James 1:12 in Limbu 12 इनोगे़न् तुक्खेःन् नासि के़धःप्पे़ङ्ग मुॽइसाबारो, थेआङ्भे़ल्ले़ खे़न् निङ्वाॽ साॽमाओ थाःल्ले़ कुलिङ्धो के़गे़प्पा पोःक्खे़आङ् निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽ पिमासि फाॽआङ् माङ्हे़क् चोगुबा मे़न्नुप्मनाबा हिङ्मन्ले़न् तिचःन् खे़ल्ले़ खोःसुॽरो॥
Other Translations King James Version (KJV) Blessed is the man that endureth temptation: for when he is tried, he shall receive the crown of life, which the Lord hath promised to them that love him.
American Standard Version (ASV) Blessed is the man that endureth temptation; for when he hath been approved, he shall receive the crown of life, which `the Lord' promised to them that love him.
Bible in Basic English (BBE) There is a blessing on the man who undergoes testing; because, if he has God's approval, he will be given the crown of life, which the Lord has said he will give to those who have love for him.
Darby English Bible (DBY) Blessed [is the] man who endures temptation; for, having been proved, he shall receive the crown of life, which He has promised to them that love him.
World English Bible (WEB) Blessed is the man who endures temptation, for when he has been approved, he will receive the crown of life, which the Lord promised to those who love him.
Young's Literal Translation (YLT) Happy the man who doth endure temptation, because, becoming approved, he shall receive the crown of the life, which the Lord did promise to those loving Him.
Cross Reference Matthew 10:22 in Limbu 22 खिनिॽ याप्मि नसाःन् के़जोगिबाल्ले़ चोगुल्ले़ के़रे़क् मनाहाॽरे़ के़म्जिःत्तिॽरो, कर आत्तिल्ले़ कुनुप्मो थारिक् थरुॽ, खे़ल्ले़ए से़न्लप् खोःसुॽरो॥
Matthew 19:28 in Limbu 28 हे़क्केःल्ले़ ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ मे़न्छाम्साःन् के़दाःबा कुसङ् हाङ्जुम्मो मिमिदिङ्गे़न् हाङ्युक्नाओ युङ्ङारो॥ खे़न् ये़म्मो खिनिॽ इङ्गाॽ याप्मि के़दिम्बाहाॽआङ् थिक्-ने़त् (१२) हाङ्युक्नाओ के़युङिआङ् इस्राइलबा थिक्-ने़त् सुवाङ्हाॽ सम्दाङ् हाङ् के़जोगिॽरो॥
Matthew 25:34 in Limbu 34 हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥
Romans 2:7 in Limbu 7 कुभा मनाहाॽरे़ चक्मे़ल्लॽए नुःबा याःम्बक् मे़जोगुर निङ्वाॽफुमाङ्लाम् मिमिदिङ्, मिङ्सो इङ्धाःङ् नु आजुनि हिङ्मन् मे़गोःत्तुर मे़वाॽरो॥ खे़ङ्हाॽग निङ्वाॽफुमाङ्ङिल्ले़ मे़न्नुप्मनाबा हिङ्मन् पिरुसिॽरो॥
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
1 Corinthians 2:9 in Limbu 9 कर साम्योसाप्लाओ अक्खेलॽरिक् साप्ते़आङ् पत्, “आत्तिन्हाॽरे़आङ् मे़न्निए, मे़ङ्घे़म्मे हे़क्क्याङ् निङ्वाॽ मे़न्इःत्तेबा पाःन्हाॽ निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽरे़ लागि यारिप् चोगुआङ् वाॽरो॥”
1 Corinthians 8:3 in Limbu 3 कर निङ्वाॽफुमाङ्ङिन् मिःम्जि के़मे़प्पाङ्ग निङ्वाॽफुमाङ्ङिल्ले़ कुसिङ् निःत्तुॽरो॥
1 Corinthians 9:25 in Limbu 25 आल्ल हक्चाःत् के़जाःप्पा के़रे़क्ले़ के़साक्पा सधासिङ्मा मे़जोगुॽरो॥ खे़ङ्हाॽरे़ के़मे़क्पा के़बेःक्पा तिचः खोःसे़ हे़क्के मे़जोगुॽ, कर आनिॽग आप्फाल्ले़आङ् मे़म्मे़क्मनाबा थुम्घोगे़न् तिचः खोःसे़ हे़क्के आजोगुम्लो॥
2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
