Luke 21:12 in Limbu 12 कन् पोःङ्मानुःल्ले़ तगिग खिनिॽ हुक् के़म्याक्तिआङ् निङ्घुम् के़म्मे़त्तिॽरो॥ हे़क्क्याङ् यहुदि चुम्लुङ्हिम्मो खासे़न् के़म्लोःन्दिआङ् पुङ्लाहिम्मो के़म्धे़क्तिॽरो॥ आमिङ्ङिल्ले़ चोगुल्ले़ हाङ्हाॽ नु सुहाङ्गे़म्बाहाॽरे़ खुनिॽ तगि के़म्ये़प्सिॽरो॥
Other Translations King James Version (KJV) But before all these, they shall lay their hands on you, and persecute you, delivering you up to the synagogues, and into prisons, being brought before kings and rulers for my name's sake.
American Standard Version (ASV) But before all these things, they shall lay their hands on you, and shall persecute you, delivering you up to the synagogues and prisons, bringing you before kings and governors for my name's sake.
Bible in Basic English (BBE) But before all this, they will take you and be very cruel to you, giving you up to the Synagogues and to prisons, taking you before kings and rulers, because of my name.
Darby English Bible (DBY) But before all these things they shall lay their hands upon you and persecute you, delivering [you] up to synagogues and prisons, bringing [you] before kings and governors on account of my name;
World English Bible (WEB) But before all these things, they will lay their hands on you and will persecute you, delivering you up to synagogues and prisons, bringing you before kings and governors for my name's sake.
Young's Literal Translation (YLT) and before all these, they shall lay on you their hands, and persecute, delivering up to synagogues and prisons, being brought before kings and governors for my name's sake;
Cross Reference Matthew 10:16 in Limbu 16 “खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिःक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥
Matthew 22:6 in Limbu 6 कुभारे़ग कुसेवारोबाहाॽ मे़दे़म्सुसिआङ् ताप्फे़ःल्लिक् मे़मे़त्तुसिआङ् मे़से़रुसिरो॥
Matthew 23:34 in Limbu 34 हे़क्केःल्ले़ नुःरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपाःन् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥
Matthew 24:9 in Limbu 9 हे़क्क्याङ् खिनिॽग मनाहाॽरे़ के़म्दे़म्सिआङ् तुक्खे के़म्जाःत्तिॽ, हे़क्क्याङ् के़म्से़रिॽरो॥ खिनिॽ याप्मि नसाःन् के़जोगिबाल्ले़ चोगुल्ले़ के़रे़क् मे़न्छाम् सुवाङ्हाॽरे़ के़म्जिःत्तिॽरो॥
Mark 13:9 in Limbu 9 खिनिॽग सिङ्सिङ् लॽरे़म्मे़ॽओ॥ खिनिॽ याप्मि नसाःन् के़जोगिबाल्ले़ चोगुल्ले़ खे़ङ्हाॽरे़ के़म्दे़म्सिॽआङ् ये़जुम्भोहाॽओ के़म्देॽरिॽ, हे़क्क्याङ् यहुदि चुम्लुङ्हिम्मो ते़ःम्भुक् के़म्बिरिॽरो॥ कङ्ग सुहाङ्गे़म्बाहाॽ नु हाङ्हाॽरे़ खुनिॽ तगि आयाःम्बेओ पाःप्मा खिनिॽ के़घोःसुम्बा सुये़म्लो॥
