Acts 26:22 in Limbu 22 कर आइन् थारिक् निङ्वाॽफुमाङ्ङिल्ले़ कुभाॽ पिराङ्ङाङ् वाॽआ॥ हे़क्केःल्ले़ए इङ्गाॽ चुक्पा यम्बा के़रे़क्ले़ खुनिॽ तगि ये़प्माआङ् ये़सुरे़ कुयाःम्बेओ तोःन्दि पिमा सुये़म् खोःसुङ्ङाङ् वाॽआरो॥ मोसा हे़क्क्याङ् वेॽ माङ्निङ्वाॽपाःन् के़बाःप्पाहाॽरे़ ताःन्दि पोःङ् लॽरिक् मे़बाःत्तुबान्नाङ्धो, वेॽ थेआङ् इङ्गाॽ मे़म्बाःत्ते वाॽआरो॥
Other Translations King James Version (KJV) Having therefore obtained help of God, I continue unto this day, witnessing both to small and great, saying none other things than those which the prophets and Moses did say should come:
American Standard Version (ASV) Having therefore obtained the help that is from God, I stand unto this day testifying both to small and great, saying nothing but what the prophets and Moses did say should come;
Bible in Basic English (BBE) And so, by God's help, I am here today, witnessing to small and great, saying nothing but what the prophets and Moses said would come about;
Darby English Bible (DBY) Having therefore met with [the] help which is from God, I have stood firm unto this day, witnessing both to small and great, saying nothing else than those things which both the prophets and Moses have said should happen,
World English Bible (WEB) Having therefore obtained the help that is from God, I stand to this day testifying both to small and great, saying nothing but what the prophets and Moses said would happen,
Young's Literal Translation (YLT) `Having obtained, therefore, help from God, till this day, I have stood witnessing both to small and to great, saying nothing besides the things that both the prophets and Moses spake of as about to come,
Cross Reference Matthew 17:4 in Limbu 4 पत्रुसरे़ ये़सुःन् मे़त्तु, “दाङ्बे, आनिॽ कप्मोए वाॽमा नुःबा पोःङ्लो॥ खे़ने़ॽ निङ्वाॽ के़जोगुने़ फाॽग्र सुम्सि याक्साहाॽ चोगुङ्, थिक् खे़ने़ॽइन् हे़क्क्याङ् मोसाःन् नु एलियारे़ खुन्छिॽ लागिआङ् थिक् थिक् चोगुङ्लो॥”
Luke 16:29 in Limbu 29 कर अब्राहामरे़ खे़न् नोगप् पिरु, ‘खे़ङ्हाॽरे़ मोसा नु माङ्निङ्वाॽपाःन् के़बाःप्पाहाॽरे़न् साप्पन्हाॽ मे़गत्तुॽ, हाराॽ खे़न् मे़घे़प्सुनिरो॥’
Luke 24:27 in Limbu 27 हे़क्क्याङ् ये़सुरे़ खे़ङ्हाॽ आबाङे कुयाःम्बेओ मोसारे़ कुसाप्पन्हाॽ हे़क्क्याङ् माङ्निङ्वाॽपाःन् के़बाःप्पाहाॽरे़ खुनिॽ साप्पन्नो थारिक् कुबेःन् पोधक् चोगु पिरुसिरो॥
