Hebrews 9:14 in Limbu 14 खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक्सुत्थो आजोःक्! खुने़ॽ मे़न्नुप्मनाबा सेसेमाङ्लाम् कुसाङ् के़लःबा सिदुङ्जभा पोःङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् सेवा चोःक्मा आसुक्तुम्ल फाॽआङ् कुमाक्खिॽइल्ले़ सिःमे़न्नो के़देॽबा याःम्बक्लाम् आनिॽ खासिङ्ङिन्सुत्थो चोगुॽरो॥
Other Translations King James Version (KJV) How much more shall the blood of Christ, who through the eternal Spirit offered himself without spot to God, purge your conscience from dead works to serve the living God?
American Standard Version (ASV) how much more shall the blood of Christ, who through the eternal Spirit offered himself without blemish unto God, cleanse your conscience from dead works to serve the living God?
Bible in Basic English (BBE) How much more will the blood of Christ, who, being without sin, made an offering of himself to God through the Holy Spirit, make your hearts clean from dead works to be servants of the living God?
Darby English Bible (DBY) how much rather shall the blood of the Christ, who by the eternal Spirit offered himself spotless to God, purify your conscience from dead works to worship [the] living God?
World English Bible (WEB) how much more will the blood of Christ, who through the eternal Spirit offered himself without blemish to God, cleanse your conscience from dead works to serve the living God?
Young's Literal Translation (YLT) how much more shall the blood of the Christ (who through the age-during Spirit did offer himself unblemished to God) purify your conscience from dead works to serve the living God?
Cross Reference Matthew 7:11 in Limbu 11 खिनिॽ निङ्वाॽ के़भे़ॽबा के़जोगिसाङ् खिनिॽ साःहाॽरे़ मे़नाःक्तुल्ले़ नुःबा पाःन्हाॽ पिमा के़ले़स्सुम्ने़ फाॽग्र, खे़न्नुःल्ले़आङ् यरिक् खिनिॽ साङ्ग्राम्पेदाङ्ङोबा पानुदिङ् पाःल्ले़ खुने़ॽ के़नाःक्पाहाॽ नुःबा पाःन्हाॽ पिरुसिॽरो॥”
Matthew 12:28 in Limbu 28 कर इङ्गाॽ निङ्वाॽफुमाङ्ङिल्ले़ कुसेसेमाङ्लाम् फे़न्साम्हाॽ नाःत्तुङ् लःत्तुङ्सिङ्लो, खे़ल्ले़ चोगुल्ले़ निङ्वाॽफुहाङ्जुम्मिन् खिनिॽ लुम्मो त्ये़ चुरे़आङ् वाॽ फाॽआङ् कुसिङ् निःत्ते़म्मे़ॽओ॥”
Matthew 20:28 in Limbu 28 हे़क्केलॽरिक् इङ्गाॽ मे़न्छाम्साःन् सेवा मे़जोःक्कार फाॽआङ् मे़ःन्, कर सेवा चोःक्से़ त्याङ्बारो॥ हे़क्क्याङ् यरिक् मनाहाॽ लायोलाम् थे़ॽमासिआङ्ताङ्से़ःप्मासि फाॽआङ् इङ्गाॽ आहिङ्मन्निन् पिसे़ त्याङ्बारो॥”
Luke 1:74 in Limbu 74 कन् माङ्हे़क्किन्आनिॽ निङ्मिहाॽरे़ खुनिॽ हुक्कोलाम् ताङ्से़ःप्मा आघोःसुम्ल, हे़क्क्याङ् मे़ङ्गिए मे़न्यङ्ङे आनिॽ हिङ्मन् खाराक् सेसे नु साम्योनिबा पोःङ्माआङ् खुने़ॽ कुसेवा चोःक्मा आसुक्तुम्ल फाॽआङ् पोःक्खे़बारो॥”
Luke 4:18 in Limbu 18 “दाङ्बाल्ले़ कुसेसेमाङ्ङिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाःबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्साःन् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
Luke 12:24 in Limbu 24 आःक्वाहाॽ ओमे़त्ते़म्सिम्मे़ॽओ–खे़ङ्हाॽरे़ चा मे़न्देःसुन् मे़न्छुप्सुन्, चायुङ्दे़न्नोआङ् याङ्मे़ङ्घोःत्तुन्॥ हे़क्केसाङ् निङ्वाॽफुमाङ्ङिल्ले़ चाःत्तुसिॽ हिङ्घुसिॽरो॥ खिनिॽग पुहाॽनुःल्ले़आङ् आक्खे़न् इमे़ल्लुङ्साबा के़जोगिॽ के़लॽबा निङ्वाॽ इःत्ते़म्मे़ॽओ॥
Luke 12:28 in Limbu 28 आइन् ताःन्दिक् मिओ लाप्के़भुसिङ्बा प्याङ्सिगे़न् इक्ताप्पोबा सुङ्फुङ्हाॽ निङ्वाॽफुमाङ्ङिल्ले़ हे़क्केलॽरिक् तेःत् चाक्तुसिल्ले़ खिनिॽ तेःत् के़न्जाक्तिन्बि? नसाःन् के़सुःम्बासे!
