Hebrews 10:25 in Limbu 25 कुभा नसानिबाहाॽरे़ सोरिक् चुम्मा ये़प्ले़क् मे़ङ्गत्तुन्, कर आनिॽग सोरिक् चुम्मा ले़रुम् मे़ःन्लो॥ कर दाङ्बाल्ले़ कुयुःमा ये़न्निन् निःत्ताङ् तार पप्पा खिनिॽ के़निःसुम्बाल्ले़ चोगुल्ले़ आल्लसाङ् यरिक् हाङ्हाङ् मे़त्तासिॽरो॥
Other Translations King James Version (KJV) Not forsaking the assembling of ourselves together, as the manner of some is; but exhorting one another: and so much the more, as ye see the day approaching.
American Standard Version (ASV) not forsaking our own assembling together, as the custom of some is, but exhorting `one another'; and so much the more, as ye see the day drawing nigh.
Bible in Basic English (BBE) Not giving up our meetings, as is the way of some, but keeping one another strong in faith; and all the more because you see the day coming near.
Darby English Bible (DBY) not forsaking the assembling of ourselves together, as the custom [is] with some; but encouraging [one another], and by so much the more as ye see the day drawing near.
World English Bible (WEB) not forsaking our own assembling together, as the custom of some is, but exhorting one another; and so much the more, as you see the Day approaching.
Young's Literal Translation (YLT) not forsaking the assembling of ourselves together, as a custom of certain `is', but exhorting, and so much the more as ye see the day coming nigh.
Cross Reference Matthew 18:20 in Limbu 20 थेआङ्भे़ल्ले़ ने़प्फु इग्र सुम्भु मनाहाॽ इङ्गाॽ आमिङ्ङो मे़जुम्मिल्ले़, इङ्गाॽ खुनिॽ लुम्मो वाॽआरो॥”
Matthew 24:33 in Limbu 33 हे़क्केलॽरिक्के इङ्गाॽ पाःत्तुङ्बा कन् के़रे़क् पाःन्हाॽ के़त्ल पेःक्पा के़निःसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ्के़निःत्तुम्लो॥
Mark 13:29 in Limbu 29 हे़क्केलॽरिक्के इङ्गाॽ पाःत्तुङ्बा कन् काक् पाःन्हाॽ के़त्ल पेःक्पा के़निःसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ्के़निःत्तुम्लो॥
John 20:19 in Limbu 19 बा खे़न् ते़ने़बाल्ले़ युःन्छिक् हुॽसाम्बाहाॽरे़ यहुदिहाॽ मे़गिरुसिआङ् हिम्सिगाङ् मे़सुम्सिङ्, हे़क्क्याङ्लाम्धेःप्पे़न्मे़ए़त्तुआङ् मे़युङे़ल्ले़ ये़सुःन् खुनिॽ लुम्मो थाःम्सिङ्ल अक्खे मे़त्तुसि, “सनारुङ् के़घोःसुम्लरो!”
Acts 1:13 in Limbu 13 ये़क्यक्को मे़लाःसे़आङ् खे़ङ्हाॽ मे़यागे़बा थाःङ्स्मा याक्फाओ मे़लाःसे़॥ खे़प्मो पत्रुस, युहुन्ना, याकुब, आन्द्रियास, फिलिप, थोमा, बारथोलोमाइ, मत्ति, अल्फायसरे़ कुस्साः याकुब, हाङ्बिफ्युङ् के़जोःक्पा सिमोन हे़क्क्याङ् याकुबरे़ कुस्साः यहुदा मे़वये़रो॥
Acts 2:1 in Limbu 1 पे़न्तिकोस तङ्नाम्मो यरुसले़म्मो नसानिबाहाॽ थिक् ते़न्नो मे़जुप्से़आङ् मे़वये़॥