Luke 11:49 in Limbu 49 खे़ल्ले़ चोगुल्ले़ निङ्वाॽफुमाङ्ङिल्ले़न् सिक्कुम्दिङ् कुनिङ्वाॽइल्ले़ अक्खे पाःत्तुआङ् पत्, ‘खिनिॽओ इङ्गाॽ माङ्निङ्वाॽपाःन् के़बाःप्पाहाॽ नु सेःक्युक्मिबाहाॽ पाङ्घुङ्सिङ्, कर खिनिॽ कुभा के़से़रुम्सिम्, कुभा निङ्घुम् के़मे़त्तुम्सिम्॥’
John 15:20 in Limbu 20 इङ्गाॽ मे़त्निङ्बा आबाःन्हाॽ निङ्वाॽ इःत्ते़म्मे़ॽओ ‘सेवारोबान् कुन्दाङ्बान्नुःल्ले़ यम्बा मे़ःन्लो॥’ खे़ङ्हाॽरे़ इङ्गाॽए तुक्खे मे़जाःत्ताङ्ङिल्ले़ खिनिॽआङ् तुक्खे के़म्जाःत्तिॽरो॥ खे़ङ्हाॽरे़ इङ्गाॽ आनिसाम्मिन् मे़इःत्तु मे़नाःत्तुआङ् वये़ल्ले़ग खिनिॽ निसाम्मिन्नाङ् मे़इःत्तु मे़नाःत्तुॽरो॥
John 16:2 in Limbu 2 खिनिॽ यहुदि चुम्लुङ्हिम्मोलाम् के़म्लःत्ति के़म्देःसिॽ॥ हे़क्क्याङ् अक्तङ्बा ये़म्माङ् तार पत्, मनाहाॽरे़ खिनिॽ के़म्से़रिल्ले़ निङ्वाॽफुमाङ्ङिन् सेवा चोगुम्बार पत्छिगे़ लॽरिक् मे़इःत्तुरो॥
Acts 4:3 in Limbu 3 खे़ङ्हाॽरे़ पत्रुस नु युहुन्नाःन् मे़दे़म्सुसि हे़क्क्याङ् खादामे़ पेबाल्ले़ चोगुल्ले़ नाम्दाःत्ताःत् पुङ्लाहिम्मो मे़साक्तुसि॥
Acts 5:17 in Limbu 17 हे़क्क्याङ् मानिङ्वाॽफुसाम्बा नु सदुकि लक्कोबा खुने़ॽ कुन्जुम्हाॽरे़ सेःक्युक्मिबाहाॽ साॽरिक् नामे़हे़त्तुसि॥
Acts 5:40 in Limbu 40 खुने़ॽ कुबाःन्निन् ये़जुम्भोबा मनाहाॽ खे़म्मा मे़दे़न्दे़रो॥ हे़क्क्याङ् खे़ङ्हाॽरे़ सेःक्युक्मिबाहाॽ मे़उःत्तुसिआङ् ते़ःम्भुक् मे़याक्तुसिर आल्ल कन् ये़सुरे़ कुयाःम्बेओ पाःप्मा हुॽमा के़ङ्घोःसुम्मिन्लो फाॽआङ् इङ्जाःङ् मे़बिरुसिआङ् मे़ले़रुसिरो॥
Acts 6:12 in Limbu 12 हे़क्केलॽरिक् खे़ङ्हाॽरे़ यहुदि तुम्लाम्लोःबाहाॽ, साम्योथिम्साम्बाहाॽ नु वेॽ मनाहाॽ मे़भोःक्खुसि॥ हे़क्क्याङ् खे़ङ्हाॽ मे़द्ये़आङ् स्तिफनसे़न् मे़दे़म्सुआङ् यहुदिहाॽरे़ खुनिॽ ये़जुम्भोओ मे़देॽरुरो॥
Acts 7:57 in Limbu 57 हे़क्केःल्ले़ खे़ङ्हाॽरे़ साॽरिक् मे़अःक्ते़र मे़भिःक्ते़र खुनिॽ ने़क्खोॽहाॽ हुक्किल्ले़ मे़हुॽ, हे़क्क्याङ् थिक्हुप् मे़बोःक्खे़आङ् थिक्ले़ङ्माल्ले़ खुने़ॽ फुत्लुम् मे़भत्तु,
Acts 8:3 in Limbu 3 कर सावलरे़ सेसेहुप्लक्किन् मे़म्भै चोःक्मा हेःक्तु॥ खुने़ॽ हिम् हिम् पेआङ् नसाःन् के़जोःक्पा मे़न्छुमाॽ ये़म्बित्छाॽ ते़म्सुसिआङ् उःक्खुसिर पुङ्लाहिम्मो थे़क्तुसिरो॥
Acts 9:4 in Limbu 4 हे़क्क्याङ् खुने़ॽ खाम्मो हर्गुप् चोःन्दे़आङ् इक्लाधिक् खे़प्सु, “सावलए, सावलए, इङ्गाॽ थेआङ् तुक्खे के़जाःत्ताबाबे?”
Acts 12:1 in Limbu 1 खे़न् ये़म्मो हे़रोद अग्रिपा हाङ्ङिल्ले़ सेसेहुप्लक्कोबा कुभा नसानिबाहाॽ तुक्खे चाःप्मा हेःक्तुसिआङ्
Acts 16:22 in Limbu 22 हे़क्केःल्ले़ खे़प्मो के़जुम्बाआङ् के़वाॽबा मनाहाॽ खुन्छिॽ हिप्से़ मे़भुङ्सिङ्हे़क्क्याङ् ये़क्यक्कोबा सुहाङ्युक्पाहाॽरे़आङ् पावल नु सिलासरे़ खुन्छिॽ चाङ्देःत्हाॽ फे़म्माआङ्हिप्मा मे़बाङ्घुसि॥