John 3:34 in Limbu 34 थेआङ्भे़ल्ले़ खुने़ॽग निङ्वाॽफुमाङ्ङिल्ले़ पाङ्घुबारो॥ खे़ल्ले़ निङ्वाॽफुपाःन्लक् पाःत्तुॽरो, थेआङ्भे़ल्ले़ निङ्वाॽफुमाङ्ङिल्ले़ खे़न् सेसेमाङ्ङिल्ले़ कुधिम् थिम्सुॽरो॥
Acts 14:15 in Limbu 15 “आदाङ्बासे, कन् थे चोःक्मा के़इःत्तुम्बाबे? आन्छिगे़ग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लाःन् सेवा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे़ कप्मो त्ये़त्छिगे़बारो॥
Romans 1:4 in Limbu 4 हे़क्क्याङ् सेसेमाङ्ङिल्ले़ कुमुक्साम्लाम्बा खुने़ॽ सिःमे़न्लाम् याम्मो हिङे़बाल्ले़ निङ्वाॽफुसाःरो फाॽआङ् ओसेःन्दाङ् पोःक्खे़रो॥ खुने़ॽए ये़सु ख्रिस्त आनिॽ दाङ्बारो॥
Romans 1:20 in Limbu 20 थेआङ्भे़ल्ले़ इक्सादिङ् खाम्बेःक्माल्ले़ नावागे़न् चइःत् पोःक्खे़आङ्धोए निङ्वाॽफुमाङ्ङिल्ले़ निःमे़न्दे़प्मनाबा कुसुम्बोःन्–मे़न्नुप्मनाबा कुमुक्साम् नु निङ्वाॽफुगे़न् नोस्रङ्ङिन्–नुःरिक्काङ् निःदे़त्लो॥ खे़ङ्हाॽग नावागे़न् चइःत् पोःक्खे़बा पाःन्हाॽलाम्मे नुःरिक्काङ् कुसिङ् निःत्ते़त्ते़आङ वाॽरो॥ हे़क्केःल्ले़ मे़न्छाम् याप्मिहाॽरे़ मे़न्निःमना लाम्सिङ्मा पाःन् थेआङ् होःप्लो॥
Romans 6:13 in Limbu 13 खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोःन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिःमे़न्लाम् हिङ्मन्नो के़दाःबा मनाहाॽ कुइसिःक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योनिबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
Romans 6:22 in Limbu 22 कर आल्लोग खिनिॽ लायोलाम् चोःक्युम्भो के़घोःसुम्माङ् के़वयिॽ, हे़क्क्याङ् निङ्वाॽफुमाङ्ङिल्ले़ कुयोःक्पा के़बोःक्खिआङ् के़वयिॽरो॥ खे़ल्ले़ग सेसेगे़न् सुत्थो के़जोगिॽ, हे़क्क्याङ् कुनुप्मो खे़ल्ले़ मे़न्नुप्मनाबा हिङ्मन्नो के़गे़त्तिॽरो॥
Romans 11:12 in Limbu 12 कर यहुदिहाॽरे़ लायो मे़जोगुबाल्ले़ चोगुल्ले़ इक्सादिङ् खाम्बेःक्मो पयम् यम्बा मुॽइसाम् त्ये़, हे़क्क्याङ् खे़ङ्हाॽरे़ से़न्लप्पिन् मे़नाॽरुबाल्ले़ थिम्मे़न्दङ् सुवाङ्हाॽओ पयम् यम्बा मुॽइसाम् त्ये़ने़ फाॽग्र यहुदिहाॽरे़ से़न्लप्पिन् मे़दाःक्तुल्ले़ आल्लसाङ् यरिक् मुॽइसाम् ताःएरो!