Acts 2:42 in Limbu 42 हे़क्क्याङ् खे़ङ्हाॽ सेःक्युक्मिबाहाॽरे़ खुनिॽ निसाम्मिन् नु सेसे तङ्जुम्मो, हे़क्क्याङ् तुवा चोःक्मा नु मिःम् साभाङ्जा चामाओ चक्मे़ल्लॽए मे़बत्छे़रो॥
Acts 16:16 in Limbu 16 थिक्ये़न् आनिगे़ तुवा चोःक्मादे़न्नो पेःक्मनार पप्मनाःल्ले़ फे़न्साम्मिल्ले़ याङ्घुमा योःक्माधिक् तुम्ना॥ खे़ल्ले़ खाइगुआङ्कुन्दाङ्बाहाॽ यरिक् याङ् थगु पिरुसिर वये़रो॥
Acts 20:7 in Limbu 7 हे़क्क्याङ् ते़ने़बा ये़न्निल्ले़न् युःन्छिक् आनिगे़ नसानिबा फुॽनुसाॽहाॽनु दाङ्बाल्ले़न् साभाङ्जा चामा फाॽआङ् सोरिक् चुम्मनारो॥ कन् नसानिबा फुॽनुसाॽहाॽनु पावले़न् से़त्लुम्भक्ते़र थारिक् पारे़, थेआङ्भे़ल्ले़ खुने़ॽग कुनाम्दाःप्मा खे़प्मोलाम् के़बेःक्पा वये़रो॥
Romans 12:8 in Limbu 8 मनाहाॽ हाङ्हाङ् मे़प्मासि पर्धाःम् के़गप्पाल्ले़ हाराॽ हाङ्हाङ् मे़त्तुसिर, मनाहाॽ फाॽमा पर्धाःम् के़गप्पाल्ले़ हाराॽ कुनिङ्वाॽ हन्दुआङ् फाॽरुसिर, लाम्लोःबा पोःङ्मा पर्धाःम् के़गप्पाल्ले़ हाराॽ निङ्वाॽ पिरुआङ् मनाहाॽ लाम्लोसुसिर, मनाहाॽ लुङ्माॽ तुक्मा पर्धाःम् के़गप्पाल्ले़ हाराॽ पसःत्सःत्ल लुङ्माॽ तुक्तुसिररो॥
Romans 13:11 in Limbu 11 कन् के़रे़क् पाःन्हाॽ चोगे़म्मे़ॽ, थेआङ्भे़ल्ले़ आल्लोबा ये़म्मिन् आक्तङ्बा चोःक् फाॽआङ् के़निःसुम्लो॥ आल्ल आनिॽ मिक् युःमोलाम् सोःमाआङ् पोःक्मा ये़म् के़रे़आङ् वाॽ, थेआङ्भे़ल्ले़ तगि नसाःन् आजोगुम्बा ये़म्मिन्नुःल्ले़आङ् कुमनाहाॽ ताङ्से़ःप्से़ दाङ्बाल्ले़ कुनुःङ्मा युःमा ये़म्मिन् आल्लो निःत्ताङ् वाॽ॥
1 Corinthians 3:13 in Limbu 13 खुने़ॽ कुयाःम्बक्किन् आक्तङ्बा चोःक् फाॽआङ् खे़न् खासे़न् ये़न्नो ओसेःन्दाङ् पोःङ्लो, हे़क्क्याङ् के़रे़क्ले़ खुनिॽ याःम्बक्किन् से़क्खाबा चोःक्पि मे़ःम्बि फाॽआङ् मिःल्ले़ए साॽरुरो॥
1 Corinthians 5:4 in Limbu 4 आनिॽ दाङ्बा ये़सुरे़ कुमिङ्ङो सेसेहुप्लक्को खिनिॽ के़जुप्सिल्ले़ खिनिॽनु इङ्गाॽ आनिङ्वाॽइन्दाङ्बा ये़सुरे़ कुमुक्साम्मिन्नु वाॽइल्ले़,
1 Corinthians 11:17 in Limbu 17 आल्ल कन् इङ्जाःङ्ङिन् खिनिॽ पिनिङ्ङिल्ले़ खिनिॽ नारा मे़भोःसुङ्ङिन्लो, थेआङ्भे़ल्ले़ खिनिॽग सेसेहुप्लक्को के़जुप्सिल्ले़ नुःबा पाःन् मे़ःन्, कर ताप्फे़ःम्बा पाःन्निन् के़जोगुम्लो॥
1 Corinthians 11:20 in Limbu 20 खिनिॽ सोरिक् के़जुप्सिआङ् के़जाम् के़धुङुम्बाङ्ग दाङ्बाल्ले़न् साभाङ्जा मे़ःन्लो॥
1 Corinthians 14:3 in Limbu 3 कर माङ्निङ्वाॽपाःन् के़बाःप्पाल्ले़ग मे़न्छाम् याप्मिहाॽ के़धुम्बा चोःक्मा, हाङ्हाङ् मे़प्मा हे़क्क्याङ् सक्मा याक्मा याःम्बक् चोगुरो॥
1 Corinthians 14:23 in Limbu 23 खे़ल्ले़ चोगुल्ले़ सेसेहुप्लक्को के़जुप्सिल्ले़ के़रे़क् वेॽ पाःन्दाङ्ङो के़बारिने़ फाॽग्र खे़प्मो पाःन् कुसिङ् मे़न्निःप्मनाबाहाॽ इग्र नसाःन् मे़न्जोःक्मनाबाहाॽ मे़दाःल्ले़ थेआङ् कुसिङ्मे़निःत्तुन्नाङ् खिनिॽ के़रे़क् के़नाक्खि के़बिगिॽ लॽरिक् मे़म्बाःत्तुन्बि?