Acts 21:30 in Limbu 30 हे़क्क्याङ् ये़क्यक्को सिदाक् हयङ्किल्लिङ् पोःक्खे़आङ् काक् पिसाङ्लाम् मनाहाॽ मे़लोःक्ते़र मे़द्ये़रो॥ खे़ङ्हाॽरे़ पावले़न् मे़दे़म्सुआङ् माङ्हिम्लाम् लाःक्कात् मे़उःक्खुर मे़लःत्तुआङ् खिमो माङ्हिम्ले़न् लाम्धेःप्हाॽ मे़सुबुरो॥
Acts 22:30 in Limbu 30 कर कुदाःन्दिक्मा खे़न् रोमि थक्पे़बाल्ले़ थेआङ् यहुदिहाॽरे़ पावले़न् आप्तिक् मे़गुःत्तुबा फाॽआङ् कुसिङ्निःप्मा निङ्वाॽ चोगुआङ् खे़न् ले़रु॥ हे़क्क्याङ् काक् तुम्निङ्वाॽफुसाम्बाहाॽ नु ये़जुम्भो चुम्लुङ् चोःक्मा इङ्जाःङ् पिरुसिर पावले़न् खे़प्मो मे़दारुआङ् खुनिॽ तगि मे़ये़प्सुरो॥
Acts 24:1 in Limbu 1 ङासि ये़न् एगाङ् मानिङ्वाॽफुसाम्बा हननियारे़ कुभा यहुदि तुम्लाम्लोःबाहाॽ नु तरतुलस मे़प्मनाबा कुभाङ्से़म्बान् तेॽरुआङ् यो सिजरिया ये़क्यक्को पे, खे़प्मो सुहाङ्गे़म्बाल्ले़ कुदगि पावलरे़ कुदक्ले़ङ्वाओ खुनिॽ आप्तिक् पाःन्निन् मे़दोःन्दुरो॥
Acts 25:1 in Limbu 1 फे़स्तसे़न् सुहाङ्गे़म्बा पोःक्खे़आङ् रोमलाम् यहुदिया थुम्मो त्ये़बा सुम् ये़न् एगाङ् सिजरियालाम् थो यरुसले़म पे॥
Acts 25:11 in Limbu 11 सिःमे़ल्ले़न् खुम्दिङ् खोःमा थिम् फेःन्दुङ्ङाङ् वाॽआने़ फाॽग्र इङ्गाॽ सिःमा पोःङ्साङ् मे़अत्तुङ्ङिन्लो॥ कर इङ्गाॽ मे़गुःत्ताङ्बा आप्तिक् पाःन्नो से़क्खा पाःन् होःप्पाल्ले़ चोगुल्ले़ आत्तिल्ले़आङ् इङ्गाॽ खुनिॽओ हुक्सुप्मा मे़न्छुक्कान्लो॥ इङ्गाॽ रोमओ हाङ्युक्पा सिजररे़ल्लो आदुःन्देल्ले़न् खासे़न् पोःङ्ल फाॽआङ् ये़क्पेलि चोःक्कारो!”
Acts 25:22 in Limbu 22 हे़क्केःल्ले़ अग्रिपा हाङ्ङिल्ले़ फे़स्तसे़न् मे़त्तु, “कन् मनाःल्ले़ पाःत्तुबा पाःन्निन् इङ्गाॽ आबाङेआङ् खे़म्मा निङ्वाॽ चोगुङ्लो॥” फे़स्तसरे़ नोगप् पिरु, “पोःङ् आदाङ्बे, खे़ने़ॽ ताःन्दिक् खे़प्से़ॽओ॥”
Acts 26:2 in Limbu 2 “आदाङ्बा अग्रिपा हाङ्ङे, इङ्गाॽग आइन् यहुदिहाॽरे़ मे़गुःत्ताङ्बा आप्तिक्ले़ कुदक्ले़ङ्वाओ नाङ्सिङ्मा पाःन् के़दगाङ् युङ्मा सुये़म् खोःसुङ्बाओ इङ्गाॽ आबाङे कुदॽयाःन्के़नुॽबा चोःक्का फाॽआङ् निङ्वाॽ इःत्छिङ्ङारो॥
1 Thessalonians 2:15 in Limbu 15 यहुदिहाॽरे़ग उनाहुरिबा माङ्निङ्वाॽपाःन् के़बाःप्पाहाॽ मे़से़रुसि, हे़क्क्याङ् दाङ्बा ये़सुःन्नाङ् मे़से़रुरो॥ हे़क्क्याङ् आनिगे़आङ् निङ्घुम् मे़मे़त्तिगे़आङ् मे़नाःत्तिगे़ मे़लःत्तिगे़रो॥ खे़ङ्हाॽरे़ निङ्वाॽफुमाङ्ङिल्ले़ कुनिङ्वाॽ मे़न्दाःसुन् हे़क्क्याङ् के़रे़क् मे़न्छाम् याप्मिहाॽ मे़अत्तुसिरो॥
1 Peter 2:13 in Limbu 13 काक् मे़न्छाम् युक्साबाहाॽ हे़क्क्याङ्काक्नु यम्बा युक् के़गप्पा हाङ्ङिल्ले़ कुयुक्को वये़म्मे़ॽ के़लॽबा दाङ्बाल्ले़ निङ्वाॽ चोगुॽरो॥
1 Peter 4:12 in Limbu 12 आमिःम् आन्जुम्से, खिनिॽ के़साक्पा इनोगे़न् तुक्खे कुधिम्बा हङ्साॽमो के़ध्ये़ॽइल्ले़ खिनिॽनु निङ्वाॽ के़माबा पाःन् पोःक्खे़ फाॽआङ् खिनिॽ निङ्वाॽ मे़मये़म्मिन्ने़ॽओ,
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