Romans 11:24 in Limbu 24 खिनिॽ थिम्मे़न्दङ् सुवाङ्हाॽग ताम्भुङ् जैतुन पोराःक् हे़क्तङ्बा के़जोगिॽ, हे़क्केःल्ले़ निङ्वाॽफुमाङ्ङिल्ले़ खिनिॽ नुःबा जैतुन बुङ्मो के़जक्कासिने़ फाॽग्र खुने़ॽ आबाङे कुजे़क् कुबोराःक्हाॽ आबाङे कुबुङ्मोए चक्तुसिल्ले़ आक्ख्याक् कुसिक् सम्ल चक्तुसिबिला॥
2 Corinthians 5:21 in Limbu 21 थेआङ्भे़ल्ले़ आनिॽग ख्रिस्तलाम् निङ्वाॽफुमाङ्ङिल्ले़ कुनिःमाओ साम्योनिबा आबोःङ्ल फाॽआङ् निङ्वाॽफुमाङ्ङिल्ले़ लायो मे़न्जोःक्के के़वाॽबान् आनिॽ लागि लायो कुःत्तुरो॥
2 Corinthians 6:16 in Limbu 16 निङ्वाॽफु माङ्हिम्मिन् नु नावाइत्लाःन् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोःङ्ङा, हे़क्क्याङ् खे़ङ्हाॽ आमना मे़बोःङ्लो॥”
Galatians 2:19 in Limbu 19 थेआङ्भे़ल्ले़ इङ्गाॽग साम्योथिम्मिन् इःप्मा नाःप्मा कोःत्तुङ्ङिल्ले़ हाबा खे़न् साम्योथिम् इङ्जाःङ्ङिल्ले़ आप्तिक् कुःत्ताङ्लो॥ हे़क्केःल्ले़ निङ्वाॽफुमाङ्ङिल्ले़ कुलागि हिङ्ङार फाॽआङ् साम्योथिम्मिन् इःप्मा नाःप्माआङ् से़न्लप् खोःमा तम्सिन् चोःक्मा ले़रुङ्लो॥
Ephesians 2:5 in Limbu 5 आनिॽ लायोःल्ले़ चोगुल्ले़ याम्साम्मो आस्ये़आङ् आवये़साङ् ख्रिस्ते़न्नु सोरिक् खुने़ॽ कुहिङ्वे़त् आजोगे़आङ् आवाॽरो–खुने़ॽ लुङ्माॽ के़दुक्तिबाल्ले़ खिनिॽ ताङ्गे़से़ःप्तिआङ् के़वयिॽ॥
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
1 Thessalonians 1:9 in Limbu 9 थेआङ्भे़ल्ले़ खिनिॽओ त्ये़ॽइगे़ल्ले़ याप्मि के़दाःक्तिबा पाःन् नु नावाइत्ला सेवा चोःक्मोलाम् के़नुःक्खिआङ् से़क्खा नु आजुनि निङ्वाॽफुमाङ्ङिन् सेवा के़जोगुम्बा पाःन्निङ्ग काक् मनाहाॽरे़ए मे़जे़क्खु मे़बाःत्तुॽरो॥
1 Timothy 1:17 in Limbu 17 हे़क्क्याङ् मे़न्नुप्मनाबा हाङ्ङिन्, आजुनि नु आले़क्खा थिक्लक् निङ्वाॽफुमाङ्ङिन् मिङ्सो इङ्धाःङ् नु मिमिदिङ् सदादिङ् पोःङ्लरो॥ आमे़न्॥
1 Timothy 3:15 in Limbu 15 हे़क्केलॽरिक् इङ्गाॽ सुःसाङ्ने़ फाॽग्र निङ्वाॽफुमाङ्ङिल्ले़ कुमनाहाॽनु आक्खेलॽरिक् वाॽमा पेःक्मा पोःङ् फाॽआङ् खे़ने़ॽ कुसिङ्के़निःत्तुएरो॥ कुमनाहाॽग आजुनि निङ्वाॽफुमाङ्ङिल्ले़ कुसेसेहुप्लक्लो॥ खे़ङ्ग से़क्खाःल्ले़न् हाङ्सित्लाङ् नु ने़ःम्भोरो॥