Luke 24:44 in Limbu 44 हे़क्क्याङ् खुने़ॽ अक्खे पाःत्तु, “इङ्गाॽ खिनिॽनु वयाङ्ङिल्ले़साए मोसारे़ साप्तुबा साम्योथिम् साप्लाओ, माङ्निङ्वाॽपाःन् के़बाःप्पाहाॽरे़ खुनिॽ साप्पन्हाॽओ नु साम्लो सुम् साप्पन्नो इङ्गाॽ आयाःम्बेओ साप्ते़बा के़रे़क् पाःन्हाॽ के़त्लो फाॽआङ् मे़त्निङ्ङाङ् वयाङ्लो॥”
Luke 24:46 in Limbu 46 खे़ङ्हाॽ अक्खे मे़त्तुसि, “निङ्वाॽफुमाङ्ङिल्ले़ सेःन्दुबा ख्रिस्ते़ङ्ग तुक्खे चामाए पोःङ्, हे़क्क्याङ् सिःमाआङ् सुम् ये़न्नो याम्मो हिङ्माए पोःङ् फाॽआङ् साप्ते़आङ् पत्लो॥
John 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ साम्योथिम्मिन् मोसालाम्बा आबिरे़, कर लुङ्गुम्मिन् नु से़क्खाःङ्ग ये़सु ख्रिस्तलाम्बाए त्ये़बारो॥
John 1:45 in Limbu 45 फिलिपरे़ नाथाने़ल्ले़न् तुमुआङ् मे़त्तु, “आनिगे़ग मोसा नु माङ्निङ्वाॽपाःन् के़बाःप्पाहाॽरे़आङ् साम्योसाप्लाओ मे़साप्तुआङ् के़बप्पा युसुफरे़ कुस्साः नासरतबा ये़सुःन् तुमुम्बे़रो॥”
John 3:14 in Limbu 14 इस्राइलिहाॽ ये़ःङ्घादे़न्नो लाम्दिःक् मे़जोगे़ल्ले़ मोसारे़ पित्तोलि असेःक्पे़न्पक्खुबा कुइसिःक्के मे़न्छाम्साःन्नाङ् पङ्लए पोःङ्लो॥
John 5:39 in Limbu 39 खिनिॽग साम्योसाप्लाःन् नुःरिक्काङ् के़निःरुम्लो थेआङ्भे़ल्ले़ खे़प्मोलाम् मे़न्नुप्मनाबा हिङ्मन् खोःसुम्बे़ फाॽआङ् निङ्वाॽ के़इःत्तुम्, कर खे़न् साम्योसाप्लाःल्ले़ए इङ्गाॽ आयाःम्बेओ तोःन्दि के़बिरिॽरो॥
John 5:46 in Limbu 46 से़क्खाए मोसाःन् नसाःन् के़जोगुम्मिल्ले़ग इङ्गाॽ याप्मि नसाःन् के़जोगिबारो, थेआङ्भे़ल्ले़ खे़ल्ले़ आयाःम्बेओ साप्तुआङ् पत्लो॥
Acts 3:21 in Limbu 21 हे़क्क्याङ् निङ्वाॽफुमाङ्ङिल्ले़ तगिनुसाए कुसेसे माङ्निङ्वाॽपाःन् के़बाःप्पाहाॽरे़ मे़बाःत्तुबा कुइसिःक् के़रे़क् पाःन्हाॽ याम्मो कुसङ् मे़न्जोःक्के थारिक् ये़सु ख्रिस्ते़न्साङ्ग्राम्पेदाङ्ङो वाॽमा पोःङ् फाॽआङ् पाःत्तुआङ् वाॽ॥
Acts 10:43 in Limbu 43 काक् माङ्निङ्वाॽपाःन् के़बाःप्पाहाॽरे़ खुने़ॽ कुयाःम्बेओ अक्खेलॽरिक् मे़बाःत्तुआङ् वाॽ, निङ्वाॽफुमाङ्ङिल्ले़ माङ्हुप् चोगुबा हाङ्ङिन् नसाःन् के़जोःक्पा आत्तिल्ले़साङ् खुने़ॽलाम् कुलायोरे़न् ले़प्मि खोःसुरो॥”
Acts 14:19 in Limbu 19 हे़क्क्याङ् कुभा यहुदिहाॽ एन्तिओक नु आइकोनियम्लाम् मे़द्ये़आङ् खे़ङ्हाॽरे़ मनाहाॽ मे़हुसुसिआङ् खुनिॽ ले़प्माङ् मे़जोगुसिआङ् पावले़न् लुङ्ङिल्ले़ मे़ले़प्तु, हे़क्क्याङ् पाङ्जुम् लाःक्कात् मे़उःक्खु मे़देॽरुआङ् खुने़ॽ स्ये़ फाॽआङ् लाप्मे़भुसु॥
Acts 16:25 in Limbu 25 से़त्लुम् फक्ते़र पत्छे़ल्ले़ पावल नु सिलासे़न् तुवा चोगुसिर साम्लोनु निङ्वाॽफुमाङ्ङिल्ले़ कुनारा फोःसे़त्छुर यागे़त्छिरो॥ वेॽ पुङ्लाधाबाहाॽरे़आङ् खे़ङ्हाॽ मे़घे़प्सुसिर मे़युङे़रो॥
Acts 18:9 in Limbu 9 थिक् से़न्दिक् तादिगे़न् से़प्माङ्मो दाङ्बाल्ले़ पावले़न् अक्खे मे़त्तु, “खे़ने़ॽ मे़गिसे़न्ने़ॽओ, कर स्वाःत् मे़वये़न्ने़ॽ, चक्मे़ल्लॽए सुनाइङ् से़ःस्से़ॽर वये़ॽओ!
