Hebrews 10:34 in Limbu 34 खिनिॽग पुङ्लाहिम्मो के़धाःबाहाॽ लुङ्माॽ के़दुक्तुम्सिम्॥ मनाहाॽरे़ खिनिॽ याङ्साकुन्धेहाॽ के़म्नाप्ति के़म्देॽरिसाङ् के़सःत्तिर नासिके़धःत्तुम्, थेआङ्भे़ल्ले़ खिनिॽग के़गत्तुम्बा पाःन्हाॽनुःल्ले़आङ् नुःबा नु सदादिङ् के़वाॽबा याम्साम्गे़न् याङ्साकुन्धेःन् के़गत्तुम् के़लॽबा पाःन्निन् कुसिङ् के़निःत्तुम्लो॥
Other Translations King James Version (KJV) For ye had compassion of me in my bonds, and took joyfully the spoiling of your goods, knowing in yourselves that ye have in heaven a better and an enduring substance.
American Standard Version (ASV) For ye both had compassion on them that were in bonds, and took joyfully the spoiling of you possessions, knowing that ye have for yourselves a better possession and an abiding one.
Bible in Basic English (BBE) For you had pity on those who were in prison, and had joy in the loss of your property, in the knowledge that you still had a better property and one which you would keep for ever.
Darby English Bible (DBY) For ye both sympathised with prisoners and accepted with joy the plunder of your goods, knowing that ye have for yourselves a better substance, and an abiding one.
World English Bible (WEB) For you both had compassion on me in my chains, and joyfully accepted the plundering of your possessions, knowing that you have for yourselves a better possession and an enduring one in the heavens.
Young's Literal Translation (YLT) for also with my bonds ye sympathised, and the robbery of your goods with joy ye did receive, knowing that ye have in yourselves a better substance in the heavens, and an enduring one.
Cross Reference Matthew 5:11 in Limbu 11 इङ्गाॽ चोगुङ्ङिल्ले़ मनाहाॽरे़ खिनिॽ किनाःन्दि के़म्बिरिॽ, तुक्खे के़म्जाःत्तिआङ् खिनिॽ तक्ले़ङ्वाओ फोत्याबा फे़न् पाःन्हाॽ मे़बाःत्तुल्ले़ मुॽइसाबा के़बोःक्खिरो॥
Matthew 6:19 in Limbu 19 “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥
Matthew 19:21 in Limbu 21 ये़सुरे़ मे़त्तु, “खे़ने़ॽ से़क्खाए कुलिङ्धो के़प्मा निङ्वाॽ के़जोगुने़ फाॽग्र पेगे़ॽआङ् के़गत्तुबान्के़रे़क् सङ्घे़देःसे़ॽ हे़क्क्याङ् याङ्गे़साॽबाहाॽ पिरे़से़ॽओ॥ हे़क्केलॽरिक् साङ्ग्राम्पेदाङ्ङो याङ्साकुन्धे के़घोःसुॽरो॥ हे़क्क्याङ् फे़रे़ॽआङ् इङ्गाॽ तिम्दाङ्ङे़ॽओ॥”
Luke 10:42 in Limbu 42 कर के़ये़क्पा लक् थिक्लक् वाॽरो, हे़क्क्याङ् मरियमरे़ग खे़न् नुःबा लक्किन्सेगुआङ् वाॽरो॥ खुने़ॽनु खे़न् लक्किन् नाप्मा सुक्मे़दे़त्ने़न्लो॥”
Luke 12:33 in Limbu 33 खिनिॽ के़गत्तुम्बा चिगःक्वाहाॽ सङ्घे़म्मे़ॽआङ् याङ्गे़साॽबाहाॽ पिरे़म्देःसे़म्सिम्मे़ॽओ॥ हे़क्केलॽरिक् आप्फाल्ले़आङ् मे़न्दे़ःङ्मना, मे़न्हङ्मनाबा सुःक्वाओ आप्फाल्ले़आङ् मे़म्मे़क्मनाबा साङ्ग्राम्पेदाङ्ङोबा याङ्साकुन्धेहाॽरे़ थिम्से़म्सिम्मे़ॽओ॥ खे़प्मो के़घुःम्बाहाॽरे़आङ् मे़न्घुःत्तुन्, हे़क्क्याङ् कुबुःल्ले़आङ् मे़जने़न्लो॥
Acts 5:41 in Limbu 41 हे़क्क्याङ् सेःक्युक्मिबाहाॽ ये़जुम्भोलाम् मे़लःन्दे़ मे़बेआङ् आनिगे़ग ये़सुरे़ कुमना पोःक्खिगे़बाल्ले़ चोगुल्ले़ तुक्खे चामा लाॽरिगे़ फाॽआङ् साॽरिक् मे़सःत्ते़रो॥
Acts 21:33 in Limbu 33 खे़न् थक्तुम्बे़न् पेआङ् पावले़न् ते़म्सुआङ् ने़त्छि फे़न्सिक्खिहाॽरे़ इघेःङ्मा पाङ्घुसि॥ हे़क्क्याङ् खे़ल्ले़ खे़प्मो के़वाॽबा मनाहाॽ सेःन्दोसुसि, “कन् मनाःन् हाःत्निबे? हे़क्क्याङ् कल्ले़ थे चोगुआङ् वाॽ?”
