Colossians 3:16 in Limbu 16 हाराॽ ख्रिस्तरे़ कुबाःन्जाक्किल्ले़ खिनिॽ सिक्लुङ्मान् तिम्माङ्वाॽररो॥ खिनिॽ बा कन् पाःन्जाक्किल्ले़ हुॽआसिम्मे़ॽ, हे़क्क्याङ् काक् सिक्कुम्दिङ् निङ्वाॽओ सुजा पिआसिम्मे़ॽओ॥ हे़क्क्याङ् सेवा चोःक्मा साम्लोहाॽ, याम्साम्गे़न्साम्लोहाॽ नु सेसेमाङ्लाम् के़दाःबा साम्लोहाॽ साम्गे़मे़त्तुम्मिल्ले़ खिनिॽ सिक्लुङ्मोनुए निङ्वाॽफुमाङ्ङिन् नोगे़न् पिरे़म्मे़ॽओ॥
Other Translations King James Version (KJV) Let the word of Christ dwell in you richly in all wisdom; teaching and admonishing one another in psalms and hymns and spiritual songs, singing with grace in your hearts to the Lord.
American Standard Version (ASV) Let the word of Christ dwell in you richly; in all wisdom teaching and admonishing one another with psalms `and' hymns `and' spiritual songs, singing with grace in your hearts unto God.
Bible in Basic English (BBE) Let the word of Christ be in you in all wealth of wisdom; teaching and helping one another with songs of praise and holy words, making melody to God with grace in your hearts.
Darby English Bible (DBY) Let the word of the Christ dwell in you richly, in all wisdom teaching and admonishing one another, in psalms, hymns, spiritual songs, singing with grace in your hearts to God.
World English Bible (WEB) Let the word of Christ dwell in you richly; in all wisdom teaching and admonishing one another with psalms, hymns, and spiritual songs, singing with grace in your heart to the Lord.
Young's Literal Translation (YLT) Let the word of Christ dwell in you richly, in all wisdom, teaching and admonishing each other, in psalms, and hymns, and spiritual songs, in grace singing in your hearts to the Lord;
Cross Reference Matthew 26:30 in Limbu 30 हे़क्क्याङ् खे़ङ्हाॽरे़ माङ्सेवा साम्लो साम्मे़लोरे़आङ् जैतुन कोःक्माओ मे़बेरो॥
Luke 2:51 in Limbu 51 हे़क्क्याङ् खुने़ॽ कुम्बा कुम्मासिनु नासरतओ पे॥ खुने़ॽग कुम्बा कुम्मासिरे़ खुन्छिॽ पाःन् के़घे़म्बा वये़॥ कुम्मारे़ कन् के़रे़क् पाःन्हाॽ कुनिङ्वाॽ सिगाङ् युक्खुरो॥
John 5:39 in Limbu 39 खिनिॽग साम्योसाप्लाःन् नुःरिक्काङ् के़निःरुम्लो थेआङ्भे़ल्ले़ खे़प्मोलाम् मे़न्नुप्मनाबा हिङ्मन् खोःसुम्बे़ फाॽआङ् निङ्वाॽ के़इःत्तुम्, कर खे़न् साम्योसाप्लाःल्ले़ए इङ्गाॽ आयाःम्बेओ तोःन्दि के़बिरिॽरो॥
John 15:7 in Limbu 7 खिनिॽ इङ्गाॽओ हे़क्क्याङ् आबाःन्जाक्किन् खिनिॽओ वाॽने़ फाॽग्र खिनिॽ सिराॽ के़धाङ्बा पाःन्हाॽ थे के़नाःक्तुम्साङ् खिनिॽ के़घोःसुम्लो॥