Acts 20:20 in Limbu 20 हे़क्क्याङ् खिनिॽ निःमा थाःमा के़बोःङ्बा काक् पाःन्हाॽ मे़त्निङ्ङाङ् वयाङ् हे़क्क्याङ् मनालुम्मो इङ्भन् चोःक्मा नु खिनिॽ हिम्हिम् ताक्कम्मार निसाम् हुॽमा इङ्गाॽ चक्मे़ल्लॽए चोगुङ्ङाङ् वयाङ्बाङ्ग खिनिॽ के़निःसुम्माङ्ङे के़वयिॽरो॥
Acts 21:31 in Limbu 31 हे़क्क्याङ् खे़ङ्हाॽरे़ खुने़ॽ से़प्मा मे़गोःत्तुल्ले़ यरुसले़म्मो हयङ्किल्लिङ्के़बोःङ्बार के़बप्पा इङ्घङ्ङिन् रोमि तुरास्मा थक्तुम्बाल्ले़ कुने़क्खोॽओ तोःक्ते़॥
Acts 23:10 in Limbu 10 हे़क्क्याङ् पाःन्धङ्ङिन् पोःरे़र पेबाल्ले़ थक्तुम्बाल्ले़ पावले़न्नाङ् मे़धे़ःक्खु मे़से़रु फाॽआङ् किःसे़रो॥ खे़ल्ले़ चोगुल्ले़ थक्सुबाहाॽ यो पाङ्घुसिआङ् पावले़न् थक्सुबा यक्को थाक्ते़म्मे़ॽ लॽरिक् इङ्जाःङ् पिरुसि, हे़क्क्याङ् खे़ङ्हाॽलाम् पावले़न् साक्के़ल्ले़क्काङ् थक्सुबा यक्को मे़धाक्तुरो॥
Acts 23:16 in Limbu 16 कर पावलरे़ कुल्लाम्साॽइल्ले़ कन् चे़म्फन् मे़जोगुबा पाःन्निन् निङ्वाॽ खोःसुआङ् थक्सुबा यक्को पेआङ् कन् पाःन्हाॽ काक् पावले़न् चे़क्तुरो॥
Acts 24:14 in Limbu 14 करसाङ्, इङ्गाॽग आनिगे़ थाःक्थे़बाहाॽरे़ सेवा मे़जोगुबा निङ्वाॽफुमाङ्ङिन् सेवा चोगुङ्बा पाःन्निन् आदाङ्बारे़ के़दगि ते़न्दिङ् चोगुङ्लो॥ खे़न् इःत्तुङ् नाःत्तुङ्बा ये़सुरे़ कुलाम्मिन्, खे़ङ्हाॽरे़ फोत्याबा मे़मे़त्तुरो॥ मोसारे़ साप्तुबा साम्योथिम् साप्लाओ नु माङ्निङ्वाॽपाःन् के़बाःप्पाहाॽरे़ मे़साप्तुबा साप्पन्नो साप्ते़आङ् के़बप्पा काक् पाःन्हाॽ नसाःन् चोगुङ्लो॥
Acts 26:6 in Limbu 6 निङ्वाॽफुमाङ्ङिल्ले़ आनिॽ थाःक्थे़बाहाॽनु चोगुबा माङ्हे़क्किन्के़त् लॽरिक् निङ्साङ् चोगुङ्बाल्ले़ इङ्गाॽग आइन् कप्मो खासे़न् लोःम्मा ते़न्नो ये़प्पारो॥
Acts 26:17 in Limbu 17 इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’
Acts 28:23 in Limbu 23 हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसाःन् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
Romans 3:21 in Limbu 21 कर आल्ल साम्योथिम् मे़ःन्नेसाङ्निङ्वाॽफुमाङ्ङिल्ले़ मनाहाॽ आप्तिक् मे़ःन्नेबा चोगुसिआङ् वाॽ के़लॽबा लाम्मिन् खोदे़त्ते़आङ् वाॽरो॥ हे़क्क्याङ् खे़न् पाःन्निल्ले़ कुयाःम्बेओ साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुआङ् वाॽरो॥
2 Corinthians 1:8 in Limbu 8 आमिःम् फुॽनुसाॽ नु ने़ॽनुसाॽसे, एसियाबा ते़ङ्गप्पो आनिगे़ तुमुम्बे़बा के़साक्पा इनोगे़न् तुक्खेःन् खिनिॽ निङ्वाॽओ ताःप्मा के़लॽबा निङ्वाॽ चोगुङ्लो॥ खे़न् तुक्खेःङ्ग थम्मा सुक्मे़न्दे़प्मना कुइसिःक् चोगे़, हे़क्केःल्ले़ आनिगे़ हिङिगे़ॽ के़लॽबा निङ्वाॽए मे़न्इःप्मनारो॥
2 Timothy 4:17 in Limbu 17 कर दाङ्बान् इङ्गाॽनु वये़आङ् थिम्मे़न्दङ् सुवाङ्हाॽरे़ सुनाइङ् खे़म्मा मे़घोःसुनि फाॽआङ् सुनाइङ् इङ्भोःमा के़सुक्पा पोःङ्मा थुम् पिराङ्लो॥ दाङ्बाल्ले़ग इङ्गाॽ थे़रिङ्बाल्ले़ कुमुराओलाम्माङ् से़ःप्ताङ्लो॥
Revelation 11:18 in Limbu 18 मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिःबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपाःन् के़बाःप्पा के़सेवारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
Revelation 15:3 in Limbu 3 हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसेवारोबा मोसारे़ कुसाम्लो नु मे़ल्लुक्साःल्ले़ कुसाम्लोःन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोःक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुःबा नु से़क्खाबा चोःक्लो॥
Revelation 20:12 in Limbu 12 हे़क्क्याङ् इङ्गाॽ यम्बा चुक्पा काक् के़सिःबाहाॽ खे़न् हाङ्युक्ना तगि मे़ये़बे़बा निःसुसिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिःबाहाॽरे़ मे़जोगुबा खुनिॽ याःम्बक् कुइसिःक् खुनिॽ खासे़न् पोःक्खे़रो॥