Acts 28:20 in Limbu 20 खे़ल्ले़ चोगुल्ले़ए इङ्गाॽ खिनिॽनु तुम्माआङ् थेआङ् आप्तिक् मे़गुःत्ताङ् के़लॽबा पाःन्निन् चे़ङ्मा निङ्वाॽ चोगुङ्ङाङ् कप्मो त्ये़म्मे़ॽ फाॽआङ् उःत्निङ्बारो॥ इस्राइलिहाॽरे़ ताः के़लॽबा निङ्साङ् मे़जोगुबा माङ्थुक्पे़न्नसाःन् चोगुङ्बाल्ले़ चोगुल्ले़ इङ्गाॽ आइन् कन् इघेःङ्ङो थ्याङ्ङाङ् वाॽआरो॥”
2 Corinthians 5:1 in Limbu 1 आल्ल आनिॽ आवाॽबा कन् नासिङ्गे़न् थक्किङ्ग बा कन् इक्साओबा साःङ्गाहिम् कुइसिःक् चोःक्लो॥ कन् साःङ्गाहिम्मिन् यःल्ले़ मना हुक्किल्ले़ मे़ःन्, कर निङ्वाॽफुमाङ्ङिल्ले़ चोगु आबिरे़बा मे़न्नुप्मनाबा हिम्मिन् साङ्ग्राम्पेदाङ्ङो वाॽरो॥
Ephesians 3:1 in Limbu 1 हे़क्केःल्ले़ इङ्गाॽ पावलरे़ खिनिॽ थिम्मे़न्दङ् सुवाङ्हाॽओ ख्रिस्त ये़सुरे़ कुयाःम्बेओ सुनाइङ् से़ःसुङ्बाल्ले़ चोगुल्ले़ पुङ्लाहिम्मो साक्पा थ्याङ्बारो॥
Ephesians 4:1 in Limbu 1 ख्रिस्त ये़सुरे़ कुयाःम्बेओ इङ्भोःसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाःबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥
Ephesians 6:20 in Limbu 20 सुनाइङ्ङिन् से़ःसुङ्बाल्ले़ चोगुल्ले़ इङ्गाॽ इघेःङ्ङो के़धाःबा हाङ्लाइङ्बाआरो॥ हे़क्क्याङ् इङ्गाॽ चोःक्मा के़बोःङ्बा हे़क्केए मे़ङ्गि मे़न्यङ्ङे सुनाइङ् इङ्भोःसुङ्ल फाॽआङ् तुवा आजोगे़ॽ आबिरे़ॽओ॥
Philippians 1:7 in Limbu 7 खिनिॽ याःम्बेओ हे़क्केलॽरिक् निङ्वाॽ इःत्तुङ्बान् लाॽरुॽ, थेआङ्भे़ल्ले़ खिनिॽ साॽरिक् लुङ्माॽ तुक्निङ्ङाङ् वाॽ हे़क्क्याङ् पुङ्लाहिम्मो याक्कासाङ्, सुनाइङ्ङिल्ले़न् से़क्खाःन् ताङ्से़ःप्तुङ्साङ् इग्र सुनाइङ्ङिन् इङ्भोःसुङ्साङ्, खिनिॽ इङ्गाॽनु सोरिक् निङ्वाॽफुमाङ्ङिल्ले़ कुलुङ्गुम्मिल्ले़न् लक् के़घोःबा के़बोःक्खिॽरो॥
Colossians 1:5 in Limbu 5 थेआङ्भे़ल्ले़ खिनिॽ थे निङ्साङ् के़जोगुम्माङ् के़वयिॽ खे़न् साङ्ग्राम्पेदाङ्ङो नुःरिक्काङ् याङ्घोःत्ते़आङ्वाॽरो॥ तगि खिनिॽ से़क्खाबा पाःन्जाक्किन् के़घे़प्सुम्माङ् के़वयिल्ले़सा कन् निङ्साङ्ङिल्ले़ कुयाःम्बेओ के़घे़प्सुम्माङ् के़वयि॥ खे़ङ्ग सुनाइङ्ङिन्नेरो॥
Colossians 3:2 in Limbu 2 कप्मो इक्सादिङ् खाम्बेःक्मोबा पाःन्हाॽरक् मे़इःत्ते़म्मिन्ने़ॽओ, कर साङ्ग्राम्पेदाङ्ङोबा पाःन्हाॽओ निङ्वाॽ पिरे़म्मे़ॽओ॥
