Other Translations King James Version (KJV) And from Jesus Christ, who is the faithful witness, and the first begotten of the dead, and the prince of the kings of the earth. Unto him that loved us, and washed us from our sins in his own blood,
American Standard Version (ASV) and from Jesus Christ, `who is' the faithful witness, the firstborn of the dead, and the ruler of the kings of the earth. Unto him that loveth us, and loosed us from our sins by his blood;
Bible in Basic English (BBE) And from Jesus Christ, the true witness, the first to come back from the dead, and the ruler of the kings of the earth. To him who had love for us and has made us clean from our sins by his blood;
Darby English Bible (DBY) and from Jesus Christ, the faithful witness, the firstborn from the dead, and the prince of the kings of the earth. To him who loves us, and has washed us from our sins in his blood,
World English Bible (WEB) and from Jesus Christ, the faithful witness, the firstborn of the dead, and the ruler of the kings of the earth. To him who loves us, and washed us from our sins by his blood;
Young's Literal Translation (YLT) and from Jesus Christ, the faithful witness, the first-born out of the dead, and the ruler of the kings of the earth; to him who did love us, and did bathe us from our sins in his blood,
Cross Reference Matthew 28:18 in Limbu 18 हे़क्क्याङ् ये़सुःन् खे़ङ्हाॽओ त्ये़आङ् मे़त्तुसि, “साङ्ग्राम्पेदाङ् नु इक्सादिङ् खाम्बेःक्मोबा के़रे़क् युक्किन् निङ्वाॽफुमाङ्ङिल्ले़ इङ्गाॽ पिराङ्ङाङ् वाॽरो॥
John 3:11 in Limbu 11 इङ्गाॽ से़क्खाए खे़ने़ॽ मे़त्ने़ॽरो॥ आनिगे़ निःसुम्बे़ ले़स्सुम्बे़बा पाःन्हाॽए खिनिॽ मे़त्तासिगे़ॽ, करसाङ् आनिगे़ पाःत्तुम्बे़बा पाःन्निन् खिनिॽ नसाःन् के़न्जोगुम्मिन्लो॥
John 3:32 in Limbu 32 खुने़ॽग निःसुबा नु खे़प्सुबा पाःन्हाॽए पाःत्तुॽ, कर आत्तिल्ले़आङ् खुने़ॽ कुबाःन्निन् नसाःन् मे़जोगुन्लो॥
John 8:14 in Limbu 14 ये़सुरे़ खे़ङ्हाॽ मे़त्तुसि, “इङ्गाॽ आबाःन्हाॽ आबाङे पाःत्तुङ्साङ् खे़न् से़क्खाएरो, थेआङ्भे़ल्ले़ इङ्गाॽ आत्तोलाम् त्याङ्ङाङ् आत्तान् पेःक्कार पत्ता खे़न् नुःरिक्काङ् निःसुङ्लो कर खिनिॽग इङ्गाॽ आत्तोलाम् त्याङ्बा हे़क्क्याङ् आत्तो पेःक्कार पत्ता खे़न् थेआङ् के़न्निःसुम्मिन्लो॥
John 13:1 in Limbu 1 आल्ल यहुदि चोःक्युम्भो तङ्नाम्रे़न्थिक्ये़न् तगि ये़सुरे़ कन् इक्सादिङ् खाम्बेःक्मान् ले़प्माआङ् पानुदिङ् पाःल्लो पेःक्मा ये़म् त्ये़ के़लॽबा पाःन्निन् निःसुरो॥ खुने़ॽ इक्सादिङ् खाम्बेःक्मो कुहुॽसाम्बाहाॽ लुङ्माॽ तुक्तुसिआङ् वये़ हे़क्क्याङ् खे़ङ्हाॽ कुनुप्मो थारिक्के साॽरिक् लुङ्माॽ तुक्तुसिॽरो॥
