भोःसुङ्साङ्, खिनिॽ इङ्गाॽनु सोरिक् निङ्वाॽफुमाङ्ङिल्ले़ कुलुङ्गुम्मिल्ले़न् लक् के़घोःबा के़बोःक्खिॽरो॥
Philippians 4:14 in Limbu 14 हे़क्केसाङ् खिनिॽ इनोगे़न् आदुक्खेओ कुभाॽ याप्मि के़बिरिबान् नुःबाए के़जोगुम्लो॥
2 Thessalonians 1:4 in Limbu 4 खे़ल्ले़ चोगुल्ले़ खिनिॽ याःम्बेओ निङ्वाॽफुमाङ्ङिल्ले़ वेॽ कुसेसेहुप्लक्हाॽओ आनिगे़ ने़बो चाङ्जाङ्मे़त्तुम्बे़रो, थेआङ्भे़ल्ले़ खिनिॽ नसाःन्के़जोगुम्माङ्काक् के़साक्पा पाःन् नु तुक्खेहाॽ चक्मे़ल्लॽए के़धरुम्माङ् के़वयिॽरो॥
2 Thessalonians 3:5 in Limbu 5 हाराॽ दाङ्बाल्ले़ खिनिॽ निङ्वाॽफुमाङ्ङिल्ले़ कुमिःम्जि नु ख्रिस्तरे़ के़बिरिबा निङ्वाॽ हाङ्गे़म्सिङ्मो लाम्गे़लोःसिररो॥
2 Timothy 1:8 in Limbu 8 खे़ल्ले़ चोगुल्ले़ दाङ्बाल्ले़न् साःक्खि पिमा नु कुलागि इङ्गाॽ साक्पा के़धाःबान्नु खे़ने़ॽ सिरिङ् मे़मये़न्ने़ॽओ॥ कर निङ्वाॽफुमाङ्ङिल्ले़ कुमुक्साम्मो आनिगे़नु सोरिक्खे़ने़ॽआङ् सुनाइङ्ले़ लागि तुक्खे चे़ॽओ॥
2 Timothy 2:3 in Limbu 3 ख्रिस्त ये़सुरे़ से़क्खाएबा कुधक्सुबा कुइसिःक् खे़ने़ॽ आनिगे़नु तुक्खे चामाओ चुम् पोःक्खे़ॽओ॥
Hebrews 10:36 in Limbu 36 खिनिॽ नासिके़धःत्तुम्ल पोःङ्लो, हे़क्क्याङ् निङ्वाॽफुमाङ्ङिल्ले़ कुनिङ्वाॽ कुइसिःक् के़जोगुम्मिल्ले़ खुने़ॽ चोगुबा माङ्हे़क्किन्के़घोःसुम्लो॥
James 5:7 in Limbu 7 खे़ल्ले़ चोगुल्ले़ फुॽनुसाॽ नु ने़ॽनुसाॽसे, दाङ्बाल्ले़ कुनुःङ्मा युःमा ये़म्मिन् के़हाङ्घुम्मिल्ले़ खिनिॽ नासि थःप्माआङ् हाङ्माए पोःङ्लो॥ इक्मःबाल्ले़ कुइक्ताप्पो इमे़ल्लुङ्बा कुजाॽ नुःरिक्काङ् थोःक्ल फाॽआङ् हाङ्वाःम्मा नु चुङ्वाःम्माओ पाङ्गे़न्दिङ् वाहित्मान् नासि थःत्तुआङ् हाङ्घुबान् निङ्वाॽ इःत्ते़म्मे़ॽओ॥
Revelation 1:2 in Limbu 2 युहुन्नारे़ग खुने़ॽ खे़प्सुबा निङ्वाॽफु पाःन्जाक्किन् नु ये़सु ख्रिस्तरे़ खुने़ॽ ओसेःन्धाक्तुबा काक् से़क्खा पाःन्हाॽ पाःत्तुॽरो॥
Revelation 1:4 in Limbu 4 इङ्गाॽ युहुन्नाःल्ले़ कन् सक्इङ्घङ्ङिन् एसिया ते़ङ्गप्पो के़ने़बा नुसि सेसेहुप्लक्हाॽ हाक्निङ्लो॥ आल्लो के़वाॽबा, उनाहुरिओआङ् वये़ हे़क्क्याङ् ताःन्दिआङ् के़दाःबा निङ्वाॽफुमाङ्लाम् नु कुहाङ्युक्ना तगाङ्बा नुसि साम्हाॽलाम्, हे़क्क्याङ् नसाःन् चोःक्मा सुक्के़दे़प्पा पाःन् के़बाःप्पा, के़सिःबाओलाम् याम्मो के़हिङ्बाहाॽओ थिक्सिगेःक्पा नु इक्सादिङ् खाम्बेःक्मोबा हाङ्हाॽ सम्दाङ् हाङ् के़जोःक्पा ये़सु ख्रिस्तलाम् लुङ्गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्माॽ आदुक्ते़आङ् आनिॽ लायोलाम् कुमाक्खिॽइल्ले़ से़न्लप् आबिरे़आङ् वाॽरो॥