1 Timothy 6:19 in Limbu 19 अक्खेलॽरिक् खे़ङ्हाॽरे़ ताये़म्मिल्ले़न् ने़म्भोगे़न् पाङ्यक् मे़युक्खुररो॥ हे़क्क्याङ् खे़ङ्हाॽरे़ से़क्खाबा हिङ्मन्निन् मे़दे़म्सु मे़युक्खुररो॥
2 Timothy 1:16 in Limbu 16 दाङ्बाल्ले़ हाराॽ ओनेसिफोरसरे़ कुहिम्सयङ्ङिन् लुङ्माॽ तुक्तुररो, थेआङ्भे़ल्ले़ इङ्गाॽ पुङ्लाहिम्मो वयाङ्ङिल्ले़ खुने़ॽ यरिक् ले़ङ् हाङ्हाङ् मे़त्छे़ आदुम्से़ ताःमा मे़नुःन्दे़न्,
2 Timothy 2:9 in Limbu 9 बा खे़न् सुनाइङ्ङिन् इङ्गाॽ इङ्भोःसुङ्बाल्ले़ चोगुल्ले़ तुक्खे चाआर वाॽआ, हे़क्क्याङ् कुभाङ्के़भेःम्बा कुइसिःक्काङ् इघेःङ्ङो थाःआरो॥ कर निङ्वाॽफु पाःन्जाक्किङ्ग आप्फाल्ले़आङ् इघेःङ्ङो मे़धाने़न्लो॥
2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
Hebrews 11:16 in Limbu 16 कर खे़ङ्हाॽरे़ग खे़न्नुःल्ले़आङ् नुःबाग साङ्ग्राम्पेदाङ्बा लाजेॽइन्खोःमा साॽरिक् निङ्वाॽ मे़जोगुरो॥ खे़ल्ले़ चोगुल्ले़ निङ्वाॽफुमाङ्ङिल्ले़ खिनिॽ निङ्वाॽफुमाङ्आ पाःप्मा खे़ङ्हाॽनु सिरिङ् मे़मये़न्नाङ् खुनिॽ लागि नुःबा ये़क्यक्थिक् यारिप् चोगु पिरुसिआङ् वाॽरो॥
Hebrews 13:3 in Limbu 3 खिनिॽआङ् पुङ्लाहिम्मो साक्पा के़ध्ये़ॽइआङ् के़वयिबा कुइसिःक्के पुङ्लाहिम्मो के़याक्पाहाॽ निङ्वाॽ इःत्ते़म्सिम्मे़ॽओ, हे़क्क्याङ् खिनिॽ आबाङे नासिङ्गे़न् थक्को इनोगे़न् तुक्खे के़ज्ये़ॽइआङ् के़वयिबा हे़क्के इःत्ते़म्मे़ॽआङ् ताप्फे़ःल्लिक् मे़मे़त्तुसिबाहाॽ लुङ्माॽ तुक्ते़म्सिम्मे़ॽओ॥
James 1:2 in Limbu 2 आमिःम् फुॽनुसाॽ नु ने़ॽनुसाॽसे, खिनिॽ काक् परिक्ले़न् इनोगे़न् तुक्खेओ के़ध्ये़ॽइल्ले़ खे़ङ्ग साॽरिक् सःप्मनाबा पाःन्लो फाॽआङ् इःत्ते़म्मे़ॽओ,
1 Peter 1:4 in Limbu 4 हे़क्क्याङ् निङ्वाॽफुमाङ्ङिल्ले़ साङ्ग्राम्पेदाङ्ङो आप्फाल्ले़आङ् आसुत्थो मे़म्बोःङ्मना, इमे़ल्ले़म्मना मे़म्बेःक्मनाबा नु मे़न्यःप्मना मे़न्गिःमना इमे़ल्लुङ्बा लक् आनिॽ लागि युक्खुआङ् वाॽरो॥
1 John 3:2 in Limbu 2 आमिःम् आन्जुम्से, आल्लो आनिॽग निङ्वाॽफुमाङ्ङिल्ले़ कुस्साःसिरो॥ हे़क्केसाङ् थे आबोःङ् फाॽआङ् नुःरिक्काङ् मे़न्धाःप्पे वाॽरो॥ कर ख्रिस्ते़न्नुःङ् युःल्ले़ आनिॽग खुने़ॽ कुइसिःक्के आबोःङ्, थेआङ्भे़ल्ले़ खे़न् ये़म्मो खुने़ॽ आक्तङ्बा चोःक् हे़क्तङ्बाए आनिःसुम्लो॥