John 13:8 in Limbu 8 पत्रुसरे़ मे़त्तु, “खे़ने़ॽग आप्फाल्ले़आङ् आलाङ्हाॽ वाहप्मा मे़नुॽने़न्लो!” ये़सुरे़ नोगप् पिरु, “इङ्गाॽ के़लाङ्हाॽ वामे़हप्तुङ्ङिन्ने़ फाॽग्र खे़ने़ॽ इङ्गाॽनु लक् के़ङ्घोःसुन्लो॥”
John 13:34 in Limbu 34 खे़ल्ले़ चोगुल्ले़ आल्ल खिनिॽ लुङ्माॽ तुक्कासिम्मे़ॽ फाॽआङ् इङ्गाॽ कुसङ् इङ्जाःङ् पिनिङ्लो॥ खिनिॽ इङ्गाॽ लुङ्माॽ तुक्निङ्बा कुइसिःक्के लुङ्माॽ तुक्कासिम्मे़ॽओ॥
John 15:9 in Limbu 9 पानुदिङ् पाःल्ले़ लुङ्माॽ तुक्ताङ्बा कुइसिःक् खिनिॽआङ् लुङ्माॽ तुक्निङ्ङाङ् वाॽआरो॥ खिनिॽ चक्मे़ल्लॽए आमिःम्जिओ वये़म्मे़ॽओ॥
John 18:37 in Limbu 37 पिलातसरे़ मे़त्तु, “हे़क्केने़ फाॽग्र खे़ने़ॽ हाङ्ने़बि?” ये़सुरे़ नोगप् पिरु, “इङ्गाॽ हाङ्आ फाॽआङ् खे़ने़ॽए के़बाःत्तुॽरो॥ कन्इक्सादिङ् खाम्बेःक्मो से़क्खाःल्ले़न् तोःन्दि पिसे़ इङ्गाॽ सावाःन्छिङाङ्बारो॥ से़क्खाओ के़बप्पाहाॽरे़ इङ्गाॽ आबाःन्निन् मे़घे़प्सुॽरो॥”
Acts 20:28 in Limbu 28 हे़क्केःल्ले़ के़रे़क् लाम्लोःबाहाॽरे़ खिनिॽ लक्पे़न्नो के़वाॽबा मनाहाॽ नुःरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
Acts 26:23 in Limbu 23 हे़क्केलॽरिक् निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ तुक्खे चामाआङ् सिःमाए पोःङ्, सिःमे़न्लाम् कुहिङ्वे़त् पोःङ्मा हे़क्क्याङ् काक्नु तुम्बा पोःङ्ङाङ् से़न्लप्रे़न्ओःत्तिःन् यहुदिहाॽ नु थिम्मे़न्दङ् सुवाङ्हाॽ इङ्भोःसुसिरो लॽरिक् खे़ङ्हाॽरे़ मे़बाःत्तुआङ् मे़वये़रो॥”
Romans 8:37 in Limbu 37 कन् काक् पाःन्हाॽओ आनिॽ लुङ्माॽ के़दुक्पा ख्रिस्तलाम्बा आनिॽ थङ् के़नाःम्बान्नुःल्ले़आङ्यम्बा आबोःक्खे़आङ् आवाॽरो॥
1 Corinthians 6:11 in Limbu 11 खिनिॽआङ् कुभाग बा अक्तङ्बा के़वयि, कर वागे़म्हप्ति, सेसे के़बोःक्खि हे़क्क्याङ् दाङ्बा ये़सु ख्रिस्तरे़ कुमिङ्ङो आनिॽ निङ्वाॽफुमाङ्ङिल्ले़ कुसेसेमाङ्लाम्बा आप्तिक् मे़ःन्नेबा के़बोःक्खिरो॥
1 Corinthians 15:20 in Limbu 20 कर ख्रिस्ते़ङ्ग से़क्खाए सिःमे़न्लाम् हिङे़रो, हे़क्क्याङ् के़सिःबाआङ् के़हिङ्बाहाॽओ खुने़ॽए तुम्बारो॥
Galatians 2:20 in Limbu 20 इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न्इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाःओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
Ephesians 1:20 in Limbu 20 ओगप् चोगुल्ले़ खुने़ॽ के़सिःबा ख्रिस्ते़न्कुहिङ्वे़त्चोगु हे़क्क्याङ् साङ्ग्राम्पेदाङ्बा ते़न्नो मिङ्सो इङ्धाःङ् पिरुर कुजुप्साङ् ले़प्माङ् युक्खुआङ् युङ्लो॥
Ephesians 2:4 in Limbu 4 कर साॽरिक् लुङ्गुम्दाङ्बा निङ्वाॽफुमाङ्ङिल्ले़ साॽरिक् लुङ्माॽ आदुक्ते़रो॥
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
Ephesians 5:25 in Limbu 25 इत्थुङ्गे़न् ये़म्बाॽसे, ख्रिस्तरे़ सेसेहुप्लक्किन् लुङ्माॽ तुक्तुबा कुइसिःक्के खिनिॽ मेःत्हाॽ लुङ्माॽ तुक्ते़म्सिम्मे़ॽओ॥ खुने़ॽग सेसेहुप्लक्ले़ लागि कुहिङ्मन्निन् पिरुरो॥