Titus 2:14 in Limbu 14 आनिॽ काक् लायोलाम् थे़ॽमासि, आबाङे सेसे कुमना चोःक्मासि हे़क्क्याङ् नुःबा याःम्बक् चोःक्मा कुसिक् के़सम्बा चोःक्मासि फाॽआङ् आनिॽ लागि खुने़ॽ आबाङे सिदुङ्जभा पोःङ्से़ पिसिङ्लो॥
Hebrews 1:3 in Limbu 3 कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्साःन् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोःङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Hebrews 6:1 in Limbu 1 खे़ल्ले़ चोगुल्ले़ आनिॽग ख्रिस्तरे़ कुयाःम्बेओबा कुहेःक्सिङ्मा निसाम्हाॽ ले़रुम्माङ् कुसाङ् लःमा ले़प्माङ् तगि पोःरिरो॥ आनिॽग सिःमे़न्नो के़देॽबा लायोबा पाःन्हाॽलाम् हिम्मा पाःन्हाॽ, हे़क्क्याङ् निङ्वाॽफुमाङ्ङिन् नसाःन् चोःक्मा पोःङ् के़लॽबा पाःन्हाॽ, हे़क्क्याङ् बप्तिस्माहाॽरे़ कुयाःम्बेबा निसाम्हाॽ, हुक् ने़मा पाःन्हाॽ, सिःमे़न्लाम् याम्मो हिङ्मा पाःन्हाॽ हे़क्क्याङ् मे़न्नुप्मनाबा खुम्दिङ् हे़क्तङ्बा कुहेःक्सिङ्मा निसाम्हाॽ याम्मो पाःत्तुम् मे़ःन्लो॥
Hebrews 7:27 in Limbu 27 खुने़ॽग वेॽ मानिङ्वाॽफुसाम्बा कुइसिःक् थिक्याःन्धक् सिदुङ्जभा तोःम्मा मे़बोःङ्ने़ल्लो॥ खे़ङ्हाॽरे़ग काक्नुःल्ले़ तगि आबाङे लायोहाॽरे़ लागि हे़क्क्याङ् मे़न्छाम् याप्मिहाॽरे़ खुनिॽ लायोहाॽरे़ लागि सिदुङ्जभा मे़जोगुरो॥ कर ये़सुरे़ग थिक्ले़ङ्माओ सिलाम्साक्मा सिङ्सम्दाङ् मनाहाॽरे़ खुनिॽ लायोःन् ले़प्मि पिसे़ आबाङे तोःन्छिङ्ङाङ् सिदुङ्जभा पोःक्खे़रो॥
Hebrews 9:7 in Limbu 7 कर सिगाङ् ले़प्माङ्बा काक्नुःल्ले़ सेसे ते़न्नोग मानिङ्वाॽफुसाम्बे़न्लक् तङ्बेरे़ थिक्ले़ङ् माक्खिॽनु लाःसे़रो॥ खे़न् माक्खिॽइङ्ग खुने़ॽ आबाङे कुलायोरे़ लागि नु मनाहाॽरे़ मे़न्नि मे़ल्ले़ए मे़जोगुबा लायोहाॽ ले़प्मि खोःमारे़ लागि खुने़ॽ तोःन्दुरो॥
Hebrews 9:9 in Limbu 9 कङ्ग आइन् ताःन्दिक्पा ये़म्मिन् ओसेःन्दाङ् के़जोःक्पा मिक्सेःन्लो॥ खे़ल्ले़ग निङ्वाॽफुसाम्बाहाॽरे़ निङ्वाॽफुमाङ्ङो मे़दोःन्दुबा चोभाॽइन् नु सिदुङ्जभाहाॽरे़ सेवा के़जोःक्पाहाॽरे़ खुनिॽ खासिङ्ङिन्सुत्थो मे़न्जोगुन् के़लॽबा पाःन्निन् ओसेःन्आधाक्लो॥
Hebrews 9:12 in Limbu 12 खुने़ॽग मे़न्दाक् नु पित् माक्खिॽइन् मे़ःन्, कर खुने़ॽग सदादिङ्ले़ लागि लायोलाम् चोःक्युम्भो पिसे़ खे़न् काक्नुःल्ले़ सेसेबा ते़न्नो थिक्ले़ङ्मो सदादिङ्ले़ लागि आबाङे कुमाक्खिॽइन् तोःन्दुर लाःसे़रो॥