Philippians 4:5 in Limbu 5 खिनिॽ सुम्सुम् लॽमाङ्ग वेॽ के़रे़क्ले़ मे़निःसुररो॥ दाङ्बाङ्ग निःत्ताङ्ङे वाॽरो॥
1 Thessalonians 4:18 in Limbu 18 कन् पाःन्हाॽलाम्बा हाङ्हाङ् मे़त्तासिम्मे़ॽओ॥
1 Thessalonians 5:11 in Limbu 11 खे़ल्ले़ चोगुल्ले़ आनिॽ हाङ्हाङ् मे़त्तासि, के़धुम्बा चोःक्कासिरो॥ से़क्खाःल्ले़ बा हे़क्केए के़जोगुम्ल के़वयिॽरो॥
Hebrews 3:13 in Limbu 13 “आइन्” वाॽर थारिक् खिनिॽग थिक्याःन्धक् हाङ्हाङ् मे़त्छिङ्ङे़म्मे़ॽ हे़क्केलॽरिक् लायोःल्ले़ कुइङ्ले़क्को के़न्ध्ये़ॽइन्ल हे़क्क्याङ् खिनिॽ निङ्वाॽइन्मे़धःप्सुन्लरो॥
Hebrews 10:24 in Limbu 24 आल्ल आनिॽ लुम्मो लुङ्माॽ तुक्सिङ्मा नु नुःबा याःम्बक् चोःक्माओ हाङ्हाङ् मे़त्छिङ्मा आक्खेआङ् आसुक्तुम् खे़न् पाःन्निन् निङ्वाॽ इःत्तुम्लो॥
James 5:8 in Limbu 8 हे़क्केलॽरिक्के खिनिॽआङ् नासि के़धःप्पा नु निङ्साङ् के़जोःक्पा पोःक्खे़म्मे़ॽओ, थेआङ्भे़ल्ले़ दाङ्बाल्ले़ कुयुःमा ये़म्मिङ्ग निःत्ताङ्ङे वाॽरो॥
1 Peter 4:7 in Limbu 7 काक् पाःन्हाॽरे़ कुनुप्मान् निःत्ताङ्ङे त्ये़आङ् वाॽरो॥ खे़ल्ले़ चोगुल्ले़ खिनिॽ तुवा चोःक्मा के़सुक्तिर फाॽआङ् सेसे निङ्वाॽ नु चाङ्जाङ्ङाङ् वये़म्मे़ॽओ॥
2 Peter 3:9 in Limbu 9 कुभा मनाहाॽरे़ मे़इःत्तुबा कुइसिःक् दाङ्बाल्ले़ कुनुःङ्मा युःमा माङ्हे़क्किन्के़प्मा मे़सुःने़न्लो, कर खुने़ॽ नासि थःत्तुर खिनिॽ के़हाङ्घिर वाॽरो॥ खिनिॽ लायोलाम् के़हिन्दिआङ् आत्तिन्हाॽआङ्के़म्मे़गिन्ल के़लॽबा खुने़ॽ निङ्वाॽ चोगुरो॥
2 Peter 3:11 in Limbu 11 हे़क्केलॽरिक् काक् पाःन्हाॽ मे़क्पाल्ले़ चोगुल्ले़ खिनिॽग सेसेबा नु साम्योनिबा हिङ्मन्नो वाॽमा पोःङ्लो॥
2 Peter 3:14 in Limbu 14 खे़ल्ले़ चोगुल्ले़ आमिःम् आन्जुम्से, कन् पाःन्हाॽ निङ्साङ् के़जोगुम्माङ् के़हाङ्घुम्बाल्ले़ चोगुल्ले़ सुत्थो नु सेसेबा हिङ्मन्नो हे़क्क्याङ् निङ्वाॽफुमाङ्ङिन्नु सनारुङ्ङो वाॽमा खिनिॽ सुक्सुक् निङ्वाॽ चोगे़म्मे़ॽओ॥
Jude 1:19 in Limbu 19 बा कन् मनाहाॽरे़ए खिनिॽ लुम्मो खे़माॽ मे़भोःक्खुआङ् के़म्से़न्दिॽरो॥ खे़न् सेसेमाङ् मे़ःन्नेबा मनाहाॽरे़ कन् हिङ्मन्नोबा याम्निङ्वाॽ पाःन्हाॽओरक् निङ्वाॽ मे़बिरुॽ,