Colossians 1:18 in Limbu 18 हे़क्क्याङ् खुने़ॽ नासिङ्गे़न् कुधक्किन् सेसेहुप्लक्लो, खे़न् सेसेहुप्लक्किल्ले़ कुधे़गेःक्पाङ्ग खुने़ॽएरो॥ खुने़ॽग तोलिङ्सोमु, हे़क्क्याङ् सिःमे़न्लाम् याम्मो के़हिङ्बा काक्को तुम्बारो, हे़क्केलॽरिक्के खुने़ॽ काक् सम्दाङ् युक्साबा चोःक्लो॥
1 Timothy 6:13 in Limbu 13 काक् पाःन्हाॽ हिङ्मन् के़बिबा निङ्वाॽफुमाङ् नु पन्तियस पिलातसरे़ कुदगि नुःबा तोःन्दि के़बिबा ख्रिस्त ये़सुरे़ कुदगि कन् इङ्जाःङ्ङिन् पिने़रो,
1 Timothy 6:15 in Limbu 15 खुने़ॽए मुॽइसाम् दाङ्बा नु हाङ्युक् दाङ्बा हे़क्क्याङ् हाङ्हाॽरे़ खुनिॽ पयम् हाङ् नु दाङ्बाहाॽरे़आङ् खुनिॽ पयम् दाङ्बाल्ले़ए सुये़म्मो ये़सु ख्रिस्तरे़ कुओसेःन्धाक्सिङ्मान् तारुॽरो॥
Hebrews 9:14 in Limbu 14 खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक्सुत्थो आजोःक्! खुने़ॽ मे़न्नुप्मनाबा सेसेमाङ्लाम् कुसाङ् के़लःबा सिदुङ्जभा पोःङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् सेवा चोःक्मा आसुक्तुम्ल फाॽआङ् कुमाक्खिॽइल्ले़ सिःमे़न्नो के़देॽबा याःम्बक्लाम् आनिॽ खासिङ्ङिन्सुत्थो चोगुॽरो॥
1 Peter 1:19 in Limbu 19 कर मे़ङ्गाःन्नेबा नुःबा मे़ल्लुक्सा कुइसिःक्पा ख्रिस्त ये़सुरे़ इमे़ल्लुङ्बा कुमाक्खिॽइल्ले़ खिनिॽ के़धे़ॽरिबारो॥
1 John 1:7 in Limbu 7 कर निङ्वाॽफुमाङ्ङिन् से़न्दाङ्गे़न् ओःत्तिओ वाॽबा कुइसिःक् आनिॽआङ् से़न्दाङ्गे़न् ओःत्तिओ आहिङ्ल आवाॽने़ फाॽग्र आनिॽ लुम्मो सेसे तङ्जुम् पोःङ्लो॥ हे़क्क्याङ् आबुगे़न् कुस्साः ये़सुरे़ कुमाक्खिॽइल्ले़ आनिॽ काक् लायोलाम् सुत्थो आजोःक्लो॥
1 John 4:10 in Limbu 10 से़क्खाबा मिःम्जिःङ्ग बा कन्लो–आनिॽ निङ्वाॽफुमाङ्ङिन् मिःम्जि आमे़त्तुम्बा मे़ःन्, कर खुने़ॽ लुङ्माॽ आदुक्ते़आङ् आनिॽ लायोरे़ खुम्दिङ्ङिल्ले़ कुले़क्वाओ सिदुङ्जभा पोःङ्मारे़ लागि आबुगे़न् कुस्साःन् इक्सादिङ् खाम्बेःक्मो पाङ्घु युःसुरो॥
1 John 5:7 in Limbu 7 हे़क्केःल्ले़ सुम्सि तोःन्दिहाॽ मे़वाॽरो–
Revelation 3:14 in Limbu 14 “लाओदिकियास्मा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् आमे़न् मे़प्मनाबा, नसाःन्साबा नु से़क्खाबा तोःन्दि, हे़क्क्याङ् निङ्वाॽफुमाङ्ङिल्ले़ ने़स्सुबा नावागे़न् चइःत्तो हाङ्गे़जोःक्पाल्ले़ पाःत्तुबारो–
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥
Revelation 11:15 in Limbu 15 हे़क्क्याङ् नुसिगेःक्पा माङ्लाइङ्बाल्ले़ कुधुत्थुरिःप्पे़न्मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
Revelation 17:14 in Limbu 14 हे़क्क्याङ् खे़ङ्हाॽरे़ मे़ल्लुक्साःल्ले़ कुदक्ले़ङ्वाओ थङ् मे़जोगुॽ, कर मे़ल्लुक्साःल्ले़, खुने़ॽ उःत्तुसिबा सेगुसिबा नसाःन्साबाहाॽनु सोरिक्, खे़ङ्हाॽ नाःन्दुसिॽरो, थेआङ्भे़ल्ले़ मे़ल्लुक्साःङ्ग दाङ्बाहाॽरे़ खुनिॽ दाङ्बा नु हाङ्हाॽरे़ खुनिॽ हाङ्लो॥”
Revelation 19:16 in Limbu 16 हे़क्क्याङ् खुने़ॽ कुदेःत्तो नु कुसे़बङ्बो हाङ्हाॽरे़ खुनिॽ हाङ् नु दाङ्बाहाॽरे़ खुनिॽ दाङ्बा लॽरिक् साप्ते़आङ् पत्छे़॥