Romans 10:17 in Limbu 17 हे़क्केलॽरिक् नसाःन्निङ्ग खे़म्मनाबालाम्बा ताःरो, हे़क्क्याङ् खे़न् खे़म्मनाबाङ्ग ख्रिस्तरे़ कुयाःम्बेओबा पाःन्जाक्लाम् ताःरो॥
Romans 15:14 in Limbu 14 आमिःम् फुॽनुसाॽ नु ने़ॽनुसाॽसे, खिनिॽग वेॽहाॽ नुःरिक् के़मे़प्पा के़बोःक्खिआङ् के़वयिॽ, हे़क्क्याङ् यरिक् ने़हिनिङ्वाॽ के़गप्पा के़बोःक्खिआङ् वेॽहाॽ हुॽमा के़सुक्पा के़बोःक्खिआङ् के़वयिॽ के़लॽबा पाःन्नो इङ्गाॽ निस्से पोःक्खाङ्ङाङ् वाॽआरो॥
1 Corinthians 14:15 in Limbu 15 आल्ल आक्खे चोगुङ्बाबे? इङ्गाॽ याम्साम्मिल्ले़ तुवा चोःक्का, कर आनिङ्वाॽइल्ले़आङ् तुवा चोःक्कारो॥ इङ्गाॽ याम्साम्मिल्ले़ साम्लोआ, कर इङ्गाॽ आनिङ्वाॽइल्ले़आङ् साम्लोआरो॥
1 Corinthians 14:26 in Limbu 26 फुॽनुसाॽ नु ने़ॽनुसाॽसे, आल्ल इङ्गाॽ अक्खे पाःत्तुङ्लो॥ खिनिॽ सेसेहुप्लक्को के़जुप्सिल्ले़ लत्थिक्किल्ले़ साम्लो कत्तुॽ, वेॽस्माल्ले़ निसाम् कत्तुॽ, वेॽस्माल्ले़ निङ्वाॽफुमाङ्ङिल्ले़ पिरुबा ओसेःन्दाङ् पाःन् कत्तुॽ, वेॽस्माल्ले़ वेॽ पाःन्दाङ् कत्तुॽ हे़क्क्याङ् वेॽस्माल्ले़ वेॽ पाःन्दाङ्ङिन् पाःन्ले़ङ्मा पर्धाःम् कत्तुॽरो॥ कन् के़रे़क् पाःन्हाॽ सेसेहुप्लक्किन् थोबो चोःक्मा फाॽआङ् ओगप् चोःक्मा पोःङ्लो॥
Ephesians 1:17 in Limbu 17 आनिॽ दाङ्बा ये़सु ख्रिस्तरे़ मिमिदिङ्गे़न् कुम्बा निङ्वाॽफुमाङ्ङिल्ले़ खुने़ॽ कुयाःम्बेओ नुःरिक्काङ् कुसिङ् निःप्मारे़ लागि सिक्कुम्दिङ् निङ्वाॽ के़बिबा नु निङ्वाॽफुमाङ्ङिन् ओसेःन्दाङ् के़जोःक्पा सेसेमाङ्ङिन् के़बिरिर फाॽआङ् तुवा चोःक्कारो॥
Ephesians 5:17 in Limbu 17 खे़ल्ले़ चोगुल्ले़ अदङ् मे़बोःक्खे़म्मिन्ने़ॽ, कर दाङ्बाल्ले़ कुनिङ्वाॽइन्कुसिङ् निःत्ते़म्मे़ॽआङ् चोगे़म्मे़ॽ॥
Ephesians 5:19 in Limbu 19 खिनिॽ लुम्मो निङ्वाॽफु साम्लोहाॽ, सेवासाम्लोहाॽ हे़क्क्याङ् याम्साम्गे़न् साम्लोहाॽओ पारे़म्मे़ॽआङ् सिक्लुङ्मोलाम्बा कुसागे़नुॽबा इक्लाःल्ले़ दाङ्बान् साम्मे़त्ते़म्मे़ॽओ॥
Colossians 1:9 in Limbu 9 खे़ल्ले़ चोगुल्ले़ खिनिॽ याःम्बेओ आनिगे़ खे़प्सुम्बे़आङ्धोए खिनिॽ लागि चक्मे़ल्लॽए तुवा चोगुम्बे़रो॥ सिक्कुम्दिङ् निङ्वाॽ नु इःत्छिङ्साम्लाम् निङ्वाॽफुमाङ्ङिल्ले़ साम्जिक्गे़न् कुनिङ्वाॽइल्ले़ खिनिॽ के़धिम्सिर फाॽआङ् तुवा चोगुम्बे़रो॥
Colossians 1:28 in Limbu 28 खे़ल्ले़ चोगुल्ले़ आत्ति पिगिगे़ॽसाङ् काक् मनाहाॽ ख्रिस्तरे़ कुयाःम्बेओ इङ्भोःसुम्सिम्बे़ॽरो॥ खे़ङ्हाॽ निङ्वाॽफुमाङ्ङिल्ले़ पिरिगे़बा काक् सिक्कुम्मिल्ले़ साम्दिङ् नु खाहुन् पिरुम्सिम्बे़ॽ, थेआङ्भे़ल्ले़ ख्रिस्ते़न्नु थिक्हुप् पोःङ्मान् कुलिङ्धो के़त्ल लॽरिक् निङ्वाॽफुमाङ्ङो काक् मे़न्छाम् याप्मिहाॽ तोःम्मासि आनिगे़ निङ्वाॽ कत्तुम्बे़रो॥