Hebrews 6:15 in Limbu 15 हे़क्केलॽरिक् अब्राहामरे़ निङ्वाॽ हाङ्गे़म्सिङ्ल हाङ्घुआङ् माङ्हे़क्को के़वाॽबा पाःन्हाॽ खोःसुरो॥
Hebrews 10:32 in Limbu 32 आल्ल निङ्वाॽफुमाङ्ङिल्ले़ कुओःत्तिःन् के़निःसुम्माङ् नसाःन् के़जोगुम्बा तगिबा ये़न्हाॽ निङ्वाॽ इःत्ते़म्मे़ॽओ॥ खिनिॽ साॽरिक् इनोगे़न् तुक्खे के़दुमुम्साङ् नसाःन्नो अयाक् मे़ल्लॽए के़वयिबान् इःत्ते़म्मे़ॽओ॥
Hebrews 11:17 in Limbu 17 निङ्वाॽफुमाङ्ङिल्ले़ अब्राहाम्मिल्ले़ कुनिङ्वाॽ साॽरुल्ले़ खुने़ॽ नसाःन्लाम्बाए इसहाक्किन् सिदुङ्जभा कुइसिःक् तोःन्दुरो॥ निङ्वाॽफुमाङ्ङिल्ले़ इसहाकलाम्बाए खे़ने़ॽ के़मुॽइदाङ्साहाॽ मे़बोःङ्लो लॽरिक् माङ्हे़क् पिरुआङ् वये़साङ् अब्राहाम्मिल्ले़ लत्थिक्लक् कुस्साःन् सिदुङ्जभा चोःक्मा यारिप् पोःक्खे़रो॥
Hebrews 12:5 in Limbu 5 खिनिॽ आबुगे़न् आस्साःसे लॽरिक् के़म्मे़त्तिबा खाहुन्निन् निङ्वाॽ के़भेःत्छुम्बि? “आबुगे़न् आस्साःए, यहवे दाङ्बाल्ले़ कुहे़न्थिम्मिन् याङ्याङ् मे़इःत्ते़न्ने़ॽओ, हे़क्क्याङ् खुने़ॽ के़भे़ःक्किल्ले़ के़निङ्साङ्मे़बुगे़न्ने़ॽओ,
James 1:2 in Limbu 2 आमिःम् फुॽनुसाॽ नु ने़ॽनुसाॽसे, खिनिॽ काक् परिक्ले़न् इनोगे़न् तुक्खेओ के़ध्ये़ॽइल्ले़ खे़ङ्ग साॽरिक् सःप्मनाबा पाःन्लो फाॽआङ् इःत्ते़म्मे़ॽओ,
James 2:5 in Limbu 5 आमिःम् फुॽनुसाॽ नु ने़ॽनुसाॽसे, खे़प्से़म्मे़ॽओ! निङ्वाॽफुमाङ्ङिल्ले़ इक्सादिङ् खाम्बेःक्मोबा याङ्गे़साॽबाहाॽ नसाःन्नो याङ्साकुन्धेसाबा चोःक्से़ नु कुहाङ्जुम् लक् खोःसे़ सेगुसिआङ् वाॽ॥ खे़न् हाङ्जुम्मिङ्ग खुने़ॽ काक् मिःम्जि के़मे़प्पाहाॽ पिमासि माङ्हे़क् चोगुआङ् वाॽरो॥
James 5:11 in Limbu 11 ओमे़त्ते़म्मे़ॽ, इनोगे़न् तुक्खेओ नासि के़धःप्पाहाॽग मुॽइसाबासि फाॽआङ् आइःत्तुम्सिम्लो॥ अयुबरे़ कुनासि थःप्माङ्ग खिनिॽ के़घे़प्सुम्माङ् के़वयिॽ, हे़क्क्याङ् कुनुप्मो दाङ्बाल्ले़ नुःबा पाःन्हाॽ तारु पिरुबान् के़निःसुम्माङ् के़वयिॽरो॥ दाङ्बाङ्ग मिःम्जि नु लुङ्दुक्कुधिम् चोःक्लो॥
1 Peter 1:6 in Limbu 6 खे़न् पाःन्नो के़सःत्तिॽरो, हे़क्केसाङ् सप्फारे़ लागि खिनिॽ यरिक् परिक्ले़न् के़साक्पा इनोगे़न् तुक्खेहाॽ के़धरुम्लए पोःङ्लो॥
1 Peter 3:14 in Limbu 14 कर नुःबा के़जोगुम्मिल्ले़ इनोगे़न् तुक्खे के़दुमुम्ने़ फाॽग्र निङ्वाॽफुमाङ्ङिल्ले़ मुॽइसाम् के़बिरिॽरो॥ खे़ल्ले़ चोगुल्ले़ “वेॽहाॽनु मे़गिसे़म्मिन्ने़ॽ हे़क्क्याङ् निङ्साम्मोआङ् मे़ध्ये़म्मिन्ने़ॽओ॥”
1 Peter 4:13 in Limbu 13 कर ख्रिस्ते़न्तुक्खे च्ये़बा हे़क्के खिनिॽआङ् इनोगे़न् तुक्खेओ के़ध्ये़ॽइल्ले़ सःत्ते़म्मे़ॽओ, थेआङ्भे़ल्ले़ कुयुःमा ये़न्नो कुमिमिदिङ्ङिन् ओसेःन्दाङ् पोःङ्ङिल्ले़ पसःत् के़सःत्तिॽरो॥
1 Peter 5:4 in Limbu 4 हे़क्क्याङ् तुम् मे़ल्लुक्कम्बान् युःल्ले़ आप्फाल्ले़आङ् इमे़ल्ले़म्मनाबा मिमिदिङ् नु इङ्धाःङ्ङिल्ले़न् तिचः के़घोःसुम्लो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
1 John 4:19 in Limbu 19 निङ्वाॽफुमाङ्ङिल्ले़ए तगि लुङ्माॽ आदुक्ते़बाल्ले़ चोगुल्ले़ आनिॽआङ् वेॽहाॽ लुङ्माॽ आदुक्तुम्सिम्लो॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 3:19 in Limbu 19 इङ्गाॽ लुङ्माॽ तुक्तुङ्सिङ्बाहाॽ फे़ःक्तुङ्सिङ्ङाङ् तोःन्दुङ्सिङ्लो॥ हे़क्केःल्ले़ खिनिॽ नुःबा याःम्बक् चोःक्माओ सिक् के़सम्बा पोःक्खे़म्मे़ॽओ॥ खिनिॽ लायोलाम् हिन्दे़म्मे़ॽओ॥
Revelation 3:21 in Limbu 21 नसाःन्नो के़नाःम्बान् पानुदिङ् आम्बानु कुहाङ्युक्नाओ इङ्गाॽ नाःन्दुङ्ङाङ् युङ्मा खोःसुङ्बा कुइसिःक् इङ्गाॽनु आहाङ्युक्नाओ युङ्मा युक् पिरुङ्लो॥