Hebrews 10:2 in Limbu 2 साम्योथिम्मिल्ले़ कुलिङ्धो के़प्मा सुक्तुसिल्ले़ग सिदुङ्जभा चोःक्मा याःम्बक्किन् चक् लॽरे़बारो॥ हे़क्केःल्ले़ सेवा के़जोःक्पाहाॽ थिक्ले़ङ्मो काक् परिक्ले़ सुत्थो मे़बोःक्खे़मे़न्, हे़क्क्याङ् खे़ङ्हाॽरे़ लायो मे़जोगुल्ले़ खुनिॽ निङ्वाॽ मे़लोःरे़न्बामे़न्॥
Hebrews 10:22 in Limbu 22 आनिॽ तोःन्दोःम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन्साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
Hebrews 11:21 in Limbu 21 नसाःन्लाम्बाए याकुबे़न् सिःमा ये़म्मो कुदक्काःत्तिल्ले़ तक्सिङ्ङाङ् निङ्वाॽफुमाङ्ङिन् सेवा चोगुर युसुफरे़ काक् कुस्साःहाॽ मुॽइसाम् थाःसुपिरुसिरो॥
1 Peter 1:19 in Limbu 19 कर मे़ङ्गाःन्नेबा नुःबा मे़ल्लुक्सा कुइसिःक्पा ख्रिस्त ये़सुरे़ इमे़ल्लुङ्बा कुमाक्खिॽइल्ले़ खिनिॽ के़धे़ॽरिबारो॥
1 Peter 2:22 in Limbu 22 “खुने़ॽग थेआङ् लायो लासोःत् मे़जोगुन्, हे़क्क्याङ् थेआङ् इङ्ले़क् पाःन्नाङ् मे़बारे़न्लो॥”
1 Peter 2:24 in Limbu 24 खुने़ॽ आनिॽ लायो लासोःत्तिन् आले़रुम्माङ् साम्योनिबा हिङ्मन्नो आहिङ्ल फाॽआङ् आनिॽ लायोःन् सिलाम्साक्मा सिङ्सम्दाङ् आबाङे नासिङ्गे़न् कुधक्को कुयुदेॽरुरो॥ खुने़ॽ कुगाःम्माओलाम् खिनिॽ के़वेःत्तिआङ् के़वयिॽरो॥
1 Peter 3:18 in Limbu 18 थेआङ्भे़ल्ले़ ख्रिस्तरे़आङ् निङ्वाॽफुमाङ्ङो ताःत्छे़ आनिॽ लायोहाॽ सदादिङ् ले़प्मि पिमा फाॽआङ् थिक्ले़ङ् स्ये़रो॥ साम्योनिबा ख्रिस्ते़न्लायोबारे़ कुले़क्वा स्ये़रो॥ खुने़ॽ नासिङ्गे़न् थक्को स्ये़, कर सेसेमाङ्ङोलाम् याम्मो हिङे़रो॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
1 John 1:7 in Limbu 7 कर निङ्वाॽफुमाङ्ङिन् से़न्दाङ्गे़न् ओःत्तिओ वाॽबा कुइसिःक् आनिॽआङ् से़न्दाङ्गे़न् ओःत्तिओ आहिङ्ल आवाॽने़ फाॽग्र आनिॽ लुम्मो सेसे तङ्जुम् पोःङ्लो॥ हे़क्क्याङ् आबुगे़न् कुस्साः ये़सुरे़ कुमाक्खिॽइल्ले़ आनिॽ काक् लायोलाम् सुत्थो आजोःक्लो॥
1 John 3:5 in Limbu 5 आनिॽ लायोःन् खे़प्मारे़ लागि ख्रिस्ते़न्ये़बाङ्ग खिनिॽ कुसिङ् के़निःत्तुम्लो॥ हे़क्क्याङ् खुने़ॽओ लायो होःप्लो॥