Colossians 4:6 in Limbu 6 हाराॽ युम्मिल्ले़ कुजाःन् कुजागे़नुॽबा चोगुबा कुइसिःक् खिनिॽ पाःन्छेःक्वाःन् लुङ्गुम् कुधिम्बा नु कुघे़म् के़नुॽबा पोःङ्लरो, हे़क्केलॽरिक् वेॽहाॽ के़रे़क् नुःबा नोगप् पिमा के़सुक्तुम्सिम्लो॥
1 Thessalonians 4:18 in Limbu 18 कन् पाःन्हाॽलाम्बा हाङ्हाङ् मे़त्तासिम्मे़ॽओ॥
1 Thessalonians 5:11 in Limbu 11 खे़ल्ले़ चोगुल्ले़ आनिॽ हाङ्हाङ् मे़त्तासि, के़धुम्बा चोःक्कासिरो॥ से़क्खाःल्ले़ बा हे़क्केए के़जोगुम्ल के़वयिॽरो॥
2 Thessalonians 3:15 in Limbu 15 हे़क्केसाङ् खे़न् निङ्मि हे़क्केग मे़ःन्, कर आबाङे फुॽनुसाॽ कुइसिःक् इःत्ते़म्मे़ॽर साम्दिङ् पिरे़म्मे़ॽओ॥
1 Timothy 6:17 in Limbu 17 कन् इक्सादिङ् खाम्बेःक्मोबा याङ्साकुन्धेसाबाहाॽ अक्खेलॽरिक् इङ्जाःङ् पिरे़से़ॽ–खे़ङ्हाॽ आङ्दिङ् मे़न्लॽने़न्लरो, हे़क्क्याङ् खुनिॽ निङ्साङ्ङिन् चप्ले़क्वा याङ्साकुन्धेओ मे़ःन्, कर निङ्वाॽफुमाङ्ङो मे़युक्खुररो॥ खुने़ॽए आनिॽ निङ्वाॽ तार फाॽआङ् कुनिङ्वाॽ हन्दुआङ् काक् आबिॽरो॥
2 Timothy 3:15 in Limbu 15 खे़ने़ॽ के़जुःक्ते़आङ्धो नुःरिक्काङ् सेसे साम्योसाप्ला के़ले़स्सुआङ् के़वाॽरो॥ बा कन् पाःन्हाॽओलाम् ख्रिस्त ये़सुःन्नसाःन् चोःक्मा खोगे़दे़प्पा से़न्लप्रे़न्सिक्कुम्दिङ् निङ्वाॽइन्के़घोःसुॽरो॥
Titus 3:6 in Limbu 6 हे़क्केलॽरिक् निङ्वाॽफुमाङ्ङिल्ले़ कुनिङ्वाॽ हन्दुआङ् आनिॽ से़न्लप्दाङ्बा ये़सु ख्रिस्तलाम् सेसेमाङ्ङिन् आनिॽओ पाङ्घु
Hebrews 4:12 in Limbu 12 निङ्वाॽफु पाःन्जाक्किङ्ग कुहिङ्वे़त् नु चोःक्साम्बा चोःक्लो॥ खे़ङ्ग ने़प्जाङ् ले़प्माङ् कुया के़बप्पा खागे़सुक्पा ताभेःन्नुःल्ले़आङ् खागे़सुक्पा चोःक्लो॥ खे़ल्ले़ सक्मासाम्मिन्नु याम्साम्मिन् से़न्दुॽ हे़क्क्याङ् ये़प्पाल्ले़ कुदुम्बे़ॽ नु कुसिःन् लस्सुआङ् से़न्दुॽ॥ आनिॽ निङ्वाॽसुम्मिन् नु निङ्वाॽ इःप्मान् से़म्मा सुक्तुॽरो॥
Hebrews 12:12 in Limbu 12 खे़ल्ले़ चोगुल्ले़ सोरो के़लॽबा हुक्हाॽ फोःक्खे़म्मे़ॽ हे़क्क्याङ् थे़गक्कक् के़यङ्बा थुङ्बोहाॽ के़धुम्बा चोगे़म्मे़ॽ॥
James 1:5 in Limbu 5 कर खिनिॽ सिक्कुम्दिङ् निङ्वाॽ चाहाबा के़जोगिने़ फाॽग्र निङ्वाॽफुमाङ्ङिन् नाःक्ते़म्मे़ॽ हे़क्क्याङ् खुने़ॽ के़बिरिॽरो, थेआङ्भे़ल्ले़ कुयाःक् मे़ल्ले़ॽए कुनिङ्वाॽ हन्दुआङ् के़नाःक्पाहाॽ के़रे़क् पिरुसिॽरो॥
James 3:17 in Limbu 17 कर थाःङ् साङ्ग्राम्पेदाङ्लाम् के़युःबा सिक्कुम्दिङ् निङ्वाॽइन्काक्नुःल्ले़ तगिग सेसेबा चोःक्, हे़क्क्याङ् सनारुङ्बा, लुम्लुम्बा, वेॽहाॽनु के़दङ्बा, लुङ्दुक्कुधिम्, नुःबा याःम्बक्हाॽरे़ कुधिम्, मना मे़न्छे़म्मनाबा नु नसाःन्साबा चोःक्लो॥