Revelation 2:9 in Limbu 9 ‘के़दुमुबा निङ्घुम्हाॽ नु के़याङ्साॽमान् इङ्गाॽ निःसुङ्लो, कर से़क्खाःल्ले़ निङ्वाॽफुमाङ्ङिल्ले़ कुनिःमाओ खे़ने़ॽ याङ्साकुन्धेसाबा के़जोःक्लो॥ आनिगे़ यहुदिसिगे़ के़लॽबाहाॽरे़ खे़ने़ॽ के़दक्ले़ङ्वाओ चे़ॽया के़मे़प्पे़न्इङ्गाॽ निःसुङ्ङाङ् वाॽआरो॥ खे़ङ्हाॽग यहुदिसि मे़ःन्, कर माफे़न्साम्मिल्ले़ कुमनासिरो॥
Revelation 3:10 in Limbu 10 खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाःङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाःबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
Revelation 6:9 in Limbu 9 हे़क्क्याङ् मे़ल्लुक्साःल्ले़ ङासिगेःक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्तिङ्तोःम्मादे़न्निल्ले़ कुसिगाङ् निःसुङ्सिङ्लो॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥
Revelation 11:7 in Limbu 7 खुन्छिॽ तोःन्दि पिमा सुःत्छुआङ् खे़न् कुद्रोःम् मे़ःन्नेबा लुम्बाःत्लाम् के़लःम्बा खे़न् थक्साःल्ले़ खुन्छिॽनु थङ् चोगुॽ, हे़क्क्याङ् खे़ल्ले़ ने़प्मजाङ् नाःन्दुसिॽआङ् से़रुसिॽरो॥
Revelation 12:11 in Limbu 11 आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्लुक्साःल्ले़ कुमाक्खिॽ नु खे़ङ्हाॽरे़ इङ्मे़भोःसुबा से़क्खाःल्ले़ खे़न्माफे़न्साम्मिन् मे़नाःन्दुआङ् मे़वाॽरो॥ हे़क्क्याङ् खे़ङ्हाॽग सिःमाआङ् मे़ङ्गिसे़न्लो॥
Revelation 12:17 in Limbu 17 हे़क्क्याङ् खे़न् हन्दगेःक्गे़न् वासेरिःल्ले़ मे़न्छुमाॽइन्नु साॽरिक् कुसिक् पोगे़आङ् निङ्वाॽफुमाङ्ङिल्ले़ कुइङ्जाःङ् के़नाःप्पा के़इःप्पा नु ये़सुरे़ कुनिसाम् नसाःन् के़जोःक्पा खे़न् मे़न्छुमाॽइल्ले़ वेॽ कुमुॽइदाङ्साहाॽनु थङ् चोगुरो॥
Revelation 13:10 in Limbu 10 पुङ्लाहिम्मो थाःमा के़बोःङ्बान्, पुङ्लाहिम्मो थाःॽ हे़क्क्याङ् ताभेलाम् सिःमा के़बोःङ्बान्, ताभेलाम्बाए सिःरो॥ खे़ल्ले़ चोगुल्ले़ निङ्वाॽफुमाङ्ङिल्ले़ सेसे कुमनाहाॽरे़ इनोगे़न् तुक्खेःन् नासि थःप्मा पोःङ्ङाङ् नसाःन्साबा पोःङ्माआङ् वाॽमाए पोःङ्लो॥
Revelation 14:12 in Limbu 12 खे़ल्ले़ चोगुल्ले़ निङ्वाॽफुमाङ्ङिल्ले़ कुइङ्जाःङ् के़घे़म्बाहाॽ नु ये़सुःन् नसाःन् के़जोःक्पा निङ्वाॽफुमाङ्ङिल्ले़ सेसे कुमनाहाॽरे़ नासि थःप्माए पोःङ्लो॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