James 5:13 in Limbu 13 खिनिॽओ हाःत् इनोगे़न् तुक्खेओ वाॽबे? हाराॽ खे़ल्ले़ तुवा चोगुररो॥ हाःत् ओमु लॽमाओ वाॽ? हाराॽ खे़ल्ले़ दाङ्बाल्ले़ कुनारा फोःमा साम्लोःन् साम् मे़त्तुररो॥
1 Peter 1:11 in Limbu 11 खे़ङ्हाॽओ के़वाॽबा ख्रिस्तरे़ कुसेसेमाङ्ङिल्ले़ ख्रिस्तरे़ नासि थःप्मा के़बोःङ्बा इनोगे़न् तुक्खेःन् नु याङ्सि के़बोःङ्बा मिमिदिङ्ङिल्ले़ कुयाःम्बेओ तगिसा खे़ङ्हाॽ मे़त्तुसिरो॥ कन् पाःन्हाॽ आक्खेलॽरिक् पोःङ् हे़क्क्याङ् आप्फाल्ले़ पोःङ् फाॽआङ् खे़ङ्हाॽरे़ कुसिङ्निःप्मा निङ्वाॽ मे़जोगुरो॥
1 John 2:14 in Limbu 14 आमिःम् आस्साःसे, पानुदिङ् पाः निङ्वाॽफुमाङ्ङिन् खिनिॽ कुसिङ् के़निःत्तुम्माङ् के़वयिबाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ पानुदिङ् पाःसे, तोलिङ्सोमुआङ्धो के़वाॽबा ख्रिस्ते़न्खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, खिनिॽ के़धुम्बा के़जोगिॽ, निङ्वाॽफु पाःन्जाक्किन् खिनिॽओ वाॽ, हे़क्क्याङ् माफे़न्साम्मिन् के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
1 John 2:24 in Limbu 24 हे़क्केःल्ले़ नसानिबा के़बोःक्खिआङ्धोए के़घे़प्सुम्बा सुनाइङ्ङिन् खिनिॽ सिक्लुङ्मो नुःरिक्काङ् युक्खे़म्मे़ॽओ॥ हे़क्केलॽरिक् के़युक्खुम्ने़ फाॽग्र सदादिङ् पानुदिङ् पाः निङ्वाॽफुमाङ्ङिन्नु हे़क्क्याङ् आबुगे़न् कुस्साःन्नु सोरिक् के़वयिॽरो॥
1 John 2:27 in Limbu 27 कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मे़ःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न्मे़ल्ले़त्ते वये़म्मे़ॽओ॥
2 John 1:2 in Limbu 2 थेआङ्भे़ल्ले़ से़क्खाःङ्ग आनिॽओ वाॽ, हे़क्क्याङ् सदादिङ् आनिॽनुए वाॽरो॥
Revelation 5:9 in Limbu 9 हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
Revelation 14:3 in Limbu 3 खे़ङ्हाॽरे़ निङ्वाॽफुमाङ्ङिल्ले़ कुहाङ्युक्नाःल्ले़न् हे़क्क्याङ् लिसि कुहिङ्वे़त् पाथुङ्साहाॽ नु तुम्लाम्लोःबाहाॽरे़ खुनिॽ तगि कुसङ् साम्लोःन् साम्मे़मे़त्तुबा इङ्गाॽ खे़प्सुङ्लो॥ खे़न् साम्लोःङ्ग इक्सादिङ् खाम्बेःक्मोलाम् थे़ॽमनाबा खे़न् लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽनुःल्ले़ वेॽ आत्तिन्हाॽरे़आङ् हुॽसिङ्मा मे़न्छुक्तुन्लो॥
Revelation 15:3 in Limbu 3 हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसेवारोबा मोसारे़ कुसाम्लो नु मे़ल्लुक्साःल्ले़ कुसाम्लोःन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोःक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुःबा नु से़क्खाबा चोःक्लो॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